大家樂 (旺角中心第一座)

營業中

休息中

邊個發明呢D一人邊爐呢? 應該要頒個獎比佢, 有時心血來潮想打個邊爐, 今晚就同友人去打個平邊爐!真係太耐無幫襯, 落單後原來會有送餐服務, 佢既火鍋選擇都有幾款, 我要左牛及豬肉雙拼湯底選擇要左蕃茄湯, 整個套餐包括少量蔬菜, 菇, 粟米及車厘茄雙拼既肥牛及豬肉都唔太肥, 薄切所以都好快熟, 食落口感不過不失而另設有烏冬, 即食麵及米線, 即食麵食落有少少似冬蔭公味道, 食晒一個都相當飽肚總括黎講呢個火鍋套餐都算幾實惠, 食物水準符合價錢及期望, 想一止火鍋癮係可以既!

好少去大家樂打邊爐, 通常去吉野家多, 不過早兩日有同事推薦呢度既火鍋, 咁上星期日晚就去試下啦..! 我同朋友二人因為怕多人, 所以六點就去搵位喇...但原來都好full....好彩咁啱都搵到剛離座既枱! 我地都冇嗌到藍海星斑魚片嗰款, 友人叫雙份牛個餐揀烏冬, 我叫豬肉揀米線.....沙嗲湯底幾香, 有少少辣, 幾惹味..肉類都可以, 牛肉有牛味, 係有幾塊比較韌...牛肉黎講好似都係吉野家比較優勝. 豬肉都幾薄身, 味道都可以啦. 而我最鍾意個拼盤, 炸魚皮仲係脆的, 個福袋入面餡料好明顯係用埋下午茶春卷d餡, 不過都幾好味同埋個味道同出面福袋外層都夾到. 手打肉丸都幾好, 調味得唔錯~ 隻餃子就應該係灣仔碼頭的, 味道正常啦. 個菜籃又幾豐富, 有好幾粒菇, 生菜, 粟米, 仲放埋揀選左既麵在入面....成個餐都幾多野夾既, 感覺幾豐富, 我份好似係$56...都幾抵食, 食完都好飽. 另外仲加$5要個三文魚子魚滑, 呢個魚滑就冇乜特別好似食魚蛋咁, 同埋上面幾粒魚子一放進煲內....就已經不見了..我懷疑係溶左..這份可以不叫. 不過...呢度既烏冬唔好食, 可能我食慣左吉野

教錯鬧鐘早左起身，用有多既時間去大家樂食個早餐，睇完牌便點了皮蛋鹹瘦肉粥+熱咖啡。粥很黏糊糊，唔會話太稀，口感很滑飯粒很蓉，質地帶點膠質。皮蛋已經係爛爛哋，唔算好完整留意到也挺夠透明黑，唔臭唔鞋，幾好食而d瘦肉係整碎左，口感超硬，帶點肉乾的口感鹹蛋吊起個味來，所以食落唔淡口，陣味仲幾fresh添第一次大家樂食粥，唔錯咖啡落左半包糖多少少，賣相正常無咩特別，飲下去，細味品嘗，又覺得咖啡也挺香濃，不過若然奶味更濃我會更開心~

大家樂超值早餐$23～嘩！！！今時今日自己系屋企都無咁平扭扭通粉份量足多士脆烚蛋更健康雞肉腸仲有牛油、練奶自己落餐飲大大杯

上次去旺角唱ｋ　黎得太早就搵間大家樂食下呢間野係地下堂食位置好大　坐得舒服我叫左牛扒　滑蛋黎食牛扒就薄牛扒黎　口感唔會太硬滑蛋就加左牛奶　食個陣就會偏滑火腿通粉就唔夠大快活好食啦　至少大快活ｄ　湯底好有好濃既雞湯味！

Set1 雞扒 滑蛋 多士雞扒 吾鞋恰恰 但就愈來愈細塊 多士通常都吾脆 都入到口 滑蛋 夠滑 吾會太熟 如果另加孖腸$7 Set2 雞扒沙爹牛肉扭扭粉好味 扭扭粉吾會淋 湯底夠味 就系少菜得一片 可惜已經冇得買Set3 炒米拼粥炒米偏清淡 吾香 只有少量蘿白絲粥就冇咩特別 冇話好味 入到口熱啡系好飲 有咖啡味 吾會澀 又有奶香 👍🏻凍檸茶都ok 檸檬吾會澀

琴晚放左工先知屋企無煮飯，咁就求其食喇。好耐無食大家樂，忽然好想食焗飯，就食一哥焗豬飯喇。個樣好靚仔，又好鬼大份，點知一食哂，個飯係白飯底唔係炒飯底扣哂分！ 變得好普通，早知食麥當勞好過喇

