大家樂 (新都城大廈) (已結業)

好麻煩有時中午想單點個焗豬扒飯但見到排隊嘅人好多諗住去自助機自己買點知自助機得套餐冇得單點結果又要去排隊買終於排到又話櫃檯唔收信用卡比信用卡嘅要去自助機成件事有啲反智

大家樂好勇於嘗試，成日會推出新嘅菜式，今日試吓佢新出嘅鰻魚雞扒焗飯。比想像中好味，鰻魚唔算大塊，但夠厚肉，鰻魚汁甜甜地撈飯幾好味。塊雞扒勁厚切，肉質嫩滑，非常唔錯！另外加多$28有一個兒童餐，份量都幾多，其實一個大人食都夠飽。

大家樂新出焗海南雞飯！齋聽個名已經知係伏，因為成件事根本就矛盾，食海南雞係食雞肉既嫩滑，你攞海南雞去焗，嫩雞都變老雞。我抱住「以身試伏」既精神，試一試佢，果然無令我失望，真係好伏！一如預期，雞肉一D都唔嫩，雞肉份量亦唔太多，唔係靚既部位，最衰係好多骨碎，一路食一路吐骨，好唔爽。唯一叫做滿意既係佢個汁，夠香濃，其他一律唔合格😮‍💨

見大家樂出咗新嘅鐵板餐，我呢個鋸扒迷梗係要試一試。今次個餐轉左係洋蔥條，其實冇咩好感，但本主是新嘢嘅心態，膽粗粗咁試一試，俾錢時個收銀問要沙律定係要海鮮酥皮湯，我揀咗酥皮湯。去攞餐時發現冇飯嘅？個侍應話：「係呀！而家冇飯㗎 ！」，我即時覺得中咗伏，都係我自己冇睇清楚😭其實啲扒同條腸都係之前咁樣，條洋蔥條真係唔夠攝牙罅，亦都唔係特別出色，反而個海鮮酥皮湯幾好飲，湯夠濃，裏面好足料eg有蜆肉。總結，想要返個飯同杯餐飲，寧願唔要條洋蔥條同個酥皮湯。

很喜歡魚湯，魚湯銀針粉，更是喜歡，現在很少地方有銀針粉吃，那是小時候的記憶。這裡的魚湯銀針粉做得不錯，湯濃夠熱，加上菜脯肉絲冬菇香蔥，美味的一碗吃得心滿意足，還有多士炒滑蛋，加一杯濃香的咖啡，非常幸福滿足。

今天去買外賣，買咗三個餐原本以為牛舌便當冇送麵豉湯，跟著自己叫多杯熱華田（個餐牌又冇寫明送麵豉湯），搞到自己再叫多三蚊杯華田之後再買兩個肉丸意粉，配檸檬水和中湯佢哋職員唔知係包漏咗定係冇對齊啲嘢，叫個客可以攞份餐去包返到屋企先知冇左份木瓜中湯，有冇搞錯水吧咁多人都冇對齊啲嘢，就咁叫個客攞得跟著包外賣個位又唔睇清楚啲單就咁包😡😡😡😡😡😡同埋加左飯底，都唔算多飯，唔係好夠飽😡😡😡

星期日跳過午餐，便來到2點多，隨便找一找個地方落腳便來了大家樂食下午茶。我點了雪菜肉絲米粉，西多士 和熱奶茶。雪菜質感一般，有點像紫菜。肉絲沒有太多的味道，有點難形容下去。米粉比較粗壯，看來是在湯水受到一定程度的歷練。湯底是比清水多一點味道，個性比較純情。這種味道錯中複雜的雪菜肉絲米粉，可能我味蕾比較單純所以不是太懂欣賞。西多士做得比較出色，炸到金黃色，加上牛油和練奶，味道不錯。再呷一口奶茶，相當配合。奶茶味道不能說是滑，不過配西多士飲，都算過得去。

