大家姐雲南米線 (已結業)

見呢間餐廳個樣幾試正，諗住去試下個早餐。。。。。嘢食真係好一般，但食得最不愉快嘅係呢度嘅服-務-態-度-奇-差！！！！！！！門口個呀姐一早(講謹係朝早七點)，就不停呼呼喝喝，好似欠咗佢嘢咁。落個order又俾佢寸🙄🙄🙄，一早就食到成肚氣睇睇下，個裝修原來喺抄譚仔，個label, 枱櫈都抄足，但譚仔呀姐都有禮貌過呢度，嘢食又好食啲。真係俾錢買難受，以後無回頭！！！！！！！！好嬲呀！！！！！！！！

無味！條魚無味，米線無味！連杯凍檸茶都無味！Oh my god! 咁就Hkd70 幾蚊，今日好似夏天咁熱，有冷氣好似無冷氣咁！碗野我唔想浪費，但真係淡到食唔落，仲有半條魚淨！

本身喺舖頭外面，見到入面都多人食緊野，諗住應該都Ok la.... 點知又中伏叫左個珍寶套餐加杯珍珠奶茶，同另外叫左碟豬頸肉。一開始珍珠奶茶上先，第一啖飲落去 ，已經覺得怪怪地，完全冇茶味，顏色亦好淡，同有陣好淡好淡嘅檸檬味....之後第一時間就問個呀姐，我地好似飲到有洗潔精味，個呀姐就話，佢地d茶葉本身係咁嘅味...之後來嘅豬頸肉都算普普通通，起碼唔難食嘅...珍寶套餐就完全似係抄譚仔嘅套餐，但米線份量少好多，質素又差好多，咁我寧願去譚仔食啦，洗鬼食你呢間咩。

同老公經過太子，肚餓餓就入左ＬＩ間大家姐，職員介紹個烤魚套餐，甘就試佢個套職，　以而家個物價甘貴ＧＡ時候佢真係幾平，有成隻鯇魚條魚魚肉都幾嫩，係多剌左，少辣左Ｄ酸菜亦都夠酸，，幾惹味。盆入面除左條魚，Ｄ打邊爐配菜，分量好多，８８蚊一位真係好低，仲要有兩個小食送，我選擇左青瓜同木耳，正夠晒辣，　我同老公兩個點食多好似仲有甘，結果最後放棄左Ｄ配菜，會在黎食

係附近上完堂所以就搵地方食見到間個樣幾似譚仔既米線舖仲要幾多人食所以就入去試喇嗌左蕃茄豬頸肉米線蕃茄湯底唔係太濃郁但勝在多豬頸肉 !口感都唔差另外嗌左大家姐雞翼同埋土匪雞翼老實講都係一般

極度難食既米線，酸辣湯底得酸味，試下啲配菜，一咬啲酸菜，酸到唔識形容，再試下啲腐皮，韌過像筋，再食雞肉，真係不予置評，成陣怪味，都唔知係咪真係雞肉黎，手拍青瓜我諗係成餐飯裡面比較食得落口，但都係唔好食架啦。杯珍珠奶茶竟然係薄荷味，完全飲唔到奶茶味，珍珠韌過我條命，我諗依杯野應該叫珍珠薄荷水先岩。行到攰諗住搵間野坐低食下，行過見到雲南米線，又好耐冇食過米線就入左去，入到去見好少人已經心諗「會唔會係伏架」但已經好攰所以就唔理咁多食左先算，點知同我諗既一樣。最後我將所有野打包拎走，拎返屋企餵狗算數，不過唔知啲狗食唔食呢，晏啲再更新話比你地知。極度奉勸各位千其千其唔好去試！！！

上個月中食左一間好搞笑既米線店~ 呢間野單係裝修已經擺明“參考”譚仔~ 因為入面既枱椅..牆身..都同譚仔勁似...入黎呢度試下係因為附近都要排隊或者唔岩食....食完就覺得..唔可以話佢好差, 但真係令我有d中伏feel..望見餐牌仲有魚湯米線, 果醋豬軟骨菜飯, 第一感覺佢又“參考”埋魚米....不過佢真係好多元化, 除了米線, 仲有烤魚火鍋雞煲食..最驚奇係連乳鴿都有~我叫左個沙嗲豬扒小鍋米線..一來到我以為佢黎錯...因為賣相就同清湯一樣咁...而味道就明顯只係是但比d沙嗲火鍋醬落去~ 湯底咁求其即時令我覺得好失望! 我自己在屋企都整到啦~ 而且米線亦都好林........而比較可取既係佢d豬扒都算好味~ 係煎炸既豬扒. 另外仲叫左客"大家姐雞翼", 味道都可以, 烤出來幾香, 同土匪雞翼係唔同味既~ 呢款偏向多d藥材味咁~

