大家食(新之食) (已結業)

學校搞programme要開檔企左好耐...食個lunch休息下...唔行得遠...同學仔話入去大家食食...因為佢地食過觀塘果間ok...我就未食過...都係食下粉麵姐..咪同佢地入去...坐底都幾餓....乜都唔識...問題少女又黎問問題..今次叫左個服務員姐姐黎問...逐個粉麵問....煩到姐姐唔想理我...姐姐話削搖麵係粗身d...話會彈牙d...咁我都想試下~~最後叫左個冬菇魚腐削搖麵 - 原味湯底(唔辣)~加個凍奶茶...野食黎到...第一個感覺...哇...咁粗咁厚既d麵...好似"綠箭香口膠"咁喎....食落口...正常人會叫呢d做彈牙...但我總係覺得好硬身....有d痴牙....個湯清清地..都ok...d冬菇都幾入味...但係好似未洗乾淨...有d黑黑地果d....魚腐普通啦....幾ok~~但個麵我真係...唔識形容...只可以話我真係受軟唔受硬...個麵太粗太厚令我覺得好硬...唔係幾岩我食啦.....21蚊係單拼麵...+5蚊多一個送....野飲好似另加5蚊??唔記得...下次應該唔會再去...如果真係同學叫到...一大班人...我都會去既....但一定唔會

大家食嘅食物OK啦,價錢算係幾抵.不過係呢間灣仔分店要小心o的.我係灣仔番工,間中都會去食晏,不過食十次之中,起碼有七次佢地會寫單嘅時候寫多錢.幾個人叫野食唔覺唔覺可能多左幾蚊.就連我一個人去食嘅時候,都可以寫多嘅,頭一兩次都信佢唔小心寫錯,不過咁多次都係咁嘅話,就令我覺得佢地係有心架喇.總之就一定要check單,你指出佢地寫多左錢,佢地都係笑住口咁幫你改番,每單寫多三幾蚊,日積月累,都咪話唔係錢呀.

其招牌跟名字都有少許跟一大連鎖快餐店差不多﹐但食物就有很大的分別。 這裡蠻出名的有茄蛋牛肉﹐所以當日叫了茄蛋牛肉 (+$5)+鹵雞翼(+6) 刀削麵。新鮮蕃茄六大舊﹐雖然牛肉肉質有點鞋口﹐但酸酸甜甜的味道幾開胃。 雞翼亦鹵得入味﹐叫來作為第二款餸是一個不錯的選擇。刀削麵麵質方面 ﹕ 跟以往吃過不同的粉麵種類有很大的分別。厚度吃落有點兒像水餃皮﹐闊度就有點兒像義大利闊麵條﹐軟硬程度就很煙韌。 好一種中西合壁而創造出有創意的麵條供客人食用。如顧客嗜濃味﹐這店在每張枱上亦放了兩盎好像是菜脯的東西供顧客任落﹐一盎辣﹐一盎不辣。這店還有手攪麵和幾款在其他地方吃不到的麵條選擇。總體上食物有創意﹐味道不錯﹐價錢亦不貴。

叫左蕃茄牛肉麵個味道唔錯, 但嫌牛肉比較少我唔鍾意個麵我叫左係南瓜削麵冇南瓜味and好厚...感覺好似將d個人對呢個麵的感覺好差但同事就話唔錯, 因為夠煙靭wor~但就幾抵gei~18食個lunch~

今日行去惠康買野~先知有大家食~~~之前係觀塘成日都食(新之食)~~因為學生時好講求平又飽~~咁就好快咁買左個飯食~~飯既名堂就唔記得了~~不過宜家一路食一路打~~可以講講飯既味道~~~~個飯都幾酸~~係我接受以內~~~!我覺得唔係個個人都接受到~~汁係茄汁~~加了洋蔥，芹菜~~蘑菇~蕃茄~少少辣椒~~仲有肉碎~~汁算多~~足夠食每一口都有汁~~~好開胃~算多菜既飯~~不過食完好似唔係好飽~~~其實宜家成日出去食飯~~唔洗成日食肉~~有菜食下都唔錯呢~~!堂食20~~外賣加了1元~~唔包飲品~~要免費有飲品要12點前~or 2點半後~~係灣仔都算抵食了~~我係外賣自取~~俾到環境同衛生既分~~

晚上十時多，與好友到此晚膳。筆者要了碗魚腐削麵 ($19) 加杯凍檸檳 ($5)。魚腐一般，但削麵就非比尋常！想不到削麵竟是極度有口感，加點辣椒油，越吃越想多吃！結果再來多碗齋削麵 ($12)，阿姐還很好人給了碗腩汁予筆者。一邊看向世界出發，一邊與友聊天吃麵，賞心樂事。前文筆者曾於食評提及的「伊人」字眼，大家還是把她抹掉吧。

2008年3月18日，新之食蘿蔔牛腩南瓜削麵蘿蔔牛腩OK腍，削麵幾煙韌，不過食唔到南瓜味道乜濟。

2008年4月16日 12:30 同同事去灣仔分店試下, 我想試好耐架啦! 見佢無咩裝修, logo又抄人, 但係又可以開好多分店, 好想睇下佢有咩把炮. 我叫咗牛肉xx麵, 又真係幾好食, 十幾蚊價錢, 二十幾蚊水準, 唔錯喎!不過服務真係差咗d, 改善下啦!

仲記得好多年前，第一間大家食打進深水埗的平民區，門口大大張剪陸軍頭老闆的相片放在門口，也吸引了不少人來光顧。不久，第二第三間分店陸續開業，如今分店數目也不少。不過，我都好幾年未食過呢間野。放工經過，有點口痕，來整番碗手攪麵都好。知道東坡肉手攪麵是這裡的招牌菜，自已本身也愛死東報肉，所以毫不猶豫就叫侍應來一碗，加杯凍檸茶。可能太大期望，碗麵端上來時實有從高點急跌下來的那種失望感。東坡肉應肥既地方唔肥，瘦的地方也太韌，質素異常的差；手攪麵還好，起碼麵質煙煙韌韌，有點口感。東報肉乃人間極品，咁樣糟蹋佢，呢個喊面一定要俾。

2008年2月20日，新之食今天選了相思骨紅薯粉酸辣湯底。紅薯粉的樣子像一條一條的小透明珠鏈，晶瑩的外形有點粉絲，吃下去煙煙韌韌的，感覺不錯。相思骨大約有四塊，只有兩塊可以吃，另外兩塊像煲湯的豬肉，很很韌，沒辦法吃得下D“渣”。喜歡酸辣湯底，配料也多，但28元有點貴。

成日覺得，肚餓食飯，點都唔會難食；對嗜麻辣如我者，麻辣點都唔會太難食。點知第一次去呢間麵店，竟然打破我心目中的金科玉律。點了一碗麻辣手打麵，湯底根本不是麻辣，完全沒有花椒之類的香味，而且食物放超多糖，大概是想用甜味去中和麻辣味，可惜除了甜，又是甜，我以為自己喝　”咸”糖水。”甜”的菜式係易入口，但我成日覺得咁做法，隨手放大堆糖，其他味都唔配合下，好冇誠意咯。我估碗麵要做到咁甜，廚房起碼落成５茶匙糖卦？騎呢得滯卦？

2007年12月3日，新之食以前吃過觀塘的新之食，感覺這裏比較乾淨。叫了番茄蛋牛手攪麵（17元）：賣相和味道很不錯，價錢又便宜。味道可以調的淡一點。小鍋酸辣米線加魚腐（23元）：小鍋酸辣米線的賣相味道都很好，魚腐味道合格啦。