80
33
22
港鐵荃灣站 B1 出口, 步行約3分鐘 繼續閱讀
所有分店 (1)
電話號碼
24197711
營業時間
今日營業
14:30 - 01:00
星期一至日
14:30 - 01:00
付款方式
現金
其他資料
電話訂座
招牌菜
杏仁糊 芝麻糊 湯圓
食評 (151)
等級4 2020-06-15
13 瀏覽
噚日(14-6-2020 Sun)晏晝天熱,買個西瓜俾爸爸食啦,老公就想食晏,但我唔肚餓,行經呢喥,佢見到有芋圓就雙眼發光,話不如食呢間先,我再仔細睇吓menu,都幾攪鬼,我亦都同意食呢間.佢就要$32.00嘅凍雙圓藜麥紫米露,我要$23.00嘅涼粉西米露.好快,兩碗糖水都到嚟,兩碗都好滿.我嗰碗涼粉西米露西米唔多同好腍,開始唔煙韌;椰奶味重但唔太甜,好味,糖水比較稠;涼粉好滑,呢個算唔錯,不過唔算好凍.味道: 4分,抵食: 3分老公嘅凍雙圓藜麥紫米露呢?紫米好足料,成個唔太甜,雙圓係芋圓同地瓜圓,正常煙韌冇問題.味道: 3分, 抵食: 2.5分之後我都買多個涼粉西米露返屋企俾爸爸食,外賣加$1.00,即$24.00.拎到返屋企睇,睇睇都一樣好滿,外賣碗有6厘米高.其他:呢日等一個人踢晒腳,但我覺得佢都已經算手快,不過我俾$100.00佢找$21.00後,我返到屋企睇,個$1.00係新台幣.點解佢可以咁唔老實?嗰時間舖剩返我同老公兩人,我俾咗$100.00佢後至慢慢行出去等佢找錢,佢絕對有好多時間,令我覺得佢係特登搵呢個新台幣俾我.點解啲黃店都要咁?點撐你哋?上次食評: https://www.openrice.com/zh/hongkong/review/%E7%B6%93%E6%BF%9F%E9%99%8D%E6%BA%AB-e2792728 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-12
36 瀏覽
今晚同朋友係荃灣食小菜,未夠九點就食完晚飯,見時間尚早,一於搵下附近有冇糖水舖,食埋糖水先返屋企之後由朋友帶路,去左一間中式糖水鋪叫「大良鴻輝記」;餐枱上有一張食材功效供客人參考,原來合桃嘅功效係「固腎健腦」,最後我揀左:「招牌三寶之一:合桃糊 (熱) $22」合桃糊都幾滑,下次有機會我會再試埋其餘兩寶 - 芝麻糊 及 杏仁糊,還有 湯圓 都要試下之後聽朋友講呢間原來係好野黎,話我識食!價格💰:$22味道😋:OK 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-06
30 瀏覽
大良鴻輝記-人大左食甜品已經由鍾意食沙冰轉咗做熱嘅糖水啦!-大量鴻輝記喺荃灣都好多年,傳統嘅中式糖水舖買少見少,希望大家都識欣賞啦。-今次揀咗桑寄生蓮子茶,對女士好補㗎!可以去濕、延緩衰老!其實我都唔知桑寄生係應該咩味,所以要形容佢嘅味道的話,我會話係一啲好甜又有少少藥材嘅味道。-至於朋友就叫咗椰香藜麥紫米露,我偷食咗一啖,藜麥同埋紫米露都好夾!又飽肚!正!- 不過咁熱既天氣咁啱坐門口位,再加想食熱野,食完都出曬汗 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-26
66 瀏覽
大良鴻輝記係一間傳統中式糖水舖,我哋今次先試吓佢哋嘅燉鮮奶啦~ 大良係一個喺中國廣東嘅城市,燉鮮奶好出名~ 鴻輝記嘅燉鮮奶同中國嘅有少少唔同,中國用水牛奶,鴻輝記就用咁澳洲全脂奶。個燉鮮奶燉得幾滑,有奶味但唔係好甜,仲好似有啲苦。下次試埋招牌三寶芝麻糊、合桃糊同埋杏仁糊先~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-03
127 瀏覽
天時暑熱就最好食番碗凍嘅糖水落肚,可以消暑之余又可以解一解悶氣🤪 不過呢... #小秘書 天生喉嚨敏感,熱飲會比較適合自己身體。冇辦法啦身體要緊👉🏻👈🏻 一場嚟到 #荃灣,點可以唔嚟 #鴻輝記。呢日我叫咗個#芋香馬來喳咋,好香椰汁味、配料亦都十足,#西米、#芋頭、#紅豆... 樣樣都有,口感非常豐富。不過咁熱仲要食碗咁熱嘅糖水落肚,搞到我成頭大汗,仲要比姐姐安排坐喺門口, 的確有啲難受😅 估唔到食完呢碗 #咋喳 會咁飽肚,eee 我今晚咪可以慳返餐😋😉 繼續閱讀
(以上食評乃用戶個人意見 , 並不代表OpenRice之觀點。)