大家樂 (已結業)

🍙等待時間：好快手，叫左五分鐘就有，我十分鐘後有巴士，佢仲留左五分鐘俾我，出色！🍔室內環境：空間夠大，歡送坐得舒服。🍰服務質素：快捷服務態度正常。🔺用餐簡評：話說今日咁啱去咗土瓜灣嗰邊睇我家姐咁就返屋企啦，但有見有啲我就想嗌個下午茶，咁啱見到對面呢有間大家樂，於是呢就決定試吓呢間分店嘅質素啦。咁我叫咗半份公司三文治加杯熱奶茶多奶，總數呢就係$27 ，睇圖都見到啦麵包都相當有心思，係烘底，食個發覺出奇地比一般好食真心推介🔹總括來講:值得一試

本人過往半個月早上都會到紅磡庇利街寶怡大廈大家樂買早餐才上班，每天都是一模一樣叫J2早餐，其中包括：烚蛋、牛油多士、腸仔、火腿通粉和熱咖啡，價值$25，每次食完都會肚痛，但係以29/12那天最為嚴重，一個早上瀉了三次，其實巳經算係食物中毒個案，最後還要中午飯時間去某一間連鎖服裝店買了一Pack 內褲更換，其寶過往一直都有聯絡食環署和食安中心跟進事件，但係每次回覆都說沒有問題或者係有衛生問題呼籲改善，直至這次打電話去客戶服務熱線，上邊寫字樓也說任何時間只需要拿收據到分店就可以取回現金，但係今天早上去到又刁難客人要先影印收據，再等保險公司Claim 回，真係荒天下之大謬，大家樂食物出現問題，咁梗係由大家樂賠償，點解要由保險公司賠償？咁即是話大家樂分店食物都係由保險公司負責，咁羅銘盛是否不需要負擔任何責任？本人剛剛也交了一份食物口供供詞俾食環署跟進。

突然醒起, 我最愛嘅燒味飯, 大家樂都有提供.矛計啦! 自己少幫襯集團式快餐店, 唔知定是常識吧!近排因為想靜靜地一個人Lunch, 大家樂絕對係理想地點.叫咗個叉油雞飯.優點 :1, 每次點油雞如果俾隻雞翼我一定負評, 毫無誠意, 今次俾下裝, 先唔理味道如何, 起碼無 hea 交先啦!再加上雞肉嫩滑, 好味！滿意!2, 蔥蓉無話過咸而且超惹味! 對於愛蔥嘅我俾大大個 like！3, 叉燒味道適中, 肉質唔硬夠冧, 滿意!4, 冷氣足夠.缺點 :1, 雖然知道豬肉貴, 但都要講句, 叉燒薄咗D, 份量又少咗D囉.2, 油雞好味, 但同樣.... 份量少咗D.3, 今次留意一下店內環境, 風水擺位出問題!都算!但入口D玻璃窗好鬼污糟! 有一邊竟然有蜘蛛絲!搵人清潔吓好嘛！

(接上文)世上永遠都係咁....得唔到手嘅, 成日覺得係最好, 就最想得到.尋日得唔到嘅濃汁栗米肉粒飯, 今日再上黎大家樂, 睇吓有無緣份遇上.大家樂日日提供都唔同, 好好彩, 又被我遇上!雖然濃汁比我預期差咗少少, 不過已經好過不少餐廳嘅栗米汁.肉粒比預期好, 肉嫩有夠Juicy.總刮黎講.... 成碟飯10分滿分有8分.因為....世上永遠都係咁....當你得到手之後, 原本以為係最好, 食咗之後就覺得.... 都唔係想像中咁好....

原本點咗個濃汁栗米肉粒飯, 后來衰多口, 轉咗個咖哩牛腩飯.結果後悔不已.大家樂寫明辣度有得㨂, 怪自己無㨂個唔辣嘅咖哩! 怪自己唔食得辣!辣到食得一半就放棄!聽日再黎點個濃汁栗米肉粒飯!

