大家樂 (華懋大廈)

營業中

休息中

食完ifc既朱力三重奏，仲係有d肚餓，加上天氣熱辣辣，忍唔住走入去涼陣冷氣。同朋友仔share了個tea set，有蜜糖雞翼+蒜蓉豬仔包+熱奶茶。蜜糖雞翼我只吃了個雞翼尖，幾香口。朋友仔就認為蜜糖採太多，甜得過火，而且細隻左D。蒜蓉豬仔包我倆都覺得無蒜蓉味。朋友仔覺得夠牛油味，但我就唔贊同喇，要搵個合我口味既蒜蓉包認真難。不過豬仔包就焗得好脆，一路食一路跌d碎落張檯。奶茶 : 一般水準。p.s.當日有個女友唔知係咪有病，狂咳，走時留低好多紙巾係張檯。後尾有個嬸嬸執檯，原來d紙巾染曬血...其實d人係咪應該自己處理呢d咁核突既垃圾呢...

六月六日(星期五)本身諗住去上環食孖沙,點知勁大雨,唯有改期啦!行左陣,決定黎呢度一試佢新出既元祖豬軟骨拉麵!仲有食埋鴛鴦炒飯...元祖豬軟骨拉麵都唔錯!....個湯底幾好呀!!!幾濃,當然冇出面d專整拉麵既鋪頭咁好啦!拉麵好似o係超市買既味千拉麵咁,不過硬左dd!!鴛鴦炒飯都唔錯!不過白色果邊比較淡d!而家呢度有zero飲,幾好^^......

四月十一日(星期五)同老公諗住去試大快活既新出印度乾咖哩!點知原來得晚上先!棲住就去美心諗住比我試下個韓日定食!得炒公仔麵...當然唔食啦!就去左呢度食!老公仔試左新野喇又!就係打邊爐死敵-鰻魚!加埋豚肉定食!佢話唔錯,鰻魚不是特出,但係個飯就好味!珍珠白飯同埋佢個蒸蛋都唔錯!而我叫左义燒五寶飯..佢個义燒好硬!比起美心既差好遠!下次都係同老公去食再興啦!咸蛋都唔靚!不過我食哂d飯!佢d燒味真係一般!不過其他野食都okay!下次都係唔好叫燒味喇!

咖哩-稀,真係可以用汁形容,好水. 3-4舊薯仔.唔辣,唔太咸牛腩-5-6舊,好琳,無咩肥肉.有2-3舊牛筋.飯+粟米芯+好生的青豆+車厘茄食完過左2-3小時,feel到好似食左好多油落肚的感覺

一大清早，好肚餓，本想到美心，但餐牌毫不吸引，都係要走多兩步到大家樂。叫咗個炒蛋吉列豬扒早餐醫肚。炒蛋幾滑，有牛油香。厚多士暖暖地，配上炒蛋，又幾好味。吉列豬扒雖然比較細塊，但仍夠脆熱，唔扣分啦。最緊要係杯奶茶，飲完成個醒曬。估唔到，呢個早餐，唔使廿文，又食得幾飽幾滿意！

-焗豬-都有好大粒蕃茄,個sauce少少酸酸甜甜地,唔錯,豬排比較薄身,咁就唔會太乾.-焗南瓜葡國雞-個汁有d custard味,但係食落當然無啦.雞係好大舊,但係焗得耐,有d鞋此終一哥會好味d!無分薄丫嘛

八點幾到大家樂吃了個吉列豬排早餐配熱奶茶。這個例牌，今天的水凖不錯。豬排鬆軟，蘿蔔糕是煎過的，變得香口，熱奶茶濃淡適宜，不會澀喉。很好，很好。這一間大家樂，差不多什麽時候都是那麽多人，特別是星期日，更是很多外籍傭工的聚集地。吃早餐之餘，今天有更多人生百態可看。有的傭工在嘻哈談笑，有的若有所思，有的默默坐在一旁，無言而對。想深一層，其實，飄洋過海，到異地工作，不是易事。

(16/8/07)早幾日睇到新早餐:德國香腸餐。真係超級吸引!煙開心果德國香腸,配南棗烤包。開心果混入腸度,熱力令開心果變腍,所以唔會點出味。腸又不太咸,好好味!南棗包好味到不得了(因為我喜歡棗味),一點都唔快餐店貨式,很多南棗碎,混入麵包中,好match~~~

晚上9時後的中環街頭, 仍營業的食店真少. 取大家樂, 點即炒的滑旦粟米斑腩飯.有所等候, 必有所期盼. 出來的賣相, 飯是散開的一堆一堆. 滑旦粟米獻汁是乾的, 跟沒汁一樣. 斑腩是用不新鮮的魚, 制得十分咸, 炸得你不覺. 令我體會何謂最差的滑旦粟米斑腩飯.

(25/11/06)今日去最愛的長江中心分店tea,我們番兜牛干菌pizza,但這裡竟然係唔熱,暖暖o地o既!pizza唔夠熱會遜色,不過味道如上次,在灣仔吃的一樣正。蕃茄湯通粉,湯係淡少少,也可接受。鮮奶粟米炒蛋+磨菇腸一片,炒蛋混埋粟米好清甜。我既主角,南瓜多士,烘得o岩o岩好,外脆內軟。(仲有熱華田&一百分奶茶)此餐勁滿足。

(28/8/06)今日好想飲快餐店咖啡,見"蛋牛治"快餐店唔係成日有,咪叫o羅。佢係罐頭牛肉粹連蛋一起煎,*留意係煎,唔係炒既*。煎都可以有厚度家麻,而家係薄如一塊紙,都唔可以成餡可言,真係想賺都唔好咁過份啦!蛋牛治仲要係貴D咕喎!真係食其他野好過喇!

所講既就係松子魚菜飯D魚好腥, 菜飯又凍又硬, D豆角好老, 西蘭花好似生一樣兩個字"差爆"!我真係忍唔住投訴, 希望佢地改善吓

※花生醬西多士+熱可力※絕對足夠係激烈運動後補充體力,而味道尚算ok,花生醬唔會太少,整個西多士又唔會好油。十三蚊有得食~~

其實食唔出咩南瓜味...雞扒幾好味, 因為醃得好入味, 意粉都唔係淋晒o個隻, 不過d汁太水啦, 同埋亦太多!有西蘭花同粟米, 都算幾健康

今朝公司有突發事件，六點未夠就要坐埋位眅住。到十點幾已經餓到不得了，同事就去買早餐回來，一式過買晒早晨全餐。雖然話就有幾款，但好似份份都差不多。份量頗大，坦白講是正餐份量。有個炒粗麵同菠蘿油，加隻煎蛋，又有一碗蠔豉肉碎粥，加杯熱野，只賣18蚊，都唔好話唔平。當然價錢平，份量多，食物品質就要將就一下，粗炒得個油字，沒甚味道；粥亦如是，雖然眼見粥內有料，但味道還是淡如開水；菠蘿包算是最好的一環，包還熱熱地，中間一塊牛油厚厚的，面頭的椰蓉酥皮非常脆，是真的一路食一路趺，如果喜歡這樣的朋友，這個菠蘿包也會合心意。總結是「平」及「一定飽」，當然不能說是「靚」及「正」。