大家食

營業中

休息中

間唔中都同老公去大家食, 環境就普通啦, 不過食既就好抵囉. 我次次都係叫"雪菜肉絲手攪麵"($12), 如果叫多碟油菜都係加$3咋. 真係好抵架! 不過你要預左坐卡位既話多數都有人搭枱, 都會幾迫下. 不過就咁計味道, 都不過不失啦. 值得試下.

很久之前在台灣食過刀削麵，一試就好喜歡了，可惜太遠了。之後聽朋友說起這裏的削搖麵很好味，便來試試，削搖麵很有刀削麵的影子，也是幾特別的一種麵。昨晚又一個人晚飯，忽然想起這裏，便再來食過。我叫了一個水餃艽菜餃削搖麵、炸窩貼和熱豆漿。水餃艽菜餃削搖麵- 水餃外皮比較厚，味道一般；艽菜餃就很香艽菜味，比水餃好得多；削搖麵長長闊闊，又薄薄的，有點像粗河粉的感覺的，但口感又比河粉煙韌，值得一試。炸窩貼- 炸得好脆，可惜味道普通。熱豆漿- 應該係暖暖的豆漿，但就飲唔出豆漿味，麻麻。說真的，這裏的食物味道只是一般，而我只是在回憶當日在台灣食的刀削麵吧了。

係度食野...記住...要忍...因為佢平,d食物幾好味..所以你唔可以要求佢有service,仲有,你一定要co-operate......因為有可能食一碗面,要掉三次位.講野食面,我最中意佢d刀削面,因為佢有咬口,而且即叫即"烚",唔會淋. 至於配料呢,9菜餃幾好味.擔擔面都ok,但係唔好expect佢係正宗0個種好有麻漿味;佢d擔擔..點講呢..係比較"傑"身,有口感,麻漿味唔算超濃,but都算夠.次次食親面都一定配油菜...因為加3蚊就有,好抵...

由於灣仔封路關係,所以近排要坐地鐵返屋企,今日係深水埔轉車.黎到深水埔更係食佢地d地道食品,今日就簡左大家食,做我夜餐,行到門口以有店員係門口到"nine"你入去幫.入到去就叫左碗東波肉麵,碗麵黎到比出面十蚊麵大碗,麵彈牙,湯都幾好,東波肉有少少肥(吾係咁岩我口味)但肉就幾好,大件俠低食,店員都幾有禮儀,主動.正體黎講都算好,但地方就有少少少少亂

老公叫了碗生滾拌牛肉麫,湯底幾好,唔會太多味精,d牛肉唔會腌得滑潺潺,唔錯!我叫了搾菜肉絲麵($12.00)也幾好味,麵條有咬口,韮菜餃也很新鮮,價錢實惠,值得再來!

不要說正牌舖或伙計鋪，連續兩日左右兩間都試過，在記憶未遺忘前結論是味道、服務及環境差不多，要幫襯就不需理會啦！茄牛蛋手攪麵是正宗茄醬湯底，12蚊碗麵的牛肉不會要求高，但兩間都好過維記；另在茄醬湯底外更加上煮淋了的鮮番茄，鮮茄香味得以提升，但若碎蛋可稍為煮長點時間，茄醬湯完全進入裡面的話，一句，會更完美！此兩店是我繼譚仔後另兩間碗底朝天的食肆，失禮！

友人終於帶我去大家食食佢地出名既手攪面. 友人幫我點茄牛手攪撈面, 點解要撈面. 因為茄牛本身有汁, 如果加埋湯的話會令個面無咩茄牛味, 所以叫左撈面湯另外上.(撈面加一蚊) 真係幾好味, 又平啦!油菜只係3蚊都抵啦.

真的超抵食刀削麵好"趙"頭即使三元的油菜也是絕無欺場,夠油又新鮮好味特別推介蕃茄湯牛麵,好少有大大碗,飽,如此價錢,不知怎賺

與朋友跑步後，再去完黃金買野(唉~~又冇咗舊錢)，想食平野，於是到了附近的”大家食”，由於上次試過沒有”人像”那間, 是次便到正版”大家食”東坡肉刀削麵：半肥廋豬肉，朋友覺得很好吃，與鄰店的味道好像差不多合和上海粗麵：好味，不過奇怪麵質有少少彈牙，與平時食開的上海麵不同，有菜莆、蝦米、肉碎、花生等，唔…….但下次都係叫d多餸的麵先阿姐nice，耐性地向我們解釋甚麼是賽走肉、合和麵相比起中環一些商業地區的又貴又難食的麵店，我更喜歡這裏

來深水步買野, 一定食完野先走.次次都係食茄蛋麵,但食評話冷麵好味.但menu沒有寫,我以為隔離個間,便問亞姐有無,原來是有供應,就來一碗!友人都叫了碗茄蛋麵我以為會是類似擔擔麵醬的冷麵,上枱時好fresh味.食時d麵比平時的手攪麵更彈,好味~

東坡肉刀削麵+ 韭菜餃手攪麵+ 油菜(菜心) ($15+15+3)東坡肉刀削麵。東坡肉，肉淋，皮膠，算入味。刀削麵，太厚，太寬，粉味太重。湯，較淡。韭菜餃手攪麵。韭菜餃，韭菜，香，煮得剛剛好，一流。手攪麵，無甚麼特別，而且粉味較重。湯，淡，原湯底，如粉水。(手攪麵較刀削麵好)油菜(菜心)，蒜味太重。

我每次同朋友行完黃金高登後都必會到的麵店, 一來價錢又平, 二來又多選擇, 次次同朋友一齊埋單都一定唔會超過50蚊, 而家香港地仲邊有咁平嘅地方食野先我架! 有得飲有得食喎! 我最鍾意食茄蛋牛麵同埋擔擔麵, 我實飲晒D湯先會走, 仲要加埋佢地獨有嘅辣冬菜, 真係好鬼死辣, 不過又辣得過癮, 一個字, "正"!! 如果你覺得佢個麵底唔夠你食仲可以叫佢加大架, 只係加多5蚊咋!

果日一朝8 點幾同老公去食早餐，可能早，未有刀削麵，又冇果個有木耳同牛月展果個麵，結果食呢個冷麵同南瓜麵，以咁o既價錢食到咁彈牙o既手攪麵，都滿足ga啦... 我係去右邊果一間，鋪尾左邊角粒頭係電視，係咪唔係正店?

食過幾次,但d 面有時腍有時硬,味道唔錯,但都唔係好特別,不過13蚊當lunch食真係超低。

昨晚收工一支公，去開黃金同鴨寮街，梗要食下大家食！叫左樣之前未食過既東坡肉手攪麵($15)，例牌咁用$3加碟油菜。嘩，東坡肉原來好好味，肉非常入味，而且都唔算太肥，咬落去唔會成口油，一般人都可以接受，肉質有彈性，証明冇煮過火，真係後悔點解唔一早試，麵條亦保持一向水準！雖然感覺上比以前細碗左少少，但加埋碟生菜都夠飽，十八蚊落樓都好抵啦。＊＊＊我係去有老細個樣做trademark個間，不過位置係冇老細個樣個間的右手面隔離（即係福榮街七十幾號左右），而原本個地址（北河街165-167)個位好似變左另一間食店。