大灣咖啡廳

營業中

休息中

沒有榴槤的粉絲在呢🙋🏻‍♀️🙋🏻‍♀️🙋🏻‍♀️?! 紅磡嘉里酒店的 • 𝔹𝕚𝕘 𝔹𝕒𝕪 ℂ𝕒𝕗𝕖•推出期間限定的 「東南亞美食及榴槤盛宴下午茶自助餐😍 」，喜愛榴槤的朋友仔，準備好你的胃了嗎～即日至8月28日的逢星期六日下午3點3至5時推出，每位只需$300，就可以食到大量榴槤美食，相當抵食呢～ 餐廳環境非常寬敞，並設有落地大玻璃，陽光照射，感覺舒適☺️。餐桌大而寬闊，適合一家人和一大班朋友聚餐呢～ 下午茶自助餐包含星、馬、泰、印、越等地美食，當中主打的當然是榴槤甜品啦🫶🏻～ 沙律方面🥗有自選沙律、豬頸肉沙律、紅菜頭沙律和生菜包🥬，我最愛辣勁十足的豬肉生菜包，甚有泰國風味。壽司卷🍣則有三文魚、蟹柳玉子和青瓜芝士。丫米紙卷色彩繽紛，粉皮軟糯，蔬菜爽脆😍，清爽清新，我吃了6件呀～ 熟食🍽 炒得乾身的泰式炒金邊粉、鹹香的印尼炒飯、雞肉串燒🍗、荷葉包雞、薄餅等等，炒飯超惹味，我超愛的🤣～ 然後就到主角榴槤啦😳，有榴槤薄餅 、脆炸D24榴槤球 、D101榴槤西多士、榴槤巴斯克蛋糕、榴連柑柚忌廉蛋糕、榴槤椰汁糯米飯、榴槤泡芙、綠茶朱古力榴槤墶、榴槤銅鑼灣等等😋，個人認為銅鑼燒最好吃～你又想吃那一款呢？

家陣每逢經過生果舖，總是見推起一箱箱的榴槤，店主一破開果殼，即時香氣四溢，令人食指大動。不過每次要整個買，家人又未必個個食，心多的，想食多幾款又怕麻煩。其實諗諗下，不如去食有榴槤提供的 Buffet，因為好多時都會搖身一變，化成不同口味的甜品。而香港嘉里酒店就首度推出東南亞主題榴槤甜點自助下午茶，或者可以幫到大家。今次大灣咖啡廳（Big Bay Cafe）將於這個炎夏7、8月，推出全新東南亞美食及榴槤下午茶自助餐,供應星、馬、泰各地的地道佳餚，還有多達十款榴槤甜品和鹹點，若然閣下是榴槤迷，就更加係 Win Win。請注意，【下午茶自助餐】供應日期只限於 2022年7月9日至8月28日(逢星期六及星期日)，時間為下午3時15分至下午5時，每位HKD$300(當然要另加一服務費)。其實逢星期五、六、日及公眾假期，Dinner Buffet，都有榴槤菜色提供，而且更有4款不同品種的榴槤肉奉上，喜歡食榴槤的朋友可要留意了。除了上述所提及的美食外，更包括無限暢飲椰子水、香茅特飲、咖啡及茶。若果想多點享受，又或者有小朋友想飲果汁，餐廳又有$68，free flow果汁同汽水 。就分享下今次主打的榴

開業數年的Kerry Hotel在今個仲夏首度推出東南亞主題榴槤甜品下午茶自助餐，在7、8月為大家的下午茶時間供應多一個豐富的選擇。全新的下午茶自助餐於酒店三樓大灣咖啡廳內供應，地方寬敞舒適在這兒吃下午餐又另有一番風味。全新東南亞美食及榴槤下午茶自助餐，供應星、馬、泰各地的地道美點，還有多達十款榴槤甜品和鹹點供客人無限品嚐收費為＄300/位 (另加一服務費)，於2022年7月9日至8月28日逢星期六及星期日下午3時15分至下午5時供應。大家可以喺呢道訂座👉🏻 https://bit.ly/3nJPVIR炎炎夏日喝一杯爽口凍飲就最適合不過，下午茶自助餐包括無限暢飲椰子水、香茅特飲、咖啡及茶，不用將將就就可以大口喝下消暑飲品解膩。喜歡吃榴槤的朋友要留意哦！今次鹹甜點心也供應了不少榴槤在內我這個小粉絲真的開心到爆炸，首先有脆炸D24榴槤球和D101榴槤港式多士(輪流供應)。港式多士是香港人大愛的茶記美食加入了紅肉D101榴槤在內，炸得香脆可口內裡散發陣陣香甜的榴槤味，更可隨意加入楓糖漿或榴槤蓉加添風味非常可口。而脆炸D24榴槤球也不是省油燈喔！同樣炸得香脆不油膩更綴以金箔作裝飾貴氣十足。榴槤

