大快活 (滙景廣場)

營業中

休息中

一向我都想搵啲平價健康嘅食物，見到大快活推出左美味素都一段時間仲有，我估應該唔錯掛。藍田呢間有兩款素食，一款飯，一款意粉。因為想食意粉就叫左蘑菇汁雜菌野菜意粉，$38。我估即叫即整，所以等叫號。等左約10分鐘就有啦。賣相不是太開胃，不过$38快餐，係咁架啦。蘑菇汁睇落就唔多濃，稀稀地。茹就有兩款，仲有一啲青椒，红椒，菜同茄子。第一啖就試冬茹。omg....過油的………姐係好油……其他材料都係過油的………好唔健康……茄子更加可以擠啲油岀黎………只可以話大快活只想推岀樣產品target素食者，但唔target想食健康啲嘅素食者。而意粉正常，都算煮得幾好，唔太霖～蘑菇汁食落無乜蘑茹味，唔知食緊乜…總括而言，唔好再食。

呢排天氣凍， 突然好想食煲仔飯，經過大快活見到有煲仔飯，就即刻坐低叫左個黑毛豬肉煲仔飯食，仲有臘腸送添。煲仔飯嘅飯軟硬適中，豬肉調味唔錯，口感幾爽，而且豬肉上啲肥肉唔算油膩，有油香。成個飯配埋臘腸好夾，可惜冇飯焦，煲仔飯最重要就係飯焦，對冇飯焦呢個位有啲失望，不過煲仔飯黎講個算係整得OK

又是一個獨自晚飯的時間，一個人走到地鐵站附近的大快活，點了一客黑豚併多春魚飯。晚飯時間大快活更講究服務，不用自取食物，職員送餐，坐著等就可以了。沒點餐飲的話，職員也會主動多放一杯清水，很貼心 很喜歡吃多春魚，這條煮得很脆口，大大條不欺場，只是魚尾較咸，調味未夠均勻。旁邊的薯餅同為炸物，但就較淋，可能是煮好之後擺得太久？珍珠米相當乾身，撈汁進食較好。此飯可配兩款汁：咖哩汁或海苔照燒汁，選了後者，味道還可吧，但叫了少飯，汁卻沒相應的減少，顯得飯少汁過多噢。豬扒厚身，肉質算是嫩滑，但嚴格上不算是「扒」，是「條」啊。

所有都足料,而飯都足夠, 有紅腸,雞翼半翼,半隻咸蛋太好了.又出返甜蕃薯,因喜歡佢少少外邊脆口,甜甜糖漿,都有5-6粒都夠飽肚脆脆卜因我西多士已經加上了牛油,雞翼剛剛好不會太濃,雞翼肉汁好好味,同埋0的肉汁

一向對於連所店既早餐冇咩好感！但今日去拜山！都冇咩選擇！澎澎聲食完出發！今日叫左雞扒雙蛋加雪菜米（轉蘿蔔糕）配凍檸茶少甜！要讚下雙蛋！燶邊太陽蛋！實在太開心喇！仲俾人打劫左半邊 😭雞扒就還可以！冇雪味！但要壇下個雪菜米...好似有少少酸酸地...最後都冇換...廢事煩！

早上七時正，又是起床上班的時候，不吃早餐那有氣力工作，這裡選擇雖然多，但我偏偏走進分店處處的快餐店 ......午餐晚餐什小光顧快餐店的我，早餐卻獨愛。提供的早餐款式很多，偏偏我只愛J2。 簡單的一雙太陽蛋加上完整又大的多士，配上火腿通和一杯熱咖啡，為一天的開始注滿力量。如要錦上添花，不妨提提多士要燶一點，再請求一個煉奶，這樣吃會好一點，加上牛油，就是奶油多的味道。一日之計在於晨，有豐富早餐既morning，才是Good Morning！

好幾年冇去過大快活今日唔知食咩好就第一次黎到藍田呢間大快活呢間大快活出奇地大唔怪得賣既野食都幾貴咖哩厚切吉烈豬扒飯唔係...應該係咖哩厚切豚肉飯食落真係好似好厚既吉烈豬扒咁好脆, 好厚大家可以睇睇咖哩有薯仔同好似係蘿蔔既東西真係同廣告描述不符, 廣告話好多汁但咖哩汁唔太多, 但都好, 我都唔鍾意太多汁豬扒份量都幾多, 食唔哂承惠 $43 凍檸水仲要加$8一個午飯就咁$51唔係話差, 但應該唔會有下次...

