大快活 (富善商場)

一個人吃飯總會去這間大快活。一直覺得和美心/大家樂相比，大快活是間良心企業。64元的粥底火鍋，有爽口生菜，雪花肥牛，配上剛剛好的配菜，一隻生雞蛋，一小碗白飯，一杯甜澀適中的綠茶。把煮熟的肥牛沾點醬油，和半熟的生雞蛋混一混，放到白飯上 ，夾起來放入口中，再吃一口淥了一下的生菜，感覺混合在一起，很有層次。64元的價錢吃出了日式火鍋的感覺，好抵。而且營養豐富，健康。本來痛點頭痛 ，食完也不痛了。美食的照片不反映美味，但東西被吃光了的情境卻可以。…查看更多

同Honey 去附近打波，因為趕時間，所以去左呢間大快活快食我同佢都各自叫左個粟米魚肚羹套餐，有一個餸，粟米魚肚羹，一碗飯，同一杯茶先講個羹，都算足料，但係鹹味已經蓋過其他料既味，完全無粟米羹既味道之後既餸分別係菠蘿咕嚕肉同蔥油雞，菠蘿咕嚕肉真係唔掂，粉多過肉，肉好削；蔥油雞就不過不失，蔥油味道OK，但係雞唔滑唔怪之得食飯時間都咁少人，真係好一般既快餐，唔會有下次…查看更多

今日無煮飯所以買左外賣求其快靚正食大快活就算叫左個沙薑豬扒飯平時沙薑雞就食得多豬扒真係第一次食一開見到2塊豬扒加豉油飯心知不炒無沙薑既？原來豬扒用沙薑醃左又幾好味喎係無汁dry 左d姐…查看更多

大快活超值早餐（$29.5) 包括有一碗迷你粉面，一片大多士，煎雙蛋和一杯飲品。點餐的時候，雖然都要排隊，但係等候時間都算快。我叫咗雪菜肉絲米粉，多士飛邊，煎熟蛋和一杯熱華田。雪菜肉絲米粉，上枱仲係熱辣辣，今日味道唔錯！起碼唔會冇味～雪菜都幾多㗎！加埋胡椒粉，更可口！米粉都清光光了！厚厚的多士飛邊仲有好大塊，塗上牛油和煉奶，Yummy😋奶油多煎熟蛋果然熟咗㗎👍🏻亦都見到有兩大隻雞蛋🥚熱華田本身冇落糖，喜歡甜既朋友，不妨加半包糖試試🧐…查看更多

上星期下午茶時間去咗大快活 (富善分店）食下午茶，叫了一份迷你餃子擔擔麵配燒雞翼，加一杯熱檸檬茶。餃子擔擔麵外表都唔錯，顏色豐富。有兩隻餃子，大量椰菜，紅蘿蔔粒等雜菜以及少許蔥花。擔擔麵有非常少既肉碎，但絕對冇擔擔麵果D花生🥜味。可能係另類擔擔麵掛🤣味道還可以，有少少辣肉碎麵的味道。餃子的皮比較厚，應該同平時快餐店打邊爐果種餃子一樣，都OK嘅！雞翼就眼見笑得幾香，不過其實另一面就唔夠脆。可能呢一間分店，集中火力燒雞翼嘅其中一面，忘記了反轉燒燒佢🧐味道就一如以往的有少少香草味，都幾香嘅！…查看更多

留意到此店期間限定的咖喱雞扒烏冬碢，挺有興趣，找機會試試，並點配我最喜歡的低糖凍綠茶。待了數分鐘，可嚐香味濃濃、熱騰騰的咖喱雞扒烏冬碢。咖喱汁料豐富，烏冬煮得入味稍軟，雞扒煎得香軟亦惹味，炸蓮藕有硬的質感但仍是爽口，整體而言令人美味滿意；而凍綠茶依然是以往的香濃甜得宜，吃得令人滿足呢！…查看更多

富善邨唯一一間快餐店，大快活越搞多啲新意、越多款式，啲野食就越差、越難食，唉 ~ 依度裝修寬倘，矮軟墊梳化。落地玻璃梳化位對正東面，食早餐可以享受埋陽光，超舒服捨恴 ~太陽蛋雞扒配蘿蔔糕，唔熱包換？No way ﹗太陽蛋凍冰冰仲好鬼油，食完個咀好油潤，唔洗搽潤脣膏添。依家只得半塊雞扒，口感都幾硬實吓，暖都唔暖吓，味道還可以。物價真係貴左好多，通賬颷升，汁都要慳啲洗。咁點解糊椒粉、鹽、糖、等等，仲要獨立包裝咁唔環保又加重成本？蘿蔔糕依舊 95% 粉 5% 蘿蔔粒，又係凍既，麻麻地。火腿絲通粉，真係好想佢地轉反十幾年前隻無坑紋通粉，同快熟通心粉質感差不多，以前彈牙又嫰滑，依家懶特別既坑紋通粉又鞋、又厚、又煮到腍劈劈，勁重麵粉味，湯微暖、偏淡、腿絲淥到鞋烚烚，差勁。…查看更多

