大當家粵皇食府 (已結業)

15/01/2006 晚飯本來想扭老豆計叫佢煮個瓦撐飯食下, 仲自動自覺買埋鏞記鵝潤腸tum 佢落疊, 點知老豆是夜有應酬推唔甩, 於是我地見近近地就0黎0左呢間晚飯. 老媽話只係0黎過飲茶未試過晚飯, 但佢話飲茶都幾ok, 於是我就話大家勇敢d一齊去試下晚飯啦. 呢度成幾層樓都係食肆, 競爭好大, 我地大約八點0黎到都係得5成滿到. 環境同招呼都唔錯, d 侍應幾好聲氣同埋有笑容, 係近年少見0既. 我地四個人叫0左羊腩煲, 干燒蝦, xo醬芥蘭炒乜乜蚌(同花枝蚌差唔多味同埋口感, 名就唔係好記得啦), 鎮江肉排, 四位份量0既香茜窩蛋牛肉煲仔飯同埋送0左個花雕蒸蝦.對於贈品花雕蒸蝦, 都不會抱太大期望. 呢個花雕蒸蝦, 雖然係細隻d, 但係份量都算唔少, 我地4個人每人都分到4/5隻左右, 都算係咁. 而且d蝦食落都好新鮮下, 唔錯. 其餘0既干燒蝦, xo醬芥蘭炒乜乜蚌, 鎮江肉排都幾好味, 尤其係干燒蝦, 好惹味, 用煲仔上熱辣辣滋滋聲, 真箇令人食慾大振! 羊腩煲都算有水準, 炆得入味又林, 枝竹都好好味!四位份量0既香茜窩蛋牛肉煲仔飯, d牛肉明顯係同牛肉球0既質感同

第一次盲摸摸走上去食晚飯, 感覺唔算得上係富麗堂皇, 但係周圍都好乾淨, 又唔迫不叫餸已經好好招呼, 又主動幫我地斟茶, 又係張櫈度套椅套晚市每位送2両蝦, d蝦都ok, size大約出面賣12蚊斤個d咁大, 唔使錢都算係咁啦$55金菇瑤柱豆腐煲d瑤柱好多好夠, 仲好入味$48霹靂鮮醬魚滑一般, 其實即係魚肉, 個汁太濃$78燒味拼盤無過不失值得一提佢有個$78"乾隆醉雞煲", 真係好好味, 佢真係清雞湯咁, 係你隔離逐碗逐碗倒, 仲要送埋去你個位度, d湯有雞味又有d酒味食完每人仲送1碗紅豆沙, 唔太甜都幾好味!!除番開每人60蚊度, 我覺得食佢d環境+服務+食物, 係佐敦/尖沙咀區黎講, 都係物有所值啦!

9點半之後黎食好平同個fd 叫左2個送加白飯加支啤酒都係百零蚊落樓d 送都幾好味~佢仲有好平既盬焗雞夠新鮮又大碟非常抵食係一間茶樓食到咁平又好味既野真係好難得d waiter 又好好service~ 好nice 架~一定會再去食

星期六繼續香港好客之道,外地朋友想飲茶,無問題啦!!本來打算同佢地去漢寶皇宮,行過莊士倫敦廣場,樓下好多哥哥姐姐派傳單,見到大當家張傳單印刷精美(職業病也!),睇落比其他傳單有誠意,而且價錢合理,就即場改變主意黎呢間試。電梯門一開,知客小姐已經笑笑口黎招呼,最開心係唔駛等!!!裝修都ok啦,唔係金碧輝煌個d,橙色座椅幾舒服但成日覺得有d似阿活=p叫左好多野食:煎蘿白糕、蝦餃皇、燒賣、素粉果、叉燒包、叉燒腸、鮮蝦腸、煎腸粉、棉花雞同壽包。香片茶: 幾香幾滑,有d酒樓用既茶葉較平,飲完會覺得鞋口,呢度還可以。煎蘿蔔糕: 蘿蔔絲份量比粉多,所以質感幾軟,臘味唔多,唯一缺點係唔夠熱!蝦餃皇:真係幾大隻!一隻蝦餃有三隻蝦,好爽口;最好一樣係蝦仁好乾淨,見唔到個條黑腸,加埋尚算通透蝦餃皮,靚仔丫。燒賣:唔記得係咪燒賣皇,都幾大粒,味道ok,相比蝦餃皇就遜色左喇。素粉果:外觀好靚!粉果皮真係好晶瑩剔透,入面饀料又多顏色,外地朋友話好靚lu,不過味道較淡。叉燒包:一籠三個,都算皮薄饀靚,叉燒唔肥,個汁獻帶甜幾惹味,新加坡朋友狂讚!腸粉:體積比較細,不過饀料唔錯,就其是蝦腸,蝦大大隻又係好爽口!我鐘意個