大家食 (已結業)

昨日到附近逛逛,之後就到左呢間新開的大家食分店食飯! 呢間新店算乾淨,唔似得山東街另一間分店咁差!但地下都係好sin, 好怕跣親;講番食物點左一個東坡肉水餃少辣手攪麵和兩串串燒(雞翼和雞腎),嘩!個東坡肉好味,以咁ga價錢食到真係好好架啦!另外,水餃餡料算幾得喎!而且d皮仲好滑漏添喎!太美妙了!之後嗰兩串川燒雞翼好食過雞腎,因為雞翼味勁入味又唔會好似鹵水煮法咁鞋口,一流!總之在香港以咁ga價錢真係好得!

1月3日20:20南下在佐敦下車，想吃碗豬骨粥。試過堂記，便想到彩龍，在新填地街轉了兩圈，竟找不到！真邪氣>m<最後遊蕩到這店，來碗賽狗肉手攪麵。賽狗肉：南乳味香濃，皮脆，肉的口感極佳，夠火路，絕非高速煲貨色。手攪麵：仍是彈牙。店少人多，人流夠，阿姐們手急眼快。店內"再創風味"橫扁好搶眼！

再黎食過幾次發覺豬潤靚左,夠潤大大片厚薄適中煮得又唔韌好好味但手攪麵就太淋喇都係削搖麵好d

約左朋友仔o係旺角兩個人五點幾都有d肚餓本來打算食少少街邊小食就算但同朋友仔經過呢度問口反建議話想食麵叫左豬潤手攪麵($15),涼拌削瑤麵($12)同豆漿($5)豬潤切得薄薄,煮得剛剛好唔韌,湯底算清但食到有d味精出街食豬潤麵都係去番維記至正呢度叫做可以啦手攪麵個人覺得淋左d無乜口感我個削瑤麵等左三個字先到個汁係茄汁底加埋青瓜,蕃茄絲同牛展絲拌埋一齊食幾開胃削瑤麵薄薄但較闊身口感幾煙韌但成碗麵都係一條完整既無剪開食落有少少麻煩不過個人黎講鍾意呢種麵多d豆漿出奇地有豆味, 但甜左少少