大戶人家 (已結業)

羊腩入味夠淋、螺鲍片時蔬38蚊夠低食又夠份量！沙疆鳼半隻4O幾半隻低食鸡！出菜夠快買相亦唔錯！可以一試，只是忘記影低相。比起之前來過好好多！下次來到一定會再來！

以為改左名換過d野會好食左，點知，救命丫，燒味賴粉係白灼d一點味都沒有，而燒鵝就飛哂皮，皮旦瘦肉粥變滾水白粥，其他點心都無味，最離譜個鮑汁雞腳，用煲過湯既雞腳淋鮑汁就算，有咩可能咁離譜架，以前都會黎飲下茶，經過今次唔會再黎飲茶囉，

1行7大1B的父親節晚飯變了是父親俾錢，難得佢老人家高興，咁就多謝喇！！！１。佛手瓜豬𦟌湯-湯煲得好入味。２。椒鹽九肚魚-一流的煎炸野。３。帶子賽螃蟹-味道偏淡，帶子那兒去了？４。椒腐炒通菜-不過不失。５。沙律海鮮卷-外皮有丁點硬，但也炸得不錯，啖啖料。６。蒸多寶魚-沒有魚的鮮味，但也滿意了。７。金銀蛋莧菜-嫩滑的莧菜。８。燒味拼盤-燒肉，豉油雞好味；义燒硬了少許。送：紅豆沙-起沙，甜度適中但苦、南瓜西米露-味道不錯但甜了些許。

這間酒樓好耐之前係成日都嚟飲茶的,但有一段時間覺得食物質素差左,所以冇去好耐,最近媽媽說D食物好食左喎,於是我地又再嚟過,今天飲茶還飲乳鴨添呀! 乳鴨32蚊一隻,都好大隻同埋多肉呀,好香,D肉都滑的,唔會好肥,好味道!呢度的炒米粉好出色好多料,有火腿絲,韮菜,蛋絲,好好味,仲叫左雞絲粉卷,牛肉,雞扎,鴨腳扎,煎蘿蔔糕.其中鴨腳扎中的芋頭好粉,魚肚好爽口,GOOD,雞扎入面塊魚肚都好好味,好爽口,有雞肉,火腿,都好足料的. 2:15PM未夠鐘下午茶的時間會有特價的雲吞雞及蒸飯,我地叫左一個雲吞雞及一個咸魚肉餅飯,個飯都真的有一件咸魚及一大塊肉餅的,GOOD TASTE. 雲吞雞有生菜及雲雞一料還有雞件,只係8.8元好抵食.今天我們食左好多嘢,不過埋單都係200頭,因唔係飲下午茶,所以貴D但都幾抵食.

今晚突然間想外出吃晚飯，沒有訂枱，不敢到巿中心，於是找附近的酒家。行過這間酒樓，平日甚少幫襯，記得幾年前曾吃過一次飯，沒有太大印象，抱著試試的心理走進去。裏面客人也不少，六時多，未滿。因我們祇有3個人，其中一個係阿婆，食量少，不能叫太多菜。祇點了三樣：什菌肉碎燜豆腐、涼瓜班腩煲和燒腩仔，再加三碗白飯。先來了燒腩仔，皮-香脆、肉-肥廋均勻; 豆腐和涼瓜煲份量夠，味道也好，豆腐嫩，涼瓜多，但魚就略少，有骨，吃時要小心。飯後送糖水，有紅豆沙和蕃薯，二選一。紅豆沙煲得好，沒有加粉，有果皮香，略甜。蕃薯就一般。再來是讚服務：伙記醒目。捧菜的阿姐捧著煲仔站在枱邊等上菜，其他侍應都在忙，居然在賓房內(門是關著)的樓面哥哥說聽見'滋滋'聲，出來幫這個阿姐上菜，真是十分難得。埋單是$200元正。

