大師傅

行過附近開始肚餓，但係天氣又好熱又想落雨，我又好想食小炒，一於入嚟呢間野試吓啦，見到好多人都食火鍋，心諗應該小炒未必得，亦唔敢抱好大期望我哋三個人，叫咗文昌雞半隻、海鮮粉絲什菜煲、豉汁蒸倉魚、菜心炒牛肉，天氣咁熱一定要整支藍妹啦😜全部彩色都做得不錯，倉魚也很新鮮，只係海鮮粉絲什菜煲就一般啦，因為比較多蟹柳，沒有太多海鮮，當然呢個價錢唔可以要求咁高啦！又想食小炒可以嘆住冷氣，唔係坐大排檔，行過附近都可以一試嘅，唯獨是洗手間就要搭lift上樓上。…查看更多

岩岩加入寫食評行例，真的不得不記得，亦都不得不提我對這間店的記憶。還記得 2019 年 3 月星期日加班，一早上，想係公司附近老地X買個三文治做早餐，唔加外賣錢之餘，價錢仲要又平過堂食，可惜老地X休息。於是近近地就「大師傅」。叫了一個火腿蛋三文治及奶茶外賣，原本的價錢 $27 ，最後埋單 $29 ，我心想，外賣加一蚊合理，但點解兩蚊呢？因為未看過「大師傅」以甚麼包裝包三文治，所以我都還沒有行動。到三文治出現，只是用紙袋包三文治，一杯奶茶外賣杯，及一個膠袋包埋一齊。我問店員，點解係 $29 ，店員說他們外賣是加兩蚊自始之後，我無再幫襯，同埋我一聽到同事提「大師傅」呢個名，我都會講呢段歷史比人聽。…查看更多

中午嚟個福建炒飯，送嚟係白飯加獻汗。我問阿姐，福建炒飯應該係炒飯底。佢話福建炒飯就係咁加啦。吹脹。再問點解寫炒飯，應該叫福建飯就算。佢真係望下個餐牌。頂。仲要好唔認同話福建炒飯就係咁架啦。其實佢有冇食緊出面既炒飯尼。…查看更多

e間野好近我屋企,見佢有做椰子鷄放題,每次經過都想一試,夜晚星期六168加一,平日9:00後138加一,我星期六9:00左右入去,伙計已經吾想做,話明厨房收十點,自助區收十點半,可坐到十一點,ok,我想只系食个零鈡已經夠,飲品啤酒有幾款,醬料,丸類,菜等,其實D雞系靚的,新鮮,其他野都系急凍野,仲有冰的,吾緊要啦,雞靚都好,九點半左右就開始在你腳邊不停拖地,抹枱,地下系超級濕滑的,拖完地員工就開始躲起來,好怕你叫佢加野,直到仲有五分鐘就十點就出現,問你加咩,last order.加個嘢勁細碟。拎曬出嚟之後又再匿埋，馬上拎張單出嚟叫你嗱嗱聲埋單。之後黑口黑面喺你身邊成日拖地抹地。真係感覺超級差，如果唔想比人食真係感覺超級差，如果唔想比人食，就唔好做放題啦。我寧願去逐碟計冇咁嬲。話哂出嚟食放題食左十幾年，第一間咁小家嘅。啲夥計嘅嘴臉仲差過同佢乞。三個人食咗500幾仲要一肚氣。…查看更多

見落雨走入黎大師傅食個下午茶，點知一肚火，點左個公司三文治，竟然有咸牛肉(本人在其他餐廳未試過有牛肉)，叫個侍應呀姐過黎問，個呀姐話不嬲公司三文治都有牛肉，同個呀姐講本人在其他餐廳都未試過有牛肉，點知個呀姐仲要撐，最後仲話是你自己叫無辦法，我又不是想退換，唔需要咁嘅態度囉，其實我原意只係打算同呀姐反映現今有好多人唔食牛，如果下次再有人叫就提點下，但無想過個呀姐態度超差囉，就因為呢個呀姐，唔會再有下次幫襯…查看更多

見佢開咗成年, 未幫襯過呢晚入來睇下咩環境啦, 9點多吒條街嘅呢邊少行人, 晚上客人自然唔多啱我地, 有多種套餐供選擇, 我地得兩個人選了二人餐$158以人頭計$79, 話貴唔貴, 中間價位, 揀咗: 極品去骨海南雞同 手刴咸魚煎肉餅 , 先講雞, 雞係肥雞, 皮下脂肪豐厚, 雞肉唔嚡, 雞味一般, 油飯極黃估計加咗薑黃來加色, 例湯好自然, 另一個煎肉餅味道雖然濃但沒有過咸, 肉飯也算結實唔鬆散, 煎色稍稍老, 兩碗飯裝得好大碗, 十點鬆D已經要求先埋單, 明嘅, 客人只有我們一枱! …查看更多

之前食過一次，覺得好好味，諗住今次再食，點知去到...點完野食...叫個姐姐俾紙巾，佢冇應我就走左...我見佢冇意欲攞紙巾俾我...仲以為佢聽唔到就同佢講多次啦...點知佢好惡咁同我講「一陣啦，唔好嘈住佢」，我同老公即時呆左...算啦...轉頭同我地講我地點左嘅烏頭賣晒...改左個魚頭煲...首先嚟左個豬脾...好鞋再嚟個中式牛柳...味道比上次差左少少...再嚟埋個薑蔥魚頭煲（最大期望）...結果好腥我問老公...呢餐到底食左啲咩...點解會咁難食😫我老公話..以後唔會再嚟幫襯！埋單$259一啲都唔底食！…查看更多

