大滿喜日本料理 (已結業)

今係旺角收工，就去左之前成日想試嘅大滿喜放題到食野。好少會係放題食壽司，但係佢啲三文魚腩夠肥夠吸引，飯唔會太多，飯有少少醋味仲係珍珠米，忍唔住食左兩件。燒熟蝦都燒得算唔錯，燒到蝦岩岩好熟，又有少少燒烤味，唔算細隻，加埋檸檬汁更好。炸天富羅，好多口味，炸蕃薯仔必食，本身佢地啲炸粉唔厚，上到枱都仲脆口，蕃薯仔好甜，所以一淡食落去好好味，蕃薯仔無渣，好想薯味。其他炸物就不過不失。黎到放題必叫刺身，但唔係間間都入得落口，呢到刺身睇落都新鮮，食落口都一樣，虎蝦條條都好大，好甜，帶子必食個人最愛，唔會好章，好鮮甜。叫左两款雞翼，豉油雞同係前菜嘅甜辣雞翼，豉油夠入味，雞都嫩肉。冷盤甜辣雞就好開胃，但辣味重啲，可以係自助吧拎左黎開胃先。呢到仲有個小食、雪糕、酒、飲品放題。呢到梅酒必飲😆😆👍

臨近中秋, 相約舊同學出來聚一聚, 特意揀左交通最方便既旺角食放題, 勝在一個價錢, 可以任飲任食, 唔會超出預算。有同學建議去”大滿喜”, 9點後入座, 價錢加一後每人都係二百蚊有找, 所以我地所有人意見一致就決定去呢間食餐勁~入座時段沒有限制, 所以時間比較易自己控制, 入座起計任飲任食兩個鐘, 以呢個價錢黎講, 絕對有信心回本!店內設大部份卡位, 平日晚已見坐無虛席, 除左落Order叫野食之外, 而飲品、少量熟食、沙律冷盤、乳酪等等可以出去自助bar拎~野食黎得幾快, 先來一盤刺身, 每次order既刺身都以冰墊底, 刺身款式都幾多, 而且很新鮮, 絕對冇腥味。特大赤蝦, 非常飽滿; 三文魚為厚切, 更突顯爽口感; 一片片既象拔蚌仲好爽tim~ 呢度既壽司都有好多款, 卷物、軍艦、火灸壽司都有供應, 每件壽司飯都細細件, 食多幾件都唔會咁易飽芝麻雞翼 每次黎呢間放題我都必食, 非常欣賞表面炸得好乾身, 香脆可口, 不帶半點油膩, 內裡仲keep到juicy肉汁 雞軟骨 邊位燒得帶點燶, 軟骨幾爽脆, 表面有少少鹽吊味海蝦 唔會係死蝦, 入口帶爽口鮮甜 天婦羅蝦 同樣炸後表面唔會

今日系中學同學既生日，大家決定同佢去大滿喜慶祝生日；幸好較早前book左位可以準時入座！人流同樣刀好多，證明食物質素應該也有保證。環境方面對比之前大左好多 近門口既位置帶甜品 飲品 熟食區，食客可自行任拎！飲品種類刀幾多下，吾錯喔！ 刺身：刺身款款刀好好食，對個人喜好黎講有三款必食。挪威三文魚好厚身 食落有口感 超正 仲好有三文魚鮮味！珍寶赤海蝦 依間放題好讚～超爽口 又夠大隻！俄羅斯甜蝦又系鮮甜 size適中！海鹽虎蝦天婦羅：炸到金黃色 而且吾會縮到反炸甘好細隻！脆口中內裹有爽口既蝦，必食！鹽燒海蝦：口感爽口 帶有蝦本身既鮮甜味 同樣食得出系死蝦黎的！鹽份控制得好好吾會過咸！必食～鹽燒雞軟骨：同樣地吾會過咸！依家逐漸少左放題有得食 但依度依舊仲有 好滿足！吾會燒過龍變硬，本人叫左好多round！黃金海鮮杯：依個比到我幾驚喜，由於原來食落去吾系一般放題既帶子，而系爽口既蝦。細細杯吾會食得漏！黃金虎蝦燒：開邊蝦好方便食客食用，味道好似蒜容蝦甘 幾野味！ 瑤柱海鮮粥：個人認為依款粥味道比較淡 如果可以加反少少鹽 可以令味道提升；另外當中既海鮮只有一隻小蟹，本人覺得有點失望。

