大家樂 (順利邨)

營業中

休息中

最後今日優惠..只要你系會員就可以用一蚊雞黎換一杯紅豆冰🤣平時要加10幾蚊換宜家加1蚊就買到..今次重唔系抵到爛..大家樂d價錢越黎越貴，如何其他野都有更多優惠就好喇

位於觀塘的大家樂早餐選擇多樣，這次試的是銀針粉配煎蛋。銀針粉滑溜不黏口，湯底加入蝦米，鮮香突出，帶出港式風味。煎蛋煎至微焦，與湯粉搭配恰到好處。整體味道樸實但有層次，是一份簡單又令人滿足的早餐。環境：店面整潔，座位寬敞，早上人流適中，氣氛輕鬆。 價格：屬親民價位，配飲品更具性價比。 食物質素：湯底鮮味，銀針粉口感佳，煎蛋火候適中。 食物種類：早餐選擇豐富，可自選配料，亦有多士、餐肉、腸仔等搭配。如果你鍾意港式湯粉加蛋的經典組合，這款早餐值得一試。

位於觀塘的大家樂最近推出芝士牛肝菌汁焗牛肉飯，味道偏向港式西餐風格。牛肉以自家醃製，肉質尚算嫩滑，配上濃郁牛肝菌汁，香氣自然，帶有淡淡芝士味，不會過膩。飯底吸收醬汁後更添風味，配料如蘑菇片及蔬菜粒令口感更豐富。整體味道平衡，份量足夠，是一款簡單又有層次的焗飯選擇。環境：分店整潔，適合快餐式用餐。 價格：屬親民價位，午市供應更抵食。 食物質素：牛肉醃得入味，醬汁香濃，飯粒鬆軟。 食物種類：焗飯、意粉、扒餐等港式西餐選擇多元。如果你鍾意菇菌香氣配芝士焗飯，這款牛肝菌汁焗牛肉飯值得一試。

大家樂的早餐組合極具魅力，平民化的價錢性價比高以綿密的雞蛋，配以口感豐富的雞扒，與酥脆的多士完美結合，帶來一份滿足感。特別是由彩虹邨走上順利邨探親的時候，飲一啖冰鎮凍咖啡則令人心曠神怡，清涼的咖啡香氣與順滑的口感令人陶醉其中。這一套組合，既能為身體注入豐富營養，又能為味蕾帶來愉悅享受。無論是開啟美好的一天，還是享受悠閒的早晨時光，這份早餐絕對是您的最佳選擇。如果可以還可以在順利邨舊式商場內遊走欣賞吓屋村環境。

105HKD有三個餸！！都幾抵食！！拎走返屋企加料！！order咗三個……菠蘿咕嚕肉、叉燒拼切雞、醬皇炆豬手…………出品都幾快手大概5min左右就出齊走得份量就還好囖！唔算太多但夠食咁囖！！

好多人都成日話大家樂點差點差，我以前都係甘諗。近呢幾個月因為貪方便，就食樓下間分店。順利邨分店絕對好過好多收得仲貴嘅茶餐廳。雖然水準都會有上有落，但唔會相差好遠今日20230729柯打嘅係芥末廉汁煎雞胸意粉，我怕肥，所以走意粉。塊雞胸係煎得幾好，面少少脆，但入面係juicy!塊雞胸都幾厚同幾同幾重，控制得幾好！Like!我食過創紀之城一期嘅粟米汁雞胸紅米飯。佢嘅雞胸同順利邨當然係一樣啦，當就好乾同比較硬。間間分店嘅食材都是一樣，但煮嘅過程都好緊要！利申：有比錢，非打手

時間關係，隨意搵間餐廳要快食晚餐，於是乎入咗大家樂，估唔到都好抵食我哋叫咗燒雞雙人晚餐除咗有原隻燒春雞，仲有二人份量肉醬炒飯+牛油粟米+粒粒紅豆冰，只係$86（原價$89，但用自助落單幾減$3）原隻燒春雞- 都幾大隻，啖啖肉，摞餐時仲係熱辣辣。雞皮香脆，肉質唔算鞋身，仲保留到肉汁，性價比高肉醬炒飯- 都幾香口，唔油，加上向來大家樂嘅肉醬都有質素，幾好味粒粒紅豆冰- 應該係大家樂嘅王牌飲品，質素如一，粒粒紅豆冰入口好有咬勁，好飲$86就食到咁豐富嘅晚餐，絕對係意料之外嘅高性價比，大滿足

話說大家樂呢期新推出［碗仔翅x 咖喱三寶］配鼓油皇炒麵。今日唔太肚餓，留返下午茶☕️時間品嚐一下😄我最鍾意港式小食，碗仔翅🥣、魚蛋啱哂我口味啦😗魚蛋有5粒，蘿蔔2 件，麵根少少。魚蛋尚算不錯，配埋咖喱好惹味，食到舔舔脷，😋😋但蘿蔔略嫌少左d，麵根就麻麻地啦。至於碗仔翅配料有花菇🍄肉絲，算足料，味道香濃，不過我嫌太黏。炒麵我覺得太‘淋’，希望餐廳會改善啦😁一餐下午茶$34嘆到幾款港式小食，算係咁啦🥰

