影片
更多
2004-08-17
32 瀏覽
八月份罰留堂的機會真高，今晚又要陪太子讀書。下晝果餐仲食緊桃花源的蝦子柚皮，夜晚就要捱飯盒。買飯的同事真係大整蠱，亦個飯盒一式過買晒呢度的海南咖哩牛腩......咩話？海南都有咖哩？仲係牛腩？有無搞錯！絕對無，因為個同事俾埋張單的睇，係千真萬確寫住呢個名，23蚊，加4.5蚊有多杯氣水，無花無假。姑且一試，所謂的海南咖哩呈淺螢光黃色，內有薯仔同豆角，白飯另上，是徹頭徹尾大大盒的白飯，以賣相計是完全找不到「海南」的任何線索；咖哩是重椰汁味的馬來咖哩，牛腩不韌，但亦不入味，與咖哩實在有同床異夢的感覺。雖然平，但實在唔好食，不過份量夠，一定食得飽。不知怎的突然懷念燒鳥那個日本仔的超平味噌燒牛肉飯，甚至車品品的魯肉餃同蘿蔔，有時平，也絕對不等同難食的。
姑且一試，所謂的海南咖哩呈淺螢光黃色，內有薯仔同豆角，白飯另上，是徹頭徹尾大大盒的白飯，以賣相計是完全找不到「海南」的任何線索；咖哩是重椰汁味的馬來咖哩，牛腩不韌，但亦不入味，與咖哩實在有同床異夢的感覺。
雖然平，但實在唔好食，不過份量夠，一定食得飽。
不知怎的突然懷念燒鳥那個日本仔的超平味噌燒牛肉飯，甚至車品品的魯肉餃同蘿蔔，有時平，也絕對不等同難食的。
張貼