中午與媽媽到這餐廳吃午餐，環境座位舒適，但略嫌枱與枱之間少許逼。我們點了3樣東西，豬頸肉飯，口水雞飯，蒜泥五花肉。首先講豬頸肉飯$45，味道十分好，燒得外面少許脆，但仍保留肉汁，亦十分有香味。蒜泥五花肉$30，味道不過不失，嫌它不夠香，算是合格之作。口水雞飯（因轉套餐所以加$10）$55，口水汁像芡多過汁，芡亦偏甜，單是口水汁就不合格，雞的部分亦都不是出色，不過不失。下單時，因我媽媽不吃雞翼，所以問侍應可否不要雞翼部分，侍應一句「可以，要加錢」，但餐牌只講明轉雞脾才要加錢，十分無理，服務都一般。…查看更多

今早去了大師傅吃早餐，一入茶餐廳已經看到很多人，座位雖然多可惜只有2位服務員，她們二人根本來不及招呼食客。不過，一坐底後你看餐牌見到早餐都有很多選擇，而且價錢相當合理，怪不得咁多食客啦～我點了沙嗲牛肉米粉，配煎蛋火腿牛油多士，一杯熱檸檬茶。沙嗲牛肉都算足料，味道都算可以😉😉煎蛋及火腿都算合格👌🏻👌🏻牛油多士都不錯👍🏻👍🏻熱檸檬茶就一般，唔夠茶味😁😁份量都十足，價錢都是＄30，性價比都算高。…查看更多

深水埗這個舊區，這十數年間，新盤林立，引入了高收入人士，提高了該區的消費能力。很多不同種類的新食店如雨後春荀般出現。位於御匯的大師傅也是其中一間。這個名很勁，究竟有冇真功夫?今天同老公去食個大師傅早餐先，我們不約而同選了沙爹牛麵餐。難得它的牛肉新鮮，又有配菜，較健康及營養價值高。火腿蛋多士，功夫不錯，脆脆的多士及蛋白邊。熱奶茶也沒失手，很滑。大師傅晚上有火鍋提供，可能這才是它的撚手菜。早餐雖然水準不錯，但試不到大師傅的功架。下次要試試它的小菜及火鍋，相信有surprise。…查看更多

今日來左食海南雞飯，距地海南雞飯無骨，而且好滑，最中意係距個飯，乾身一粒粒，而且好香，唔似其他店甘好肥好油。距個雞仲去骨，配3款醬比我地1.姜蔥2.泰式辣醬3.黑色甜甜地唔知道係咩😂三個配醬都好好味，再➕杯凍奶茶。超正，距地奶茶係舊式奶茶味道，茶味濃香，奶味剛剛好，開始飲有少少甜，中途溶少少冰就剛剛好啦。…查看更多

每次去搭車都經過呢間鋪但都冇時間入去食，難得星期日十二点半都有機會路過呢度，又有少少餓所以就入去坐醫肚。睇咗餐牌後俾海南雞飯吸引咗，就試吓你啦。單價$45蚊，加$10就轉套餐(有湯及油菜)侍應攞到嚟一睇……份量十足，低食過我响gym果個懒計晒卡路里($75蚊得幾舊)既海南雞啦!碟雞去晒骨啖啖肉，肉質嫩滑又冇肥膏，沾上三種醬料又有别一番風味，值得一試。…查看更多

又係同朋友經常搵新地方食野。第一次光顧。坐低睇睇餐牌。見到價錢都平平地。朋友點海南雞。佢話好食。而我點左 抱羅豬肉腌粉 。麵上到台筷子撈兩撈。成碗全部都係醬。仲要米線來。腌粉=米線。 中伏第一口 豬肉好食 。第二口 米線 生硬的。即刻叫職員 問一問 (腌粉 係咪 生米線 特色來？)佢仲要黑面 問我 洗唔洗換個一碗。…查看更多

好耐之前黎過大師傅食早餐 今次就想試試午餐既水準 叫左一份香燒黃金豬頸肉飯 $45 外賣加一蚊 如果想跟熱飲加三蚊 要湯同菜再加八蚊定十蚊 我就不了 飯唔算多 淋上少少甜豉油 飯量一個人食岩岩好 豬扒反而有驚喜 份量夠你送飯送到最後一啖 都仲有得剩 哈哈 佢有個細盒仔另上一個辣辣地既sauce 有啲似泰國餐廳會比既sauce 幾惹味 但因為豬頸肉份量唔少 啲sauce就反而唔夠點啦 呢個價錢無例湯熱飲呢就非常一般啦 始終深水埗既餐廳多而高水準嘛 不過都可以一試既…查看更多

晨早流流 , 約了一個行家吹水 , 順便傾傾市場動態 , 今次沒有飲唐茶反而到茶餐廳吃個早餐吹一吹就算 ~吉列魚柳 配 腸仔炒滑蛋早餐 (跟餐飲) $ 36 : 魚柳炸得金黃色 , 外脆內嫩也不會太多油份 , 沾上沙律醬來吃十分美味 ; 略略輕煎過的香腸 , 味道正正常常 , 也就是一般茶餐廳使用的雞肉腸 ; 炒滑蛋的份量不算很多 , 但就是炒得滑嫩 , 且有適當調味 ; 這碟早餐還配有茄汁豆和厚厚的牛油多士 , 真的不錯吃 ~ 冬天要補充多一點 維他命 C , 喝一杯 凍檸檬茶 (走甜) 就是最好不過 ~本篇完 ~…查看更多