今日介紹平靚正早餐，因為大家樂早前出咗禮券，有送食物優惠卷，今次平10元，圖中嘅份量係兩大一小的吃。所以我一定買我最喜歡食嘅早餐，佢嘅早餐質素真係唔差，仲好過我自己煮餐飽！🐠佢個脆炸石斑炸魚柳，係必食，係石班來的，唔係普通廉價魚肉，又大片，佢個水準係拍得住高級餐廳(重點抵食)，好有魚味而且炸得鬆脆。🐮至於個牛扒大真係好大塊的，間間餐廳嘅牛扒都縮水嘅時候，佢都仍然係好大塊，而且幾有口感。🐮🍅佢嗰個番茄牛肉螺螄粉，今次好正竟然俾多咗牛肉我，佢個蕃茄湯底好濃郁，我每一次都要加錢換這個，有些粉麵落肚會特別飽的。☕我又幾鍾意佢嘅即磨咖啡幾香濃又好飲。🥔第二個幾喜歡嘅係佢嗰脆炸薯餅，雖然沒有麥記嗰個咁好食，但炸得夠脆。🥪另外一個西多士記住叫佢俾蜂蜜糖漿，否則就沒有味道了。我仔仔又好鍾意食茄汁焗豆所以呢個係一定要叫。

近日有緣來到順利邨，當然要周圍試下好野食，最穩陣嘅梗係要去啲大集團嘅舖頭啦，今日就去大家樂。適逢下午茶時段，一於就食個清清地嘅茶餐啦。我今日就食魚湯雲吞水餃、炒麵、春卷。因為有報紙優惠券，所以平三蚊，加埋電子支付嘅優惠，再平多幾蚊。呢個餐份量都ok，就算我當午餐來食都好夠食。魚湯真係幾好，有魚嘅鮮甜美味。炒麵就係正常嘅炒麵。春卷其實都算驚喜，因為至少個皮唔係好淋，而且都有啲溫度。廿幾蚊食到呢個餐，其實真係唔錯。

人懶到一個點，只要有人肯幫我買外賣，唔使我行出街，基本上食乜都無所謂！今日救援人員是細佬，買燒味飯外賣，而減肥中的我的要求又多，所以佢去服務好啲嘅快餐店買（屋邨酒樓的燒味部師傅，是不會理會我的要求）叉燒切雞飯（$42）要求瘦叉雞胸走汁做到晒，微波爐膠盒，包裝企理，瘦叉燒都不會好柴皮，不會食到渣，蜜汁微甜好味，雞胸去皮，雞肉不會嚡，雖然雞味弱，好味，拌碟的菜心好大條，爽脆不似放咗好耐嗰種，唯一失色是白飯，煮的太爛，不好吃！整體ok(都只敢要求ok)餐具跟足晒！快餐店只求ok

今日自己落左觀塘順利邨行下鋪頭,去左大家樂食飯叫左個咖哩牛腩飯咖哩牛腩飯-飯都夠晒份量仲有少少椰菜咖哩味都夠辣不過就唔夠咖哩香牛腩都夠淋不過唔夠入味薯仔反而最好食,薯仔最入味

大家樂 - 港式快餐品牌，下午茶餐時間，有數十款不同選擇，單點一柸紅豆冰16元，所以我選了超值選套餐，紅豆冰配上最邪惡的西多士，只是23元，然後加了7元加配一支牛油粟米，超值！西多士內層搽了花生醬 ，麵包表層是金黃色的，不會太燶，亦沒有油淋淋的感覺，塗上糖漿和牛油，更覺美味，咬落外脆內軟 ，蛋漿的蛋味香濃 ，不覺膩滯，再加上粟米清甜，滲透着 牛油香味，唯一美中不足的就是紅豆冰偏甜，幸好紅豆大粒夠淋。

每個人生階段都有一個特別愛吃的大家樂快餐小學是粟米肉粒飯中學是炸雞腿飯現在是鴨瀨粉🌝🌝這個幾乎是我這三年來每個週六最喜歡點的下午茶不過一定要早點才能有鴨腿有時候會太多油但一般味道都不會走樣呢冬天配個熱檸蜜就很好了😆😆

放假早起與朋友在這吃過早餐先每人一份，今天吃花生粥炒麵跟蘿白糕加杯咖啡早餐這裡過了十點稍靜成間餐廳都得果幾個人即買飛立即在食物擋可取呢度起過一百個位過了上班黃金時段大把位仼你揀當然坐埋一角半卡位講到食物熱辣辣粥底的確夠綿但是真的花生粥乜料都無不過味道可以炒麵亦乜料都無仲係䁔暖地好在夠味同夠乾爽蘿蔔糕軟淋有味咖啡亦夠香濃兩個人這時間食完吹水餐廳仲有柔和音樂坐到十一點半起身讓人地午餐每人平均二十六算是平