大家樂 (粉嶺名都商場)

營業中

休息中

難得唔使ot，放工即刻同同事打下邊爐先，一人一窩方便又衞生。叫左呢款牛豬都有嘅餐，兩盒肉加一盤菜，再加烏冬都係五十三蚊，價錢算抵。啲野都幾靚，雖然條菜有少少爛。揀左蕃茄湯底，茄味濃。好快滾起有得食，食完菜，再食肉，都幾油幾肥，但咁樣煮啲烏冬幾正。味道唔錯，一個人食份量啱啱好，粟米鮮甜，肉肥美，湯底濃，有下次。唯員工有啲串，同一早用漂白水拖地搞到好臭。

今日想食粥做早餐！但唔知公司附近邊度有傳統粥店！所以揀大家樂嘅粥餐！至少穩陣！叫咗：粟米雞肉粥--粥底都綿！配新鮮粟米大大粒！雞肉就一般！唔會好咸！整體唔錯家鄉炒米粉--蔬菜多！米粉炒得入味！配辣椒醬食唔錯服務超級快！由落單到取外賣都只係10分鐘！包裝企理乾淨！都只係20大元！命唯一係份量唔大！男仔應該唔夠食！

以前在天水圍..到大家樂一定吃焗豬扒飯..搬到粉嶺後..這是第一次..老爺說大家樂最值得吃的晚餐是炒飯..ok..天真地想焗豬扒飯的飯底都是炒飯..應該ok啦..結果..乾..乾..乾..飯和豬扒都是既乾且硬>~<如不是有醬汁..真的很難吃下去..如果和以前在天慈邨吃的相比..質素真的差太遠..如果以前已經這麼難吃..我不會次次都吃啦..

現在我們用來消費的金錢, 其實是來自自己口袋裡所餘下的 - 既不夠供車供樓, 也不夠交學費。把鬼火含乜都冇味, 惟有洗埋佢! (這態度其實不正確 ^^)所以, 我為了做一個負責任的人, 好少去高消費場所, 主場多數係快餐店 (仲要等下午茶時間~正!), 大家樂正是其中之一間了。我個人好欣賞呢間分店的味部(即燒味)O靚仔師傅, 皆因佢好有禮貌 (幾靚仔O架~), 同埋, 大部份食物都係佢自己燒的; 當我見到呢碟飯時, 好感動~因為好靚! 仲好好味! 因為大部份的斬义燒佬, 為求就手, 便會"搭頭搭尾"式的堆切成一"塊"义燒上碟, 到時我要"享受"來自不同部位的肥肉呀, 筋呀, 焦黑的肉呀...等等我最怕的义燒...而到我手上的這碟义燒飯, 不但可以見到是完整的一塊; 放進口裡的時候, 令我回味番 N 年前在梨木樹及灣仔師道燒腊檔玉可以食到的正正义燒 - 外脆內軟又冇筋, 入味非常!!!! 好好味呀~ 令我醒覺: 原來三草O野 (=HKD34) 都可以令自己好開心, 好滿足。感謝主!

因為媽媽要去粉嶺健康中心看中醫，而我要去粉嶺圖書館，所以我們便決定來這兒吃點東西。我們本來叫章魚節瓜跟蒸蛋飯的套餐，但今天沒有這個，所以唯有叫其他，本想叫一哥豬扒飯，但後來不想吃太多肉，所以最好決定吃白菌雞皇飯。不错，好好味，ｄ雞好滑，正，而且好多汁！但可惜的是個收銀員好攪笑，我叫了熱奶茶多奶，但張票竟打了：凍可樂加奶！廚房內的人問我點解會凍可樂加奶，我唯有說是收銀員打錯了！

