大戶屋

營業中

休息中

上次幫襯過，食鯖魚定食，非常好食，今次weekend 又黎幫襯多次，果然weekend 中環少人，唔使等位，侍應都比較得閒可以隨傳隨到，服務態度都好好。見到menu有魚生飯，但自己又怕食生野，於是試下呢個炙燒三文魚飯，$90，+$15轉定食，有配菜、茶碗蒸、麵豉湯，成個set望落好豐富，好滿足😍一打開個盒，真係「嘩」一聲，好吸引好邪惡，炙燒三文魚燒得好好，表面係熟，另一面有少少生既感覺，用羹不落去唔會令三文魚散哂，食落去口感好好，配埋沙律醬同埋wasabi一流，好似啖啖都食緊三文魚壽司。飯係珍珠米，粒粒分明，雖然個盒大，但其實成個飯只係三分一個盒，不過加左定食已經好夠食，呢個價錢，呢個質素，抵食👍🏻

中環約friend又費事食咁貴，可以諗下呢間l place嘅大戶屋，坐得舒舒服服早去唔使點等位之餘 ，食物都唔差。今日叫咗個親子鍋物，上枱熱辣辣味，啲雞肉呀，配菜呀，都幾大堆頭㗎，一個人食呢實食得飽。咁大戶屋最特別呢，就係啲飯可以有唔同嘅topping 例如溫泉蛋啦、淮山飯啦，呢樣好多其他日本餐廳都唔會提供。咁今日就食咗個淮山飯，對於鍾意食納豆飯嘅朋友呢個都係一個唔錯嘅選擇。同埋呢餐牌入面主要嘅食物都可以配返塊嘅套餐，唔使玩下就住，睇下是日靚唔係啲乜。

呢一天放假去覆診，所以晚飯都變咗係呢附近食，搵搵吓嚟咗呢幢大廈，見到大戶屋，好耐冇食過，一於呢間，再試吓😝 我倆一個揀豬扒，一個揀魚。兩個都加$23變定食😋 女友個豬扒玉子鍋到先，嘩！熱辣辣香噴噴超吸引😃 但賣相可以再整得靚啲😅 味道唔錯，我倆都鐘意😊跟住我個黑醋鱈魚野菜到埋，哎⋯⋯好似咁細碟嘅(對比餐牌)，魚嘅份量我覺得正常，係野菜可以放多少少令成碟睇起上嚟豐富啲😝😝 個醋汁好味！舊魚就只係正常，因為包住舊魚嘅物體整得麻麻⋯⋯我就唔係好鐘意😅最後見個雙色雪糕伴紅豆都只係$24，都忍唔住叫埋嚟食😋😋綠茶味唔錯，但另一個就唔知係雲哩嗱定豆腐味😛今餐好滿意，坐得舒服，服務態度又好！又醒目！唔使叫都不停有幫我倆添茶！贊贊贊👍🏼👍🏼👍🏼 一定再嚟，我女友仲要食銀雪魚西京燒😁😁😁哈！仲有一樣想講，就係個飯，如果可以裝滿啲就好喇，係咪好貪心呢😆 因為成日好似食晒啲飯都仲有餸剩🤪

今日happy Friday，同事帶我黎呢到食lunch，12:15黎到攞飛，好多人，結果等左30分鐘先有位，如果叫外賣都要等20分鐘，所以下次一係早d出黎，一係電話叫外賣。賣相：一睇就知吸引啦，盤又大，放到滿哂咁，好日式。味道：左上角茶碗蒸熱㷫㷫，入面有舊雞肉，重點係蛋蒸得好滑。左二係紫菜，冇咩味，用黎送飯都ok左三係白蘿蔔，非常多，用黎配鯖魚好夾，凍凍地少少酸，可以中和魚既鹹味左四係雜菜，仲有泡菜tim呀，酸酸地好正，好開胃右下係麵豉湯，熱㷫㷫，唔會太鹹，夠正宗左下係白飯，似係日本米，夠淋，又大粒登登登，主角黎啦！鯖魚一流，皮煎得非常脆，魚夠嫩，重點係少骨，非常重要，因為我好唔鍾意lur 骨，呢個魚係可以食到啖啖肉，間唔中食到有骨，但可以咬碎，食得好爽。整體黎講：除左要排隊等得耐之外，食物冇咩好挑剔，下次會再黎幫襯。