今次去食大家樂係意外。因為原本想去食另一間餐廳，點知星期日夜晚唔開，甘岩check到既時候旁邊就有間大家樂，於是就入左去食。晚餐，係有唔少選擇既，不過上次伏完既我，唯有揀一個更保險既，更難伏既飯，就係焗豬扒飯。屋企人比較勇敢，見到有咩小鍋，於是就揀左個芫茜皮蛋小鍋(之類)。焗豬扒飯，果然唔伏，其實都好難伏，豬扒尚算鬆軟，蕃茄醬同芝士份量不算少，蛋炒飯底都有，總的來說是ok的。驚喜反而在屋企人喊既芫茜皮蛋小鍋，小鍋其實就是大碗少少既湯，而且裡面有埋料。我飲左一啖，味道很正路，好岩我口味，所以差唔多消滅左半鍋。唔錯，我幾鍾意。

響旺角做完野食番個下午茶, 隨便入左大家樂, 因為平日既大家樂唔會太多人, 一定搵到位.要左蜜味雞翼西多半份+汽水, $24睇水牌最平既餐都要咁上下價錢, 西多唔夠熱, 所以塗左牛油都唔識溶, 西多無咩蛋味, 不過勝在幾軟熟, 袋裝糖漿夠衛生, 且無咁甜. 雞翼個皮都煎得幾香, 雞肉嫩滑而且入味, 祗係細隻左少少. 食完成個餐唔係好夠飽.

大家樂香港人既快餐店，歷史悠久D野都ok啦，叫左個咖喱牛腩飯，心中犹疑了一下怕牛腩燜唔够霖，出乎的牛腩和牛筋除了夠霖總十分入味，牛筋爽而不黐牙，薯仔配上濃濃咖喱汁，我把整碟飯都吃光光啦！

今日臨去拜山前快快去大家樂食個醒晨早餐～因為在免費報紙見到有2蚊coupon 所以仲平左2蚊添～叫了吉列豬扒炒滑蛋配牛油多士早餐～飲熱奶茶～首先呢間奶茶就唔太係我杯茶了，因為茶味偏濃，我比較喜歡奶味偏重的奶茶，不過口感都依舊算幾滑；吉列豬扒炒滑蛋賣相都好吸引，尤其係在大家樂射燈效果下顯得好靚炒滑蛋真係好夠滑，蛋熟既程度亦都調校得幾好，最重要是熱熱地的，蛋上面仲見到佢加左d類似香草既配料落去，好似令滑蛋更好味；晨早流流食吉列豬扒其實都幾熱氣，豬扒的尺寸與我想像中差不多，中型size，如果大塊d就仲好，咬落口都肉質幾鬆軟幾稔的，點埋個沙津醬幾好味～牛油多士稍硬左少少，兩邊都只係微微烘過，比較遜色。

悠閒TEATEA：個翅一般，個包好得！自問得閑就去食TEA，簡單方便快捷大家樂個碗仔翅好多人讚，以為一定得！誰知上台 一D都唔熱，仲要係溫溫的，料就足，味道OK，就係熱度唔夠，作為一個碗仔翅最重要係夠熱！呢碗就唔夠啦，就是差了這一點，影響了整體的口感！個奶油豬就非常好食，熱辣辣脆卜卜，性價比絕對好過澳門茶餐廳25蚊樓下的產品，是TEA 時段解饞之選！

下午茶餐叉燒飯，加紅豆冰唔洗額外加錢。下午茶由2點開始，每次一夠鐘就好多人排隊，外星仔已經學到好似地球人咁知慳識檢，可慳則慳。但係下午茶既份量就唔係好夠外星仔食飽，叉燒份量亦偏少。而紅豆冰就幾足料，但甜左少少。

又到秋天，又係大家樂出火鍋既時候喇!!年年都係大家樂出火鍋先會去幫趁 今年大家樂以海捕鍋作招牌。poster 上見到大大粒帶子，又怎可不試!上星期去大家樂，可能已太夜，海捕鍋已賣哂。今日七時來，終於試到! 海捕鍋($68)以帶子作主打，配以三塊魚片及一隻海蝦。帶子好有光澤，出奇地新鮮。另外仲有其他餐都有既食物，如肥牛，菜籃，烏東等。菜既份量好多。這個海捕鍋比其他火鍋餐只貴約7元。卻多了碟海鮮。比其他鍋抵!5元既飛魚子魚滑。好抵呀!!約$8既豬肉丸。飲品。可以$7 一杯或$11兩杯加購檸檬可樂或烏梅汁。總結，來得大家樂打邊爐。著眼點唔會係食材質素，而係性價比，我覺得這個餐有海鮮，肥牛，只是約$70。超值!

見到大家樂新推出mochi包茶餐咼😗Mochi包有三款餡料:紅豆/甘栗/紫薯一心來係試紫薯味的2:30來到 話無哂紫薯味唔係吧咁我就揀左甘栗好在都冇中伏既一切開炸mochi包 入面真係見到舊白色mochi既 但唔算多mochi偏埋一邊 唔係啖啖都食到栗子蓉就怖滿成舊mochi包 甜甜地 都okMochi包唔會話炸得好勁 炸皮又唔會太厚 都不差丫 但再大個小小會好d既蘋果沙律其實係薯仔沙律 一盒內得3粒蘋果甘海鮮烏冬既海鮮就係兩粒細到喊既蟹柳同一塊薄到喊既魚片仔食完個餐我表示唔飽 果然係茶餐