大盛日本料理

營業中

休息中

個fd話ok，咪諗住試下囉，點知一試就出事喇~!食物質素低，價錢唔算好平，勁唔乾淨，service差~~入到去未諗好叫咩食就問你食乜，話諗好先叫佢啦，轉頭又企o係你隔離等，到想叫又走開左(佢等同想叫前後唔超過半分鐘!!)我當時心情好，只係覺得奇怪，冇理到。等食時，睇睇d碗筷，嘩~好似未洗過咁，大排檔都乾淨好多~!! 都落左單咯，唯有自己抺乾淨d啦......到d野食喇，係大大份呀，但d飯係暖同糊口o既，三文又冇味，燒魚鮫又口口唔夠香~!!講真，百佳d cheap 雞壽司都好過佢呀~!!加茶要叫幾次先有人真係o黎加囉，之前o個d淨係"哦"一聲就走左去~!d冇味茶係滾o既，仲要加到滿哂，小朋友/定老人家唔小心咪好易淥親~!!最少都同人講句"小心熱/小心滿瀉"啦~!!倒瀉水又要叫先有人拎幾張紙巾俾你，係幾張紙巾呀~!!到埋單，等左成10分鐘先有人o黎問咩事，等張單都等左起碼15分鐘~!!!如果係full場，我會體諒，但main point係佢有人座緊o係度吹水~!!!我真係差d行埋去同d 所謂o既waiter講"係咪唔收錢架？我o地等左差唔多半個鐘喇!唔收錢我就走架喇"雖然我唔係咩大客，但好

經過見到好多人等位，以為好好食諗住一試，唔試又自可，一試把幾火，服務極差，D服務員好似未訓醒，魚生唔新鮮，D蜆又梅又臭，重要在進食的時候，在桌面開漂白水洗野，一句到尾唔好幫親，又貴又唔好食!!!

上個月同d朋友第一次黎呢度食, 見到d三文魚and曼魚好大件又好好食, 而且有個叫咩炒飯都好正, 咁就對呢間野都幾有好感!!好啦,今日諗住再同男朋友黎食, 我都知道今日係星期五一定多人,但我又唔記得book位, 諗住walkin等耐少少都算啦。入到去已經見到勁多人, 行埋去receiption度同佢講"兩位"佢唔理我, 我諗住都係諗緊叫人埋位而聽唔到o者, 等左一陣我見佢停左陣咪再出聲囉, 佢一樣冇俾任何反應我喎, 我都忍但已經好唔高興,再見埋企我隔離個女仔係度暗笑, 真係好想出聲!!之後我依然企係佢面前等,但後面陸陸續續有walkin o既人想攞位, 又係叫左幾次都唔應, 有個男人咪話"有冇攪錯呀都唔係做生意o既"就走左....佢都係冇反應, 仲要係望都唔望下d人, 只係顧住叫book左位o既人......好啦到我真係忍無可忍走喇, 佢至抬起頭問呢度有冇2位o既冇booking, 就咁有個女仔行左埋去....我慶到丫....咁o既服務態度有冇攪錯??係咪walkin o既人唔係人呀?? 你就算唔俾位佢都講聲俾人知丫....當人透明咁, 你估真係咁巴閉咩??我話過一定唔會再黎!!!