很久沒有吃過焗飯，一直心思思想去食，知道大家樂早前推出了菠菜野菌焗海鮮飯，加上有$3的優惠卷，決定在覆診後前往解決心癮。一看到餐牌就被嚇著了，這個焗飯竟然是眾多之中最貴的，配餐飲售$36，要不是有優惠卷和心癮，真的不會走去試。不過價錢已經非問題了，因為它的味道的確抵讚。最表面放上了菠菜，之後是野菌，比想像中的多，不過焗飯沒有芝士，卻放了香脆的「粒粒」，我吃完也不知是什麼，只知好味及有口感。在大家樂食有關海鮮的飯，不要以為會吃到什麼上等的海鮮，跟我之前吃過的咖哩海鮮一樣，有鮮魷魚、龍俐柳和蟹柳，最平宜的蟹柳是最多的，至於宣傳圖片上的大蝦則不見蹤影。不過，這個焗飯也真的太好味了，出乎意料之外。焗飯沒有炒底，白飯是粒粒分明的。醬汁沒有想像中的咸，恰到好處，不會叫人不停地飲水。最後小女一個人吃得盤子可照鏡。

2009年08月04日，20:00會考放榜前夕，冒著颱風南下，為免堵車，轉乘港鐵。肚餓了，便到這商場開餐，突然記起前輩提及，最好的楊州炒飯，是在大家樂。便要了即炒的楊州炒飯，十數分鐘後，分量如小山的飯到。飯底：加入雞蛋炒的飯粒，夠硬身口感好。配料：瘦叉燒入味、芥蘭爽脆、蝦爽而無味。例湯：甘筍、玉米豬骨湯，清甜滋潤因我是無飯一族，每天以粉麵做主食。所以不能妄下評語，但相信這是有水準的炒飯。題外話1：前輩是商家，足跡遍全球，并且臨代理了歐洲紅酒。題外話2：正當全港上班族祈望08月05日，香港仍掛8號風球時，我和眾會考生、家長們，卻不停地叫，天鵝快點飛走

今天和BB入到粉嶺~ 因為肚仔好餓~ 去咗大家樂見 (醫肚)叫咗個炭燒豬扒包 & 蜜糖雞翼豬扒包個包身唔夠脆呀~ 反而塊豬扒好好味~ 蜜糖雞翼~ 好味~ 甜甜地呀~ 不是咁熱氣呀....奶茶都可以茶走呀~ 真係好呀~呢度既奶茶都幾好飲架~~

七月廿七日, 同老公約左兩個 Canon User Group 既影友去大埔影相,起身後就直接出咗門口, 中午嚟粉嶺站, 出發前當然要食飽飽先啦!都好似好耐好耐有幫襯過《大家樂》啦! 每次嚟到《大家樂》都係想食佢個「一哥焗豬扒飯」, 今次都唔例外,飯既份量冇減到喎, 食落依然 Keep 到水準, 正! 老公就叫咗另一個我都好鍾意食既「焗肉醬意粉」, 一樣份量冇變, 好味!另外, 啲湯以快餐店嚟講都算係咁, 中湯同羅宋湯都唔錯呀!《大家樂》果然係我最鍾意既快餐店! 更詳細資料及圖片請看 : http://hk.myblog.yahoo.com/joycewai616/article?mid=9687

一直以黎都唔太明白 , 點解我阿媽同細佬成日都食大家樂 ,佢地有o個 d 唔知點樣儲積分有現金 coupon or 下午茶優惠 ,阿媽級貪小便宜我都還可理解 , 但係連我細佬都可以一日三餐食 ?今晚就同佢地落左樓下食鐵板餐 , 細佬帶住三張十蚊卷 ,三個餐分開三次叫三次比錢 , 就可以 total 平 $ 30 即係 ... 阿媽o個個泰式生菜包餐配咖喱軟殼蟹 , 只係 $27 包一杯青檸梳打 , 個生菜包好迷你 , 得一 dull 仔肉碎 ,不過幾好味 , 好香泰國香葉味 , 仲有個飯都 ok 有少少咖喱香我叫左鐵板燒春雞拼海鮮棒餐 , 配黑叔汁 ~ 好味道酥皮湯都好味 , 不過佢叫周打魚湯但係得 d 薯仔粒洋蔥粒海鮮棒又夠熱又脆 , 有 d 蝦有 d 墨魚肉咁 ~細佬食紐西蘭西冷牛扒 , 食左佢少少蕃茄汁 , 有 d 茄肉o家塊扒上面有塊香草蒜蓉牛油 , 佢話好好味喎以食碟頭飯 or 燒味黎講 , 大家樂真係唔平 ,但食鐵板呀火鍋呀o個 d , 都真係幾抵食o家 ^^