今天放工，女兒致電說訂左位去旺角大滿喜食放題，但朋友有事不能去，叫我去陪她食，大滿喜我之前都去過食，食物和環境都吾錯，今晚一於再去品嚐一下囉！刺身好新鮮，我最喜歡肥美的挪威三文魚、鮮甜的俄羅斯甜蝦和珍寶赤海蝦、爽口的象拔蚌和北寄貝，特別是象拔蚌，有些其他店放題都林身，吾夠爽，但這間就超爽口，證明好新鮮！三文魚腩壽司：魚脂豐富又甘香，入口即溶。黑松露赤海蝦：赤海蝦大隻肉厚，特別爽口鮮甜，加上黑松露更增加香味。香草燒紐西蘭羊鞍：肉質非常嫩，香草味香濃，一點羶味也没有。芝麻雞翼：炸至金黃色的雞翼好入味，皮脆肉嫩，加上有芝麻更香口。黃金海鮮杯：有蝦和帶子，用特製醬料焗烤，酸酸甜甜的味道，很好吃！黃金虎蝦燒：虎蝦都好大隻，開邊加入芝士香草燒成，蝦肉彈牙好惹味！有我至愛的甜品------牛乳奶凍，滑滑的口感，香濃的牛乳味，甜度適中！芒果布丁就普通，加左花奶都吾錯。

之前光顧過一次，當時覺得刺身，壽司不夠新鮮雪味較重，但機緣巧合下，再光臨第二次，竟然有驚喜，食物新鮮了，選擇也多，味道都是不錯的，每件壽司，刺身大少正常而手卷則是Q版的，不過咁樣仲好，可以試多啲唔同既嘢，反正是放題，好食的可以再order, 也有提供自助熱食，小食，甜品，飲品，總合來說各食物的質素，是認可的。不過環境稍為迫了點，而且坐在近走廊位，經常都好驚險的會驚被撞到，也有些吵，餐具，餐桌乾淨情況與服務都屬一般，再來食勁食一番還是可以的。不過加埋一要二百七一位就只能算是合理了！

早兩日同班朋友約埋食下午五點半放題，因為大家明日都返早班，早食早散水😂，五點二十分到門口，都有一堆人係度等入場，等左一陣就入到去，第一件事就係去拿野飲，因為天氣熱大家都口渴🙈，飲品都好多選擇，我就拎左綠茶黎飲，坐低飲完野就即刻落番個刺身order先😍，呢盤就有三文魚、北寄貝、帶子、甜蝦同珍寶赤海蝦。三文魚色澤幾靚同夠厚肉，北寄貝就普通啦，帶子都幾鮮甜但略嫌細片左d，甜蝦就幾鮮甜而赤海蝦就夠哂大隻多肉。創意壽司都幾特別，每件都細細件，可以一啖一件，喜歡三文魚的我叫左好多件迷你花之戀😏。再黎就整左碟燒雞中翼同燒比目魚，兩樣食落都幾香口。海鮮杯原來係有蝦同帶子，混合埋d芝士醬，幾惹味🤤。跟住再叫左一堆壽司，叫完後上菜速度都好快，食落都好新鮮唔會有腥味。下一碟就係蒜香一口牛，呢個去度真係要試一試👍🏻，好有蒜香味同咬落好淋，唔似得出面有d整到好韌，好似食緊香口膠咁🤦🏻‍♂️。之後就食炸物-芝麻雞翼同炸年糕，芝麻雞翼同燒雞翼比較，真心覺得芝麻雞翼好食好多，佢炸到成隻雞翼脆卜卜，又食到芝麻香，下次我會留番哂食雞翼的quota，俾哂芝麻雞翼😂，而炸年糕就外脆內軟，咬落好煙韌。最後就到食甜品時間，呢度有好

位於旺角的大滿喜係一間非常受歡迎嘅日本放題餐廳，未到開始營業時間，門口就已經排好長龍。餐廳裡面環境非常整潔，餐台下面嘅隔層擺放吃放題小冊子，裡面應有盡有，包括以下幾大類：刺身，壽司，串燒，燒物，炸物，天婦羅，主食， 等等。呢度嘅上餐速度夠快，交咗單5-10分鐘食物就會送到。我向大家強烈推薦以下幾個course:香草燒紐西蘭羊鞍，蒜香汁燒雞中翼，燒有機菠蘿，芝士年糕，香芋丸，南瓜天婦羅，瑤柱雞粥，豬頸肉烏冬，鹽燒海蝦串燒。全部味道相當鮮美，食材肉質鮮嫩可口，吃放題一定要黎呢度吃

