大良鴻輝記

營業中

休息中

這並非合桃糊，而是甜到漏糖水喔食左2啖真心甜到食唔落，無再食，超稀超稀超稀，超死甜超死甜，改名啦！唔好再誤導人叫「合桃糊」，索性叫「爆甜超稀垃圾合桃水」算了曾經的美味只是曾經；曾經的好質素也只是曾經當年就話食落口正，覺得真係好有傳統味，但原來一裝修完，就會變左另一回事囉，不再傳統，連味道都嚴重變質！同埋，我嚴重懷疑係打芡，而唔係合桃糊，真心，因為太難食，我食左2啖後就放左係枱面，過左5分鐘，竟然會再稀左！傻的嗎？？？

傳統中式糖水舖頭買少見少，呢間位置唔算旺，但都仍然吸引到唔少人，你就知佢幾正 上次同朋友食就叫左份腐竹雞蛋糖水同芝麻糊，腐竹雞蛋糖水唔會太甜得黎又好入味，我另外中加左兩粒湯圓,都係3$粒,夠哂抵食。芝麻糊方面亦好有芝麻味,而且仲好濃好香!入面當然仲有好多選擇啦，大部份中式傳統糖水都有,客人仲可以係糖水加蛋，湯圓，薑汁等，一個字，正！

今晚又食吓糖水！同事介紹呢間，又試吓！叫咗至愛嘅，合桃糊加芝麻湯圓，同埋芝麻糊加芝麻湯圓！果然靠得住，油分唔重，芝麻糊味濃，合桃糊味香，唔太甜！芝麻湯圓都ok , 夠煙靭！正👍👍👍

大良通常都係賣甜品，但有一排佢竟然有得食梅菜扣肉，三十幾蚊一碟梅菜扣肉飯，送一碗糖水，已經好抵，鋪頭入面新舊既甜品都有，唔錯！扣肉肥瘦均勻，極之上色，梅菜而且切得碎碎，因為太多油，煮得有膠質感，食落去同食糕無分別，加上汁多，撈到飯，一粒粒都沾上左色，絕對無可挑剔。之後加多個普通既腐竹糖水，清油，正，三個字，講完！

今日食完晚飯經過見到一間舊式格局的糖水鋪，因為本人喜歡中式真功夫糖水多過新式甜品店。所以既時沖埋去睇下到底咩料子。在門外睇下餐排先，以防中伏。睇到正正常常又有招牌芝麻糊就入去試試啦！入面唔大，中規中矩的格局，6張枱左右。同時都有好多人叫不同的糊仲有桑寄生水，咁我都唔諗好快手叫左碗芝麻糊食下。係枱上面有樣野我幾鍾意佢地會講返食咩會對身體有咩好，其實好多人都唔知其實中式糖水本身的好處。呢張紙就一一解答曬，仲可以令自體唔多好既人當補身咁食。芝麻糊好快就到左啦，店內姐姐手腳真快。淨係睇個樣無得唔合格，因為都係黑。但一試第一淡就知出曬事，無味既！食多幾淡試真d，芝麻糊極微，仲帶少少苦味，唔知係芝麻唔靚定咩啦。口感似羹多過糊，水不似水糊不似糊的感覺真係叫人難受。我第一次食細細碗的糖水只係食左一半就想走⋯⋯今次真係中曬伏，仲要話招牌⋯⋯希望佢其他招牌唔係咁啦⋯⋯

與朋友吃完晚飯來到老字號{鴻輝記}吃個宵夜。 這裡的甜品大多是傳統糖水:決定點「大良燉鮮奶」(熱)($19)和「芝麻糊」(熱)($19)。 味道方面沒有令我失望, 暖暖的燉奶吃一口口腔有滿滿奶香, 不會過份甜膩, 不過口感方面則沒想像中那麼細滑那麼入口即溶。在眾多傳統糖水中, 一向最喜歡有助黑髮強身的芝麻糊。 這個石磨芝麻糊有淡淡芝麻香, 不太甜,口感幼滑, 暖暖的喝起來能感覺到健康舒服。{鴻輝記}的傳統糖水價格不貴, 質素雖不算出眾但能體會到店家注重有益健康的用心, 下次有機會再來, 希望嘗嘗看它的綠豆沙。

