大欖燒烤

營業中

休息中

聽聞這裡裝修過,裝修過後零捨不同,令BBQ有更好的體驗,不似其他BBQ場般只提供場地及食物,這裡地方做得雅致,雖然都在戶外,但硬件提供比出面一般的好,雖然以燒烤為主,但有提供鍋比你可以打埋邊爐,要是說港式燒烤,我覺得更似外國的燒烤,當然食物港式為主,食物保存得好,有凍櫃保存無論客還是店家都好!地方寬敞,可容立人數不少,當日去只是開了整場的三分之一,有泊車位,收費最好問番店家好啲😉車場距離店家只是一分鐘步行距離,一班人來聚餐又得,二人世界亦無任歡迎!

今日同屋企人去咗大欖燒烤場度燒嘢食,嗰度環境好好好乾淨,我哋仲一家人一齊去食,嗰度啲嘢食係好齊全，乜嘢都有得食,唯一唔好係啤酒冇得任飲,佢哋嘅雞翼雞扒都醃得好好食,公仔麵都好齊全好好,家人去食係一流

今日嚟咗大欖燒烤場全場都坐滿人，大部份都係後生仔後生女，確實係有啲氣氛加上老闆重新裝修燒烤場，無論設備啊，裝修都好新淨同埋實用，真心建議大家可以一家大細嚟食或者情侶兩個人嚟食都可以，除咗任食燒烤之外，仲有得打邊爐埋單每個人200幾蚊其實都好抵！交通都好方便鄰近呢個屯門公路轉車站～行幾步就到啦

🔥有質素！性價比高！任食自助BBQ & 打邊爐🍖成個場嘅環境好舒服，夠大，燒烤枱又唔會擺到好迫。佢唔會預先安排你坐邊張枱，係先到先得，俾你入到去自己慢慢揀個靚位🥰喺佢個介紹提到其中一個老闆係廚師出身，所以對自己嘅食品製作都有要求。通常呢啲以為佢講下，但燒完食落口又真係幾好食喎😁😁食物嘅款式多元化， 尤其是呢度嘅肉唔會有雪藏味，醃得夠入味，又有好多款唔同嘅肉俾你揀。佢嘅飲品都有五款以上俾你揀，唔想飲甜嘢嘅朋友，佢有啲花茶包可以俾你自己沖，完全係自助式。重重點係佢呢度嘅調味料同蜜糖都係任你添，非常大方🥰🥰❣️日頭去燒烤唔會曬佢有把大遮提供⛱️夜晚去燒烤都唔驚會好黑，因為佢把大遮有自帶燈，如果真係唔夠光，可以再問佢加盞燈❣️Joyfoodstop心動值：💓💓💓💓/5大欖燒烤(香港)地址: 香港屯門大欖涌村385地段電話: +852 26131811

冬天梗係要BBQ😌，呢次同埋屋企人去食～一早book定幾個人一個爐都好方便，每個爐之間坐得唔逼星期六至日及公眾假期全日$298/1，日間(13:00-17:30)$198/1，夜間(18:30-23:00)$248/1，另加$80爐費。望返比之前加左價，但好似裝修左環境再好左啲，野食又豐富左，所以都會繼續encore🤣食物種類多，雞翼都有勁多味道☺️，土匪、麻辣、蒜蓉、蜜糖、仲有麻婆豆腐味🌶🤪～基本既扒類、丸、腸、燒賣、魷魚、麵包等等都有齊另外仲有唔少蔬菜類for爐中間既小火鍋🥴，啱晒食得清啲既媽咪🤣～飲品有自助汽水機(百事/7喜/道地/MEKO檸檬紅茶etc)，另有橙汁同青檸水，唔使特登俾成廿幾蚊買茶/汽水😎！特別啲既仲有新既刨冰機🧊，真係估佢唔到😂💬揀weekend下午時間燒到5點半，其實都夠晒飽夜晚唔使再食晚飯，又可以慢慢消化下，仲要平啲tim🤗～走既時候仲睇到日落🌅💕，整體屋企人都好滿意