兩星期前已經約咗班同事一齊去食放題，諗左好多間放題都唔知食邊間好，最後有個同事提議不如試吓旺角呢間大滿喜，因為我之前都食過樓下嗰間樂天大喜屋，所以都有興趣試吓呢間大滿喜，不過因為都係大喜屋集團，所以我諗應該都唔錯。一入門口就見到個飲品櫃，飲品嘅種類都幾多，有茶類、可樂、忌廉溝鮮奶、果汁、維他奶，仲要有酒添， 真係一家大細都啱。出邊有個沙律吧同小食吧，可以自製沙律食，另外仲有啲小食，例如炸餃子、薯格等等，仲有個甜品櫃。呢排電視都成日講唔好食咁多三文魚，我自己就叫咗一碟試吓啲刺身，北寄貝同鮑片都好好食，好鮮甜。我最愛嘅火炙壽司，啲飯嘅size細細舊唔錯，火炙三文魚入口即溶，建議一定要食，另外仲有啲卷物，另外梗係要推介一下大喜屋最出名嘅芝麻雞翼，香脆可口，雞肉嫩滑。仲食咗好多種唔同嘅菜式，每一款都幾好食，同埋好出色，另外佢啲位坐得好舒服，因為我哋係五點半入座，所以都唔係好多人，建議如果返shift嘅朋友都可以試吓五點半食，七點半黎座。

放工約左朋友去旺角搵好野食，同事好醒目已經係大滿喜訂左位，17:30準時入座。小弟即刻柯打至愛刺身，火炙壽司同卷物，款色都多同齊，挪威三文魚刺魚夠肥美無筋，北海道鮮帶子夠厚肉，食完一轉即刻要再叫。好快又上至愛火炙系列，今次叫左鵝肝伴汁燒和牛，醬燒珍寶蟹棒，鹽燒三文魚，xo醬帆立貝燒和牛真係燒到岩岩好，又唔係全熟，醬汁惹味，加粒鵝肝吊味真係推介首選，真係低估左珍寶蟹棒個大細，真係夠大落足料，鹽燒三文魚保持水準，驚喜不算太大，xo醬帆立貝又係推介之選，愛食xo醬一定要試下，足料醬加份量大帆立貝，配搭一流，抵食卷物有2款特別吸引我，就係千島大蝦卷同露筍和牛卷，小弟自幼對炸蝦都情有獨鍾，千島醬配合足料大蝦，一口卷真係大滿足！和牛卷感覺比火炙燒和牛遜色，不過都值得一試。食到咁上下，緊係到甜品啦，3.6牛乳奶凍推介之選，牛奶味香軟滑又唔太甜，一食就食左2杯，今晚放題真係大滿足！

今日又去食放題啦，其實成日食放題，又唔會悶果下先叻喎🤔🤔🤔今日呢間既刺身都算新鮮，款式都有好多選擇，熱食既有串燒🍢，燒物🍘，鍋🥘，天婦羅🍤等等好多選擇甜品有雪糕，我食左好多杯啊

今晚終於約齊人食放題，一行四人。但有個朋友要8:30p.m.先收工，所以預先book定9:30p.m.，加上9:30p.m.後食會左平d。精明既消費者相信都會咁做。今次食放題就擇左大滿喜，見食評不錯，所以黎試一試。食物款式選擇都幾多下，尤其是壽司選擇都唔錯。大家都肚餓，朋友就亂叫一大輪。等食中當然出去睇下有咩其他特別。飲品無限自取，款式不錯，約有十幾款，實有一款適合自己。除左點餐紙外，外面仲有自取點拎d前菜同熱食，今日就有章魚丸、口水雞翼、炸餃、炸薯格同埋炒蟹。我就每樣都拎左少少試下，品道唔幾好，而且係熱既，唔會凍冰冰。燒物都不錯，唔會太乾身，保流肉汁。壽司賣相幾好，份量唔錯唔會偏大偏小，一口一啖剛剛好。壽司新鮮度高，水準似係出上壽司舖食一樣，唔似整左係度放左好耐果d。刺身賣相都吸引，仲有乾冰作煙霧效果。甜蝦鮮甜有蝦味，三文魚厚實。每款刺身都唔錯。天婦羅炸漿略為厚左d，但勝左即炸熱辣辣。羊架超愛，鮮嫩多汁，唔會太羊騷味。正！食完再食，必食！其他炸物都係熱辣辣上，試晒紫薯香芋丸、芝士年糕及榴槤炸彈。鍾意食榴槤者必食榴槤炸彈，榴槤味濃，外脆內軟。最後甜品點可以少，甜品櫃都有唔少甜點。雪糕櫃