每月一次部門食飯第一次幫襯，由於不設訂位，只好早少少出發，好彩夠近，去到立即可入座。餐牌選擇多，有午市套餐，主餐牌單叫，如主餐牌想改套餐，加$23 就得，同套餐價差不多。我選了期間限定，芝麻櫻花蝦烏冬配燉蛋，另自選魚生飯 （三選一，但忘記影相）烏冬份量比想像中多，彈牙好食，但醬汁一般，無乜味燉蛋好滑，好好味😋魚生飯新鮮套餐非常抵食，一定夠飽，如果兩位女士，可order 一份再加小食，多d 變化服務態度亦算有禮，反應快，離開時有基本講多謝

As someone of Japanese descent, the food here feels like comfort food. I was missing the food as I could not visit my Japanese family members this summer, so I decided to dine at this restaurant just to make me reminiscence. I ordered the beef teishoku and my friend ordered salmon sushi. Such affordable prices for the quality that you get. We indulged in dessert aswell (a scoop of ice cream with red beans) to finish the night. So much variety to choose from so I highly recommend!

以前成日會去太古果邊果間大戶屋今次黎到中環呢間空間比太古果間大 坐得舒服d大戶屋d炸豬扒/雞扒一向都好好食咁耐無試過就叫左個晚餐set炸雞扒飯盒+冷soba☺️炸雞扒果然好好味 好脆 炸粉唔太多雞扒下面鋪左好多沙律菜再下面就白飯 炸雞扒+沙律菜+白飯咁食會無咁漏😌冷soba 連個碗都係凍架🥺麵好彈牙 好好味啊☺️雞肉串燒set呢個就有d失望有雞肉，大蔥雞肉同雞棒上到黎個樣唔似平時串燒咁啱啱燒好既樣似一早整好整番熱比你咁😰所以下次唔會再叫串燒了~

星期六晚去咗中環 L Place 的大戶屋食飯，其實之前已經去過這間餐廳好幾次了，我還是覺得中環店比較舒服，比較容易找到位置，環境很舒適，服務員也很殷勤，我點餐時，服務員也會有一些推介給我的，但是我最後還是點了我最喜歡的’銀雪魚西京燒’，一定要加錢轉套餐，因為一定要跟飯吃才滿足，份量也很祝，有前菜，有燉蛋，有麵豉湯，當然也有主菜，味道真係好好吃，賣相也一流，跟我在日本或者泰國吃的味道一樣，真心喜歡，真心推介給大家可以一試。

每次想食大戶屋就一定要9秒9出去，因為在等入lift位置都會排長龍。有幸今日唔駛排隊就拎到位😊😊餐牌有熟食和魚生選擇，飯或烏冬都有同事揀左"大戶屋招牌定食"，有香炸牛肉薯蓉🐮🧆牛肉太少，薯蓉好滑燒豬腩肉~外層香脆，肉質鮮嫩，🐖🐖中間肥肉爽口不膩雜菜沙律~蔬菜新鮮🥗🥗，醬汁醒胃我就揀左"蘿蔔蓉雞扒煱定食"原煱熱辣辣更能帶動雞扒醬油嘅香氣，麵包槺包住雞肉炸過，保留雞的肉汁和香滑🐔，雖然經醬汁再煮沒有脆口，但上層加上蘿蔔蓉中和了油膩感，加上配菜吸引所有醬汁好入味。日式蒸蛋好滑🥚🥚，好有蛋香，抵讚🧏‍♀️最好係食完可以坐多陣，唔會趕你走

