大師傅粥品 (TKO Gateway西翼)

營業中

休息中

以為分店多 應該有質素會好 點知員工態度十分差 叫左15分中都冇人回應 原本叫包片肉丸 來到包片不見了 只得肉丸 問職員會否比錯 點知換來黑面 真系激死 食品質素 一般 有得選擇 可以不去

旅行回來後，由於玩得太開心的緣故，所以搞到自己病左，返來後得知附近開左一間新嘅粥鋪，一於即時去食番碗，調理調理下身子先～星期日(20/11)的下午時間幫襯，人流唔算多，鋪面人手同客嘅比例大概係1：2，或者係樓面啲阿姐太得閒啩，我坐低未夠1分鐘，連個餐牌都未望得曬時，就已經chur我問我食咩！？(不得不讚香港人的效率真高！😂)最後點左個 「生滾粉腸粥，外加碎牛」；但太肚餓啦，所以都係要多碟 炒麵 穩陣啲～哈講番啲食物質素，個生滾粉腸粥，真 係 好 足 料 ！雖然個碗嘅設計令你誤以為好大碗(宜家啲Product Designer收得鋪頭錢就真係有做嘢嘅)，但裡頭嘅份量絕對係對辦嘅 ！味道方面，為左試真個鮮味，乜粉我都無落，呀！好好味呢！而個炒麵就正常口味，無咩comment 啦～！總括嚟講，好慶幸將軍澳又多左間可以 「Eatable」嘅粥鋪啦！！😊😊😊😊

軍中將士連日腹瀉，已經多天沒可吃的東西進肚。夜晚醒來只為醫肚，恰巧附近的海王店舖裝修，眼見地鋪又有粥食。所謂三軍未動，糧草先行。眼見"飽餓度"即將見紅，兵士無心戀戰且陸續出現降兵，決定破斧沉舟，冒死一試。蝦米炸兩腸粉脆得黎又有蝦米腸，唔錯。皮蛋瘦肉粥足料又正氣，唯一敗筆應該係成條蔥咁上，定係我唔識食呢？都係全切粒蔥花好d。埋單總數42無得跟餐，唯有一碟碟咁計...本將觀察所見，隔離搭枱阿伯想要油菜又無，想要白粥加料又無。唯一侍應可以答應阿伯嘅，係白粥無落鹽。如果做埋時菜，會唔會多個選擇?大軍聽令，醫飽肚子，繼續攻略下個據點。

商場大翻新...最雀躍最關心通常只會係有咩新食店進駐...坑口一帶...粥品店選擇唔多...可以比輪椅使用者入店內嘅更加係寥寥可數...所以見到「大師父」...都幾期待...店舖係商場內...不過擺位比較逼...又有卡位...輪椅使用者都入到...麻煩少少...同埋要練好駕駛技術～炸両 $17豉油唔夠味...但油炸鬼好脆喎！正！腸粉OK啦...算幾皮薄...生滾牛肉粥 $28粥底望落唔錯...唔會水汪汪...碗粥好夠熱！粥底都算棉...牛肉一般...好夠軟淋...牛味唔夠...如果加返多d薑絲會更香更好食...鮑片魚片粥 $29魚片無骨！食落方便...亦無腥味...份量多...味道OK！但仍然想要多d薑絲！（薑絲怪心聲）

在網上找不到營業時間，膽粗粗搏它的營業時間跟其他分店一樣，早上七時多就來到了。幸好真的開七點~ 為了大家方便，我就幫忙拍照跟上載這間店的資料了。這是我第二次光顧這間店，第一次光顧印象有點模糊，也許那時有點匆忙。今次細心品味一下，覺得其實味道不錯，比海X粥店味道還好，價格相宜，一上來是非常熱辣辣的~真不錯~ 每次也是叫碎牛粥皮蛋瘦肉粥的瘦肉呈條狀比較"un"，家人就不太buy了~但整體感覺還是很ok的，不過這間店很小，應該只有20個位左右吧~~ 這間店只收現金喔