大家樂 (粉嶺名都商場)

營業中

休息中

大家樂早餐經常食今次食荷蘭煙肉早餐套餐大家樂套餐非常豐富全面包含麵食、雞蛋和咖啡，煙肉 好飽肚的早餐既豐富又均衡。這無疑是一頓非常理想的早餐荷蘭煙肉是一種薄切的熏制豬肉,口感鹹香,非常適合搭配早餐。它可以提供蛋白質和脂肪,另外再加配一杯咖啡,它能夠提神醒腦,最不可少得係一杯咖啡，可以幫助您精神抖擻地開始新的一天煙肉比較咸，口感還可以套餐豐富，有雞蛋，麵，非常飽 每天必食的早餐大家樂咖啡好濃郁，每天必飲

對於我來說大家樂是有過光輝的時代我對它的記憶還是水牌有很多選擇的年代直到上中學吃過一次鴛鴦飯後身體出現狀況就沒再去過了今天久違再光顧完全是家母想試它新的鹹蛋黃汁滑蛋叉燒焗飯當我打開來其實多少有點傻眼那個色澤及那個微妙的配菜真是很不搭再加上配菜出水的問題醬汁也變得很稀流流的當第一口放進口鹹蛋黃味、蛋味都沒有滑蛋更是沒找到它身影而叉燒也不是明爐叉燒那種很削很霉飯部份更令我吃得雞皮疙瘩不知道是原本出爐的飯已經是這樣還是因配菜出水做成,飯就是又糊又爛配菜的配搭也非常令你受不了是青瓜配蕃茄再加那個白汁完全夾不上來味覺完全混搭不起來勉強把飯吃完腦內只有一個總結就是又爛又口感不良好雖然奶茶方面奶很多茶不澀算是不錯喝,可是不能加回多少分數事實上香港兩家老牌快餐店走到今天已經真的大不如前以前快餐店的便宜它們又做不到食物菜式多樣性多選擇又沒了CP值更是完全看不到除了包餐的姐姐叫做比較有人情味外就再找不到有什麼優點了只能說不進則退真是很懷念以前的大家樂

曾幾何時，大家樂早餐都係我心目中既心水之選，可惜今日唔知搞咩東東，叫個早餐，包又硬、肉又凍，連食具都好多唔乾淨，我食隻水煮蛋邊食邊諗自己做咩甘懶，唔在家煲隻蛋。

黎到大家樂，相信如果身為打工仔都有機會成日食，或者一生人點都幫襯過，到抵仲有咩食評可討論呢，其實除左晚市牛扒或者其他特色餐之外，大家樂中午都有個恩物。珍珠帶子福建炒飯，飯中有少量帶子，雞肉，再有青豆加色，同埋最有誠意係個飯炒埋低，以這個價錢，再送埋野飲，實在是超值了。呢個飯嘅精粹在於佢個汁，加埋個汁食味道立即提升少。到抵我在寫什麼？其實除了特色餐廳外可寫食評外，想告訴大家食什麼的食物都需要感恩，都值得我們欣賞。

如果你要我係咁多間港式快餐入面揀一間嘅話。即係美心，大快活同大家樂嘅話。我嘅首選一定係揀大家樂。至於點解。我諗係因為除咗佢味道真係唔差之外。佢嘅普及程度比其餘兩間大。基本上小至屋邨商場都有佢嘅分店。好啦，講返今日先。是日又去大家樂醫肚，咁今日叫咗肉餅飯。肉飯配上蔥同姜絲去蒸。肉餅唔太油。整體成個肉餅係多肉嘅。唔會話食得出有太多嘅肥肉係入面。味道亦都係唔錯。再配埋一杯茶同湯。以今時今日香港嘅物價嚟講可以話係好抵食