好似好耐冇寫食評🤣呢排真係好忙🙈🙈成日都講啲好食嘅嘢 不如講吓啲唔好食嘅嘢🤭🤭呢一間啦係前排好鍾意食嘅大戶屋佢個銀雪魚同埋佢個炸豬扒都好好食但係呢個牛肉壽喜燒真心中伏🙃🙃個湯底好鹹 鹹得來又唔覺得佢特別好味 牛肉唔夠滑絕對唔係入口即溶嗰隻 咁當然啦百幾二百蚊唔會expect佢係和牛咁嘅質素 但係好老實呢一個比起我之前喺尖沙咀食另外一間70幾蚊嘅 70幾蚊嗰個仲好食 😖😖所以係唔抵食 不推薦啊🙅🏻‍♀️🙅🏻‍♀️🙅🏻‍♀️

幾乎每兩個禮拜就要來一次食日本嘢我差唔多次次都會捱過牛食茄定食之後再加山芋泥飯啲牛舌永遠都係熱辣辣咁係個鐵板上面切得都算幾後唔會覺得好少肉分量足夠之餘仲有沙律有湯有蒸蛋個飯好快就會食完因為一啖牛舌一啖飯再加佢個麵豉醬真係好好食下面有少少洋蔥但係我就嫌佢略為生左少少如果唔係擺得好正中嘅話佢基本上係同生嘅洋蔥冇分別個鐵板完全無煮到如果有埋個甜品就會再開心啲啦但係喺中環來講呢個價錢算係咁至少係過江龍我唔使擔心係咪食緊美心先啦

今日係上環做完瑜伽好想食得健康d, 就諗起日本野，上openrice立即搵下附近有咩好介紹，比我搵到附近有大户屋。一直都試下大户屋，今次就順利成章試下。雖然星期六但上到去都8成滿。今次做完瑜伽就清清地叫左個鯖魚定食，佢仲可以加錢選唔同既飯，有五殼飯 海藻飯 小魚飯 雞蛋拌飯等等.....上到枱個定食賣相都好吸引，仲有麵豉湯同蒸蛋。。。第一口食條鯖魚，魚油好香但唔油，飯仲用左日本新瀉米。整體都好滿意，環境都好舒服，同朋友聚會一個唔錯既選擇👍👍👍👍👍

對大戶屋呢個五花肉定食不嬲都情有獨鍾, 基本上每次嚟親都係嗌佢$112定食有齊麵豉湯,蛋,飯,CP值都算不錯。呢度嘅五花肉會切到細細件,女仔食就好方便,而且雖然佢望落好似細細碗飯,但係其實成個set如果食晒會好飽,五花肉當然係有一啲肥肉喺度,不過好彩唔算好油,肉質口感都很不錯。就算我去唔同嘅分店叫呢個定食質素都差唔多,品質上係幾有保證而且大戶屋價錢又唔算貴,夜晚喺中環想搵個地方食日本嘢,簡簡單單都係一個幾好既選擇。呢度勝在環境唔會好迫,就算好多人傾計都唔會好嘈,經常都會去食下。

今日早左食lunch 12:00未夠就已經入左去 一入去得幾個客係到 點知隔左10分鐘 好多白領陸續入黎 12：15已經full 晒第一次黎到大戶屋食燒魚 睇到菜單果時已經好吸引 估唔到 食落口 真係好好味 燒得真係唔錯大戶屋用既米真係好好食 每次都要讚翻食指數

之前係太古aeon食過最近先發現原來公司對面都有😍😍上一次lunch time時間黎食真係好多人排隊搭lift上去 上到去差啲連等位既空間都無所以今次專登遲少少先食我地1點半左右上去食就即有位啦🎉朋友叫左牛肉壽喜燒鍋 生雞蛋沾牛肉好正😋我就叫左雞肉蘿白蓉鍋 都一樣好好食個汁好好送飯 真係一陣就食哂食碗飯😍以後都會成日黎食架🥳