大戶人家 (已結業)

今天去飲下午茶, 三時半多點到達, 已經點食物, 有朋友四時才到, waiter 己催問食物到齊未, 當然齊啦, 只叫了四樣點心, 跟住又催說last order 喎, 要去熟食檔叫食物, 但食物又遲遲未送到, 但四時半大堂冷氣已關, 還熄燈!!! 熄到好暗, 啍, 熄燈時大堂還有十枱客左右, 咁都得?? 周圍還不停搬枱搬椅...非常混亂..

星期日同屋企人嚟左呢度飲茶,好耐冇嚟過啦,食物的水準好似有改善,可能太耐冇嚟的關係,細細盅的飯好味,有南瓜排骨及鳯爪排骨,都好足料,叉燒瀨粉都幾好,還有鴨掌,咸菜豬肚都幾多料,幾好味,叉燒餐飽好熱好味.價錢都很化算的.

昨晚兩人走去屯門第四區大户人家開飯。遇上很多年前大户人家之前身雅麗閣認識的部長，他現已貴為經理了。而我兩因在這幾星期內食得太多蝦，經已有些怕，但經理極力推介今次海麻蝦是很新鮮的。故原先只想叫三個菜，就變為四個：1.冬瓜盅($38)-----很清，材料也很足。2.海南走地雞($35)-----原來是咸雞，但為何叫海南呢？雞肉很滑，抵食喎！3.籠仔鴛鴦配($58)-----鴛鴦配是炸菜蒸牛肉及蒜蓉蒸鮮魷，幾好味。4.美極海麻蝦($68)-----很新鮮及好香口，無介詔錯。是晚雖多了一個菜，兩人仍可清碟，相信肥肉也增多了，故要繼續去跑山啦！

很久沒有來這裏飲茶了,以前每個星期日都會來的,因不用等很久就有位,上星期六來了這裏,都是不想等位的原因,叫了叉燒瀨粉,咸菜豬肚,煎青椒,鮻魚球,雞扎,d野食難食左好多,咸菜豬肚完全唔知食緊咩,d咸菜好似放了很久咁,一d都唔爽,叉燒瀨粉已叫佢廋叉燒,但都係好肥.煎青椒生的,未熟,其它的都好難食,我記得以前這裏的食物都有一定的水準,不知為甚麼現在會變成這樣.

日期：2007年11月11日時間：大約早上九時男友難得放假，當然要悠閒ｄ，所以就去左飲茶喇！或者附近無咩酒樓，所以一早都已經好多人，如果要自己一張枱就有排等，我地揀搭枱，去到個座位係一張四人枱，果一對男女都差唔多食完，走人，所以我地都係自己坐喇！水仙變做鐵觀音，女服務員解釋係同一樣茶黎喎，好多茶渣．食物叫左八樣（叉燒腸粉：好唔新鮮，黑麻麻；奶黃流沙包：甜左些少，最好食既一籠；泰式千層糕：椰汁味好重，都幾有咬感；馬蹄糕籮白糕拼盤：散收收，好水，無咩質感；紫菜魷魚餅：好味精，要狂飲水；柴魚花生粥：不錯，不錯），只係黎左六樣（蝦餃＆燒賣無黎到，失望！）都見ｄ野唔係特別好食，所以都係無吹到佢地．

我都係做飲食呢一行,所以我弁戈食都幾有要求,今晚同屋企人特登去試下食啦,首先,係遠處覺得佢\\\好光猛已經容易吸引人,入到去覺得好乾淨,呢樣好抵讚呀~~~~~去到住低睇下餐\\\牌都好多野食,特別係海鮮呀,睇左一陣後叫左個炒蜆,炸子雞,白灼蝦,豉汁帶子蒸豆腐同干蔥『跣』球煲,五樣野起得都好快手,個時係七點幾喎,起晒d菜都唔使廿十分鐘,真係極度意想不到囉,我個一刻諗起得咁快應該冇咩好野架喇,點知一食完全係兩回事呀!!!個蜆好新鮮而且真係入到d三椒味,正爆啦.....跟著個炸子雞合乎要求,反而用黎點個汁幾夠料,用左甜豉油加魚露,炸蒜片同干沖片,好點好點~~~~而個白灼蝦d蝦都好鮮甜,跟著到個豆腐都好入味,可惜我篡改多左d豆豉下令到帶子冇晒味,呢樣可以稍作改善改善,最後係我最想讚既干蔥『跣』球煲,先係上菜係熱辣辣,一開蓋\\\買相靚,一食下有煲仔感覺,而且d『跣』係冇骨架,十分驚喜呀,成晚d菜都令我呢個又訓又唔多想食野既人不停咁食,搞到今晚狂做運動收身,雖然如此,有機會一定會再幫趁,因為d食物真係好好呀,而且招呼亦不錯,都夠足夠侍應服務

今朝黎左呢間野飲茶,原來仲好食過虹橋呢度都有湯麵食..仲要抵食過虹橋..真係估唔到我叫左泰式冬陰公湯檬粉...唔錯,幾好味,辣辣地煎餃子~煎得岩岩好~可惜油左d ._.山竹牛肉球:有三粒,點kit汁好好味..有d碎馬蹄係裡面沙爹金錢肚:好好味啊~辣辣地..可憎份量少左d埋單47蚊...平到咁,邊度搵?

年廿九團年飯, 一行十八人, 已預定全包宴再加菜. 6:30pm去到已留房, 先是雀局karaoke, 8:00pm才起菜. 全包宴都是傳統團年菜, 先來燒味拼盤x2, 賣相分量都可以, 只是叉燒一碟半肥瘦色澤也好看, 另一碟卻太瘦顏色也很淡不好看. 翅很粗, 吃下去便知不是真翅, 但一分錢一分貨, 算吧. 再吃下去蠔豉很大粒很夠味好吃, 其他菜大多味道不錯也不油膩, 吃到一道炸蝦片做伴菜的炸子雞, 雞肉夠滑皮也脆, 蝦片也是夠脆而不油膩, 侍應姐姐見情形還到廚房多拿一碟蝦片給我們. 整體來說, 菜的味道不錯, 不會太濃味也不油膩, 賣相也好看, 服務當然是周到(因為姨母和姨丈一家是熟客). 到了甜品, 有雞蛋糕-好香好濃蛋味, 好味! 笑口棗-好香芝麻好鬆化又不油, 好味! 香芒糯米池-皮夠軟滑夠薄, 餡夠香夠軟又不太甜, 好味! 湯丸紅豆沙-湯丸是麻蓉餡, 夠香皮亦軟滑, 但紅豆沙太稀太淡; 芝麻糊-太甜亦不夠香, 埋單不佑多少錢, 應起碼三千多. 要扣分的是地板太滑(當然是指沒有鋪地板如去洗手間的路上)