本人由23號開始每在這裡買早餐食，每天都會出現不同問題，本人每天都是叫同一個早餐：J2外賣，其中包括烚蛋、牛油多士、腸仔、火腿通粉和飲品，由第一日開始，就出現了4個問題喇，首先，烚蛋外殼裂嘅，尤其是27/8那天最為離譜，整隻烚蛋外殼是完全碎裂，只是沒有離殼，好像剛剛給客人敲碎的樣子跟住退回水吧，跟住水吧又給其他客人食用的樣子，今天更加離譜，因為今天沒有任何水吧經理當值，只有水吧的垃圾阿姐做嘢，一行埋去水吧度，就聽到個阿姐係度講晒粗口：妳阿媽塊X呀，即刻第一時間諗緊究竟羅銘盛請班員工返嚟講粗口呀？定係返嚟唔做野兼發爛渣？😡😡其次牛油、第一天買到返去整粒牛油打開水嚟嘅，第二天再去同水吧女經理反映粒牛油好似水咁，跟住個女經理超晦氣兼黑晒面口咁將粒牛油拋落個餐盤並且說：「呢粒剛剛從雪櫃攞出嚟。」如果咁講，咁即係佢哋係牛油保存方法極有問題，即係粒牛油唔係擺放係雪櫃作低溫處理。就以上兩點，就可以控告大家樂不小心處理食物引致食物交叉感染。第三腸仔、第一日買左返到去係完全冇汁嘅，第二日再去同水吧經理講冇汁，佢竟然講如果個客人唔出聲要求，咁就唔會俾汁，咁我又想問一下，點解堂食會俾汁？而外賣唔會俾汁先？唔

我同事成日同我講大家樂個桃膠西米露好好食!!叫我成日試下個下午茶。今日我已經諗唔到食咩好，咁就去試下佢推薦既野啦!我覺得個肉臊飯個味一般般，但個西米露真係幾好食!!!都幾有驚喜，我諗呢排都應該會去大家樂食下午茶啦

之前睇廣告介紹佢哋個酥皮湯🍲配牛朳鐵板餐🥩，個廣告就好吸引啦，所以決定去試下，去到坐滿晒丶排曬長龍😏、真係估都估唔到。叫咗帆立貝雜扒餐🐖🐓&西冷牛扒餐🥩，嘢飲就加＄叫咗楊枝甘露同埋蘋果特飲🍹，其實我食呢個餐最主要係想試個酥皮湯，個酥皮焗得幾靚，可惜個周打魚湯太太太杰啦、好似飲漿糊咁😖、又冇乜味😔。扒就冇乜寄望、因為依類型嘅牛扒大多都係用鬆肉粉那過、其他雜扒塊豬扒同雞扒都係咁上下冇乜特別，至於個帆立貝面上既卡邦尼汁就做得麻麻唔太好味囉，加錢飲果兩杯嘢飲都係麻麻，可飲可唔飲啦。其實依個大家樂酥皮湯鐵板餐、都係超值嘅＄70幾$80蚊、又有酥皮湯、又有鐵板餐算係咁㗎啦，都食得過嘅

今日晚上黎到土瓜灣既大家樂，呢間大家樂要上一層既，望一望餐牌，雖然都有好多唔同既選擇，不過我最後點左我既至愛- 去骨海南雞配涼伴酸菜。最近，大家樂又推返Club 100 會員，免費登記左之後，會送$20電子現金卷，分別可以係早、午、晚點餐時，減5蚊，最後一張就免費送飲品。而由星期一至日，只要食夠3次，會有張5蚊電子現金卷送，食夠5次就會有10蚊現金卷，目的就自然係想吸引多d人黎食啦。等左唔夠幾分鐘，個餐就齊左啦。呢個去骨海南雞好有雞味，而且配上酸菜，酸酸地幾開胃既。

見到電視廣告賣得咁吸引, 收工冇人約就剛剛好可以試下呢個一人火鍋雖然作為大型連鎖飲食集團, 但d 用料一d 都唔馬虎架有菜有讚岐烏冬, 肥牛半肥瘦剛剛好, 加埋杯大大杯凍檸樂打邊爐真係一個享受隻蝦個大細唔惹小架! 食落仲清甜爽口冇霉肉咁多野食埋單都只係88, 抵

