大興燒味飯店

營業中

休息中

今日行開荃灣買嘢，午餐時間行過見呢間睇落有啲老店feel嘅燒味店，見佢外面貼住寫話燒味飯$38, 就入去食個晏，叫咗個燒腩仔飯，落完單先見佢張單寫$60, 佢哋話燒腩仔係貴啲，心諗都唔使貴過其它咁多呀？！都算啦，點知嚟到睇落似係普通燒肉，食落啲皮硬過石頭，心諗咁我做咩要畀貴咁多，叫碟$38嘅燒肉飯咪得囉？！於是同老細反影下，希望佢哋改善下，點知佢一開聲就話佢地啲燒腩仔係咁嘅，冇問題，如果唔滿意就以後唔好幫襯囉咁話...... 呢啲咁嘅水準同價錢，仲有咁嘅服務，3個字形容晒『冇下次』！PS. 食完有隻小強出嚟送客，當我想影相嘅時侯，姐姐即刻攞布捉走咗。

聽好多同事都講過話呢間 「大興燒味飯店」喺區內好受歡迎，又話味道係舊派嘅味道，又話店內嘅師傅經驗老到。聽咗咁多，我終於去咗呢間舖試下，但係我個評語就係: 「只此一次下不為例」的確間舖頭好有老派味道，就係「麻甩」嘅味道，都見到地下滿有牙籤。叫燒味飯就有湯送，碗湯係菜乾紅蘿蔔湯，飲一啖就覺得係好咸，唔通師傅落重左手？見到掛住啲叉燒同燒肉都幾靚，我就叫咗一碟燒肉叉燒飯嚟食，原來表裏不一。叉燒係肥多個瘦咁樣，食落口滿口都係肥肉，我唔相信咁樣係肥瘦平均！而且肉質偏硬，尤其係邊位就更硬！燒肉好咸，燒肉的皮唔係脆係硬，肉質又硬味道又咸，再加上豉油就更咸。如果呢種又硬又鹹又肥，就係老派嘅味道，睇嚟，真係時候要改變一下！ 2020年，都到啦！係時候要迎接新世代呀！

今天lunch在街逛的時候，在想吃什麼午飯，碰見了這個傳統的燒味店。看了一下掛著的新鮮的燒臘，就決定進去試試看。一直吃燒味飯，都喜歡喝例湯。沒想到坐下來的時候，例湯就送上來。原來他們是有免費送例湯的。今天點了一個燒肉油雞髀飯。點的時候都沒有怎樣看價錢，當返來服務員把單放在枱上，看一下才$46，真的超值。例湯的味道很好，不太鹹。應該可能是燒臘檔的骨頭太多吧，例湯煲得很入味。飯的雞脾肉很滑，另外他的蔥油有沒有太鹹。整體來說，都很平均。看賣相就知道。想一想$46有這樣的一個午餐真的要向你們推介。

晤明點解呢間野咁難食都可以頂到咁多年，燒味飯，百鳥歸巢，左搭一舊右搭一舊，晤知以為晤駛俾錢咁，燒味質素又差，味道又差，口感又晤掂，個師傅好似晤休做，態度係超晤掂......

周末如果無街去都會係附近搵野食住左荃灣六年，總會知道邊度有好嘢食經過呢間咁有歷史的燒味店當然要一試第一次試好多年前了當年點解會識佢呢其實係因為當年準備8號風球周圍都冇地方開門不過我又好肚餓落街搵嘢食唯獨呢間鋪頭開門因為咁我就同呢間燒味店做咗好朋友 仲記得當年每個飯盒係＄22我同我先生講＄22，出面連白飯都唔止呢個價錢仲有燒未、醬汁、外賣的發泡膠盒同埋膠袋都未計燈油火蠟鋪租點圍皮？經過左五年幾六年由＄22加到＄24、＄24加到＄30呢個價錢仲係我平時食緊嘅飯盒嘅價錢嘅一半價錢充滿人情味飯嘅質素都充滿人情味可能你會話車⋯普通料姐！其實我都知只不過我都覺得應該支持本地小店

晚上6點左右，當時都冇人幫襯，我比完錢個收銀咪等拎飯盒，個師父收到order後繼續磨下刀，擺下d 叉燒放靚位，咁我咪企一邊等。跟住有個女人應該是熟客，入到同個收銀好好傾，佢都係買盒飯就即刻比佢，我已經有少少興，點之再有條伯父買一斤燒肉又即刻比佢先，我就立刻出聲話比人打晒尖，點知個燒肉佬仲要話返我買飯盒就要等，我即刻話佢頭先個女人咪又係買飯盒，點解佢又即刻有，見咁既情況我話唔要盒飯比返錢我

