大欖燒烤

營業中

休息中

聽朋友說屯門近大欖涌附近有一個燒烤樂園，可以選擇一般用叉燒烤，又可以選重慶燒烤。既然咁一於約埋幾個食友長途拔跋，走一轉屯門，由於是晚係閒日，整個燒烤場都冇十台客，大部分人都係揀重慶燒，食物已經一串串串起，燒起來方便，食都容易，食物質素方面都唔錯，每人有一隻游水生蝦及一份菠蘿同香蕉，其他肉類包括叉燒粒、蒜茸雞中翼、咖喱魷魚、雞腎、多春魚......最抵讚係羊架任食，出面買一盒4塊嘅羊架都要7x幾蚊，小弟食咗4件，番本了！由於知道有羊架，所以我帶埋迷迭香及孜然粉去，呢兩樣嘢真係同燒烤夾到無倫，其實燒烤場本身已經提供蜜糖、沙爹醬、啲凍肉醃得唔會太鹹同無雪味，大紅腸、腸仔同丸類都有好幾種，每一次到差不多食晒，工作人員先去大雪櫃補給，所有食物都放在唔同凍櫃入面，感覺衛生同可以保持新鮮！蔬菜方面有茄子、雞肶菇、九菜、三色椒..... 只要加一點醬油去燒已經好好味。

聽朋友說屯門近大欖涌附近有一個燒烤樂園，可以選擇一般用叉燒烤，又可以選重慶燒烤。既然咁一於約埋幾個食友長途拔跋，走一轉屯門，由於是晚係閒日，整個燒烤場都冇十台客，大部分人都係揀重慶燒，食物已經一串串串起，燒起來方便，食都容易，食物質素方面都唔錯，每人有一隻生蝦，其他包括羊架都係任食，啲肉醃得唔會太鹹同無雪味，可以再幫襯！

很想吃重慶燒，想吃得轉登入大尾篤踏單車，就是為去大尾篤吃重慶燒。但大尾篤今天很多小虫子在天空中飛舞，所以對在大尾篤吃有點恐懼，即時上網查一下那兒有重慶燒，找到了屯門的這一家。友人又經常不駕車，要坐巴士，原來大埔去目的地都很不方便。在屯門轉車站下車後，我們再要去下去另一個巴士站。落車地點是一個沒有人的大馬路，呼呼冷風好有"那夜凌晨，我坐上了旺角開往大埔的紅van"的感覺。沿著一條不知對或錯的行人路向前走10分鐘，我們終於到達目的地。內裡也頗多客人，都是駕車來。選好枱子，拿了工具，開了爐，我們便去食物房。食物種類也足夠，肉的豬牛雞腸仔羊架都有，也有不少蔬菜類。比較喜歡燒韮菜，而在友人教導下，才知道燒茄子燈籠椒之類的蔬菜要一直塗水才會好吃。 肉類最好吃的是鯖魚，一直燒一直塗醬油，味道比日本餐廳還好。另一樣喜歡的有安格斯牛肉，不斷下孜然粉很有風味。最後要讚的是有牛油豬仔包呢！送的每枱一份香蕉菠蘿大蝦也不錯。遠處見到有很多大型吹氣滑梯，如果早上帶小孩來，一定十分好玩。一離開火爐便很冰凍，最後還是著涼了……

星期六冇嘜野搞就同家姐去BBQ啦！去燒烤場最好架喇！唔洗買野，又唔洗麻，食完就可以拍拍PAT PAT就走得星期六天氣涼涼地所以都幾多人，我地坐果個位都幾通爽的職員幫我地起左爐就可以開始燒LU雞全翼~~~都幾大隻，醃得都幾好味架雞中翼~~~分兩隻味，有辣有唔辣，都唔細隻，味道都唔錯牛丸、魚蛋、墨魚丸、芝士腸、腸仔~~~質素都唔錯咖喱魷魚~~~咖喱味十足，都幾辣的，但好惹味呢豆卜~~~燒起上黎搽少少HONEY真係外脆內軟！正豬肉粒~~~超正呀！其實味道係似叉燒，肉質又"林"喎！仲有方包同蒜蓉包架！方包又好鬆軟架！GOOD燒左4粒鐘飽飽就走LU