大家樂相信係好多港人到嘅餐廳之一，當然我都唔例外，今次食一個一人前火鍋。叫咗一個美國穀飼牛火鍋，有豬骨湯；鮮茄湯及沙嗲湯底選擇。我選擇咗番茄湯底。套餐有菜；肉丸；一份牛；魚皮；米線等等以份量來說這個套餐是足夠一個人食的，若果想要多一份牛或豬的話可以再加錢換購或選擇另外一些套餐。湯底很龍尾因為是用了鮮茄牛尾湯，配合你惜才或肉丸等等的配料都是非常入味的。唯一的缺點是米線非常淋身及很多都是斷的，所以當放入鍋內加熱的時候很多已經夾不到了

曾經兒時得喜愛食大家樂的早餐。它的洋蔥汁真的好惹味好好食。但隨著人愈大，發覺大家樂真的每況愈下，無論價錢、賣相、味道都大不如前，令人失望。今日到大家樂打算食早餐，叫左一個蜜糖雞扒、腸仔、蘿白糕餐+熱奶茶。份量方面少得可憐，莫講話男人，連我一個女人都無辦法飽，如果咁樣都要$30幾蚊我情願買幾個麵包食大家樂再唔會係我早餐既選擇。

其實一直好中意打邊爐 甘就樣樣野刀食到啲但系好多時 要搵埋班朋友 就時間食吾系容易既事 見大家樂一出火鍋餐 就衝去食  依一次系我首次系街外食既一人火鍋 雖然好期待，但系始終覺得 比幾廿蚊 質素吾會好得去邊＝＝！入到去，見到個牌先發現原來大家樂既火鍋有五隻款揀 即刻驚喜左！中意食肥牛既我就當然揀左 － 雙份美國穀飼牛鍋 （number: X2） 仲包有特盛五寶盒，六色菜盤，烏冬／米線／即食麵！我就揀左烏冬同豬骨味湯底～話晒第一次食，就梗系咩刀吾知！原來大家樂職員會推架車仔出黎將個火鍋送上你面前服務果然周到～見到個賣相 e!又吾差喎～ 開始打邊爐喇！雙份美國穀飼牛 － 數量加埋刀8塊左右，中意打邊爐食少少肥牛既 都好岩食食個餐肉質方面，吾會好硬有根 而且無雪藏味 顏色絕無變色特盛五寶盒 －有肉丸，炸魚片，餃子，炸魚皮同 一包"窄"好左既食品。估吾到 炸魚皮一啲無"朝"到 好脆身tim  炸魚片好爽口肉丸帶有肉汁 真心好正～六色菜盤 － 粟米，雲耳，少少菇，蕃茄仔，生菜同我揀既烏冬。食個餐有埋依啲蔬菜類 真系值得再加分 等食客食得健康一啲 總括黎講，真心上左引估吾到比少少錢 就食到好質素

今日響呢頭開工, 一路做到無停手, 食完午餐唔夠一陣已經又肚餓, 所以3點3都係整個下午茶穩陣.要個雪菜米粉+奶油包餐($24), 米粉都幾大兜, 味道亦都無退步, 雪菜唔會太咸, 米粉唔會太硬.奶油包係厚麵包, 不過麵包唔熱既, 面頭都幾多奶油, 搽勻晒作為下午茶都唔錯, 夠飽肚.另外最喜歡奶茶, 因為呢度沖同茶記唔差幾多, 茶味夠濃, 夠滑夠熱.

曾幾何時自己經常來大家樂食午餐, 現在則只是在無帶飯嘅日子及想食多一點的日子才會去那裡, 這天剛巧想吃多一點, 於是乎便到這土瓜灣區的”大家樂”店觀摩一下, 燒腩還是那排燒腩, 肥同瘦的部份壁疊分明瘦的部份比較上深色一點亦比較上咸, 唔知點解瘦肉係特別吸收塩的, 所以瘦肉部份配合白飯的甜剛剛好, 但大集團的好處是起碼有1/4條菜可以提供, 只是現在数年其實已再沒有什麼套餐可言了, 所有都加錢+$5!