富善邨唯一一間快餐店，大快活越搞多啲新意、越多款式，啲野食就越差、越難食，唉 ~ 依度裝修寬倘，矮軟墊梳化。落地玻璃梳化位對正東面，食早餐可以享受埋陽光，超舒服捨恴 ~見今日早起，咁就慢慢坐低歎個早餐先搭的士返工啦 ~辣肉醬即食泡麵，只係用滾水浸腍啲麵，同明火煮既味道完全兩回事。味精粉湯底，啖口且無香味，要配辣椒醬或油加味同吃。 都唔知幾時開始連即食麵都要落啲生蔥，邊鬼個發明架，又唔係潮洲粉邊，畫蛇添足。太陽蛋煎雞扒配蘿蔔糕，乾增增既煎雞扒，應該係煎完再焗過，所以無晒水份，鞋烚烚。好多年前會有一整件雞扒，唔會好似依家咁得半件。蘿蔔糕粉超多，只食到幾粒蘿蔔粒做樣，無料到。太陽蛋簡單直接，夠熱就收貨啦，蛋白滑、蛋黃濃郁，好味。…查看更多

呢間大快活既水準好過其他分店!每次食佢個早餐絕對唔會令我失望~由大埔中心行過黎近近地,呢度幾乎係我每日食早餐既飯堂, 每次都會叫唔同既餐, 但北海道炒蛋當然唔可以少啦!每次都能夠整到半生熟, 食落口既感覺真係難以形容,覺得大家樂果D差成幾皮...除左炒蛋, 佢地賣D魚柳、 牛、豬扒都幾有水準,雖然係細塊左D, 但我都好滿足。當初快餐店俾我既印象就係所有扒類既食品都唔好食,但依家確實令我改觀,尤其是個牛扒, 整得特別入味,好食過我當時鍾意食既 "扒王“!好喇...講住咁多先, 有機會一定要過黎試下啦! …查看更多

為左郊遊，我地特登來左大埔呢度，本來諗住飲茶既，但太多人，唯有食個快餐啦。我地叫左一個鰻魚黑椒飯同一個豬扒蛋包飯。個個阿姐都唔知係咪遊雲，我地明明叫左個黑椒飯，佢左repeat左一次，都唔記得落單，搞到要再買過講番正題，個扮PEPPER LUNCH既飯幾好味，算係幾香同多配料，可惜ｄ鰻魚就少得可憐，而且唔係鐵板燒，係將ｄ叮熱左既飯放係個鐵板上面。至於個蛋包飯就普通啦，ｄ蛋包住ｄ有茄汁的飯，麻麻地好食，賣３６蚊貴左ｄ囉。…查看更多

今期要多d o黎大埔, 咁o岩 又餓, 但晚餐又會幾晏才食, 行過大快活,都好耐冇幫襯, 食左先講!又唔想食熱狗, 炸雞比之類; 見有個迷你义燒飯, 雖都成廿蚊, 但總好過食太熱氣,叫了一個set.加個凍檸水. 要另加3蚊, 即23蚊.一貫大快活, 好快手, 不出兩分鐘已在卡位坐下了.看一看, 碗飯真的唔太迷你; 但上面d 义燒就真係好迷你!!! 叫了瘦點的, 師傅都俾左瘦的; o岩晒.味ok, 唔太乾身, d 汁也不錯, 唔算太油; 因為有時有d 舖d 义燒汁真係好鬼多油, 好漏.飯就真係好食, 都幾大碗, 一個女仔應食唔晒的.但我在少义燒的情況下都撈汁食晒成碗, 夠香又軟. 飲品正常.23蚊在大埔係略貴呢, 下面街市賣, 可能都係15蚊樓下;ok 啦.…查看更多

前幾日試了大快活的肥牛火鍋，看得出肥牛是即叫即刨，但因冷藏太久，所以肥牛黏在一起，很難分開來淥，一大串來淥，非常不方便其它材料包括魚旦，很細粒，雞片，雞皮很肥，豆腐，烏冬和菜，只是一般，沒有特別。湯底我選擇芫茜皮旦，味道一般。價錢43元，略貴，不会再試。…查看更多

28-7-2008在大快活叫了菇菌豬柳火腿扒焗飯。$28包飲品，算是在大快活的平價之選。焗飯是白汁焗飯，仲有一陣芝士香味，食落味道亦充滿芝士味，冇咁單調。菇菌是磨菇，配合白汁食是很好味，不過嫌少左喲。豬柳其實是薄薄的一塊豬扒，不過就硬左少少，而且亦冇咩味道。個飯底是炒飯底，有些蛋絲，即使冇白汁都有些味道。整體上不錯，特別是個白汁啊。睇上去分量好少咁，但其實食落都好飽家!…查看更多

上次係粉嶺飲既蘑菇湯ｄ味怪怪地的，今日因為唔想飲中湯所以又揀左西湯，不過今次冇浸腥味而且好好飲。叫左個沙薑雞套餐，有雞有菜有飯有湯有茶。先講個雞，有雞腿同雞翼，不過就得呢兩度好食，其它雞胸ｄ位都幾鞋，同埋唔知點解ｄ雞皮上面黑黑地…好似放左好耐咁…之後就個講菜，其實我唔覺佢個菜有一ｄ味，就咁烚同加ｄ所謂既“檻欖油”，加滴豉油都好呀……查看更多

總是覺得大快活唔夠大家樂好食；某星期六接近下午茶時間，跟媽和妹。媽要了粟米肉粒飯、妹要了一個燒雞翼下午茶餐，我當然要豬扒包。三者中最好食係粟米肉粒飯，但係得個汁，粟米同肉粒都好似要尋寶咁，成兜夾埋都係得七八粒，同埋個汁好溜，太多奶；豬扒包唔好講，冇炒洋蔥配搭咁惹味，而且塊豬扒又薄又嚡，同大家樂真2得比。…查看更多