大快活 (已結業)

咖喱牛腩飯$25今次的咖喱牛腩飯好正. 薯仔又夠大, 牛腩不太老, 而且還有牛筋呀. 好好味. 個咖喱汁有小小辣, 好彩我已order了加辣版.

星期日約了幾個朋友去行一個很簡單的山，因比較容易行，辣椒女也答應一齊去玩玩。因約了朋友在沙田等，所以打算在旺角火車站美食廣場食，但可能太早，美食廣場竟然還未開，見這裡開了，就決定來這裡食了。我們叫了番茄雞扒米粉、厚多士、炒蛋、甜麥皮和咖啡。蕃茄雞扒米粉- 番茄醬味道普通，唔得鮮味，雞扒好韌，又無味，米粉煮得太腍，好難食。厚多士- 這樣早，多士都竟然係腍的，真係唔明，可能係隔夜貨色吧，如果係真係過份。不說都知難食啦！炒蛋- 蛋炒得幾滑，又有蛋和牛油香，可惜份量都幾少。甜麥皮- 很久沒有食過了，作為早餐，真係幾適合。咖啡- 味道偏淡，沒有咖啡香，唔算好飲。

黎得呢d餐廳總相信焗豬扒飯係最安全的學生有杯紅豆冰送其實都好耐冇黎呢d地方食飯焗豬扒飯個size比以前細左不過都仲係好飽味道都好唔錯茄醬多同濃,好夠味塊豬扒係無骨,似豬柳多d都幾軟滑面頭仲有塊芝士整體黎講係幾好食,都會有下次

自從轉了新工,未試過嘆一個真正早餐,上星期六早些出門口.在公司樓下沒太多選擇,就入了大快活.見新出的番茄湯底幾吸引,就叫了番茄脆皮腸通粉配熱奶茶.湯底酸酸地,幾醒胃的,又有粒粒番茄肉,是不錯的.通粉不會太淋,幾合我胃口.脆皮腸當然是一般貨式.熱奶茶不會太濃,幾好.太耐沒有嘆過早餐,是特別的好食.

琴日同阿媽出街食晚飯,係試左3芝菠菜雞扒意粉同埋羊腩煲,個意粉好好味呀!有一塊煎得好香既雞扒(但係有少少過燶),幾多菠菜,仲有兩粒車厘茄,最好味道係意粉,佢唔係芝士汁或白汁個喎,只係意粉用芝士調過味或者煮過,令到意粉即使無汁,一食都覺得好香同充滿芝士味,意粉係乾身,但就好入味,所以好好食!至於個羊腩煲就比較遜色,羊肉幾韌。

20050310 1pm我係極度鐘意食橙色o既燒脾, 不過唔知因為咩原因, 好多燒臘舖都唔賣(燒翼就仲有), 遍尋不獲, 今日竟然比我響大快活搵到!!!!!! 可想而知我有幾開心!午餐食燒脾叉燒飯, 其實大快活o的燒味都幾......差, 叉燒好難食, 不過今日比我食到燒脾真係開心到癲, 食飯時同事想夾一舊我都唔捨得

20041231 10pm天寒地凍食早餐.法式煙三文魚庵列餐, 有一份煙三文魚庵列, 煙三文魚少得連肉眼都睇唔到, 但係神奇地腥到不得了. 所謂法式, 其實即係白汁(!)薯仔煮埋一堆. 白汁十分差勁. 跟餐個菠蘿包(菠蘿包係法國出o架咩???) 賣晒, 轉o左做多士, 勁火農!! 仲有個火腿通, 呢個叫做最好食. 同埋熱奶茶, 今日杯奶茶還可.難以致信呢份o野咁難食賣$19. 我有o的後悔無響附近金華買早餐.

20041223 4pm奶茶癮發, 落o黎office 樓下快手埋杯上樓上慢慢歎.由於附近間麥當勞濃滑奶茶唔掂, 退而求其次, 飲大快活.首先, 收銀差o的找少$10($5一杯奶茶找少$10!!!), 我平時其實係唔望佢找幾多比我, 好彩今日有睇住佢數, 第二, 只係一杯奶茶外賣都等o左我成個字. 然後更過份o既係, 我睇住茶檔果個o靚妹倒瀉晒我杯o野, 以為我見唔到, 仲求其響部機度斟o的茶落去斟滿佢算數, "cup"埋個蓋諗住入袋, 我即刻喝佢話唔該你倒瀉o左我杯奶茶就沖過杯比我, 佢先至肯沖.你諗下果下如果我見唔倒會點?如果服務有得揀O分或者負分的話我係絕對會揀呢個lor.呢1 分係豪比你.