大瀛喜日本料理 (已結業)

呢間日式放題餐廳小妹去過好幾次,刺身新鮮,多特色食物,熟食甜品都唔錯,價錢喺放題嚟講都算合理👍想一次過食盡唔同嘅日式料理呢間考慮得過😌✵小妹最愛嘅特别推介有:🐟刺身: 三文魚 油甘魚 劍魚腩🍣壽司卷物:三文魚腩壽司 花之戀 忌廉鰻魚芝士卷🍖熟食: 香草羊架 一口牛柳粒🍤炸物: 榴槤炸彈 炸鮮奶磚 炸芝士波🍮甜品: 法式焦糖燉蛋 貓山王糯米糍

一直係openrice睇左好耐同班FD食邊間放題好，見到呢間唔算貴又多款色。因為有BOOK台既關系，7點正直接就入到去，我地4個人。食物黎得算快，亦無走單，不過食物質素唔高，感覺似劣食FEEL。最搞笑係黎錯左隔離個台既魚生比我地，我地食左先聽到隔離投訴話未黎。雪糕櫃有榴槤雪條，呢個唔錯，最後個個食飽吹水都幾好。點知就係呢個時候，張沙發有隻曱甴…都唔係細隻…成班FD即場唔想再吹水…比錢走人…基本上係唔會有下次…明白放題餐廳衛生方面有佢既難處，但係加埋食物質素既話…真係無下次…

上星期同朋有慶祝畢業，一行7人夜晚黎到呢間大瀛喜食放題，周末晚市每人$238+$10%，限時兩小時，呢個價錢黎講可接受既～當晚食左好多野，不過掛住食無乜點影相落左單無幾耐就上左刺身，整體刺身質素唔錯，不過數量方面就無根據客人指定既數量，都係隨意，呢方面就有d失望啦天婦羅略嫌炸得太厚粉，食多幾舊好易飽肚，但味道都可以接受既其他推薦食物包括：1) 燒牛舌呢個超好味，必點！燒得岩岩好，而且好有牛味，勁正！2) 蒜蓉蒸蝦呢個都係必點！蝦肉新鮮，而且上面全部都係蒜蓉，勁香口！

剛開始食刺身覺得幾好，可以接受。之後再試其他食物，全部食物得一個字 鹹 。 而且又唔新鮮 芝士蝦的蝦肉好霉。 鹽燒秋刀魚 雖然冇腥味，但又係得個人鹹字食左2啖已唔想食。見食評寫到好好所以一試，點知勁失望。

站在旺角街頭找地方吃晚餐，老公突然說想吃日式放題，抬頭就看到大瀛喜。進入餐廳，發覺這店在工作日晚上也顧客眾多。枱上有供顧客自行填寫的點菜紙，由A到J，有刺身、壽司、手卷、天婦羅、炸物、燒物、鍋物、主食等等，種類繁多，填寫後交給店員，店員便會把食物送上。除此之外，還有一些食物是顧客自取的，例如凍海鮮、沙律、前菜、湯、甜品、飲品和雪糕等。總括來說，這店的食物大部份味道也不錯，刺身鮮甜，烤鰻魚、燒牛舌、炒雜菜等等都很好吃，手卷也有驚喜，而且上菜快，店員的服務態度也很好。唯一美中不足的是，就是生日的顧客才獲送贈Haagen-Dazs的雪糕，否則只可自取普通品牌的雪糕。

初頭系狐狸仔同朋友食，之後介紹我同朋友，之後我介紹我朋友。起碼食左兩次生口放題！！生日放題，有以下優惠：*放題 之 生日優惠*1️⃣ 8點30分就$240一位(可以有生日優惠(四選一)：每人HaagenDaz雪糕一個/生日蛋糕一個/兩板海膽/紅酒香檳每四人一枝)2️⃣ 8點45分就$204一位 (已85折)(無生日優惠)3️⃣ 9點30分就$193一位 (已8折)(無生日優惠)第一次食，14個人，Book左，距比左間房我地。上菜ok快，食物數量都算準，食物刺身新鮮爽口，特愛蝦池魚油甘魚！！雞翼炸物好熱好嫩！榴櫣波香芋波外脆不乾身內裡好軟熟！雞翼大讚皮好脆仲有面頭芝麻定乜好惹味！香芋波OK似蓮容不會口乾！牛舌，彈牙，鹽好足，咬落口感好牛味！翻叫！！海膽壽司30件！全部清晒！14人每人食左兩件到清晒！重點系我地夠膽落單！食店夠膽一次上30個！夠壯觀！大讚！！信譽！！呢個吉列蝦芝士壽司，我一個人都食三件！個芝士好濃味好軟熟！吉列蝦外脆內彈牙蝦肉！好正！！再點！炸物山飲品款式有好多！！最後飲返杯熱茶😂好舒服！！仲有雪糕雪條！黑牛無得頂！！