本來不打算對這間酒樓寫食評,但越食越忍不住,實在太差,需要提醒各位朋友仔,但因食到後來才決心寫食評,所以相片的食物已吃了很多,敬請原諒.福建炒飯,完全沒有味道,好像唔記得放鹽!燒賣,細粒,蝦唔爽,仲有少少變變地.縮水山竹牛肉兼淋到過咗隆.蝦餃和煎堆勉強可以接受。蛋散唔脆，仲唔夠甜。整體來講，十分差，這間酒樓以往都有食開，雖然不嬲都唔係好，但不至於差得咁緊要，真離譜。

尋日(14-5-2011 Sat)同爸爸,大哥入屯門,出席由英國返o黎o既六舅父為外婆擺o既壽宴,6:45pm我o地差唔多人齊,就出發去酒樓,包o左一間房開三圍,二哥就o係我o地影相時到o黎.我同八姨,兩個哥哥及一眾表妹表妹夫一圍,然後開餐喇!1. 乳豬全體開頭食o個件都OK,皮脆脆地,之後食o個件就腍腍地.然後又夾件肉,唔蘸醬食穿都覺得鹹.味道: 2.8分2. 龍蝦上湯伊麵咁快上伊麵o既?大大碟,有好多易食o既龍蝦肉,龍蝦新鮮,但我覺得伊麵麻麻,即使唔知係侍應.定經理話索晒汁好好食我都冇興趣試.味道: 3.8分3. 雜菜炒雙蚌係珊瑚蚌同唔知咩蚌,雜菜有蓮藕片,四季豆,黑木耳同紅黃燈籠椒,呢個味道都幾好,算幾惹味.味道: 4.3分4. 瑤柱髮菜原粒瑤柱冇異味,有草菇,但原來我冇食髮菜.而二哥覺得呢個有啲鹹.味道: 3.5分5. 時菜孖寶孖寶係鴨掌同鮑片,時菜係生菜.睇見顏色唔深,蠔油應該唔係好多.食吓,鮑片冇問題.鴨掌唔係腍到一咬就爛晒o個隻,但又唔係好硬,但就淡而無味.味道: 2.5分6. 雞絲翅我只落好少o既醋,都竟然幾鹹.味道: 2.7分7. 清蒸唔知咩斑好大條,但未完全蒸熟,或

星期日同媽媽來了這裏飲茶,兩個人嚟食,差唔多兩點半,因之前星期六嚟過有些5.8元的點心真係好抵食,但點解冇既???以為星期日冇果d特價點心添,算啦,劃定一d下午茶等夠鐘就落單啦.未夠兩點半,我諗仲有五分鐘,出面已有人龍排緊隊,我記得之前呢度係有特價的盅頭飯及雲吞雞食的,原來依家仲有呀,於是我就出左去排隊,係我排隊的時候,見仕應派緊張點心紙喎…..原來果張就係5.8元點心紙啦.我排左唔算好耐,跟住攞左一盅鳯爪排骨飯及雲吞雞返去同媽咪一齊食呀.另外又叫左一些5.8元優惠點心呀.有咁平既點心當然要於棄之前果d啦.我地分別食左:迷你鳯爪排骨飯細細盅都有幾件排骨及一隻鳯爪,d飯好淋,味道ok呀,排骨唔係好肥.雲吞雞有兩粒雲吞,幾件雞,有一棵菜,這個好味的,雲吞都算大粒,仲有蝦架,雞肉好滑呀,好味蝦米煎腸粉好味呀,煎到金黃色,腸粉都好滑身好多蝦米及蔥花架.蛙蛙菜好味同都幾大碟架,好青綠唔老呀,爽甜山竹牛肉三大粒,都好味唔係好粉架,有牛肉味雞絲粉卷這個都好味,細細條入面有些肉及紅蘿蔔絲等,加埋豉油一齊食,正煎釀茄子這個都好味,唔算炸得好濃,都好大件,茄子都好淋好甜呀估唔到食左咁多嘢先係58元落樓,唔