今日去食午餐, 選了一個鰻魚雞扒飯!! 加埋杯凍飲, 盛惠 $ 36一攞係手, 巳覺得中招!! 因為D飯係用個好靚的盒入住.......個盒..........好細隻!!打開先嚇死人!! 得半盒多D, 個度一碗飯都唔知有無!! 一舊2吋乘2吋鰻魚, 三件手指公咁大的雞扒!!我當時諗我係唔係叫咗兒童套餐!!飯同饅魚都幾好食!! 但真係少得離譜囉!!!你可以收返貴D, 都唔好整個咁迷你餐比我食呀!!! 好過份!!

恨食呢個餐好耐，目標係酥皮湯同焗薯，個PORTION咁大，一個女仔真係搞佢唔掂‧是晚終於有FRIEND同我SHARE呢個餐，正!酥皮海鮮湯：杰到介乎白汁同白湯之間，所肯酥皮係即焗既，酥脆熱辣，浸一陣落湯到再擺入口，正!! 配料都幾多，有小魷魚，蟹柳粒等等豬仔骨拼海鮮餅拼雞扒：海鮮餅過咸，豬仔骨普通(有蜜汁味就好LU)，雞扒煎得幾好，皮脆肉嫩但係佢地唔供應焗薯唔出聲LAW，由睇餐牌同買飛都冇NOTICE提過，冇人講過，到拎野食果度問夾野食果個STAFF點解焗薯變成炒飯，佢先話：「係AR, 今日冇焗薯AR. 」有受騙既感覺‧

好想火鍋呀~ 屋仁附近又冇值得去的火鍋店.之前屋企人又推介過大家樂,所以就平平地揀左呢度啦!我男朋友要求ORDER 2隻船,因為1隻唔夠兩個人食,仲夠膽係話我唔夠食,我叫左珍寶蠔果set,他要什錦果set.我果個好多蠔呀,又有蝦,蜆,好多海鮮野呀~好抵.又有肥牛,雞肉...什菜.仲有我至愛的南瓜,但他不知是什麼東西,還扔了.浪費呀!! 仲有青檸冰好好飲呀!好滿意的一餐.但服務方面扣了dd分.

這間大家樂食物未見突出,由於要趕着返工, 又想食早餐, 便記得前陣子大家樂好像有南瓜多士, 番茄通粉的早餐, 可惜當日原來南瓜多士已變了菠蘿油, 算了吧, 不再考慮, 照叫這個茄汁腸奄列配蕃加通, 菠蘿油, 熱奶茶。菠蘿油原來是給一塊牛油給你自己搽, 牛油用透明杯仔盛着, 不是那款Anchor例牌牛油, 不過包不熱怎様夾牛油呢,菠蘿包又不是太好味,有點靭,還貎像百佳様﹖腸仔奄列, 太多油炒了, 有點油膩, 蕃茄湯通尚算可以, 有紋通粉我喜歡, 不過稍兼細碗但不夠熱, 熱奶茶夠濃夠熱, 有茶味。不過飲的時候腦裡想着大快活的熱奶茶，有耳杯, 分量多過這杯。

12月24日15:00因要等期待已久的植料(碳燒樹皮)，要五時才有機會送到花展，趁空檔到這裡飲杯啡吃件西多。花生醬西多士：花生味薄，勝在香熱。咖啡：即磨夠香濃。假期關係和附近有花展，所以人頭湧湧，要等位。題外話：在這幾天，目到三個十來歲的少年食到嘔，真的有點那過。第一個：23Dec，晚小魔怪，在喜來登吃完自助餐，因冷、熱、鹹、甜大混雜，最後到所嘔吐。第二個：24Dec，在享受下午茶時，鄰座少向母親要喉糖，隨即大放飛劍，滿盆都是污物，幸好老子定力，繼續幹掉西多士，後來他的母親說，這小子吃得壽司過多和過飽。第三個：25Dec，在廚師吃喇沙時，有少年從外面衝入，便問所位置，隨即內大放飛劍，原來他是店主的友人，他母親亦說這是吃得過量引起。唉！這就是香港，他們就是香港下一代中的一部分！這代表什麼？讓我們一起來深思吧>m<'