大家樂 (順利邨)

營業中

休息中

十二月上旬‧晴下午，在這邊街市買點東西。臨走的時候，吃個下午茶都不錯，就來了這裡。除了迷你叉燒飯，是日還供應叉燒瀬粉，來一個。叉燒甜甜的，不太腍還保持一點咬口。難得的是瀬粉夠熱，加杯熱咖啡，都只是二十三元，不算貴。老老實實，我喜歡來這裡吃下午茶的。

雖然不喜歡連鎖快餐店，但有時候貪快貪就腳，神推鬼使下偶爾也會光顧一次。但每次進去，我期望的純粹是一頓新餐，吃完便走，對食物的質和量同樣沒有期望。最後一次幫襯大家樂，是吃早餐。特地點了一份雞扒炒蛋早餐，記得小時候還在唸書的時候，我最喜歡的便是雞扒炒蛋的組合。不過，今天面對同樣的食物，已再沒有往日的驚喜。　　或許味道沒有改變很多，只是自己大了，對食物的要求也不同了。不過，對於價錢和份量，我卻頗有微言。有時候我會跟朋友笑說；「這是半份雞扒半份炒蛋早餐啊！」愈來愈小的雞扒，愈來愈小的炒蛋，無從滿足我的簡單地吃一頓豐富早餐的願望。　　雞扒、炒蛋、蘿蔔糕，如預期般不過不失。略嫌雞扒較韌，蛋不夠滑吧。至於檸水，水中的檸檬就像發育不良一般。可是，價錢卻不會比茶餐廳便宜。

大家樂乃快餐店火鍋的始祖, 回想起也有十多年吧, 總括來說亦是平均質素最好的一間, 雹配料的種類夠, 份量亦足夠一個人飽肚這一晚情人節兩個麻甩共享一哥火鍋, 無選其味美我愛一哥火鍋不是貪其方便式度或價錢偏低, 說實在真的覺得味道很好, 雖難比較頂級火鍋店的質素, 但絕對勝過坊間所有有垃圾般的自助火鍋沙嗲湯底味道濃, 比很多火鍋店水般的沙嗲湯要好很多火鍋不是一定要大堆頭, 放滿一整張餐桌食物才人享受, 一人份量能同時享用十數款不用的配料, 簡簡單單已經令人非常滿足

今日起身突然皮膚感敏, 返工前唯有先睇醫生, 掛吮 排第六, 仲有半個鐘先到就落大家樂食個早餐, 貪佢坐得舒服以前大家樂早餐我覺得OK既, D牛扒唔會好韌, 件蘿蔔榚比起好多酒樓更加好味但係大半年無食, 真係覺得差左好多, 忍唔住食到一半都影張相寫下煎雙蛋既, 算真係厚煎, 但係煎得唔香牛扒鞋到好似張沙紙咁D汁杰得過份而件蘿蔔榚亦太重粉, 蘿蔔味我都揾唔到條$26又唔算太貴, 但真係唔好味, 我都係唔想浪費D食物先啪哂落肚唯一優點係唔太多人, 坐得都好舒服

　掛羊頭賣狗肉，原來大家樂咁大間集團都會有。 佢哋晚餐有種叫老火湯套餐，是一煲老火湯加一個白飯及一杯普洱茶，盛惠三十幾蚊。　擒日佢地掛個牌賣粉葛赤小豆鯪魚煲瘦肉，由於媽咪鍾意飲，咪叫個套餐畀佢。　由於我買番屋企，故無即時留意佢啲湯係點。　一食先知道，啲所謂粉葛赤小豆鯪魚煲瘦肉，原來只係青紅蘿蔔煲豬骨，搵舊粉葛搵粒赤小豆都無。　咁咪即係畀佢哋搵咗笨喇。　從之以後，都咪使旨意我再幫襯大家樂呢種餐。

又好耐無寫食評，一寫仲要寫埋大家樂呢d快餐店 一哥火鍋果d五十幾蚊，鐵板餐四十幾，都唔知幾時大家樂都貴成咁，但係我食呢個要成58蚊仲貴，鮑魚拼五香牛腩粒加冬菇扒豆腐，仲有白飯同埋雞湯加中國茶，叫之前已經知舊鮑魚會同餐牌上差好遠，點知真係差得好鬼遠，細到死，但都算係ok好食，仲有其他野份量都ok，質素都算係大家樂水準之上，個湯入面難得好大舊雞，不過當然係煮到鞋晒，食晒成個好飽不過係大家樂一個人要食差唔多六十蚊始終覺得太貴，貪新鮮試一次算了

好耐冇去大家樂食佢個焗豬扒飯啦 有點兒懷念雖然自己都識整 但係人懶起上黎 就梗係唔想洗唔想煮啦可能係外賣既關係 水準冇堂食咁好焗汁比較稀 唔夠稠身 燴汁夠甜 炒飯好香蛋味 唔錯~豬扒夠厚夠大件夠淋身 當然係化學物料既幫助但係味道真係唔錯 而且咁淋身 食起黎好方便~整體黎講 雖然係幾貴 但都幾好味 偶爾一次冇相干~