好耐無食過自助餐，今次分享下我係Kerry Hotel的大灣咖啡廳下午茶經驗。係呢個暑假七八月逢周末下午三點到五點，佢地推出左東南亞美食晚市自助餐及下午茶自助餐，供應各地的地道佳餚，每位$300再就可以品嚐到一系列星馬泰越印嘅東南亞嘅美食。人大左唔夠膽食咁多，睇準出擊轉攻食自己想食嘅野，今次唔分享全個自助餐，帶你睇重點。榴槤迷要留意係有一系列嘅榴槤美食，有紅肉西多士，榴槤薄餅，榴槤球等等，舌尖都可以去個旅行。食開講開先知，原來佢都有晚市theme，晚市選擇更多，有肉骨茶，新加坡麥皮蝦、冬陰功、馬來西亞炸蠔餅、炸榴槤鮮奶、仲要有周末供應嘅炭燒榴槤乞兒雞，食緊嘅時候已經想訂晚餐。又係今次唔PM啦，直接有link。https://www.kkday.com/zh-hk/product/121558榴槤薄餅係我當日嘅最愛，如果你記得之前喺深圳到好出名嘅榴槤薄餅，兩邊都食過我會覺呢度絕對技性一籌，厚度剛好，但係薄餅上全部都係濃厚嘅榴槤蓉，真係好得。當日我哋幾個朋友都好喜歡呢個泰式炒金邊粉，完全係好似泰國嘅感覺一樣。呢一個令你置身清邁咁款就係呢個蟹餅同香茅特飲和椰子水，自助任飲，係唔係好精彩先。自

生日揀咗嚟呢度食兩個人加埋一，千一蚊都唔使自助晚餐嚟講算係抵首先我哋最欣賞嘅就係餐廳嘅環境成個餐廳基本上每個角落都可以欣賞到落地玻璃窗外嘅景色最重要嘅係枱與枱之間距離比較寬敞餐廳嘅面積都10分大提供大量座位所以比較少機會坐得迫—————-食物質素方面，唯一挑剔就係餐廳提供嘅凍海鮮選擇比較少，亦冇乜回本嘅食物，鍾意食海鮮嘅朋友仔可能未必啱因為佢冇提供長腳蟹、龍蝦、生蠔等等熱食方面佢都冇鵝肝或者羊架等等刺身方面都係得四款，三文魚、油甘魚、八爪魚、吞拿魚（吞拿魚唔好食） 西式方面選擇多亦食得出酒店係每一個料理都花心思製作。特別一讚就係有個金沙炸魚皮，邪惡級好色！其他嘢都識得過。🤩🤩🤩🤩🤩另外最重要嘅賣點就係呢度嘅甜品選擇種類繁多！亦有專屬甜品櫃個人特別鍾意有（麵包布丁配雲呢拿醬、蘋果批、西班牙油條、檸檬撻、朱古力芝士餅、泡芙、即燒焦糖奶凍、即整pancake…..）多到有一半我都係冇試————生日預早通知酒店亦會送生日蛋糕🎂服務方面都幾好酒店職員態度好————-整體係一個幾唔錯嘅體驗3.5小時嘅時間慢慢食！！ 鍾意休閒啲嘅你一定啱

上網見到530蚊左右嘅價錢就可以試吓香格里拉集團旗下就酒店自助餐咁就同屋企人去試吓首先冇蟹腳冇龍蝦有啲失望….而麵包蟹啲膏同肉都唔算多鮮味自助餐應該亦都有唔少人期待燒牛扒但係都比較鞋 熟咗啲但係雞翼 炸魚皮好食😂😂😂呢間酒店嘅其中一個賣點就係甜品！朱古力蛋糕同檸檬撻真係好好食可以話係香濃而不膩😋其他款式嘅甜品都有特色最後食咗個石頭鍋麵不過湯底比較鹹😅總結：甜品好食！

第一次試kerry既lunch buffet，因為有朋友介紹話食過唔錯，甘岩又做緊優惠經openrice訂位有75折即刻GOGOGO同埋屋企人一齊黎食估唔到lunch buffet食物既種類幾多，我個人偏向鍾意食熱盤多d，對佢既熱盤好滿意呢個韓式hot pot都好正，自己揀餸即刻落湯煮滾有即整既窩夫同可麗餅甜品都有好多選擇另外值得一提既係d staff好helpful，見到隻碟空左會即刻收，又會成日加水同主動比牙簽