今天下午同屋企人去飲茶,家姐突然間諗起嚟呢度,因好耐冇嚟過同埋都唔使點等位呀.差唔多3點嚟到唔使等位就有枱啦,不過張枱未有枱布的,但好似冇咩仕應係個場咁,我地都搵左好耐先有個仕應,但佢地d衫真係唔似仕應囉,跟住我地話未鋪枱佢只問你飲咩茶,九唔撘八,我話飲普洱又錄大隻眼望住我,都唔知做咩....跟住就有另一個女仕應嚟鋪枱但那個男仕應企係佢後面拿住兩壺茶但又唔叫人借開只係度喊佢睇住之類啦....非常之冇禮貌.叫嘢食啦,這裏的下午茶都幾平,小點都係7.8,但我地發現有一張優惠點心仲平,5.8炸,跟住就幾乎都叫晒果度d優惠點心啊.但未入單有仕應拿住些叉燒餐飽在推介,家姐問佢熱唔,佢話仲熱既,我地就叫左啦,點知原來熱既麵包唔等於好味及軟架...個叉燒餐飽係熱,但係好硬law,唔好食,一d都唔鬆軟呀...跟住我地入單叫左:山竹牛肉球麻麻地,好多根白灼娃娃菜這個都好味的呀爽甜呀九菜燴豬紅這個明明係九菜豬紅,但係冇九菜得d豬紅,我地問仕應先話原來九菜賣晒,咁應該一早出聲問我地要唔要先攞過嚟或攞嚟都要講聲會好一點.煎蝦米腸這個好味呀,煎得都幾香口同埋都多料呀.雞絲粉卷好滑呀,細細條啱啱好呀紫米糯米卷這個

天氣熱，懶得在屋企開火煮食，打算出街食一餐舒舒服服的。有一段時間無幫襯呢間酒家，見到話 8:45pm 後有宵夜優惠小菜，就入去試下啦。 馬拉盞炒通菜： 通菜本身無味，一定要連汁食，好似炒菜同煮汁是分開黎做咁。 菠蘿生炒骨： d 生炒骨，骨又大，粉又厚，味道又一般，唉… 椒鹽九肚魚： 呢味就係全晚最好味的，九肚魚仲好嫩滑，粉亦唔算厚。 鮮菌扒健康豆腐： 呢味素菜，味道普通啦，不過豆腐唔係我地平時食開的黃豆豆腐，而是玉子豆腐，每件玉子豆腐都加咗葱一齊煮的。 芝士金菇雞片：嘩…呢碟呢，未開始夾已經見到出晒水/油，唔使講，當然食剩最多係呢碟啦﹗可能我地夜去啦，成間酒家都係得大約十枱客左右，我地幫襯咁少錢都送生菓同糖水。碟西瓜就幾好食，都幾鮮甜。不過碗糖水真係好「糖」水…甜到不得了，亦唔見起沙。我相信暫時都唔會再幫襯呢間酒家住啦，食物味道麻麻，可能去另一間酒家或者茶餐廳既機會高d。

我同男朋友 住附近 有一日 我同男朋友 加班 到早上 5點半 到啦未開 但有好多公公婆婆 黎左 咁本來坐左較中間既檯有個伙計 叫我地坐入d 好啦 轉左去廁所 果邊張檯 諗住冇野 咁 食食下 人越來越多有個婆婆 就好大聲話 今日遲左出門口 張檯俾人坐左 又望住我地 過左 一陣 婆婆的親戚黎左 又大大聲又講之前果句食到好唔開心...第一次去就搞成咁檯又冇畫位 我都唔知 已經揀左幾張 揀到廁所前都中招好煩 果日食到7~8點早上 就走左唔開心!!

