大自然素食

營業中

休息中

雖然沒有光顧，只是查詢，門口帶位員工聽到查詢已經態度一般及粗劣，帶我到收銀櫃檯等，收銀員工聽到我想查詢盤菜菜單，態度已經不厭其煩係枱面尋找盤菜資料，一邊找一邊鬧，🤦🏼‍♀️我話如果冇就算啦！唔該晒你，麻煩晒！但佢繼續一邊搵一邊自言自語，咁多款，點知你想要邊款，有十幾廿個盤菜，點知張紙放喺邊😢唉！你搵唔到我都冇怪你，佢態度好似怪我麻煩佢比野佢做咁🤦🏼‍♀️點解大自然仲可以繼續，未去食態度已經咁差，坐喺堂食，咪貼錢買難受😪唔會有下次再去光顧

一家十二人去晚飯，本來開開心心，食物係多選擇，味道都很好，但待應態度惡劣，八點晚飯九點已趕你走，唔係因為有下輪客等緊，純粹係想十點前收工，以後都好難再幫襯，除非轉左批待應。

小弟不得不承認以素食來講係好食，多款式。但是樓面人員服務就令小弟不敢恭圍。小弟今收工同太太去食晚飯，由點餸到上齊食物花20分鐘是非常合理。但竟然在我剛剛起步進食時，服務員突在我未叫埋單之下行埋黎叫我埋單先，仲話你都唔會加嘢食㗎啦！當時嘅時間係晚上8:15，我當時呆一呆嚟不設反應之下就用信用卡埋咗張單然後繼續食飯。食完飯之後睇大約8:45我同太太就離開。食飯期間我見到樓面服務員不停叫其他枱嘅人客先埋單，而情況係當時其他人客亦係正在進食中。最後，當我們離開時候，我太太問其中一位服務員（樓面）他們是幾點關門，她馬上回答係10:00仲自動講因為人手不足所以要求人客上齊餸就先要求客人埋單，原因係唔好阻礙佢地收工🤪。各位，日後大家自己考慮是否要去/咩時間去呢間好嘢食用啦。

第一次食素三文魚點完醬油，真系好神似黃金南瓜蝦個蝦都幾好味咕嚕肉都真系幾似肉，唔認真睇都會以為系肉素芋頭鴨也不錯腰果露唔甜好食d阿姐講野比較粗聲粗氣 唔代表我無禮貌個種新式素食尼講 價錢唔貴有機會會再去

今日十五本身開開心心去食素，去到要攞飛，已經等好耐先有人出嚟招呼寫號碼。我講左2 位，之後有一枱4 位，阿姐比左飛4 位無比飛我，我問返阿姐攞，阿姐好晦氣咁寫咗張竟然係喺四人枱之後嘅俾我。4人枱客人已經開口話係我到先，阿姐唔認自己錯，仍唔肯改飛⋯中間見等咗20分鐘都冇人走我再問阿姐，阿姐就好晦氣咁話有枱我就俾你先。點知最後阿姐安排咗四人枱入去囉，我同阿姐理論，阿姐話而家我係俾大枱人唔係2 人，我話阿姐你啱啱走都係比2 個人坐，點解你唔係俾2人先呀。阿姐啋我都儍⋯阿姐⋯十五食飯時間等一張枱走已經好耐，將心比己啦阿姐！！最後唔食佢走左～喺comment 已經睇到好多人話太子招呼差，今日拎教左，簡直係趕客！

佛誕，全日食素，所以同女友小熊一齊去大自然，就係咁簡單!我都係果句，我係一個齋口唔齋心嘅人，點知一山還有一山高，搭枱嘅隔離枱客口心都唔齋，條阿叔把聲已經夠響，一坐底就投訴餐廳唔開個好位俾佢要搭枱，又投訴後加嘅靚仔飯遲遲未見，我同小熊打個眼色，快快食完快快走!所以原本想叫兩個木瓜沙律，點一個就算，原本想點焗多士都唔叫，點個瑤柱金菇伊麵，砂鍋雲吞素翅，琵琶豆腐，心諗快D上枱唔該!木瓜唔係我杯茶，沙律如果加上蟹籽就更好味，可惜蟹籽唔係素!瑤柱金菇伊完全食唔到瑤柱，但伊麵炒到比較乾身唔會太多茨汁，哩點我欣賞.砂鍋雲吞素翅唔夾自己口味，雲吞內裡餡料酸菜自己唔欣賞，另一款餡料唔知係咩菜，果種草菁味太強，食一件已放棄!隔離枱果位煩音又係到𠵱𠵱哦哦...... 感覺我係孫悟空遇上唐僧!登登登登登登登! only you...….最後琵琶豆腐外脆內軟，跟隨嘅醬汁以為味道好死唔夠鮮，但又出奇地惹味! 成為今餐最正竟然係哩碟醬汁!今日佛誕餐廳已經特別多客，雖然D姐姐態度已經唔多友善，但一山比一山高遇到D西客又突然間凹哂水! 相信哩件核爆唐僧係熟客D姐姐都買佢怕!阿彌陀佛!