今日去同阿媽食呢間嘅燒味套餐，兩個人加埋先78，就算加一杯凍飲都不超過90，試問今時今日咁平嘅鋪頭幾何有？小妹去嘅時候忘記拍照，只好口頭描述希望各位唔好介意！小妹同阿媽去食嘅套餐有兩碗菜乾湯，飲落都好清甜，完全冇味精！另外仲有一碟四款燒味拼盤，我地叫左燒肉、叉燒、燒鴨、分蹄，除左有少少凍左，其他都幾好雖然燒味凍凍地，但係飯就熱辣辣啦，補反燒味凍左嘅遺憾仲有生菜都相當新鮮食到我地行唔鬱啊！

$28 一碟叉燒飯有咁嘅樣貌，我已經非常收貨！ 正所謂貴有貴食，平有平食，名酒店廚房嘅出品我都食過，咁嘅價錢有咁嘅半肥瘦叉燒質數，想點？ 叉燒當然食得出唔係用鮮肉，肉味較遜，不過燒出嚟嘅叉燒外面硬得嚟唔乾，內面依然係腍得來有咬口，面層蜜汁好味，夠甘香！叫侍應加蜜汁都無托手㬹，有些廚師會俾得好唔服氣！例湯係菜乾煲豬骨，有紅籮蔔吊味，夠火路實無死，湯好夠溶！唔係下下食貴嘢先叫做上等人，民以食為天呀！

現今的荃灣區多了不少劏房客, 住得劏房他們的生活一定是捉襟見肘, 莫講話煲啖家常湯, 連煮餐便飯都不一定會有適當的位置。現時荃灣區的物價顯注高昇, 在茶餐廳吃份午餐動不動便需要三十多元, 當然晚餐的價錢會更貴。然而有些商戶都會存在著一顆惻隱之心, 寧願賺少些當回饋社會...講明店內自設工場, 出品總比來貨好。外賣單/雙併燒味飯盒 $23, 是日靚湯$2, 全部加起都只需$25, 最好就是沒有時間限制, 總之在營業時間內便可供購買。  其實我估例湯那$2應該是外賣盒錢, 變相即是免費有湯飲 (堂食免費送湯一碗)。 而下午茶 2pm-6pm 都有$18一碗單/雙併燒味湯粉, 不過冷熱飲品要另加$6/杯。堂食單/雙併燒味飯 $27送例湯, 雖然是肶位、乳豬、燒腩 及 燒鵝除外, 不過這都是正常不過的事。叫了客油雞肥叉飯肥叉燒的肉質鬆嫩, 也沒有被鬆肉粉嗱死, 味道已算比預期過得去, 當然別奢望什麼蜜汁、脆邊；反而油雞就真是極度一般, 皮薄肉瘦, 豉油汁偏鹹, 始終叉燒是略勝一籌。是日例湯是紅蘿蔔菜乾煲豬骨, 飲落夠溶夠味, 飲到有落心機去煲, 別忘記它是奉送的!難怪街坊街里都愛幫襯, 我聽到

斬料，斬料，斬大嚿叉燒。燒味可以說是廣東名菜，香港地也不乏燒味飯店，燒味燒得好不好，就看師傅的功架了。在下正在思索今天的午餐吃甚麼好，正為吃點心還是爻茶記開餐，後來來到大興燒味飯店，就想到不如吃一個燒味飯，反正在下都肚餓了，況且又可以試試他們的燒味。來到門口，看到仍有燒味掛在櫃裡，於是坐下來，餐廳環境一般，像茶記格局，兩邊為卡座，中間卻圓餐枱。雖然說是像茶記，但是始終有燒臘飯店的味道。看過餐牌，在下點選了燒叉飯配例湯。例湯先上桌，是菜乾煲豬肉，味道十足是菜乾湯和清甜，沒有味精和化學作用，而這例湯是附送的。早幾天在下於家裡亦喝過菜乾湯。燒肉叉燒飯亦已經送到在下面前，看看賣相已經扣滿分了，因為燒肉已經嚴重皮肉分離和甩皮甩骨，叉燒色水也不夠光亮和呈深紅色，像似是未燒好。雖然賣相不得，可是燒肉的皮卻燒得異常的脆，較同區的聯發為脆，而且燒肉較淡味，沒有落得太多的鹽來燒，叉燒雖然薄而賣相不行，但是蜜味十足，也不見得濃味，而且肉質很腍，不會難咬開。而整碟飯的燒汁嚴重不足，想要汁撈飯的話，就要求多色好了。整體而言，雖然有缺陷，但是味道還可以的，而且服務都是不過不失吧。另外，店舖的衛生似乎不夠好的，雖然