大眾燒臘家 (已結業)

今日又喺呢度買咗個叉燒油雞飯盒返公司食，雙拼都係一樣價錢，真係好抵！呢個雖然係飯盒，但係賣相都唔錯，最正係成個飯面都係餸！ 叉燒水準依然係好正，切得夠厚仲要好多塊，食落充滿蜜糖味道！ 油雞係雞脾，雖然係冰鮮雞，但係啲肉就整得好滑，皮亦唔肥，薑蓉味道亦不俗！真係超滿足！葵芳最正又最平嘅燒味飯我揀佢！…查看更多

噚日條街幾熱，心諗都係買一盒飯返公司慢慢食，去大眾，因為老細好人又有禮貌，仲成日提你記得攞筷子添！今日要咗盒叉燒飯，因為都幾晏於是冇晒菜搭嘞，平時啲飯全部都有菜，算啦照買！佢啲叉燒唔會因為賣得平而切得薄，都仲係肥瘦夾雜，食落唔會好乾，不過啲淋係飯上面嘅豉油就真係要改進吓嘞，冇煮過，淨係生抽味，所以我通常都唔落咁多，好咸又唔甜！食完會口渴！…查看更多

呢個大眾燒味，係葵芳係老字號，我細細個已經開始食佢啦!!!呢到最出名既係叉燒，軟硬度適中，我平時唔會落佢果d汁既，因為留有佢既蜜汁味感覺仲一流，至於燒肉，都係一流!!…查看更多