本來到大家樂外賣一哥焗豬扒飯，看見水牌有午市鴛鴦炒飯，於是便決定買一個吃，配熱檸檬水共售$35。配合政府疫症期間食肆人客用餐距離的安排，堂坐食客一般，反而外賣的客人比平時較多。鴛鴦炒飯有紅白色的汁醬，雖然香港人比以前唔湊米氣，但炒飯份量對於發育中的年青人，吃完很快必定要來多個下午茶餐因為炒飯份量不多。白汁有蘑菇、蟹柳、蝦仁，紅汁有蕃茄、洋蔥、雞肉絲。茄汁醬比較惹味，白汁則有點寡，蝦仁有五、六隻爽口。整體來說，都算抵食。

今日去咗北角嗰度上一個會議班 ,時間太過趕 所以去咗買外賣食 ,本來打算去 鴻福堂，點知轉個身，見到隔離間大家樂可以用支付寶畀錢，第一次用可以平10蚊，買夠三次就平20蚊， 諗都冇諗就去咗大家樂買左去骨海南雞飯， 諗住食嘢可以有啲儀態唔使咁核突要 LUN 骨頭。。。。 另外加多一杯嘅熱奶茶 , 53 hkd,點知，，， 本來打算方便啲，因為呢個係一個外賣，而變得更唔方便。你發現 大家樂個服務員唔識做打包， 睇下 我的熱奶茶倒瀉曬， 四周圍都係。其實將個飲品放喺最頂呢個動作，係好正常嘅事，點解佢會將奶茶同盒飯放埋一齊，左右平排，放左係隔離嘅位置(有問題包法，自己排住影相，都冇睇佢點包)自己又唔記得帶紙巾， 食到鬼死咁 *樓交*,不過好彩盒飯都幾好食佢啲 雞皮連埋醬，yummy, 最鍾意係佢啲雞全部都保持著冷冰冰嘅感覺， 食落去好彈牙。 投注額外加咗好多葱花 喺面頭，賣相好令。同大家示範一下自創嘅外賣去骨海南雞飯，最好分三層 (正確包法) 底層係 冰冷去骨海南雞中層係 熱呼呼的白飯高層係 熱呼呼嘅奶茶最後係打埋個結KOperfect

聖誕節去外母屋企過聖誕,有大有細諗住唔想出去同人迫,叫D到會返屋企食下好過, 原先係諗住訂吉之島AXXN既到會, 點知25號既訂單已FULL哂, 咁又唔知訂邊間就去左大家樂訂, 睇D圖好似好吸引,原來中左伏當曰25號去拎,運作非常混亂,我只訂了4樣野,執野個職員走來走去,攪左成半個鐘火雞叫做正常,味道咸左D, 但唔熱既, D醬汁仲凍既雙色雞翼,凍冰冰,又硬又無味, 只有顏色唔同肉醬意份同平時食既一樣, 只有呢盤係熱既亞洲美食併盤, 又係凍既,D串燒乾哂又硬我訂得大家樂都唔預會好好食, 但起碼唔好D野食凍冰冰吖, 咁大個集團唔通連溫住D食物都唔識!!我已經專登怕佢會凍,第一時間拎完坐的士返外家,只係唔夠10分鐘車程, 但原來都無用

呢間大家樂人多就出晒名㗎啦，小弟特意在此一奉上速食攻略一份。1.在正常食飯時間，一定要叫外賣，不然，你肯定找不到位置。(早上例外)2.如果趕時間又唔要求食咩，叫一哥豬扒飯或者肉醬意粉呢啲預先整好嘅食物，避免叫需要現煮的食物。原因有兩個:一，佢地會把食物優先給堂食的人。二，節省你的時間。3.叫食物時，如果有號碼的話，就叫號碼，例如n2，j3等，别叫食物的全名，這樣方便你叫食物又方便收銀落單。

