大家樂 (已結業)

好耐未試過係大家樂食下午茶,而家真係多左好多款式,又吉列豬扒系列又乜乜系列咁,但係我始終鍾情於經典既豉油皇雞脾,不過,原來而家一個雞脾餐(另可揀蜜汁雞脾)已經跟通脹升格到咁高價,要$18一個!咁見佢無論係配普通飲品定係紅豆冰,都唔使加錢,咁梗係要後者啦!豉油皇雞脾比起以前好似瘦左少少,同埋唔係好「豉油」,反而似燒雞脾多一點,個皮幾香,但係爛爛地,好在味道OK啫!雞脾肉質一般,唔算肥,都係燒左少少脆口既位置最好味,因為都算少少油,所以食完都幾膩…至於紅豆冰,對大家樂出品唔會有太大期望,一如以往,腍腍既紅豆,淡淡既奶,預左。只係而家俾左支粗身飲管(珍珠奶茶果D),更易將豆豆吸上黎。

加班到8pm，隨便吃個晚餐便回家，點了客晚餐（$34），有「茶碗蒸」、「日式咖哩雞扒蓋飯」、「凍紅豆抹茶」。賣相很日式，味道很港式。那「茶碗蒸」係慳料之作。那雞扒炸得外香脆內多汁，好掂。那紅豆抹茶的紅豆好少，抹茶味淡。個飯份量偏少但味道OK。

好少出街食早餐，但噚日有事出外，路經此地就嚟咗呢間大家樂。見到早餐都好多選擇，不過我只叫咗個火腿通粉+華田餐。個火腿通粉份量唔錯，火腿有兩塊(唔喺用火腿絲)，而且有煎過吓，有D似屋企自己做嘅…如果加D粟米雜菜就更好。杯華田都OK啦，唔會好淡。

之前講過，唔再講！補番張相先！

吃了最近大力宣傳的早餐，叉燒餐包加吞拿魚意粉仲有杯熱野飲，都只係17蚊。個意粉唔講得好食，只可以講係唔難食，加埋白汁覺得很是飽肚。個餐包都係咬左兩啖就食唔落啦，飲埋杯熱奶茶就真係非常夠飽。雖然談不上是fine dinning，但就幾抵食，更加是必定食得飽，可以當做brunch看待或兩個女仔share都得。

大家樂有外賣?

我試過連外賣早都用得優惠卷。

今日早用大家樂張coupon ，食個早有鬼抵，有通粉、魚柳、包、汽水同煎蛋，癲架.. 飽到想死，一貫大家樂水準咋，唔好以為食完會飛喎，不過十幾蚊真係好抵！