大快活 (富安花園商場)

上次買麻婆豆腐飯 酸醙就算，今次買基本咖喱牛腩飯，又係酸醙，天氣已經入秋，唔熱，無論咖喱 牛腩 連啲菜都係酸醙。富安咁多老人家，買左外賣，又點會有腳力拎返去換。極差。除咗售票既呀姐態度較好。…查看更多

近排放lunch嘅時候都好趕時間 ，於是乎都食咗大快活都好多餐下，冇辦法喇，因為呢排同事們都鍾意食大快活所以就一齊食，而且呢邊個間大快活比較大，好多時都唔洗點樣要我地去搵位，一上到去可以睇定左食咩再買埋餐跟住拎埋餐先搵位都仲鬆動 。好喇 ，但係一講到食物質素個方面就唔係好多掂喇，我叫咗個台式大集錦配類似檳城参參既面食，但係我完全食唔到除咗有d喊味之外而有食到其他味啲嘢食唔夠熱辣辣，好似擺咗好耐咁。希望下次會好啲啦…查看更多

疫情底下，少左出街食飯，轉而外賣既次數變相多左😑，連早餐我地都唔例外。咁屋企樓下附近得大快活叫做連鎖餐廳，又可以網上落單後自取，重點係有9️⃣折在家舒服地點餐付款後再慢慢行落街，時間剛剛好，不用等。外賣包裝相當唔錯，每樣食品都分開包裝，今日叫左2個精選早餐，雞扒🍖煙肉🥓+多士🍞+烚蛋🥚 x 2份、另加一個細火腿通粉、一杯凍檸茶和一杯熱奶茶，折後盛為$63.4雞扒、煙肉、烚蛋、多士和飲品都非常正常好味但火腿通粉就比錯野，變左蕃茄腸仔通粉，唔緊要啦，差唔多啫其實有無折我都係要食，咁當然有就好過無啦…查看更多

由沙田經梅子林行去富安花園，應該有個幾鐘，行完都好肚餓，見到大快活就衝入去! 佢個入口係要上一層樓梯先到。因為第一次去，初時用咗D時間揾路。呢間大快活幾大，又舒服，仲有洗手間，比其他店整齊，乾淨好多。食物方面，叫咗個餐蛋麵配咖喱魚蛋，飲熱檸水。個麵湯底比較咸，所以加咗d水沖啖吓，份量ok，咖哩魚蛋好食! 食飽飽，唞吓，我哋就回程啦~…查看更多

馬鞍山素有「美食沙漠」之美譽，今次去到大水坑，一嚐大快活！鋪頭係街市的2樓，可以行樓梯/街市內乘電梯到達。鋪面佔地比平常分店不算大，算是中型size，多數都有位坐～晚市食左泰式串燒印尼炒飯，只係42蚊，經濟實惠。串燒包括蕃茄，菠蘿同鴨胸... 😉炒飯就一般，不過佢係鐵板上，可以試下「沙」嘅快感，哈哈！…查看更多

那天，太太要外出，就留我一人獨自帶小朋友去補習。來到大水坑，發現時間尚早，兒子就嚷著要吃早餐。於是，我們便走入來富安花園，而兒子看見了《大快活》，於是，我們就決定，食快餐店早餐。小朋友都是貪吃的，他一指就指了一個早晨全餐。最主要的原因，就是那一條大大的司華力腸，配搭了滑蛋、茄豆、魚柳同豬仔包，莫說是小朋友，連大人都覺得，這早餐份量好大，食晒一定會好飽。我就如常地來一份雞扒滑蛋餐。雞扒看似很乾，但入口又有足夠的嫩滑感，再加上那令人感到是勝利之門的雞扒汁，很是不錯。這一個汁，我食蛋同蘿蔔糕時，都有點啊。超級豐富的早餐，份量足，而且《大快活》又比同區內的茶餐廳舒適，難怪早上的時光，甚受街坊歡迎。…查看更多

復活節第二日，慣性早起身既我，一訓醒就11:00，梳洗一輪落街食過早餐，點知.....無喇，得午餐😔咁我最終選左個咖喱炸魚柳飯+熱奶茶，而老公選左個燒雞髀🍗套餐（包括一碗粟米肉粒飯）+可樂。個咖喱係好味既，但唔知點解好似咖喱雞/牛腩會濃味d咁🤔，炸魚柳炸得相當好呀唔會濃唔會乾，仲配有什菜，睇落都覺得自己好健康。老公個餐隻雞髀🍗就相當肥美，碗粟米肉粒飯就不過不失（佢形容😂）咁呢個早餐都食得相當開心既，希望聽朝早D💪🏻食到真正既早餐啦…查看更多

又到星期日放假日就梗係慢活一下啦，訓到自然醒就慢動作落街食個早餐樓下除左茶餐廳就係得大快活，咁想慢慢唔比人吹就只有佢喇今日㨂左個阿活炒蛋脆皮膠+多士，飲品就一定係提神熱奶茶啦炒蛋今日熟左DD, 要減少少分，但依然覺得味道係好既，只係外觀扣分啫杯奶茶不過不失啦，提神功效係無問題至於塊多士都幾唔夠燶，下次一定要同職員講要燶少少可能由於疫情關係都少左好多人落街食野，今日都完全唔使等位，而且仲幾疏落下。今個早餐就食左$29。…查看更多

富安街市樓上開左間好大嘅百佳同大快活, 的確方便左好多, 食過幾次晚餐都覺得質素ok, 所以喺屋企想食野的話大快活係首選.•好想飲紅豆冰嘅時間正值大快活下午茶時段開始🤤. 即刻睇睇邊個下午茶餐飲係紅豆冰先. 鼓油雞脾(OR蜜糖燒雞脾)+ 西多士, 外賣返屋企慢慢嘆. ·即整西多士, 蛋汁包滿整塊厚切麵包, 識食一定淋上勁多煉奶, 外脆而有蛋香內軟; 鼓油雞脾好入味同埋啖啖肉, 紅豆冰使用碎冰, 糽豆又腍熟甜度適中, 食唒成但set超滿足der.…查看更多

每次去大快活，不論下晝定夜晚，一定嗌焗豬扒飯，事關真係好好食！焗豬扒飯之前食過好靚嘅心個焗豬扒飯，已經唔係個回事。富安新開嘅大快活簡直係我福音！開張過後第一次幫襯，一行4人喺晚市時段嗌3個餸開心SHARE，即焗嘅豬扒飯等一陣完全值得。印象中飯SIZE好耐無變，2塊豬扒好TENDER，個蓋面汁好濃好香好重茄味，還有幾粒菠蘿粒，最喜歡係炒底飯，蛋味認真香，正紅豆冰好老土講：數1數2好飲紅豆冰。。。是這杯無誤，紅豆夠腍，花奶好滑，好多茶餐廳加8蚊一杯餐飲都無佢咁好飲呢！另外叫左菠蘿咕嚕肉&椰子艼頭炆雞，水準之作，夠份量而$$唔離地，最緊要是地方乾淨，有小小想煮少D而黎多D, 講啲野俾大家知丫，原來以前個家品店唔係租哂全站鋪位有勁大個area block左, 唔入去食野都唔知原來別有洞天咁鬼spacious的…查看更多