食lunch set, 叫左燒牛肉一上台個樣好麻麻...不過一入口d肉好香好滑重有d小食同三文魚刺身唔算貴不過d服務好差d湯好鹹

家姐話想食呢間,今日一行五人就黎食,訂位六點半,叫了1.三文魚壽司x3=45(好似沒有甚麼味道)2.蟹子魷魚壽司=19(係就係幾大件,最弊魷魚又淋又腥) 3.魚甘魚壽司=28 (家姐話好食)4.芝士蟹子壽司20x2=40(好一般)5.海鮮拉麵=40(幾好味,不過,比起尖咀細碗同味道差點)6.鰻魚炒飯=45 (好一般) 7.清酒煮蜆=40(份量幾多,酒味唔算濃,都算好味)8.牛油果炸軟殼蟹=50 (8件,表面好多蟹子,好一般)9.牛油銀雪魚=45(最唔好食呢個,太重牛油味)5個人食了390元,已經食到飽飽,雖然訂了位又六點半食,都好快坐滿人.我,媽媽和妹妹也覺得尖沙咀的食物比較好味和份量大服務斟茶都幾密.不過,都未食完野就派雪米,有趕客之嫌.還有,編位座位極有問題,我們去到時都仲有好多吉,最無厘頭無端端要搭張移得開的8人,仲要人地已經坐左三個係度,仲要加多張椅子坐出黎,我們當然強烈不滿,根本四人做乜硬係要人地坐五個人先,仲要坐正出黎,咁唔舒服,如果唔肯換我們最多唔食,搞了一輪先換到,好失敗,所以服務要扣分　

係友人既介紹下, 黎左呢度LUNCH ,呢度真係好飯堂FEEL ,唔講都唔知係食日本野囉~ 地下勁多垃圾, 仲衰過大排檔呀~我叫左果X魚定食, 不過跟SET 果三文魚刺身, 吹左3次先有人黎問我係咪真係欠?? 想死~ 不過果X 魚好好食~ 可惜份量好少!不過佢\\\真係唔近MTR 架, 觀塘友先識去咋~DINNER 有CARD 有九折

前兩日...有個fd叫我去呢間o野都試下......今日就同兩個fd去試試....我點半去到......可能過o左lunch time...所以少o左好多人.......我同一個fd叫o左8件壽司+蟹籽沙律個餐....另一個fd就叫o左個滑蛋咩咩飯.......(冇留意...=.=)可能係冇乜人o既關係.....d o野黎得好快.....又係咁斟水.....服務都唔錯........至於環境........我唔係咁鍾意d紅光......有d唔係咁舒服.....講番食物.....d壽司有得比你揀.......有16種選擇.....我覺得d飯比較酸........不過呢個可能係個人口味問題......d料都幾新鮮o架........鰻魚冇陣鯹味....d三文魚切得好厚......三文魚碎d三文魚其實係一條條.....好粗.....有3~4條o架.....其他都幾好味.......至於個沙律.........d蟹籽真係好多....不過d沙律就好似冇乜味咁.....算啦....我都係食蟹籽o者......^^整體黎講......呢間o野都可以一試~

今日同老公去試下，都幾好食喎！我地叫左：海饑活魚刺身：好新鮮，伴醋食好好味．之後仲加４０蚊整埋湯，個湯都幾好飲，不過鹹左少少．海膽＆帶子刺身：好新鮮！三文魚子飯：好多三文魚子，仲可以用紫菜包住食．壽司：一般啦，如果有食刺身可以唔叫都得．今日主要食刺身，感覺唔錯．環境係嘈ｄ，但係服務都ｏｋ，有求必應．

呢間分店入到去一個字- 嘈, 好似入左酒樓咁, 同埋部份座位太靠近紅色燈, 坐落唔係咁舒服, 如果對面係魚缸仲慘, 因為一邊紅一邊藍, 勁唔舒服.今日去食, 叫左四樣野:1. 三文魚刺身($35) - 有八件, 其實份量同金太郎差不多, 不過鮮味少少, 都算抵食.2. 加州卷($28) - 八件, 不過不失啦, 不過又真係幾大份既.3. 中華冷麵($35) - 完全唔知咩黎的, 同食開那些有分別, 而且唔好食.4. 鹽燒三文魚尾($28) - 肉質香口鮮味, 而且燒得剛好.小弟有VIP卡, 故此埋單免加一$128, 不過下次都係去新蒲崗果間好一點, 起碼靜D.

見到呢間餐廳幾人食，又好奇想試下，咪入去食下囉。點知，上菜又慢、野又唔好食、衛生又差、服務又差、埋單又出去埋.