呢間大家樂都好耐lu，自我有記憶以來已經喺度，咁多年嚟屹立不倒依然係呢一帶公公婆婆嘅熱門聚腳點喺度做嘢嘅姐姐幾好人架有啲都係街坊街里，成間餐廳俾人嘅感覺好親切，不過唔係住呢區或者唔係成日嚟嘅就未必感受到^^"仲記得以前嘅裝修白白黃黃，之後就變咗而家嘅黑黃，型仔咗好多細個果陣成日嚟食豬扒飯，不過大個之後就好少食一，係因為佢越來越貴，越來越唔抵食二，因為之前暑期part-time做過大家樂旗下食肆，搞到有啲壓力三，初中lunch指定要留係學校食，仲指定淨係可以訂大家樂一星期食足5日，食到我驚...所以而家最多都只會食佢嘅早餐或者下午茶順帶一提，早餐嘅多士牛乳炒滑蛋唔錯架我至愛之一之前成日經過見到呢個三重芝士厚多士嘅廣告，張相幾吸引，一直想試下今日胃口唔太好，但我最鐘意食嘅多士都仲有興趣嘅淨係要多士加飲品($17), 呢個價錢其實都唔太划算，而且同張相都差幾遠下，不過都預咗雖然見佢件多士係一早整好，係櫃到拎出嚟，啲芝士已經凝固咗，但成件多士都仲係好好好脆，上面灑上烘過嘅蒜茸粉，食落去有種酥脆嘅效果喺面頭嘅仲有火腿，鹹鹹地比一般嘅好食，芝士我淨係食到黃色嘅cheddar,仲有白色嘅味道唔突出，

尋日(5-12-2010 Sun)同男友買完o野去整,我提議買啲o野食.我o地路過新都城大廈,男友就叫我入去睇吓,因為佢拎住大件o野唔方便行入去,就o係正門等我.我叫個$19.00o既雞翼配半件奶油多士,要凍檸水,同一樣係$19.00,好似係蜜汁雞髀o既餐,同樣要凍檸水.我拎到去男友o度就打開.雞髀唔算細隻,奶油多都幾厚.我先試雞髀,雞髀有啲鹹,肉都冇啲啲’o鞋’.而多士呢,啲鍊奶流o左出盒上,牛油唔太多,多士唔脆,開頭以為放耐o左,但應該唔係,根本就冇乜烘過.而雞翼係雞全翼,唔大唔細o岩o岩好啦,而味道呢,呢個好食過雞髀,鹹淡適中.服務:1. 收銀唔知係聽唔到我講o野定冇心裝載,我話要兩杯凍檸水,佢就問係凍檸茶.2. 我要o既係雞髀湯瀨茶餐,但佢只寫雞髀,而原來單上係包紅豆冰一杯,但佢冇提我.3. 去到等攞o野食,亞姐叫我等叫No.,好.我等呀等,等呀等,等極都未到我,差唔多5分鐘喇,我就行返出去叫男友先拎o野返佢o度,我就折返等.等多2分鐘,至睇到到亞姐拎起兩張飛叫兩杯凍檸水行街,我心諗唔係我o架?o衣o家至處理我個餐呀?有冇攪錯呀?我見到一個好似經理o既夾隻雞翼上去.我一直留意o

我也不想第1篇食評便罵.我差唔多每一個星期五都會去這裡吃晚飯。當我叫左食物之後，再去拿水/杯/筷子。有一個經理個樣都係立即變黑，之後話：「一次個拿全部野。」一次個拿全部野都唔係問題，但佢個樣真係係到趕客。但冇辦法，我婆婆鍾意呢到d野食。p.s.個到d排骨菜飯特別好味，超多肉汁!

下午茶時間，是日去了大記買外賣。雞翼 + 脆皮腸 + 凍檸茶，多謝$19。快餐店又快又平的文化，已經沒有這支歌仔唱。雞翼: 味道幾好，但較乾，而且雞翼好瘦，冇乜肉，好吝嗇。脆皮腸: 似係烚煮，普普通通。凍檸茶:茶味濃，拍得住茶餐廳。作為下午茶，不過不失。