8:30pm 到達，係咁催落單，態度亦有啲差，話9:15pm last order, 心諗都仲有45分鐘，快速落單之後，不出10分鐘所有餸菜已到齊。9點已經要埋單，同埋佢開始收拾，結果9:15分鐘快快脆脆食完走，費事阻佢收工，前後喺間餐廳食咗45分鐘，仲趕過食快餐店。臨走問佢閂幾點，佢話閂十點，因為佢哋要收拾同拖地，入去食到一肚氣，不停係咁催。奉勸各位超過八點唔好去呢間餐廳食😤食物質素一般，有食過其他分店，最差係呢間😑

千祈唔好去…服務態度差到冇極限…唔明點解仲可以唔執笠仲喺度開鋪…未食完就收你碗筷趕你走。拎張單嚟叫你埋單，之後喺隔離單單打打話你埋咗單仲唔走。大大聲俾說話你聽。真心犀利唔明點解可以請埋成班咁嘅員工。

估唔到咁難食，意料之外嘅難食，行過呀媽話想食，入到去嗌左個雞絲粉皮，一個咕嚕肉，素煎餃，仲有瑤柱蛋白炒飯 一共$39X.X服務態度又差，唔提完全冇諗過找錢 大家謹慎選擇

點咗個海鮮鴛鴦飯。全素。賣相滿分。紅面一面係蕃茄蛋飯，白面係牛油果素蟹肉白汁飯。紅面帶微酸，開胃。白面有海鮮風味。蕃茄同蛋屬上等食材。新鮮好味。牛油果加素蟹肉，入口即溶，上等食材。紅面配白面，一碟藏兩味。誠意推介。

這間素食餐廳在港九新界共有6間分店，全都開在交通方便的商場之內，平時去食飯或者親友聚餐都好就腳。餐廳平日午市供應特價套餐，每星期轉餐牌，唔知食咩嘅時候平平地解決一餐。太子這間最近我，不想煮的時候望下個午市menu，覺得可以就行去食啦。大自然通常都幾大間，同時亦很旺場，上年紀的客人比較多。餐廳門口仲有急凍素食食材可以買走。入面有大圓檯可以一家大細來吃，平日也用來給一、兩位食客搭檯。午市快餐有六個選擇，現場食有例湯送，但就要收加一，外賣就減HK$5。除了例湯原來仲有前菜，麻辣的黑木耳，湯原盅上熱騰騰都幾正。亞參醬乾炒叉燒意粉 HK$56 / 椒絲腐乳唐生菜 HK$18這個意粉比平常吃的略幼身，不過咬落都軟硬適中，味道微微有點辣，中間有椰菜和蘿蔔絲，素叉燒有多舊，唔會食到一半就得返意粉。話好好食就一定唔係，不過埋單 HK$88 我又食左咁多野都算係咁啦。

下午2點中去，由於是節假日，所以沒有下午茶。我們點了個法式牛油果焗多士，大自然燒味拼盤，北京烤鴨，鮮竹银杏汤浸翡翠苗。法式牛油果焗多士味道很不錯，很香，不過要趁熱吃，不然就不好吃了。大自然燒味拼盤所有的東西都是炸的 很油膩!而且味道一般，吃不出滷肉的味道，好像除了外形，其他的都一樣。烤鴨的味道還可以，配薄餅吃不錯，就是餅有一點少了。鮮竹银杏汤浸翡翠苗里面的腐皮都是馊的，真差勁!所有的菜都偏咸，而且油膩，不是健康素食。最主要的是菜还没上齊，就让埋单，质量太差!!

食物好味，但請記住一定要自行帶紙巾去食，2023年嘅年代竟然依間餐廳仍然可以一張紙巾都唔會有，俾錢買亦都唔會俾。我非常唔好彩用曬紙巾，想買一包/一張都冇。碗都必定要小心注意自己用茶洗乾淨，兩隻就有一隻碗上有食物渣滓污漬，欠缺衛生。服務亦欠佳，即使你明確遞起手叫唔該，樓面阿姐特別有一位穿著恤衫+短啡髮的女士見到你叫佢都好，佢連行近你張枱都唔想，此餐廳文化係想你大叫話俾企係遠處的她知道你想要咩，所以有心理準備沒有服務可言。

昨晚3月2號想前往食晚飯，晚上7:30pm已經預先打電話問員工今晚幾多點關門，當時接聽電話嘅同事話晚上9pm截單, 9:30pm清場, 10:00關門, 所以我同朋友決定繼續前往, 當我8:30pm去到店舖嘅時候, 員工話已經暫停服務, 因為晚上要滅蟲, 佢哋要早收但係我同佢哋講我剛才打電話嚟問今晚幾多點關門, 佢哋嘅答覆並唔係咁樣, 等我嚟到先至話早收其實係咪員工自己隨便決定關門嘅時間, 讓自己可以提早收工, 而冇任何通知? 同埋在資訊發放上完全出錯, 態度十分惡劣當我繼續和櫃檯員工理論嘅時候，佢好晦氣咁講：「你照坐啦，我炒碟嘢俾你，你9:00pm走唔走到？」好似講到係我嘅出錯，令到佢哋冇得放工，結果我都唯有離開現場亦有另一位食客反映，經常喺太子分店吃飯，關門嘅時間都比起原定提早事實上我喺OpenRice見到太子分店關門時間係晚上11pm我以前都試過坐低食嘅時候，未到關門時間已經催我哋要快啲走，要清場太子分店嘅員工表現同埋態度非常惡劣，真係唔會再去本人經常去尖沙咀和銅鑼灣的分店，員工嘅態度是非常好的因為一間分店幾位員工惡劣的態度，而影響公司整體的優越性，實在十分可惜

琴日來呢到食，食物就不錯，但員工態度極差。啲員工西口西面，叫又唔應。叫佢攞個menu，遲遲都未攞到來，有禮貌問多聲，就話「得啦」間餐廳本身已經唔係平，仲要受佢地氣離譜。