收工決定同好耐無見既朋友大吃一餐，當然要食番夠本盡興下啦！呢到有自助區，另外自己都可以寫紙點。我一開始就去左沙律吧先，諗住食少少菜開下個胃，估唔到咁多選擇，又夠新鮮，正呀！然後我地點左d壽司，好中意佢個花之戀，好多蟹子，又唔會話太多沙律醬，食兩件都唔怕濟！呢到既燒饅魚都好正好香，出面好少會有得單點饅魚，通常都係得饅魚壽司，呢到有得單點實在太好啦！海鮮杯都唔錯，熱辣辣，入面有蝦，蟹柳等等，芝士味濃。燒牛舌燒得岩岩好，出面脆卜卜，但又唔會太乾，入面好soft. 忍唔住食左兩串。炒蟶子好惹味，出面既放題鋪少有。蟶子無沙，又夠大條，食落爽脆，正！食到咁上下又出自助區睇下有咩食，有章魚燒，餃子，雪糕，甜品等，仲有得自己擠yogurt, 好多選擇。最後食左yogurt同tiramisu, 兩樣都不錯！整會黎講無點漏單，不錯，會再光顧。

刺身好新鮮, 有好多選擇。刺身盤有一個小杯，盛著乾冰，出現白煙效果，個個都手機食先。壽司方面，款式新穎新鮮，有自家的創意壽司。每次必叫火炙壽司，今次點了炙燒左口魚 炙燒牛肉 芝士蟹肉， 上桌時暖暖的。刺身厚度適中，有三文魚 北寄貝 象拔蚌 甜蝦 帶子 等等食太多刺身開始有漏漏的感覺，就要食燒菠蘿哈哈。燒菠蘿係食到膩個陣，可以解膩。菠蘿經高溫燒熱後，更香甜多汁。熱食即點即製，入口時熱辣辣。任飲的飲品需要自己到雪櫃領取，有椰青水 解茶 韓日汽水 成人每位的收費是＄228，進餐時間為 2 小時 ，另外要收加一服務費。

好耐無食放題，約咗朋友放工去大滿喜食放題，價錢吾貴，而且食物種類多，環境舒適。安排坐排後，去咗自助吧拎飲品，飲品種類有二三十多種，還有雪條櫃、甜品櫃、沙律區等。第一round , 喺自助吧拎咗蛋撻、小丸子、味道不錯,飲品有平時飲開的椰青水壽司款式很多，我特別喜歡食鰻魚壽司同蟹棒壽司，幾好食。串燒水準很高，翠肉瓜清甜多汁，燒雞軟骨同燒虎蝦非常好味。燒牛舌係超有驚喜，多汁同好有牛味蒜蓉虎蝦好惹味，蝦肉鮮甜，我同朋友超鐘意食，食咗幾轉

上星期六去咗大滿喜食午時放題，非常抵食，只係178加10%，可以任飲任食三小時。餐廳環境舒適，可以慢慢飲慢慢食自助吧有沙律、甜品、雪糕、飲品等，而飲品種類非常多，有三十多種放題食物種類多，店員收碟速度非常快，同沒有漏單，真係要俾個like 鹽燒海蝦加鹽燒雞軟骨水準不錯，燒牛舌非常好食蒲燒鰻魚水準高，食到Lam Lam脷。另外比目魚魚質非常滑身蒜香燒虎蝦非常惹味，好食到食咗幾round虎蝦天婦羅和蟹棒天婦羅炸得剛剛好，好味道二百蚊有找可以舒舒服服任飲任食三小時，非常抵食，性價比很高