以我所知這間店已超過十年以上，而他們都是一家人經營的，在荃灣糖水店人氣不比松記差，當然外區客及比較喜歡吃特式糖水的人都不會吃這間小店，是日跟幾個朋友吃完晚飯便去這間小店糖水一番。而且他們都喜歡吃比較全統舊式糖水，小弟亦只吃舊式糖水例如:紅豆沙 綠豆沙 番薯糖水等等。晚上店外通常放幾張桌子（隔離店大部份已落閘)都坐滿人。單看相片已知道綠豆已起晒"沙"，果然入口夠"沙"亦很甜，有很多綠豆跟衣配搭少量海帶味道非常好，如綠豆不起"沙"的話便會失色很多，每次來都必定點一腕綠豆沙品嘗，這麼多年還是沒變。要找間有綠豆沙賣還要好吃的現在很難了。

食過晚飯後，米飯班主想食碗綠豆沙，所以我們就來到傳統糖水老店大良鴻輝記啦～飯後大家都愛食點甜，所以店內己有不少人，還好去到時剛好有客人離開，順利入座～坐定定，見到枱面上有齊多種糖水的功用資料，大家除了可以選擇自己喜歡的糖水，也可以"對症下藥"呀！米飯班主選了他喜歡的海帶綠豆沙($17)，清熱解毒，綠豆煲得綿滑起沙，海帶的份量亦很足，甜度適中，很下火呀！一家之煮選了黑髮強身的芝麻糊($19)，芝麻香氣撲鼻，滑溜之餘帶有一點點咬口，果然是招牌！大胃王點了大良燉鮮奶($19)及冰花燉雞蛋($19)，二者相比，小妹比較喜歡大良燉鮮奶，鮮奶味較重而且較為滑溜，冰花燉雞蛋蛋味重但較為實身，還是滑溜的較得我心呀~~小妹則點了招牌之一的合桃糊($19)~ 合桃味濃，厚身滑溜的，不過甜度高了一點點... 食完美味的，我們也不多坐，快快讓位啦~~

前日(17-1-2015 Sat) 同男友買完o野準備搭車返屋企,行過呢o度至記起,我o地從未食過出名o既呢間,因為時間不合嘛,所以我o地幾飽都好(最多夜晚唔食飯),都要食.我o地入到去,o岩o岩都有位,我就要$17.00o既熱腐竹糖水,男友要$19.00o既熱合桃糊.好快,兩碗都到o黎,我o既腐竹糖水唔算好熱,質地適中,唔太稀,食吓先,嘩!好甜,太甜喇.味道: 2.3分而男友o既熱合桃糊?呢個好熱,可能因為密度高o掛,而佢呢個相對冇咁甜,質地都幾滑,味道都濃. 味道: 5分之後我睇吓有咩o岩爸爸食,買個俾佢.就決定要$21.00o既熱冰糖燉木瓜,外賣要加$1.00.返到屋企打開睇,木瓜都幾多.而呢個我冇試到,亦冇問爸爸o既評價,所以味道分係唔計呢個.抵食係2.5分服務:我o地食完後,就向亞姐order熱冰糖燉木瓜,咁我攞定錢出去就o岩o岩好啦,但一下子佢又太忙,佢就好好禮貌咁叫我等等.

個人特別喜愛傳統中式糖水。在荃灣晚飯後最喜歡去鴻輝記吃糖水，有時候還會外賣給家人，價格公道品質不錯。每次去鴻輝記都嘗試不同糖水，但個人最喜歡鴻輝記的芝麻糊，不會太濃味而且口感剛剛好。鴻輝記的燉蛋及喳咋亦是母親大人的最愛，雖然喳咋的豆豆不是很多，但跟燉蛋一樣不會太甜。父親大人最愛吃綠豆沙，而且要加蛋。之前去過路德圍附近的西式糖水店，綠豆沙加蛋要十元，還是鴻輝記價錢公道。

次次係荃灣食糖水都係路德圍個幾間又多人又迫又悶..成日行開經過..都無入去食..今次終於有機會了!!!入到去好clean好舒服!!!d台同chair都係傳統式的木台哈哈當然叫左招牌燉鮮奶~~一個字..滑!!!就算一直雪住拎返出黎都仲好好水準.入口凍凍的就溶了..好食有一陣陣的奶味..又香又滑!!!!而且都叫做比原定的大碗~~得閒試下呢間..遠離一下路德圍個邊..其實會發現仲有一間好好的糖水店呢~