想讚吓呢間大家樂的公司三文治茶餐（$27）。公治餐抵讚之處：1. 有全份同半份選擇，我點了半份的，一個人食剛好2. 麵包用panni機壓出漂亮坑紋，又熱又脆，有panni水準，有驚喜！3. 餡料有豐富的煙肉火腿蛋番茄生菜，全部新鮮熱辣，個沙律汁微酸，為公治畫龍點睛4. 熱檸茶慷慨地俾5厚片檸檬，檸檬好香，應該是新奇士的，茶底唔澀，唔落糖都好飲，不錯。大家樂即使價錢平民化，一樣做出好味道，越做越有心機，在細節上不斷求進步，抵讚！ 話說食呢個公治餐之前，我在金鐘樂茶軒飲左餐貴夾唔飽的素飲茶，埋單幾百蚊都唔知食左咩。 肚餓之下亂入左大家樂，就意外地俾佢打救左。一個咁高質的公治餐賣$27, 賣成80蚊一個公治餐嘅西餐廳係咪應該檢討下？

因為喺附近做嘢關係，響呢間大家樂食過好多次早餐，雖然選擇同同一個商場嘅大快活差唔多，但總覺得啲嘢食相對好食我通常都係選擇雞扒或者魚柳嗰個餐，然後將麵包轉做蘿蔔糕，因為覺得大快活同大家樂嗰個多士都唔好食，不過最鍾意係佢哋嘅滑蛋，然後加個火腿通粉另外值得一提嘅佢哋有個糯米雞餐，個糯米雞都幾大個，餡料又多，呢個都係另一個嘅選擇！嘢飲方面，我通常選擇凍奶茶或者凍檸茶，呢兩款嘢飲都拍得上茶餐廳嘅味道可惜嘅係，佢哋嘅價格其實同茶餐廳差唔多，同埋早餐時段好多上班人士排隊，都要等一段時間先有得享受美食！

放工番到屋企樓下心思思想打邊爐~ 見大家樂有個好吸引嘅海鮮鍋，$75 又有龍躉又蝦咁。2個人夾埋叫左一個鍋，加多一份豚肉$15, 一個 瑤柱魚膠+ 凍檸茶 $15。場內都有唔少人打邊爐， 畀咗錢之後好快就有得攞火鍋， 跟住姐姐就會主動走過嚟幫你開爐。醬料方面都有好多選擇， 同出面火鍋店嘅配料差唔多 ，有辣椒，炸蒜，豉油，蔥等等。 我自己嘅個人配搭係豉油加少許辣椒，大量炸蒜同埋大量蔥，點落好野味~ 肥牛同埋豚肉片都未解好凍。。好硬分唔開，所以先煮咗海鮮同埋丸類。 海鮮份量方面 非常失望。。龍躉係主打，但得兩小片。 蝦得一細隻，同埋一隻細鮮魷仔。 但味道同新鮮係幾好嘅龍躉係好好食 ，蝦同魷魚都唔錯。 7蚊加配嘅魚滑都幾彈牙， 有驚喜~ 蔬菜方面 ，唐生菜份量都唔少， 但係菇得3小條， 湯底有大量南瓜但係啲南瓜唔好食，苦。跟一個米線，米線淋，放落去未滾就淋晒。總括嚟講都可以嘅，$75 一人鍋，主菜份量有待改善。

今晚去大家樂買外賣，叫咗個南洋咖哩吉列豬扒飯。第一次係呢間食咖哩豬扒，都幾喜出望外喎😋😋😋真係要讚下，呢間大家樂嘅廚師手勢唔錯👍👍👍豬扒大大塊，份量十足，炸完肉質都仲好 juicy，外面塊皮炸到脆卜卜，粉唔厚，一啲都唔硬。因為咖哩汁係分開盒裝，所以就算外賣拎到返屋企，前後廿分鐘有多，果塊吉列豬扒都仲係好脆。啲咖哩汁夠曬大碗，夠曬送飯。味道少少辣，唔鹹， 稀杰都啱啱好，成碗飯食曬真係冇難度。