燒烤場環境唔錯，都幾乾淨，每場枱都有返d距離唔會太迫，足夠一大班朋友仔玩。到左夜晚佢會有d吊飾開返 同埋把遮都有環境燈，感覺上幾舒服。食物方面就唔算太多，當日過去都有d食物無提供，佢除左燒烤仲可以打埋邊爐。佢一入場就會俾一個大圓鐵網同打邊爐用既鍋俾大家，如果要拮住燒就要問佢拎燒烤叉。服務既話，係燒烤區幫手起爐既叔叔服務好好，一叫佢過黎幫手就好快過黎，相反夾野食個邊既職員就麻麻，問佢野唔係好想答，講野又無尾音。

裝修後重開，環境OK啱一大班人gathering 雞翼多款唔錯都嫩，牛就麻麻哋基本嘢都有，望落都多款啲丸都OK，仲有紅腸餐肉方包法包可以搽蜜糖蒜蓉有個爐仔可以擺埋落個網度當打邊爐但係得菜同埋麵嘢飲除咗汽水仲有蘋果綠橙汁青檸水有雪條同埋沙冰機可以DIY

琴晚同一班朋友三五知己去屯門大欖燒烤場燒烤！Halloween後一天帶埋小朋友👦🏻 派糖，一早喺網站book咗位，每位大人188, 100 cm以下嘅小朋友免費，小朋友就自備餐具啦！有BB餐椅👍🏻性價比幾高⭐️⭐️⭐️⭐️⭐️食物種類豐富，基本上所有肉類都有滿足晒食肉獸嘅要求（我）火爐中間仲可以打邊爐🍲非常啱小朋友食啊！打邊爐食材都好豐富蔬菜面類齊全，湯底係豬骨湯底，可以加其他醬料搭配！場內仲有啤酒吧，特定時間都會有啤酒試飲真係surprise ～環境⭐️⭐️⭐️⭐️⭐️裝修完之後第一次嚟，環境闊落咗好多！啱晒小朋友跑跑跳跳～場內一片綠色草地，有小朋友自備球類活動。天上嘅燈光好似星星咁！非常浪漫～風扇設備同埋廁所設施都非常乾淨！周圍都有大型風扇👍🏻冇噴蚊怕水都完全冇俾蚊咬！場內設有兩部小遊戲機$10一局，啱晒小朋友飯後活動！

之前成日去大欖呢度bbq點知有排突然close左好彩最近又重開返襯住開始有啲涼意就約朋友黎燒野食❤️呢度有重新裝修過地下鋪過 爐都全部換曬二合一真係懶人福音😂😂😂😂飲品變左有幾款汽水同果汁係可以無限暢飲仲有茶包可以沖岩曬唔同人士食物方面選擇多左淨係雞翼已經有六款味道仲有不同肉類，丸，菜我個人最鐘意食咗豬頸肉❤️麵類都有幾款個爐依家咁設計真係好方便中間個煲可以打埋邊爐tim不過個火好猛 比較易燒燶

今日嚟到大欖嘅燒烤場，上網見到佢係重新裝修過，地理位置都OK，有唔同嘅巴士，落車後行5分鐘就到達場地😆呢個燒烤場會幫你起爐，比起出面有啲燒烤場自己起爐方便，同埋佢有包埋個架比你放食物上去😝而且中間仲可以打邊爐！我諗冬天嚟會更加正 🍲食物區都非常乾淨，我見到職員都不停會清潔，主要都係以雞翼雞扒豬扒燉肉類同埋大量嘅丸類，肉類味道正常，反而食得出佢嘅丸類係高質嘅！有時燒烤場啲丸都幾難食🤣重點係廁所都好乾淨 冬天我會再黎

