大家樂 (ac3)

營業中

休息中

在剛過去的中秋節，遵從母親吩咐去買食物返屋企加餸，不去也不知道原來做節食物好搶手，五點後超市的燒味部大排長龍，很多都已經售罄，幸好還有大家樂快餐店，我買了一份自選三寶燒味，包括貴妃雞、燒鴨和燒肉，燒肉的皮夠脆，雞肉夠嫩，燒鴨肉夠油香，份量普通，如果人多食可能需要買兩份。

唔想煮早餐所以就落街買去大家樂買我最鐘意既北海道牛乳炒滑蛋加南冰魚柳　加３蚊就多一碗火腿通梗係要埋炒滑蛋好香牛油味同埋都ｏｋ滑，不過望到外賣盒底ｄ油就．．減緊肥既就要諗諗先好叫啦！魚柳好似炸得乾左ｄｗｏ，不過份量都算大方既火腿通不過不失啦，火腿份量都算多，３蚊真係抵食架

男友話正,所以頭先lunch去試下,我食左"炭燒鰻魚‧照燒蜜糖雞扒飯",鰻魚燒得好香,雞扒好嫩,正!!飯面上有3條豆+好多粒粟米,我至愛=D配杯紅豆抺茶,不甜左d~果然幾好味~大家試左未=]?

看到貼着“新”出品的焗飯，有一哥豬扒拼南瓜雞皇，被後者所吸引，想起兒時所吃得鴛鴦炒飯。價錢只是27元，不太貴，就買了一份當午餐。這個焗飯，三個字：好難食！！南瓜雞皇少之有少，豬扒“梅”的過份，醬汁一PAT PAT，味道就....唉...又一教訓，還是買燒味飯，比較穩陣。

上次吃上海排骨菜飯覺得好好味．上海排骨其實是豬扒，　但我覺得好味過一哥豬扒飯的豬扒．珍珠米的菜飯都唔錯．但今次變了雙拼的款式：上海排骨拼肉絲茄子．　雖然是要有’飛仔’等number，　但都係凍的，　變得唔係咁好吃．　而今次的菜飯唔夠軟熟，　飯味生生地．反而今期加＄１５的花膠雞腳雪耳燉湯真係唔錯，　夠味，　又無味精．所以＄１５是值得的．

不知爲什麽，久不久就會去吃大家樂的吉列豬排早餐。不是特別的好，有時候豬排會稍為乾身和細小，但卻喜歡點這樣的一份早餐。週末清早來到香港仔，一眼看到大家樂....ha ha，吉列豬排在呼喚！當然要進去會他一會。快餐店很寬敞，面向馬路的一邊都是落地玻璃窗，所以很光猛。吉列豬排加蘿蔔糕加熱奶茶。奶茶的煙在冷氣房中徐徐升起，豬排甘香，蘿蔔糕鬆軟...好滿足的一個早上！

西蘭花班片,一個中湯,唔夠煲用就用碗裝算數,白飯一大碗,加多杯中茶。d魚片就無謂講,太似鯇魚片!仲油淋淋,無黎味道,個湯又夠晒師父,愈飲愈口渴,食到唔想食!一個字「渣」!

(26/12/05) 有南瓜o野,又要試喇!好可惜,一D南瓜跡象,南瓜味都無!我覺得係葡汁o羅!兩小片蘋果,根本沒有配合味道可言,兩片火腿像是煙肉味的白肉,唔得。

睇個名好似好勁咁,其實即係普通肉醬意粉加三片沙樂美腸.但係淨係食肉醬意粉已經幾好食,因為肉醬夠多,通常食完晒D意粉仲剩番好多肉醬o係度.但係就冇咩芝士味.沙樂美腸真係唔識欣賞,三片薄薄的,無甚肉味,我諗沙樂美腸應該同中式o既臘腸差唔多,唔知o岩唔o岩?

今晚媽咪罷工不煮飯，所以就出香港仔食大家樂。五個人叫了二個雞腿扒碰珍寶香腸鐵板餐（HK$37.00，塊雞腿扒原先幾好味，不過要了肉汁味就不配合了。一條很大的珍寶腸，一個沙律汁焗薯，這個都幾好味，應該是成個餐最好味的了。還有一些粟米和脆瓜，都幾好味，成個餐都食得過的。一個西冷扒鐵板餐（HK$37.00)，這個不是我食的，所以不知好不好味。另跟餐要了兩個焗嚮螺，這個麻麻，冇肉食的。一個香芒鮮蝦沙律，這個很差呀，芒果好酸，蝦肉梅梅地的。三個酥皮湯西蘭花海鮮湯，有碎西蘭花和少少帶子肉、魚肉和蜆肉，不過又是麻麻地的。另加了八元換了杯凍奶茶，姪仔話好飲過個湯多多聲。又另加十二元換了兩杯雪糕紅豆冰（這個千萬不要叫，非常非常甜，甜到死）和楊枝金露，這個不知味道，不是我飲的。再加一個迷你冬瓜湯碰蔥爆鱈魚餐(HK$37.00，個冬瓜湯又細又冇味，瓜肉爽而不淋，差呀。只得五、六塊鱈魚肉，又冇味又不新鮮）。個餐還跟一杯茶、一碗白飯咁大把，差，食不過的。早知叫一哥焗豬扒飯哪，真失敗。順帶一提，這裡幾迫的，又多人。還好似酒樓咁，隨時加桌。又有烏蠅飛來飛去，廁所又要用商場入面的公家廁所，真的又濕又滑。

今日中午同緊張大師在呢度開餐,去到只搵左3分鐘就有位坐,以星期日中午在香港仔的人流來講,可算係奇蹟! 緊張大師要左水餃排骨麵加熱檸茶,我要左排骨菜飯加中湯.個麵望落好豐富,除了數隻水餃同數件排骨外,仲有好多配菜,如椰菜花,甘荀片等,麵係上海粗麵,試了一口,好重麵粉味,我不太喜歡,佢似乎食得津津有味,不過太大碗,最終食唔晒,始乎男士食都會幾夠飽.個菜飯係飯同送分開上,排骨同麵的一樣,味道甜甜地,內裡好似唔夠肉汁,有d乾,個菜飯係用珍珠米煮,幾有油水,食落有少少過腍,但唔算油膩,況且隨餐附有的小前菜宮保肉丁幾惹味,算係咁啦! 是日中湯係無花果雪耳煲瘦肉,飲落好甜,應該無味精,而且都幾足料,有甘荀,粟米,瘦肉同雪耳,只係雪耳發得唔夠,但剩飲湯都夠.緊張大師係檸茶專家,佢話呢度用的檸檬幾靚,應該係用新奇士的,茶就普普通通,不過我話以快餐店來講,大家樂的茶都算係飲得過的.今次竟然食到幾好的快餐, 希望下次來都可以keep住啦!

今日tea time, 去左大家樂食個tea,可能原本冇乜期望，所以當我叫個tea後，又覺得幾正。$17.5，可以當午餐份量，一個火腿通、一碟上海組炒加茄汁豆加火腿，再加一個波蘿油，加杯咖啡。D 波蘿油好似唔駛錢，成舊牛油比晒你。大家可以一試。