是甘的，其實我呢啲住九龍既人都差唔多一兩個月就去一次荃灣基本上次次都有經過呢間鋪不過次次唔系食飽飯就系未開門...終於有一次見到生果報介紹於是決定再經過既話就黎食！話說星期日既晏就食完飯一點幾經過見到佢寫左兩點先開門，而且芝麻糊系限量供應於是就去處理左啲私人事先之後再過黎處理完私人事大約兩點半到去到夏日熱辣辣，於是我就叫左芝麻糊(凍)，娘娘就叫左個合桃糊(熱)前：芝麻糊(凍)雖然佢系凍，唔算好香，但依然食得出好滑唔似有啲鋪頭真系一擺入口就食得出系用粉開我甘樣俾$19蚊買一碗點都抵啦下話！！！後：合桃糊(熱)娘娘話夏天個人熱辣辣食凍野對身子唔好所以要叫熱野食...娘娘個合桃糊都好香好滑唔知系咪合桃原本唔系好香，所以覺得冇咩香味呢...?其實系唔系報紙推介都好，呢啲小店已經碩果僅存要花工夫整既野食已經愈黎愈少地方有得食食呢啲都好過成日去食啲花款多多得個樣但唔好食嗰啲啦~~~

第一次寫食評，因為成日都唔記得影相.....喇，尋日蘋果介紹完呢間甜品舖，今日出開荃灣梗係要試一試啦! 不過老老豆豆，做開報紙嘅朋友都知，你寫嘢好多時都係“為寫而寫”，落筆梗要讚好食(如果唔係編輯都會問: 唔好食你介紹嚟做咩？)，但事實係點就心知肚明。於是，我今次又....一直覺得糊要熱先好食，不過大熱天時食唔落熱嘢，只好退求其次食個招牌大良燉鮮奶。上枱幾靚仔，白白滑滑; 不過食一啖就....嘩，好甜，睇嚟大廚好似唔駛錢，咁落左好多糖呀。另外阿媽叫左碗紅豆沙，無起沙，但要讚嘅係豆好多，絕唔會水了了。不過人類總係不斷重覆錯誤。今次睇報紙中招，下次我呢條水魚.，都係會繼續睇完去食...哎吔。

冷冰冰的天氣定要加點熱能,與其花$15買一船小丸子,不如來碗熱糖水更保溫,結果如小露寶般大踏步的走到大良鴻輝記。想不到跟我有著同樣心理的客人真不少,未吃晚飯已有不少客人在店裡吃著傳統糖水了。必吃三糊之一杏仁糊($19)有冷熱之分,在不足十度氣溫的晚上,掌廚姨姨也不用多問就來碗熱糊給我。雪白杏仁糊稠身超熱,滑溜溜的杏仁糊裡有著很少少少量杏仁顆粒,微微杏仁香可以更香濃的,對已習慣少甜及無甜的我,這碗中式甜品是稍為甜了一點點,吃罷後真的全身暖暖的,好溫暖。又一次想增加熱能的下班晚上就來盅冰糖燉木瓜($21),不知道是否原盅燉製,不過連燉盅也熱熱的就相信好了。 多件深橙紅色木瓜燉至軟軟而木瓜味道仍然保存,帶點木瓜香的冰糖水蠻清甜,入口黏黏的也有一定滋潤,最妙之處是整盅甜品好夠熱,如有點脆卜卜南北杏咬咬更妙。這篇由冬天儲到炎夏的食評由一碗燉蛋作結。來到鴻輝記還不到五時半的時間,最好吃個甜甜下午茶,今次就選了好久沒吃的冰花燉雞蛋($19),還是要熱的!從蒸爐拿出的燉蛋表面有點水水的,碗底下半部份是熱,但上部份卻不太熱,所以初初吃的燉蛋其實不算熱,愈吃則愈燙口。可是這碗燉蛋竟是實實的,口感一點不滑,

本人係早幾日第1次嚐試大良鴻輝記甜品，叫左碗桂圓茶同埋芝麻糊。桂圓茶：裡面龍眼肉夠十足分量，超級推薦貪靚既女仕們。滋潤度十足，但味道頗為甜左D..因為現時社會都比較食得冇咁甜，咩都小甜。不過都大讚。芝麻糊：哩個就有點兒差，因為好水，完全都唔糊。Ps:服務既態度一般，跟茶餐廳冇咩分別。而店員都比較年輕，有個店員女性同帶眼鏡男性，明眼人都睇得出佢地蜜運中，我食糖水之制，佢地不斷打情罵俏。說話大聲，非常影響客人。而旁邊食緊糖水既客人都望住佢地，言語中夾帶粗口，希望老闆可以留意一下員工既嬉戲度!不過依然會幫襯鴻輝記，真係冇幾多間甜品店有懷舊感覺