環境唔錯，光線充足而且幾乾淨。一入到黎有沙津有前菜，仲有中湯小籠包，章魚小丸子個小籠包咬落去幾有湯汁，唔會太咸，好surprise。個魚頭最抵讚，好有肉冇乜腥味，件件三文魚頭都好大件，之後到鰻魚D色燒得幾好睇，色澤均勻，好有賣相，見到都幾開胃，而且唔會太細件，最緊要口感好，肉質鮮嫩又有少許彈性。另外芝士焗蝦既芝士味香濃，但又唔會搶左蝦既鮮味，仲幾彈牙，加埋軟綿綿既芝士，D芝士焗得岩岩好，又唔會over左，聞落仲好香!另外壽司都好好食，係花之戀細件左少少，三文魚尚算新鮮，另外羊架既羊味都幾重，但我自己幾中意呢陣味所以都接受到，另外仲有榴槤炸彈，外脆內軟，咬落去好正，仲好重榴槤香味，味夠口感好，值得再幫襯!

大瀛喜日本料理日式自助餐餐廳，過百款美食及甜點可無限量任意享用。店舖位置方便，旺角地鐵出口一上來行一小段路就到，預約座位能夠準時入席，員工服務態度良好，工作有效率，下單後很快就有得上枱～食物種類豐富，刺生、壽司、手卷和炸物都很美味，唯湯類菜品味道偏咸，飲品的選擇也很多，有啤酒、汽水、果汁、茶等。在享用點餐服務的同時也有自助甜品區和沙律區等，包你食到滿載而歸～座位位置會比一般日式料理店狹窄，坐得比較親密，現場環境也偏暗，樓底較矮，但有洗手間可供使用，整體來說衛生程度尚可，食品味道不錯，環境也可接受，唯抽氣系統可作改善，坐久了稍微有些悶氣。如與親朋戚友前往聚餐的話最好訂座，假日會比較多人排隊用膳，晚市放題滿6位成人，成人人頭費95折 (一至四)，有朋友生日的話也可於訂座時說明。

今次嚟到位於旺角嘅大灜喜食日式放題 8:00入席餐廳已經七八成滿可見十分受歡迎 餐廳佔地很大空間感非常之夠 但略嫌室內的光線比較昏暗 餐廳採用落單形式 食幾多落幾多 減少進行浪費 餐廳所供應嘅款式選擇非常之多，燒物、刺身、壽司、炸物等等講到食物嘅質素算係一般中上嘅程 當中以燒物，刺身較為出色 另外壽司嘅份量有啲迷你 係服務方面上菜嘅速度非常之快落單10分鐘過後已經陸續將食物送到台上 另外服務員也很細心觀察 幫顧客收拾桌上多餘嘅碗碟 非常值得一讚最後餐廳更設置自助區 分別提供甜品，冷盤，前盤等

舊朋友好耐冇返香港，於是我地決定大擦一餐去豪食放題！聽講大瀛喜好好食有朋友推介就試下，地點超方便旺角站一出就係，環境好大都算闊落，menu超級多食物選擇種類，成10幾張紙比你慢慢揀，刺身夠冰凍同新鮮，特別係三文魚好肥美，仲要係厚切！！甜蝦都好好味！大大隻，唔洗沾豉油都好鮮甜，壽司方面我最中意就係佢細細件，唔係啲大舊飯塞飽你，我地可以試好多唔同種類既野食，手卷都係，推出吞拿魚蓉手卷，入口即溶好幸福既感覺啊，熟食款式都好多，流心榴槤炸彈，香濃榴槤味，甜而不溜，羊鞍大大件又唔羶，醃得夠入味，辣汁煮蜆同埋芝士焗蝦都係大力推介，蜆隻隻都有肉而且冇沙，蝦又夠新鮮，啲肉可以原條起出黎，飲品同甜品都係自助bar方便，選擇多！

黎到旺角唔知食咩好，就事但搵間放題食，貪在乜都有！咩都唔洗諗，咁岩係朗豪坊附近，就黎左大瀛喜，唔知會唔會中伏呢？呢度地方都好大，好多卡位，坐得都幾舒服！職員服務都唔錯，上碟收碟速度都幾快！食物種類真係好多，寫紙仔落order，又簡單又清楚！係有啲唔環保啦！可以考慮下ipad落單都唔錯！為環境出一份力！鍋物好大兜，北海道牛乳海鮮鍋都幾多海鮮，幾足料，冇交行貨！而手卷就比較細舊！一口小手卷，食落都幾得意！羊架牛柳粒鍋物乜都有，每樣都叫左黎試下！咩都可以食少少！食曬所有想食嘅野！翠肉瓜好好食，爽口又juicy！好食！雪糕都有好多口味選擇，我揀左比較少見嘅榴蓮雪條，都幾好食！任食兩粒鐘一定夠飽！寫幾多份量真係俾足，唔會偷雞俾少左！每人二百蚊有找！都算幾抵食！