近來去親觀塘食飯都係apm,去得多都厭.今次朋友建議黎大盛,老實講,平日都無留意過有呢間餐廳, 更莫講話佢0既其他分店.一行4人.order了:芒果蟹籽沙津- 一般.蟹籽多到忍唔住講:下,乜d蟹籽好平ga咩?!鰻魚壽司-好食,大大條鰻魚豚肉炒飯-最不吸引ge一味.無特色,唔夠味.金菇肥牛卷-唔錯,肉汁亦幾惹味炸軟殼蟹-幾香口整體黎講,以呢個價錢食到呢個quality已很不錯,至於service,正如其他網友所評,"差"!但0係果個環境都唔會要求太高ge,個人認為可以接受.

星期六剛剛去完觀塘新開間大盛,真係大左好多!之前已經去過山林道O個間好幾次.一樣次次要等位,但我都一早預左,要食平野又好食係要等下架啦...我O地一行6個人,個個都鍾意食壽司,所以一坐低就叫都無停口,哈哈!但我就最欣賞個帶子壽司同個炸生蠔,真係好好食,就算我d fd個個都食到好滿足~所以我會繼續支持!

昨日同朋友來食晏，一點唔使等位就坐低咗。叫咗個魚生飯餐、蟹籽sushi、饅魚炒飯同炸豆腐。個魚生飯賣相都唔錯，而且都幾足料，但食落魚生就有d"梅"同唔新鮮。蟹籽sushi就超大件，都末見過咁大件既，由於唔係我食就唔知新唔新鮮，不過以$16兩件來講真係超抵。饅魚炒飯賣相一般，朋友話味道都好一般。炸豆腐又係好大件一共有四件，不過炸粉好厚同炸到好燶，食咗一件就放棄。服務都好耐無見過咁差，笑都唔笑，遞餸既時候竟然可以行多"部"都唔行，要隔住隔離枱遞都得，超差。叫既野就咁放低就急急走開，個湯跟乜餐都唔講。雖然門口有好多張雜誌訪問，咁又點? 食完一次咪無返頭囉。而且觀塘開左apm，多左咁多野食，無需要來呢到啫。

嘩!你都唔知今日間"大盛" 完全不知所謂, 簡直食完一肚氣.問題一: 我book 了for 5人食飯, 跟住佢俾張4人俾我地話會幫我地加chair, 等了10分鐘, 叫佢地俾張chair, 叫極都係講等等. 但最後都係無到張chair 俾我地. 最後都係我同事自己張chair 返來坐.問題二: 坐低了就set, 並放底了5隻吉杯; 我地同個waiter 叫"仔仔", 叫佢俾茶我地. 叫了兩次, 仲要好無禮貌話"等等啦"問題三: 從來都未食過ｄ咁難食既日本菜．　雜錦壽司飯-魚生唔新鮮，ｄ飯又凍又硬．問個個叫"仔仔"個waiter 點解咁架, 佢只係好冷淡答了一句"雜錦壽司飯d飯緊係凍架啦". 最後我都係食了幾啖便放棄. 仲有個豬軟骨湯烏冬, 烏冬唔彈口, 口感好差....問題四: 我地想係度切生日蛋糕食, 問個waiter 叫"亞美" 取刀& 碟, 佢就問都唔問就話"無". 真係好無禮貌.

呢間餐廳係朋友推介的..可能因為這樣,我抱太大希望呱..-等位ok耐..-地方狹窄..坐得好辛苦..連ｄ　waitress本身都行得好辛苦!-一ｄ情調都冇..好似大排檔甘..-ｄwaitress服務態度幾好..不過落單落去９唔撘８-眼見隔離木台ｄ人都不停話落錯單..等等。-明明冇叫刺身..佢竟然出左碟三文身刺身.(雖然等左９個字先黎呢碟落錯單既刺身，不過幾好味)　-因為趕時間，我等左２個鐘ｄ野都未黎已經不停甘追單的情況下），所以放低刺身的錢就走了