剛開張時食過一次不過冇下次可能新開張侍應姐姐服務一般同較混亂反而有個叔叔就好細心好好服務可惜佢個麻辣湯底唔好食即係好似求其落D麻辣醬就算冇咩調過味又冇咩特色賣「雲南米線」但冇咩雲南風味呢樣野真係好敗筆

跟據維基百科顯示，譚仔家庭式業務出現分歧，先有三哥同譚仔之分。喺太子上堂前搵嘢食，見到呢間「大家姐」覺得好搞笑⋯⋯格局同食具都同真·譚仔一模一樣，見價錢比較平，就try try 因為唔肚餓只係淨叫小食，發現佢地侍應嘅反應好慢⋯同真·譚仔差千百丈遠，加上佢地唔識講廣東話，溝通更有困難（最後送錯嘢食，唔明請參考圖片）。

乜都差服務態度差，厄錢$12的手拍青瓜同$25紅油青瓜完全無分別（大小，味道都一樣）連侍應都話無分別！（咁做咩要訂兩個價？）個經理死都話$25個份多少少，唔肯換不快的經驗，不再幫襯！

裝修似足譚仔， 唔知味道如何呢。媽媽叫的是酸辣，味道一般，沒有太酸不辣，只係比清湯味道濃左啲咁。腩肉就好過譚氏米線，起碼呢個有調味的，似南乳咁，唔係白煮肉。而我的係麻辣雞肉米線，麻辣。。。只係麻辣油響碗米線的面，乜。。 。乜。。。。。雲南米線係咁嘅咩？仲要大家姐！嚇親人。。 ！Anyway, 雞肉係就係雞胸肉，而就無譚生的咁碎濕濕，可以多啲嘢咬咁。

食米線都仲未夠？想加多隻乳鴿？呢度幫到您😎珍寶米線有成十幾樣餸，米線份量都夠多，兩個人食就岩岩好！👭相比#譚仔 嘅米線會比較淋身，而乍醬肉都比較鞋身~不過重點系#乳鴿 🙋炸得香噴噴，皮脆肉嫩，肉汁鎖住系乳鴿內，一路食，一路滴油😻表示大滿足！肉質又吾會好硬，難得小店做到呢個水平，勝價比高😋

現今社會有很多食米線的地方，原因都是價錢平和味道大眾化，今次嚐試過的就是「大家姐雲南米線」。「大家姐雲南米線」是在太子砵蘭街394號地下，附近很多的店子都已經成為了食店，令這一帶變成了小小的食街。店內的裝潢都十分之新，顏色上以綠色為主，光度十足，令人感覺到一點點清新舒服感，店的旁邊有一排長長的卡位，另一邊就有一些四人的木枱。食物上當然是以米線為主，配料上都有二十多種，和市面上一般的米線店差不多，還有一些的小食類的食物選擇，價錢的定位也十分之相宜。已經來過這店很多次，對上一次食過的有魚腐米線、韮菜餃米線、土匪雞翼和麻辣大豆芽。魚腐米線($25) 湯底是叫了清湯，奶白色是因為用了豬骨湯底，味道的鹹度不大，適合喜歡清新的香港人，配料有一些的芽菜和韮菜，數量上也不少，而下面的米線當然是十分之滑身，吸了湯汁的麵線味道十足，而魚腐的大小上不太大，味道也充滿了魚味，吸了湯汁也當然會加重了鮮味。韮菜餃米線($26) 湯底是叫了酸辣湯，辣度只有一種就是小辣，味道上當然是多酸少辣，吸了湯汁的米線食落會有開胃的感覺，配料除了有芽菜和韮菜之外還有一些酸菜粒，食落非常爽口但酸度剛剛好，韮菜餃是最易配