尋日(26-11-2012 Mon)晏晝同男友同女友人RC傾完偈走人,我o地照原定計劃去燒o野食,呢日晏晝好凍又落雨,原本想去小欖燒,但o個o度近海會好凍,所以決定o黎大欖燒,我o地行到o黎,見到有四個卡通人物擺設,有啲意外.而時間只係4:46pm,冇乜人,又見唔到職員,唔通冇開?但我之前打過電話o黎話星期一至五都開o格,我o地繼續行,見到有幾個人燒同打麻雀,啊,咁到去攞o野食o個邊,即刻畀錢開爐.由於呢o度都好大風,我就主動話唔要咁當風o既位,女職員就叫個男仔畀第二個位我o地,真係好.而個男仔都即刻開電視畀我o地睇.起好爐攞後,女職員主動同我男友一齊將個爐搬入啲,話驚撇雨,真係好細心啊.好開始燒喇,我o地燒o左:1.10冇乜問題o既有:墨魚丸,龍蝦丸,雞扒,脆皮腸,雞中翼,多春魚,雞肉腸, 茄子,粟米,司華力腸11-15 幾好味o既有:咖哩魷魚,叉燒粒,金沙骨,雞全翼,黑椒牛扒16-17唔係咁夠味o既有:豬扒,嗅到好香蒜蓉味,但燒好食落唔多夠味.蒜蓉包,燒好食落都係冇乜蒜蓉味,但嗅到係有蒜蓉,只係落得好少.18-22冇燒到o既有:方包, 魚肉燒賣,煙肉, 炸魚蛋,貢丸服務:之前講o左

星期日同朋友又去燒吓野食, 第3次響度燒喇,今次寫吓呢度食評.... 其實大致上都好好味, 肉類整得入味,至滿意係多春魚督入去唔會爛, 番薯ok, 但粟米乾左d,唔ok,一路打雀一路食,次次我地由兩點幾食到8,9點! 朋友都話重想點,唔錯啦! TOILET都乾淨! 小朋友玩得開心地方夠大又乾淨. OVERALL質數合格!要求唔高既bbq 食到飽飽滿足的一天!

我最鍾意燒野食，一個星期燒足五日都無問題。今日舊同學仔搞次燒烤聚會，佢地決定係依度搞，無緊要，我又唔怕遠又唔怕熱，最緊要有得玩。無試過依個燒烤場，就黎試吓啦，我最鍾意試新野架喇 ﹗但係 ................起壇喇，依度啲後生仔員工都幾馬虎起爐，之後要自己重組先猛火再現，烘烘烘 ﹗啲碳微濕，有 UP 味，要等佢燒一段時間先可以開始燒食物。雖然無燒燶，但因為碳濕及唔夠乾淨，所以燻到啲食物黑晒色。最好燒既火，係用白碳火慢慢燒食物就最靚﹗依度係任食 all you can eat 同包一支無酒精飲品，碳就要每包 HKD5。去攞食材時，有好多肉類仍然入晒雪、痴實晒，無足夠解凍，好唔專業 ........ 食物到喇，賣相似乎美觀吸引，試過晒依度供應既雞翼、豬扒、牛扒、豬頸肉、叉燒粒、金沙骨、多春魚、魷魚翼、芝士腸、雞肉腸、炸魚蛋、貢丸、牛丸、豬肉丸、墨魚丸、龍蝦丸、魚肉燒賣、青椒、茄子。除左部份唔洗醃既食材外，其他醃肉味濃，食到我勁頸渴，味精份量仲非常十足、十二足，第一次燒烤飲到唔停，四小時內飲左 1 支 630 蒸餾水、3 罐綠茶、2 罐可樂、1 罐 7 UP、1 罐忌簾、2 支細藍

部門主管話要搞次gathering, 經多番磋商后決定去bbq. 可惜一直去開那間近排在裝修, 既然如此, 只好轉投另一燒烤場啦.未去之前已經先來openrice看看食評, 見有VIP房, 那就試下book, 畢竟今次gathering中會有小朋友出席, 心諗住有間房仔好似好d(成程露天的話, 怕有好多蚊咬). 點知 ... finally好後悔 .. 先講食物, 選擇方面好似唔係太多咁. 不過的確呢度d食物, 味道弄得好好, 實屬難得呢!個人亦推介"义燒粒", 很入味! 雞中翼有兩種味道可選擇, 兩款同樣弄得很出色! 同事們也稱讚, 大家也食了很多呢!肉食以外, 錫紙包裝的菜類的確要額外收費. 呢個真係 ... 未免計得太盡吧? 另外, 在場亦有面包供應, 不過牛油蒜蓉亦要額外收費, 大家听到這個都不其然覺得不吃也罷了(真的, 雖則收貴只是數塊錢, 但大家覺得呢度咩野都額外收費, 很無mood)講番間VIP房, 個人認為的確不要也罷, 房租HKD350, 入到去竟然仲焗過出面!!! 冷氣開到盡但都好似只會噴出熱氣!!! 這種感覺真的很怪!!同燒烤場收費處的人講過, 佢地亦只會叫你"熄

