大家樂 (已結業)

食茶餐廳與連鎖快餐店的策略不同, 先不討論到底那裡的炸雞脾較為好食, 而單在即炸方面, 茶餐廳已佔有優勢, 百分之九十九的茶餐廳叫炸雞脾, 都是即炸的. 但連鎖式快餐店, 通常都是一早炸定一盤, 放於熱燈下保溫, 當然不及茶餐廳的好.於是, 想到了方法, 可以食到連鎖店的即炸雞脾, 當去到大家樂, 時間尚早, 大約在4時左右, 見到炸雞脾牌上貼上了暫停…. 我便問一問售票員, 會否再出? 於是… 等了5分鐘左右, 就見到店員除下貼紙了.即買, 連咖啡, 下午茶餐, 用刀切開, 超熱, 蒸汽飄出, 皮脆肉軟, 正!

今日又去試下附近另一間連鎖快餐店,由於時間較早,所以無乜人,唔晒等位今日叫咗個楓葉蜜汁雞扒+煎雙蛋配蘿蔔糕,另加火腿通粉,當然唔少得一杯熱奶茶香草雞扒>>肥膩咗少少,味道普通啦煎雙蛋配蘿蔔糕>>蛋ok,蘿蔔糕就凍咗d!味道都可以火腿通粉>>味道一般熱奶茶>>keep 到水準

前幾日剛由大快活轉會到大家樂，試過啲早餐咁正，今朝專登早啲出門口，想執多劑，試吓其他野，食過番尋味，但失望而回 ~雞絲粥，好差，我淨食到好大陣花生油味、雞粉味同生菜味，無雞味，好差。搵唔到一絲既雞絲，只搵到少量外形似雞肥膏既物體，食落口感似生淋劈劈帶子仔，唔知食緊咩，好嚇人啊。依個口感唔係叫棉，係叫做漿囉，唔識點形容，總之無下次。滑蛋香草雞扒蘿蔔糕，隻滑蛋混入左洋蔥同煙肉一齊炒，味道麻麻，仲唔夠熱又唔夠滑，洋蔥略為生。雞扒真係幾好，有肉汁、肉質又滑溜，口感鮮嫰。足料蘿蔔糕，粉同蘿蔔比例倘算滿意，有蘿蔔香味。兩分係比件靚雞扒既 ~

今日不知為何好想食下午茶, 所以去咗大家樂食!因為太多人,搵唔到位,所以決定外賣回家慢慢品嚐! 我叫咗個17蚊的炭燒豬扖包 - 一打開個包,塊豬扖真係細得可憐! 亦都要讚下師父刀法如神,可以切得咁細!!!!令到我覺得這個包都不便宜喔!! 不過除了份量被欺騙外,味道都不錯! 包脆肉嫩

廣告太吸引.. 決定試試　　買個外賣返公司食..打開.. 半隻雞可來 唉.. 對海南雞平時既印象滑有雞味 ..依隻功夫雞冇樣中真係太難食.. 唔知係汁定煮法有問題 一陣怪味好失望咁食埋幾件雞送飯算雞旁邊有件菠羅.. 應該係成個餐最好味既野..唔試為妙．．　食左會拍檯走人

前幾排去開呢頭，順便度食個tea。呢頭唔算太多人，食個tea都唔錯架。花生醬西多士都算新鮮整既，熱辣辣唔錯既。花生醬既份量都幾多，咁先好食架。而個西多既份量好似大份，真係太好啦。雪糕紅豆冰杯野好多紅豆，而雪糕就係細細球。涼粉既數量可以多番小小。不過杯野都算幾好飲既。有冰冰飲，間接增加我到大記食野既機會。

有張$10 coupon 月尾到期~所以專登黎大家樂買早餐用埋佢..要左個皮蛋鹹肉粥+炒米+熱啡$18呢間分店都幾多人~見到多數人都係食西早~但已一心諗定食中式~算數啦~聽人講大家樂的質素唔太好~拎到番公司一睇~嘩~縮左水,份量好似好少咁~仲要賣相都唔多討好r~先試炒米~幾油~ ~偏硬….有少量蛋絲,椰菜絲,甘筍絲….味道係可接受~但過油~再食個粥~都有味道~但愈食愈口渴,深知不妙….肯定係味精粥…碗粥有1/3隻皮蛋~少量肉絲~果然係通脹..不過~都好~我唔好咁多肉~但係~我淨係食d白粥都覺得鹹~食完喉嚨唔舒服….成個set我諗最滿意會係杯咖啡~我將佢放左入雪櫃,到下晝先飲~幾濃唔酸~唔錯…大家樂係時候學下另一間出冇味精系列喇….

在maggiemarket 聞說大家樂的火煱船是maggie的火煱之選，星期日晚就同男朋友去試一試。我o地要了兩隻"船"，一個係海鮮、一個係醉鷄。材料除了海鮮(細細隻蠔、青口和蝦)和鷄外，有肥牛、肉片、冬瓜、鮮冬菇、粟米，我哋覺得最得意係有d「魚面」，其他仲有d菜同米線，50幾蚊一個人一定食得飽﹗味道都唔錯o架，仲有姐姐幫手加湯﹗好想打邊爐又搵唔到咁多人，可以頂住引先﹗

好耐沒有食過大家樂的下午茶.一於去食,食了新出的日式海皇翅套餐.($18),不包飲品,要加錢.有,半份花生醬西多,一隻雞翼,還有海皇翅.除了西多麻麻地唔夠熱外,其餘兩樣都唔差.

果度d野食算ok ga~鐵板餐熱騰騰~焗飯/ 意粉都焗得幾好~咖哩飯又有薯仔又有肉~家下裝修左幾靚不過設計有d問題~d服務我覺得真係好好呀~~~~~

都唔記得幾多年未試過夜晚食大家樂鐵板餐啦!!頭盤有2款可選，龍蝦仔伊麵or大蝦芒果，湯就係酥皮魚翅湯，鐵板有3款，我選左金沙骨炸雞雙腸，龍蝦仔伊麵幾好食，湯都唔錯，係d炸雞好鞋，$36蚊價錢都ok，如果包埋野飲仲好!!