今天中午，去了大快活食左個雙拼燒味飯叉燒拼油雞，好好味！再加薑蓉撈飯，真係好好味。如果再多Ｄ汁仲好味～油雞好入味，不過肥左少少而叉燒又好脆，咬落去唔會好多油，不錯！整體來說很滿意！

買一個餐總唔夠兩個人份吧買多個飯反去先粟米肉粒飯貪佢比其他的飯平少少不過入面的菜唔知似咩樣好似”霉”菜咁汁算多，不過好多都漏左出黎又係放得唔好，而且冇合好肉粒幾多，本來粟米汁可以岩岩好夠拌飯可惜倒左唔少出黎

假日心情特別輕鬆，跟家人在大快活嘆番餐悠閒經濟又美味的下午茶!大快活下午茶, 我喜歡吃豬扒包 拼 雞全翼:家人叫了1) 多士+腸仔+雪菜米配奶茶餐;雪菜米保持一貫水準，多士因為熱上，份量夠, 味道剛剛好！2) $14西多士茶餐,價錢是很平, 但不是新鮮熱辣的!大快活的茶餐選擇多,價錢大眾化,地方感覺上比一般茶餐廳整潔，是一個喝下午茶的好地方。

難得今日早咗出門，可以有充足時間買早餐，因為好多時呢間快活餐廳早餐時段都幾多人，可能鄰近地鐵站，而且佢地做餐又唔算快，所以好多時都未必去呢到買。o個日買咗份牛扒滑蛋早餐配蘿蔔糕。因為我幾鍾意食滑蛋，所以久唔久都會去快活餐廳買早餐，但呢間分店的質素好唔穩定，有時個滑蛋都炒得幾靚，但唔知點解今次會炒到咁，完全唔係滑蛋囉。佢地既收銀員態度幾好，但水吧服務員既態度就麻麻我覺得，而家既快餐店想提升形象，唔只裝修個間舖；最重要係服務態度同食物質素都要一齊提升，因為而家就算係快餐店食過早餐，都要成二十蚊以上，拍住茶記價錢，有時可能茶記仲可能平啲。

幫朋友去買野,所以到匯景!!食個下午茶先叫左個雞髀+紅豆冰(本來仲想要多個米粉,但俾妹妹叫停)隻雞髀比我隻手還要細牙!!但價錢不變!!!雖然係好好味,但係唔多抵食wo紅豆冰就大大杯咁,都唔可以飲飽嫁ma下次都係食反豬扒包好了

吃一個簡簡單單的茶餐是人生一大快事,你同意嗎?大快活的茶餐選擇多,價錢大眾化,地方感覺上比一般茶餐廳整潔我常吃他們的多士+腸仔+雪菜米配奶茶餐喜歡他們的多士,份量剛好,因為熱上，味道好！不過等候時間比以前耐，要等十分鐘雪菜米保持一貫水準，喝完奶茶，感覺好滿足！在某一日的下午,細心品嚐茶餐, 與朋友輕鬆談話，或看書閱報，要多寫意有多寫意

大快活呢類餐廳,可能大家成日食,但冇乜細心品嚐; 甚至可能有不少食家會覺得太普通而忽略佢地.但係其選擇性,味道,其實都值得大家慢慢品嚐一下~海苔炸雞及魷魚圈 拼 粟米杯:粟米有十分重的牛油味,是一個健康與美味的對抗?2款炸物炸得十分脆,味道一般,不切細一點可能會損及口腔.千萬不要ORDER炸魚柳,上次食過,只有雪味!ps.低糖綾茶必定是凍飲,但味道仍甜甜的說迷你上海排骨菜飯:和夜晚食的那款是完全一樣的,只不過份量大縮而已,只有2塊豬.豬扒包 拼 雞全翼:前者真的不錯,雖然豬扒不算上上級,但要做的基本都做到了,而且包不會過硬,容易吞下,而且包和豬扒的比例十分好,沒有那些"有包冇扒"或者"有扒無包"的情況.

食物質素奇差,鐵板餐的鐵板及食物完全唔熱,接近冷凍,烤雞餐的通粉份量只足一個小童食用.另外, 西式餐(雜菜湯)完全是中式的用料. 完全浪費了本人一個晚餐時間!不過之前食過早餐係ok...可能暑假...多左暑期工所以食物差左