秋高氣爽, 又係BBQ既好季節. 尋日趁住假期, 同屋企人一行十人去呢個場BBQ, 之前去過一次覺得幾好, 所以今次又黎番呢度.我地下午兩點幾去到, 唔算好多人, 好快就選好位開爐攞野食. 呢度$78一位, 假期開爐費$20, 每人包一枝水一張飲品卷. 任食既都係D基本野啦....例如 : 雞中冀(有兩款, 有辣有唔辣), 辣既雞全翼, 叉燒粒, 雞肉腸, 芝士腸, 墨丸, 燒賣, 牛扒, 豬扒, 多春魚等等, 大致上都好好味, 肉類整得入味, 牛扒唔UN. 此外, 番薯, 原條牛油粟米, 蔬菜包等等就要俾錢買, 其實價錢唔貴, 人多既買多少少可以多D野食. 番薯OK, 甜甜地啦...粟米就差D, 好乾身. 蔬菜包有金菇包同椰菜包, 兩款都好味.另外, 我地自己就帶左D茄子去原條燒, YUMMY! 我家姐又自製左牛肉車厘茄串, 薄薄的牛肉燒一陣就食得, 加上酸酸地又JUICY既車厘茄, 好食到震!醬料方面, 這裡提供的蜜糖不太好, 要求唔高既都冇問題既! 我地唔知BBQ場有冇提供其他調味, 所以都係自備燒烤醬, 茄醬同蒜蓉牛油等, 始終係自己帶去既好味D.呢度都有其他康樂設施

大熱天時,有人提議去BBQ; 唔講唔知原來燒烤場都有VIP房,有冷氣電視... 聽落都OK,決定去馬...細房房租$350,有一麻雀檯一電視一櫃&梳化,我們一行13人入晒間房都OK(官方稱可容納10-15人); 出面則有爐&兩張大檯擺食物,自成一閣.除房租外,每位任食入場費$78,再加開爐費$20. 食物一般,無乜邊款特別好食. 反而最深刻印象係乜都計錢:首先,無論幾多人都係得一包炭(我估係一爐一包計),一包燒完要買,盛惠$5包.其次,錫紙包的食物,例如菜類,除蕃薯外全部一律要俾錢買.單睇以上兩點,已經唔可以叫'任食自助燒烤'啦(佢個牌係o甘寫,見相). 去過其他幾間燒烤場,都係第一次遇到o甘計法,而佢個入場費又唔係特別平喎...雖然唔係大數,但計計埋埋都唔少o架...汽水$7一罐,同樣比其他場貴; 牛油$2塊,蒜蓉$4碗... 今次唯一唔洗錢係麻雀,因為VIP房租已包,如坐出面一樣要俾錢租.除了有冷氣房外,我完全搵唔到再去的理由.

尋日大概4pm 去到, 可能前一日打風既關係, 個埸無咩人.so far d 食物都唔錯, chicken wings, chicken kidney, cha siu 都好味. 我地一燒就燒到8pm, 好relax, 又有電視睇, 唔錯呀!唯一要彈係員工無咩笑容

２５／１２正日嚟真係勁多人～好彩我哋ｂｋ咗房唔使同人迫～眼觀出面ｄ檯真係幾迫的～環境：大家都係嘈的啦～不過ｖｉｐ房都叫做有部冷氣，ｔｖ，ｄｖｄ機同麻雀玩～廁所成日無廁紙同濕漉漉～但唔算很污糟食物：入場包一水一汽水～只可攞同一個盆去攞野食～所以ｏｋ麻煩～燒的都係大路野啦～如牛雞豬魷魚叉燒骨及各丸，辣味雞翼同雞全翼都唔錯～麵包要搭另購的蒜蓉醬才好吃（$2一小小小杯）～不過ｄ芝士腸同雞肉腸個味好似怪怪地．．．唔知係咪因為係ｃｈｅａｐ貨，另外ｃｏｕｎｔｅｒ的小姐亦是一副愛理不理的樣子～而且企高一級～所以攞野時感覺麻麻．．．服務：全場大部分都係年輕人～有ｄ態度都ｏｋ～有ｄ就．．．anyway～百六蚊由晏晝三點玩到凌晨二點，午，下午茶，晚，宵夜四餐係到搞掂晒～抵返晒啦

尋晚四人行來到大欖涌BBQ ..因為見食評OK..去到..個場都OK大...之後有人幫我地開爐啦...點知真係開爐Only..開著左火就走左去...只係著左少少...=.=" ...跟住要我地自己整大個火..去攞野食...夾野果兩個妹妹仔D態度都真係唔係咁OK....好唔願做既感覺..too bad...撇除左呢兩個缺點..其他都無咩問題..食物味道正常...唔會唔好食..種類還可....值得一讚既係個女廁...BBQ既地方黎講..呢度既toilet都真係幾乾淨...至少唔會係濕"lump" "lump"果D...整體來說是OK吧..

環境好,爐同爐之間有充足空間,一d都唔迫;食物同服務質素都好過小欖多多聲!

total 7個舊同學去燒野食都成年無見喇=]係荃灣join左再搭巴士入去行10mins倒就到都算幾方便$78不限時任食包一樣野飲同埋一支水有好多唔同種類既丸,扒,腸雞翼果d都有分辣同唔辣亦有叉燒粒金沙骨可以燒麵包有麥包白包車輪包揀蕃薯都用鍚紙包好哂自己拎去"回"所以我地由2點半燒到7點好飽可能因為星期一人特別少..得3,4班人燒環境都幾好toilet好似好簡陋但其實幾乾淨走個陣都有巴士搭番出tuen mun,cwb等唔錯唔錯^^