大廚師 (已結業)

自從鴨脷洲「APIER」開幕後就認識了食街盡頭的這家小店「大廚師」🧚‍♀️由泰國小倆口打理，男生負責煮食女生負責飲品和下單，兩位都很溫暖，笑呵呵的招呼著顧客☺️我們點遍了餐牌上多款餐點都沒有失望過，分量很大又是地道的泰式街頭風味✨✨所以決定這一次要把照片分享上來讓更多人知道這家店🥰🥰這次點的有招牌蝦膏炒飯，椰汁雞湯（裡面竟然是用海南雞件！），鹹魚炒芥蘭，炸蝦春卷，全部真材實料，份量大又好吃🥺🥺記得一定一定要加點招牌冰鎮泰式奶茶🥤，只需外加$8，超大杯又好喝！

今時今日咁嘅服務態度真係得嘅咩？滿心期待的泰式午餐??誰知只換來了極不好的服務及體驗。(其實可以話係惡劣)如果話食物係好味既我哋都唔會依家咁嬲，食物同佢嘅服務態度一樣都係咁惡劣。到朋友家點個外賣都出現哂事...我今日落單食物為:泰式冬陰功湯麵(1碗)泰式炭燒豬頸肉飯(2碗)肉碎生菜包(1份)凍奶茶(1杯)頭先我收到餐後，發現送少了一杯凍奶茶，然後我於APP(UberEats)中聯絡送餐員，但並沒有接電話，因此只好聯絡該餐廳"大廚師"尋求協助，但該餐廳"大廚師"之態度極為惡劣，我向他表示我並沒收到我所點的凍奶茶，但餐廳以極惡劣的態度表示他已將奶茶連同食物一同給了送餐員，並沒有聯絡送餐員的方式，並表示該餐廳已安裝閉路電視，歡迎我們投訴，該職員態度之差令人感到憤怒。及後於爭論一番後才表示要我去親身到餐廳拿取未收到之奶茶，但如果我可以親身去拿取的話，那我為什麼要使用外賣的APP去下單??真可笑。另外肉碎生菜包中的肉碎肥得好緊要，以及泰式炭燒豬頸肉飯中的豬頸肉就像將一塊並未醃製過的豬頸肉直接拿去燒一樣...望該店的服務及食物水準可有所提升...(但我們是絕對不會再光顧該餐廳了。

星期日下午去食個蝦喇沙金邊粉，開頭食嘅時候都覺得足夠喇沙味，蝦有四隻，只係$40都覺得OK抵食。我有飲幾啖喇沙湯底，之後覺得口乾。我心諗可能就係因為我飲咗啲湯先至口乾，最多下次食嘅時候唔好再飲。跟住星期一我又唔想去第二度買嘢食，又係去咗呢一間，諗住幫襯第二樣嘢食，於是叫咗個香葉肉碎炒飯配煎蛋，煎蛋係OK嘅，但係個食完個飯之後，我口乾足全日，屋企人食嘅海南雞飯一樣唔掂，個飯好乾，都覺得唔好食。事實上佢價錢係平，但係如果食到口乾，我唔會再幫襯，因為味精落得非常重

諗住試下金邊粉啦，45蚊應該難食有限掛，🤪🤪🤪🤪🤪買完拎飛 轉左個身話已經有得拎，即係唔係即炒，摸碗底暖既，已經覺得瀨瀨地嘢，😩😩心諗算啦，唔好味下次唔會買囉😩😩返到屋企打開個金邊粉成陣垃圾味，食左幾啖，真係會講粗口，再俾老公試下睇下究竟係咪我味覺問題， 老公都叫我唔好再食，難食到倒左， 堅係真係食唔到落去😓 唔關係咪凍左既事 係真心難食😓 難食到要開account寫食評😩😩😩😩 都痴線 再問返其他南區朋友都有同感，不過其他野無試 都唔會試。 今次呢啲咁既分係俾金邊粉既😢 咁大個人都未試過咁難食既金邊粉， 仲要我打足200字先可以出劣食分，我都照打very bad experience

今日經過見到冇咩人排隊就諗住去試吓，叫左最基本嘅泰式炒金邊粉，點知一食落去改麵條完全唔似金邊粉，好冧，完全唔彈牙， 同我平時食開嘅金邊粉完全唔同味道，食落去個味好辣，完全唔係泰式嘅金邊粉，個味道好奇怪。啲配料咩都冇得啲花生碎，連蛋都見唔到仲有得嗰兩三條芽菜，仲有佢附送嗰兩隻蝦整到好似茄汁蝦咁同個麵條完全唔match。金邊粉吵到爛晒要用匙先食到，我覺得呢個金邊粉完全唔合格。本身諗住支持下小店，但估唔到質素咁差，唔會再試。