冷盤凍蝦、凍青口、麵包蟹及翡翠螺四款，新鮮度不過不失，麵包蟹啲蟹羔被餐廳清去大半，蟹肉粗鞋。刺身都係行貨，係預先切好的半成品。熱食只有燒牛肉可食，其餘的都係普通食物。甜品種類多，但沒有完整的蛋糕予食客自切，已切好的一小塊排在雪櫃內，雪糕亦是不知名牌子。總結以價錢去衡量呢度自助餐，食水深三字形容，$688再加一的中價，竟然比深水埗的下價任食放題還差。冷盤沒有宣傳的蟹腳、生蠔或者龍蝦，可能違返商品說明條例。全晚食客不多，寥寥可數，所以餐廳職員好熱誠招呼，清理吉碟非常快速。我喺5月份睇左Youtuber嘅推介先貿然闖關，點知都係中伏，呢度我會blacklist。

冇耐之前發現嘉里酒店嘅Big Bay Cafe做緊周年優惠買一送一，梗係即刻搶，好彩搶到就黎試下之前都已經有諗過試嘅buffet，只係之前打算試lunch buffet而且因為疫情冇開所以未試到。本身之前睇過食評覺得幾好，所以預期質素都係比較高由黃埔地鐵站行過黎冇想像中咁遠，其實基本上都係一條直路行5-10分鐘，都算方便食得buffet起手嘅當然係凍海鮮同刺身是日並無提供龍蝦係比較失望，尤幸麵包蟹新鮮多膏，三文魚油香豐富，而其他則不過不失，所以蟹蓋係就算痛風發作都要再食嘅第二盤就係cold cut，火腿都係正常buffet發揮，唔會有D咩特別油香，大家亦都唔好有D咩expectation，反而芝士比較特別，有一款加入多種香料，值得一試第三盤就開始係熱盤，個小籠包睇到都唔會想拎蒸魚睇落比食落好，肉散無魚味，本身睇落仲以為會係龍躉，點知食落完全大失所望咖哩淨係拎左咖哩羊，又韌又冇咖哩味，得返薄脆係正常少少燒羊睥又係得個韌字，仲要冇味椒鹽魚塊嘅魚肉結實比蒸魚好，可惜唔夠熱唔夠脆，如果唔係肯定再拎蜜糖排骨有蜜味，只係肉質太老過晒火意式𩶘魚肉質可接受，可惜唔夠入味，汁又唔夠濃燉湯新鮮出爐夠晒熱辣

星期日同夠朋友諗住聚餐。之前都食過bigbay Cafe。點知今次奶嘥嘢去到冷盤海鮮檔 ，發現冇龍蝦，以前嚟過，有提供半邊龍蝦。我問職員有冇龍蝦，佢話冇，立即呆左行完全場睇吓有乜食福佳⋯⋯七百幾蚊一位，竟然冇龍蝦，冇生蠔，冇鵝肝冇龍蝦，冇生蠔，冇鵝肝冇龍蝦，冇生蠔，冇鵝肝重要說話要講三次我朋友立即西晒口面。佢問同食佐敦嗰啲四百幾有咩分別？我唯有同佢哋道歉，因為我係搞手，真係唔知會係咁，仲晒招⋯⋯難怪成個場得50% 入位全晚最好食就係中菜小炒。炒芥蘭非常一流。好食過大排檔甜品檔的法式甜品比較好少少，但唔能夠將功贖罪食完之後望住海邊講，冇下次

好鍾意 Kerry hotel 的lunch buffet🥰1. 空間感充足 不會好擠迫2.食物種類繁多，中，日，西式，印度 etc 包羅萬有。3. 時間充裕 1200-1530, 一邊食 一邊傾，寫意無限🫠4. 生日還有小小的拿破倫附送呢💁🏻‍♀️

香港的2022年從一月頭開始收緊社交措施至4月21日終於放寬，放寬後的第一個weekend 來一個Dinner buffet 舒緩一下悶氣。由於長期糧尾，唔想食太貴嘅自助餐，搵下KOL 有咩介紹，咁啱見到呢間嘉里酒店嘅自助餐，環境同食物都好似幾好，而且買佢嘅coupon折左每位都係500幾，一於試試。俾酒店幫我泊好架前七之後就入去囉，原來酒店好大又有個food court 同出面有個花園對住個海，環境真係唔錯⋯⋯食物方面，自助餐要有嘅佢基本上都有，但我哋嗰晚就無波龍，凍海鮮得蟹腳，翡翠螺，藍青口，凍蝦，其實除咗青口無味之外，其餘3樣都食得過，尤其係蟹腳好有鮮味，我本身因為個人懶每次都係攞3幾條食過就算，但今次我攞咗3次，正。另一樣就係剌身，有油甘魚，八爪魚，三文魚同赤身，三文魚正常水準，但油甘魚真係正到不得了，好有油份，彈性，仲要腩位無筋，完全係驚喜嚟，真係呢個級數攞滿分👍🏻其餘嘅熟食比較推介有黃金蝦，鎮江骨，燒豬肋骨，清酒煮蜆，燉湯，南瓜忌廉湯，燒魚較。而甜品方面佢都好多選擇我覺得最好食嘅係焦糖布甸，其他甜品都唔錯，但佢個雪糕唔知係咩牌子，d味道有d奇怪。另外我想講有樣嘢幾奇怪，就係