旺角有好多好多間放題，要搵間放題食唔難，要搵間質素唔差嘅先難！又係朋友介紹之下，今次就黎左大瀛喜試下！MVM間格有啲奇怪，唔可以搭lift直接上去大瀛喜，要兜黎兜去，有少少麻煩！不過都唔緊要，指示都算清楚嘅！呢度食物種類有好多，刺身嘅質素都幾高，幾新鮮，三文魚又大大舊，好creamy！雪花肥牛鍋好出色，啲肥牛剛剛熟，唔會鞋口，甜豉油湯底又煮到啲菜好好食！正！連雞翼都有幾種口味，有炸雞翼又有燒雞翼！炸雞翼香口啲，又唔會炸到啲肉好乾！飲品仲有兩大個雪櫃揀，我最likey就係飲荔枝紅茶，唔算太甜又唔會好似似汽水咁飲到好快飽！重點係lunch任食兩粒鐘，兩個人埋單都係$392咋！已經連埋加一！下次要再黎食過！

同D同事食飯，收咗工食呢度任叫任飲任食，成班吹下水。先嘆嘅一定係刺身，D刺身算多揀，北寄貝，櫻花蝦，甜蝦，馬刀貝，希靈魚，吞拿，北海道帶子都算好食，三文魚就普通，只叫了一轉，其他一路叫咗4，5轉，都算快出。另外也叫咗好多壽司類，我覺得火灸和刺身類壽司都幾新鮮，好好食，推介係香蒜牛油大蝦壽司!那晚勁食D重有係D串燒，翠肉瓜，大蝦，蜜醬雞翼，菠蘿，雞軟骨，羊鞍，牛舌都好食，最正係大蝦同菠蘿超正! 食串燒要飲好多嘢，出面D好多野飲揀，食串燒飲凍維他OT，Meko蕃石榴汁或者玉泉忌廉都正，食滯咗出面有熱綠茶茶包提供沖杯熱茶，又在加油食過。天婦籮有少少野揀，叫有得食下，都好，蕃薯仔，海蝦，蟹棒天婦羅都好食，又上得好快，但千祈唔好叫太多轉，否則好快飽食唔到其他料理!同事話冇D澱粉質落肚會唔惦，叫咗個叉燒拉麵，又蟹粥，我都有食，幾正。另外有食咖喱蟹，冬蔭蜆，重有D炆花膠…太多都食哂，飽到死咗，都係食咗1個鐘度咋! 結果我稍休半小時，消化咗D食物，先食沙律又狂食葡Tat，雪糕雪條，D奶凍蛋糕，重有西瓜，蜜瓜，飽到唔識講。

今日係朋友推薦下，黎到旺角試下大瀛喜。好耐之前食過APM個間極尚大瀛喜，質素相當唔錯，相信旺角呢間咁多人，都有番咁上下～同其他放題一樣，野飲牌係任拎嘅，款式都幾多，汽水啤酒果汁茶等樣樣齊。第一ROUND緊係叫轉刺身先啦，種類唔少，都幾新鮮，尤其油甘魚同墨魚，香濃甘甜，唔錯！海膽手卷細細份一啖食得哂，手卷結實紫菜脆，海膽夠甜，口感唔錯。之後係法式忌廉藍青口，忌廉湯湯頭濃郁，青口新鮮，相當入味，好食！鐵板一口牛穫氣十足，咬落爽口彈牙，配上炸蒜片點綴，牛味出哂黎，又香又濃。牛油粟米牛油味好香，同粟米嘅甜味幾夾。再黎係炸物。芝麻雞翼就如預期般好食，酥脆外皮加上香嫩雞肉，表現完美。香芋丸香脆可口，芋頭涵料多得黎又夠芋香味，咬落煙軔充實，啖啖芋泥。再黎係燒物。燒菠蘿燒至軟身，減弱左入面嘅酸澀感，味道酸甜得宜。鹽燒雞軟骨同鹽燒牛舌落左少少鹽，激發燒物香氣，再加上清新檸檬汁作平衡，風味一流～最後係甜品自助吧拎左幾款甜品食下。木糠布甸軟硬適中，唔會太甜；伯爵茶奶凍有濃郁茶香帶微甜，唔會令人覺得膩；焦糖燉蛋表面有一層脆皮焦糖，配埋綿滑蛋肉，味道更係同視覺一樣咁滿足。

呢個雞翼係芝士雞翼，入邊係放左啲芝士入去，而且個雞翼入邊係冇骨嘅，就只有芝士，佢嘅芝士味好濃，而且個芝士都唔會好漏，雞翼雞肉都好滑，唔會好乾亦唔會好un，佢嘅雞肉味道得好香，好有bbq味呢個薏米茶雪糕，薏米茶嘅味超級香濃，唔會好淡味，因為平時食嘅茶味雪糕都係好淡，但係依個 薏米茶雪糕就唔會好淡，而且仲好香好香薏米茶味，佢味道亦唔甜好清淡，呢個雪條係曲奇味，佢嘅曲奇味好香濃，不過外皮朱古力就好甜，而入邊嘅曲奇味雪糕，佢嘅味道就唔好似就咁食完塊嘅Oreo咁香濃曲奇味，不過整體曲奇味都好香濃，朱古力味都好濃， 不過整個雪條嘅味道都偏甜呢個係紫米露味嘅雪條，佢嘅紫米露味好香好濃，好似真係就咁食一碗紫米露咁香濃，佢亦唔會好甜，真的不錯