大姆指餐廳 (已結業)

骨仔講得對！依間舖真係唔得, 食物差, 服務差。一間餐廳最重要分高低就係杯奶茶, 但每每令人失望。我對此店的評語是極度難食, 有待改進。

今朝飲完茶,同阿媽去吉之島行街!行到下午就搵間餐廳食飯..見到呢間野門面幾好就走入去幫襯.一入到去有個女待應囉兩杯水黎!跟住問食咩..(我同阿媽岩岩坐低.唔駛咁趕啊.餐牌都未睇)我話等等.跟住佢啤一啤我就行開左(眼神帶點不友善)之後我叫左個焗海鮮飯&凍奶茶.阿媽叫左個黑椒牛柳飯&凍cafe...阿媽個飯好快就黎啦!個黑椒汁幾靚,唔會太杰又唔會好希(我樓下的茶餐廳會整到一大Pat水咁)d牛柳我試左塊,幾淋,不過雪藏的!我個飯等左成十幾分鐘先黎(焗既係耐d架嘛@Q@)一黎到~好香好香!正!材料有蟹柳,魷魚,不知名生物@@(我唔係好識D海鮮)焗得好熱好香啊真係!呢個飯幾好食啊!但係杯奶茶好似太多奶...唔係好飲得慣!不過都係值得再黎既~~埋單$55 幾抵食架呢

依間野食物普通,服務極差,我有個fd係果度做過,佢話果度d衛生好差成日有d老鼠周圍走,個經理仲教d員工拿返d客用完既餐巾再用,曾經比衛生署發過告票,話衛生極差...個老闆仲成日改少少餐單食品黎加價,本人向各位提議唔好去依家食野

平時返工冇乜機會去食下午茶架,次次經開響門口得個睇字...已經放假既我岩岩睇完戲又冇野做就飄黎呢度食下午茶叫左個豬扒包下午茶,熱華田,唔記得幾錢啦,好似18蚊^^個包估唔到味道都係一般,有D凍添,又細個,果然大拇指係傳聞中既差左...坐係好坐,不過服務..差...叫極...都唔理人既T____T

呢間係前後鋪開放式,第一次去可能感覺裝修幾特別,但坐落睇真其實裝修好舊,而且氣氛好差,收得一個普通中式飯餐$50左右,拍住好多中等有氣氛扒房價錢,但服務態度冷漠,好似地盤飯堂茶水檔咁,嗌襯侍應永遠都係趕頭趕命,落order慢少少侍應就不耐煩,餐跟飲品另加價錢又貴,但凍飲好似學生餐咁細杯。我唔明佢近幾年不斷加價,但又唔見佢出品有進步,食扒餐侍應擺餐具...都係好似茶餐廳咁求其擺低,就算真係好特別好好食,佢咁排場咁服務,都唔駛旨意我去多一次啦!我奉勸各位食家千祈唔好去幫襯呀,如果唔係就送羊入虎口啦~

今日又去食早餐,行過見門面ok就走咗入去,一坐低就叫咗個吉列豬扒早餐,嗰塊豬扒又大又脆,其它配料都可以,最好係嗰杯凍奶茶,有一定水準,但係無乜服務,勝在食物質素搭夠,可以再試!

7/5晚同朋友去食6成熟的牛扒,又薄又, 難割到死,個湯同埋材飲品又縮水,重要以前$48 而家$55不會再回頭了!!

前日同同事去食晚飯,叫左個中式套餐$41-,送碗淡而無味0既洗腳水例湯,飲品熱飲加$4-,凍飲加$6-, 另凍檸蜜要加$9- 。加加埋埋差唔多要五十蚊埋單,咁0既裝潢同服務真係唔值囉,野食又鹹...開放式前後冷氣又唔足,收扒餐咁高0既價錢絕對係太貴,下次都唔會幫襯~

之前同女朋友去呢度食因為貪佢選擇夠多而我就order左個鐵板餐女朋友就叫左個茄蓉鴨胸意粉我個鐵板餐真係好一般唔算話太好味冇乜肉味~同好油而女朋友果個就好少少茄蓉好濃味幾香~至於其他餐湯果d都唔太好味好淡餐飲有d就有得跟特飲不過冇咩特別既都...環境方面都幾好分左吸煙區同非吸煙但如果唔食煙就千其唔好坐吸煙區果度勒因為真係一個煙格黎....勁辛苦侍應服務需要改善因為態度好冷淡整體黎講我下次應該唔會再去食因為都幾貴下

尋晚去左屯門同男朋友食飯,我地叫左個菠蘿炒飯,一個雞中翼,半打串燒同二柸青蘋果綠茶<br />最快來到ge係串燒,幾好味,d肉又唔韌,但d汁就有少少怪<br />之後來個雞中翼,好夠味,但唔熟...<br />最後來埋個菠蘿炒飯,次次食都係好好味ge^^青蘋果綠茶今次就淡左dd~<br />到我地食完喇,見到人地叫ge天使麵幾香,好似幾好食咁^^下次再來食ge都試下先~^^<br />

呢開野冇乜特別,最好係去hea下咁啦...d 野食麻麻啦...味道普通,一般餐廳咁上下啦...

上一個月到此餐廳用膳,她有一道招牌菜好掂,是用麵剩載雞飯,真是好鬼好食,但在昨天上午,食了個早餐,個又癡牙,又難食,再叫個法又重硬又難吞,真難頂,本來下午想叫個麵雞飯,終於食大快活好過！

成日五十種下午茶餐都係21蚊，份量同正餐一樣。味道夠水準。

每次睇完午夜場既必去消夜地，好在開得夠夜，而且地方夠大，野飲仲好大杯! 不過O的伙計態度麻麻....

本來都覺得呢間野幾好食o既,尤其係紅咖哩,但係頭先o岩o岩去完,就食到一肚氣!!頭先我就叫左個紅咖哩牛肉飯(又係紅咖哩,嘻嘻~)我男朋友就叫安格斯牛柳拼雞扒餐($58)我果個就好快黎,咁我咪食住等囉,點知到我食左一半佢果個都未黎,我地咪催下d人囉,人地話已經出左,咁我地梗係燥架啦,我話你睇下佢張餐紙乾淨成咁,唔似食過野呀嘛,之後佢又話追多次,咁我咪食到超慢黎陪佢等囉,點知再食多半都未黎,咪又催啦,佢問我地叫左咩,我話咁你頭先究竟有冇幫我追架,到而家先黎問我叫左咩?佢話你講啦,而家即刻整俾你,咁我地講多次啦,但係已經好嬲架喇,好喇,過左5分鐘到佢就黎喇,但係囉黎o既唔係我地叫o既,但係佢堅持話係我地o既,因為佢係"突登"叫師父整架喎,仲話我地唔會識分邊個餐打邊個餐,佢地響度做,所以就清楚過我地好多,大佬!佢囉黎果個係唔知咩扒拼珍寶腸,係人都識分珍寶腸啦!!呢個餐仲要平過我order果個,我話一係改單我地就可以免難為其難食呢個(因為我地趕住睇戲)但係佢話唔得,又搞左一排,個"師父"話是但,再整多個俾我地,點知前後先至用左4,5分鐘~我覺得今次完全係侍應o既失誤囉!!