女朋友家人生日,我第一次黎度屯門既酒家食飯,我地都成16人一圍,嘩.估吳到d野食都好大碟,d蝦好新鮮,d魚翅好大條,可以話係臥虎藏龍,大酒樓食得多,估吳到係屯門既酒家仔都可以有咁高既水準,所以特登要讚

SEP 27,2009 (SUN) DINNER 因為姐姐中秋前後突然要出TRIP，所以唯有提早去食中秋飯，皆因太突然無訂位，所以一早我哋就出發去搵位食飯lu！差唔多6點鐘，可能太早仲未有客人，冷氣都未開放，於是俾我搵到個好位置！由於有大半人都唔係好肚餓，有D仲食咗下午茶添，加上有幾位仲要去下場，所以由肚餓嘅姐姐發板叫餸喇！9個人叫咗一個套餐 + 一條魚（共5餸1湯）諗住唔夠先再ODRER 啦！套餐B $588「包括：4個餸、1個翅」紅燒雞絲生翅『例牌』~ 一人一碗剛剛好，味道一般般，OK咁喇！芝士焗蝦伊底『例牌』~ 啲伊麵好大碟，芝士好多好杰味好濃，中間夾著嘅主角【蝦】足有成大半斤，蝦味鮮，的確唔錯，不過如果唔駛自己剥殼就仲正！西蘭花花枝帶子 ~ 西蘭花新鮮脆綠，魷魚&帶子都好多，花枝片夠薄，帶子雖然係雪藏的，但都有帶子嘅鮮甜味，呢個餸唔錯！沙律海鮮卷『6件』~ 真係名副其實有一盤沙律架，仲係好多新鮮水果做的，水果好新鮮好凍好好味！海鮮卷炸得唔多油，比一般大件好多，裡面啲料相當豐富，加上少少甜甜的沙律醬，小朋友就最鍾意，食到流口水，笑死我！大戶燒鵝皇『半隻』~ 媽媽極喜愛食燒鵝，所以

這天下午，街上打落著有如一顆顆豌豆大的雨點，卻無損我和爸爸到大戶人家享用我們的下午茶。對於我這個素食人仕來說，到酒樓的次數不多於二三十次。而且，合適素食人仕的點心其實不多相比於區內其他酒樓，例如明星。一般都是奶皇包，馬拉糕，水晶包等等。這一次我和爸爸各點了不少點心，除了以上所提及的還有爸爸的生茶魚肉，零魚球米線等等。最可惜是沒有我喜歡的腸粉。說回我吃的點心，首先是流沙奶皇包，標明是流沙，但咬下卻沒有東西流出來，只有像豆沙包一樣的奶皇蓉，實在失望。第二是馬拉糕，糕身鬆軟，但是中間兩層的蛋黃蓉太小及沒有咸蛋味。水晶包是我喜歡的一道點心，皮薄而且料好吃。有豆沙及芋蓉兩種各兩件。還有一味桂花糕，只有兩個字，太甜。價錢方便，這裏沒有設下午茶優惠時段，所以相比其他區內的酒樓來說較貴。服務亦只是一般。所以只此一次．．但飲茶這種家庭的優閒活動是會繼續的

尋晚為【主】慶祝完生日之後,今晚又約實晚飯。同事【偉洪】話想去試下,我就話擇日不如撞日,就星期一今晚啦!晚上九時我載【主】,佢由牛頭角收工到元朗,再轉坐我車,到達九時半但其他人竟未到。稍後佢地陸續到達,一行人同事有【高明、Dee、鳳姐、偉洪、珍、主及我】六人。今晚菜式有【冬瓜盅、蒜茸開邊蒸蝦、肉碎炒甜豆、雞一隻、西芹炒雞柳、西蘭花炒花芝片、唔知咩名o既炸肉排、西瓜汁、啤酒、千層糕及紅豆沙等等】。咁多樣菜式,那樣炸肉排最好味,蜜味濃郁又惹味...正!冬瓜盅足料降火一流,冇落鹽用乾海味及金華火腿吊味...又係正!千層糕鬆軟蛋味濃,大榮華都行埋一邊...正!其他菜式賣相擺設肆正,現場工作人員成批埋哂位殷勤招呼,好似返左大陸,又好似去左五星級酒店酒家一樣。真係唔係賣廣告,下次同老友晚晚一定要去。埋單都唔駛一仟,現場冷氣足坐位寬闊衛生 ok,出面泊路邊或錶位一眼睇哂,方便至極。