開始有d涼意，星期二收工想bbq就試下呢個場😊 環境真心好正好chill，爐與爐之間距離好闊，地下佈咗假草好靚又好乾淨，整齊又光猛，地方仲好乾淨添，日頭同晚上影相打咭都真係好靚👍 枱面網燒bbq 中間又可以打邊爐，枱邊夠位放小碗同快子真係幾方便，燒嘢食到乾乾地時，滾返個菜，金菇等濕濕地平衡一下都幾好👍係枱面燒烤同打邊爐，個地下都好乾淨唔會踩到d 鞋底有蜜糖痴痴笠笠👍比完入場費就帶餐具用品去選爐，嘢飲方面係汽水機出汽水綠茶，亦有水機出冷熱水，可能係平日關係食物方面覺得種類偏少，數量都不多， 加上剛開爐火勢很猛，食物放底落網好快就燶咗，很難控制，眼明手快要同個猛火鬥快咁😑 要燒到炭火細返才能唔再燶😅

餐具按你人數限你，碗、筷子跌左要攞張單去攞過一套，想要個大啲既盆裝食物都冇。攞個時好似當你小偷咁，小朋友手腳論盡跌左兩套，去攞多套仲話要比兩蚊，驚你偷野咁。（仲要你攞個跌左既餐具去換。）汽水唔凍，格離有冰櫃，打開啲冰溶溶地，唔敢比小朋友飲。野食就普通燒烤店啲肉囉，唔係因為屋企人就腳同中秋唔想霸爐，以後唔會再去。綿花糖35 蚊一包，我冇買，唔知自己帶入場得唔得。爐唔好揀最出面，行好遠先到個自助水吧，未去過啲咁既場，同我計兩蚊個紙杯。

今日悶悶地揸車嚟到屯門食燒烤， 超平， 二百幾蚊就可以食成日， 第一樣嘢梗係燒啲雞翼同埋雞件， 消耗之後食落去甜甜地爆汁， 然後又燒咗咖哩魷魚， 有咖哩味之餘仲好爽口彈牙， 燒咗陣悶悶地隔離仲有籃球場， 可以打陣波再返嚟繼續食真係又方便又抵食阿!

呢日黎到大欖呢度BBQ, 呢度其實都算方便, 好多車可以到屯門公路轉車站再行大約12分鐘就到~ 我地呢日黎個陣冇落雨, 但燒燒下個陣落大雨, 不過佢有帳篷, 所以都唔駛擔心燒唔到~ 呢度主要有分3個價錢分別住日間、夜間同全日BBQ 價錢, 咁當然星期六日同公眾假期又會貴少少~ 我地要左日間BBQ, 因為都食唔到全日, 志在燒下野食玩下~ 估佢唔到呢度又有得打邊爐,又有得燒野食,佢D 炭就放左係隔離, 隨時任加~ 而打邊爐既話係拎野食個度已經有湯同煲可以拎埋黎打! 呢度仲有BB櫈提供, 一班朋友一家人黎就岩哂! 食物方面都有唔少選擇, 佢有任食任飲, 有氣水同水任裝,但罐裝同枝裝飲品就要另外俾錢, 食物種類都有唔少, 岩哂唔同人口味! 值得推薦!

大欖燒烤 - 任食自助燒烤今日介紹一間位於屯門嘅燒烤場，場地大，設備齊全亦都新淨，一個價錢就可以任食燒烤，同朋友家人嘅一個好聚腳地方。午市自助燒烤 $168/位一個價錢，就可以由晏晝2:00食到5:30，所有爐具、餐具、炭都會幫你準備埋，起爐都係，一站式嘅服務，仲有帳篷，唔怕天雨影響。每張燒烤枱都設有燒烤網，中央仲可以放置火鍋嘅湯鍋，燒烤食材一應俱全，豬、牛、雞、火鍋丸類包羅萬有。地址: 屯門大欖涌村385地段