可能今日早餐只係食咗炒蛋多同埋芝麻糊麥片 份量太少Lunch既時候勁肚餓 一入到大家樂 見到有我鍾意既芝士焗忌廉汁海鮮飯$29諗都冇諗 就即刻買票 就係咁 令到我有少少後悔拎到埋黎 當然賣相同圖片差好多 不過都預咗而且聞落去都相當之香 諗住都唔會差得去邊材料有兩小舊魚柳 少少帶有腥味既魷魚 同埋蟹柳用料當然係平價貨 沒有鮮味之餘還帶點腥味但勝在焗起冇耐 食落燙口熱的食物通常也不會難食得不能下口炒飯蛋亦夠多 味道唔差 但過於油膩整體黎講 $29 太貴啦 味道不特別出色 但夠飽肚 或會再吃吧

去到大家樂 本欲嚐嚐新出的意粉但餐牌已沒有它的名字 可能是已停售吧 所以選擇了元祖豚骨豬軟骨湯拉麵$28這個拉麵很耐以前出過 不過我就未食過 今次一於試試豬軟骨有五六舊 份量不少豬軟骨的骨真的很軟 軟得我把它們全都吞下肚肉很淋身 亦帶有肥膏 味道相當唔錯拉麵不會煮得過淋 仍很彈牙 配角粟米很有牛油香 好吃湯底都很好飲 可以整碗喝下去!這次的水準我覺得比味千拉麵還要好

老實講 大家樂真係食得多 但係佢既早餐真係第一次食今日心血來潮 見成日都係食大快活既早餐 就決定試下大家樂紐西蘭南冰魚柳+炒滑蛋配牛油厚多士$20價錢比大快活平少少 賣相都幾吸引炒滑蛋同大快活有得揮 好滑 有好香濃既忌廉味同牛油味出口真係好似融化咁 配搽咗牛油既多士真係一流紐西蘭南冰魚柳係廣告見到就覺得幾靚食落脆卜卜 有魚味 但魚肉唔夠滑 都係McDonald's好食D總括黎講 味道唔錯 價錢公道 會再食

已有一段時間沒有吃大家樂了突然有點懷念它的菜飯 便做就了我今天的午餐餐牌上 除了一向的上海排骨外 還多了個紅燒雙菇獅子頭但比較起來 我還是較為鍾情於上海排骨 獅子頭 容後再嚐吧.....上海排骨菜飯$29$29 又加價了 在快餐店來說 毫不便宜呀上海排骨有六舊 炸後很是香口 汁料味道亦不錯骨不太多 適合喜歡啖啖肉的我但肉質很鞋 可能是太瘦的關係 有多一點肥肉較好菜飯裡菜與飯的比例剛好而且吃下去不大油膩 味道不錯感覺上 好像比想像中的味道為差 或者下次嚐嚐獅子頭吧............

post完大快活既滑蛋粟米魚塊飯我就醒起好耐之前係大家樂食既呢一個飯因為好類似 所以就post埋出黎啦佢唔同大快活既鮮原茄香煎龍脷柳咁 大快活係有兩塊龍脷柳大家樂呢有得一塊 而且比較薄身 但面積就大D魚煎之前用咗好多黑椒黎調味 好濃既黑椒味但可能我本身唔係太鍾意黑椒 所以覺得麻麻可能用咗好多黑椒既關係 所以唔會好腥 而且食落都算新鮮汁個方面 佢同大快活都係唔同大快活係粟米粒加透明既獻大家樂就係真真正正既粟米汁同粟米粒相比之下 我鍾意大家樂既汁多D 粟米味濃D而且佢比大快活既汁杰身D 當然唔會係好杰撻撻個D 撈飯香D但粟米粒就比大快活少 多咗D我奇憎既紅蘿蔔粒整體黎講汁 大家樂好味D魚 就大快活好D 因為大快活冇咁重黑椒味 魚味反而會重D

因為朝早正係食咗個黑芝麻蒸蛋糕 肚餓到唔想諗食咩所以就去咗最近既大家樂開餐張兩塊薄既豬扒變成一塊厚身既 但亦係變相既加價有我好憎既洋蔥 青豆同埋菠蘿 好在我鍾意既蕃茄都唔少豬扒的確厚身咗 而且肉質相當淋係淋到唔洗用刀切 就咁用匙羹都切到可見落咗唔少鬆肉粉 所以都唔敢奢望有肉味 但其實塊豬扒幾好味不過我好憎大家樂成日用類似蛋既物體包住塊豬扒 感覺怪怪的汁個方面 唔會太酸 但唔係好夠汁撈飯 好在唔係白飯啫整體黎講 味道唔錯 而且幾大盒不過唔知係我大食定係可能我太肚餓 食完成盒都冇咩感覺

話說有日好晏先起身但又未肚餓帶埋書落去溫去果陣差唔多到下午茶時間估唔到依度既下午茶又幾旺場溫左1個鐘書全程冇人理哈哈好!之後去買野食!好多junk food-0-結果叫左個公司3文治+可樂蕃茄生菜ok新鮮其他當然冇嘜特別-0-食埋再溫多陣書就走人!(我發現溫書千祈唔好係度溫-0-下午茶係咁叫number果d嘈死人哈哈哈)見到周圍既人都食炸雞脾感覺超肥==

首先講咗排骨先　有三大舊　甜甜地好好味　但係唔係好離骨 Ｄ筋位都好難咬麻婆豆腐　我諗係我自己既問題因為不論係大快活定係大家樂　我都覺得唔好味至於個菜飯　一打開蓋就有水蒸氣飄出黎　食個陣都覺得好辣口　而且冇薑味　所有我覺得好正雖然係雙拼　但係Ｄ料都幾多下　而且味道唔錯　一定有下次