今日夜收工唔想煮飯，去大家樂買外賣返屋企同老公撐枱腳😁買咗個炸魚柳高湯菜飯，同一個香酥豬扒高湯菜飯😋炸魚柳配個酸酸咪咪 (有啲似咕嚕肉) 嘅汁，幾開胃😄香酥豬扒炸得好 juicy， 一啲都唔乾， 夠曬林，一咬就開 😋兩個菜飯都好足料，最鍾意係每份都跟咗半隻鹵水蛋同菜👍👍配埋杯意大利咖啡，超滿足，肥就肥啦🤣

今日朝早經過大家樂 叫咗個 皮蛋瘦肉粥覺得好奇怪唔知點解炒麵 跟咗西式煎蛋 再加蘿蔔糕但食落又覺得幾好味 雖然個 炒麵好似 鹹咗少少但配返個粥又好似夾啱味最緊要係食完個早餐成個精神曬

蜜糖雞扒煎雙蛋連熱飲 + 火腿扭紋粉 $35.5 雞扒好像比記憶中更小了，蛋倒是很大片。牛油轉包裝了，多士有點焦。雖然已經11時多，但還是幾乎滿座，可是也沒有很吵，因為大部分人都是一個人來。看到不少叔叔伯伯在看報紙，所以我不遑多讓地玩手機.....還是快點回家吧🤣

返工前食早餐，去到搵咗位再落單，食物都係西式早餐，地方大樓底高，店員們好快手，5分鐘落單到攞食物攪掂晒！一盤食物賣相企理！蜜糖雞扒炒滑蛋多士（$35）唔記得走醬（最憎食嗰啲橙色燒汁）雞扒細細塊，我自己去皮後食，雞肉雖然無肉汁，幸好唔嚡，炒蛋有啲蛋汁仲未熟，但熟嘅部分已經硬硬地，一般，厚多士鬆脆！ok火腿通粉：扭扭通粉彈牙，湯底鹹香，火腿絲正常！熱檸茶：唔落糖飲，茶味幾濃唔澀，夠熱！ok!快餐著重快，呢度真係無得彈，至於食品素質就要將就！夠熱正常就算！快！20分鐘唔使走得！

今日下午茶叫咗個炒麵餐，配埋雞扒同埋火腿加一杯野飲，份量適中。炒麵炒得乾身，唔會成口油同埋好香口，另外雞扒都好嫩滑，加個酸酸甜甜嘅汁好配搭，鍾意雞扒夾埋火腿入口好味，再配一杯熱飲，呢個下午茶已經好豐富了！

今日有社會服務,中間放飯時間,同志們決定去買大家樂的外賣~這真係對我好大的挑戰,皆因我打從心底對外賣食品都唔敢抱任何期望BUT勞動人口總要有啖飯下肚~最左右思量,最後點了客家梅子骨加油菜客飯,本以為好簡單的款式,唔會有乜差池..點知一打開飯盒~真係嚇左我一跳~!大大個的飯盒,兩個餸加埋都用唔到佢一半的位置,份量真係少得可憐,兩餸飯的飯盒,我一心以為兩著唔同味道會分為兩邊隔,誰知梅子骨加油菜他們就骨菜共融~放在同一個空間中~嚇死未~?!梅子骨的酸汁加上油菜的菜水,汁不汁水不水的~一看到就覺得有點反胃,客家梅子骨 - 梅子汁中搵唔到一絲梅子的痕跡,相信係買現成的甜酸漿汁,反而中間有一件大蕃薯~可能這係客家風味吧~排骨粒粒真係細得可憐,每粒骨就如三分一粒麻雀的大小~而且唔可以叫做排骨,因為只係得肉粒~!掂了點漿汁,勉強有點甜酸味~ 整體黎講一D都唔好食~油菜 – 真係唔知係因為比外賣盒焗得太耐,定係佢本身己烚得太熟,所以超淡之餘仲有點黃同有點老~ 好難食…我真係唔可以忘記自己今次的大意~下次再有這機會,食個包飲杯奶都冇咁嚇驚~!