// 𝘿𝙧𝙤𝙤𝙡-𝙬𝙤𝙧𝙩𝙝𝙮 𝘽𝙪𝙛𝙛𝙚𝙩 𝙏𝙖𝙠𝙚𝙤𝙪𝙩 - 𝙆𝙚𝙧𝙧𝙮 𝙃𝙤𝙩𝙚𝙡 🍽 //-Located at Whampoa and famed for their harbor view rooms for staycations and exquisite eats, 𝐊𝐞𝐫𝐫𝐲 𝐇𝐨𝐭𝐞𝐥 has just launched a Buffet Takeout Menu at 𝐁𝐢𝐠 𝐁𝐚𝐲 𝐂𝐚𝐟𝐞́ that features wide-ranging options of international dishes to satisfy all diner’s buffet cravings!-☞ 𝐃𝐞𝐥𝐮𝐱𝐞 𝐁𝐮𝐟𝐟𝐞𝐭 𝐁𝐨𝐱 - 𝐇𝐊$𝟒𝟏𝟖 𝐅𝐨𝐫 𝐓𝐰𝐨Presenting 2 starters, 2 Western delicacies,2 Asian main courses and their signature desserts, it was quite a bargain to feast on!-☞ 𝐄𝐮𝐫𝐨𝐩𝐞𝐚𝐧 𝐂𝐡𝐞𝐞𝐬𝐞 𝐒𝐞𝐥𝐞𝐜

自從夜晚6點後停了堂食，相信大多數香港人都習慣了買外賣。有時搭公交，買外賣好似做苦力，揸車的話，在名店附近又難搵位，揾到位但又擔心會抄牌，但 Big Bay Cafe 就絕無那些問題；放低車匙給 valet parking，舒舒服服放心慢慢去取外賣，又不用搭電梯，方便無比。當然，若食品差的話，再方便也無用，但這個龍蝦 Platter 食材好鮮味，肉質纖維亦非常細緻，蘑菇湯忌廉味道很香，真材實料，連牛油也是法國paysan breton，軟滑程度與總統無異，但可惜麵包已變得太韌，頭盆整體令人印象深刻。熱葷的羊架和三文魚肉都很嫩滑，炒蝦味道一般，但尚可接受，而乾燒伊麵真係無得頂，一般飯店好易炒得過乾或過濕，結果就可能唔香又太硬或太咸，但這做得極佳，似乎香格里拉酒店集團旗下的幾個廚房都拿手做出一流的乾燒伊麵。最後的甜品，製作認真有誠意，是畫龍點睛之作，原來情人節當日更加送一個心形甜品，食完真係想感動到落淚😂。

好耐無食Buffet，疫情關係又驚出街食人太多，就諗起不如試下Kerry Hotel大灣咖啡廳嘅自助餐美食外賣啦！我地叫咗一個2人餐有任選6款菜式加6件甜品，而且食物新鮮製作，都係$418，如自取食物60分鐘前落單就可，仲有85折優惠添! 價錢都算實惠，見有咁多款式選擇，d菜式又吸引，試一試先！頭盤：意式田園沙律配蕃茄、青瓜及洋蔥食材新鮮，菜味較濃，清甜爽脆，混合多種沙律菜加上醋汁，口感豐富🥗精選歐洲芝士配葡萄及餅乾共有3款芝士，仲有埋葡餅乾配搭，真係好有buffet感覺🧀西式佳餚：香草烤羊扒伴肉汁及蜜糖烤根莖類蔬菜岩岩好7成熟，多汁柔嫰，香草味唔會太濃概過羊味，脂肪唔多，啖啖都係肉，必食之選😋烤挪威三文魚柳伴茴香、檸檬牛油汁可能外賣關係焗住喺盒太耐，本身酥脆嘅魚皮開始淋身，但仲有濃濃嘅魚香味，加入檸檬牛油汁味道馬上提升😀亞洲美食：海南雞配薑蔥蓉、辣椒醬及甜豉油雞肉肥美嫩滑，賣相靚仔，味道剛剛好👍🏻XO醬叉燒炒烏冬烏冬口感Q彈美味，好有驚喜！叉燒份量唔少，XO醬亦唔會太辣，唔食得辣嘅朋友都可以不防一試😃招牌甜品：青蘋果玉桂卷 - 質地柔軟，唔會太甜芒果香蕉熱情果蛋糕 - 酸酸甜甜好清爽