大壽司．和食 (已結業)

不過服務態度差到呀媽都唔認得...仲要堂食貴過外賣....建議外賣好過堂食..免得唔開胃!

足足等左1 hrs 15mins先入得到去d檯去得好慢上菜慢唔怪得之d人坐咁耐先肯走啦相比起田中,田中真係好好多田中又有set時間起碼唔駛好似無了期咁等呀上菜又夠快兩個人食都係食左$112又真你幾抵食ge不過佢d等位制度唔該改善下啦

早幾日係太古學完溜冰，就同朋友一齊行去食，去到，好多人，都照等啦，等左大半個鐘都係郁得個2-3張檯，入到去，好多人，地方唔係咁清潔，由於太肚餓，一坐低就想叫野食，但係D staff叫勁都冇反應....叫左成5-6個先理我地，我地叫左個鰻魚飯，鰻魚壽司，1磅三文魚，2碟墨魚壽司，但係我叫2碟墨魚壽司個時，佢問左我幾次真係2碟，咁2碟咪2碟low，你驚我食唔到咩，過份，D野食黎得都ok快既，味道方面，個磅三文魚最正，有魚油的，其他都幾好！！！都ok既，有咁既價錢用咁既野，都算幾抵！！！

由於住得近呢間餐廳，所以都幫襯過兩、三次。第一次同男朋友去食，由於佢初初開，所以唔駛等位，order 咗一個壽司拚盤A，一客蟹子沙律及一客鐵板金菇牛肉卷!由於係第一次幫襯，唔知size 咁大，所以食剩咗好多，打包都用咗兩個盒!啲壽司好大件，味道都OK!鐵板金菇牛肉卷都好大件，啲汁都好香，伴碟既芽菜都好入味，而且價錢唔太貴，都食得過!第二次同啲friend去，等位足足等咗九個字，order 咗一客炒硯，好多隻都未開口，而且開咗口嗰啲食落仲有沙，叫服務員換，佢仲唔太耐煩咁問我地係咪想佢幫手開晒啲未開口既炒硯，鐵板金菇牛肉卷仲細件咗好多，之食幾啖先食晒一件，而家一啖食兩件都得，仲用咗啲唔熟既洋蔥伴碟，張餐牌仲寫話一件幾口唔抵食既料理一律欠奉，根本就貨不對辦!之後次次打電話叫外賣都話外賣停咗，問佢幾時可以叫外賣，佢就叫你落去堂食，人地未講完就cut線，去到又話暫停等位，佢咁做擺明趕客!店面又貼滿店例，要到齊一半先可以入，食餐飯仲煩過守校規，仲要受啲無禮貌既服務員氣，真係唔去好過去，寧願俾多少少錢去食其他服務態度好，又好食既日本餐廳好過!

阿J一向對呢個餐廳無乜好感,一方面覺得規條多多,另一方面我睇過其他食評覺得評價麻麻,因為我係呢度附近住,行過既時候都心諗:嘩,仲乜咁多人既!,當然,我一定要求証呢d係咪事實,所以要去試試。4人點了3款菜:叉燒烏冬-味道過得去,叉燒都幾"淋"韓式雞肉煱燒飯-好香,有大量洋蔥&汁,多味精蜆肉帶子蝦炒飯-炒得好油,材料不夠新鮮,超多味精4人食完今餐回家後已經覺得喉嚨好乾,飲左好多水都唔得,從來都未食過間野落咁多味精,可能呢間野係主打壽司&生既野食,而我地一家係唔食生野既,所以唔係咁岩口味掛......

原本打左篇講佢有幾唔好食既文章, 點知load 完之後唔見左.....所以今日簡單打多次。未開始食, 響門口, 見到D 店規好反感。店員冇咩問題, 可能太忙所以少咁D 笑容。到開飯:壽司- 最難頂, 得個「大」字。D壽司飯, 一夾就散, 好削, 勁冇口感。感覺好似十幾廿蚊1客實行質飽你咁..(其實貴過其他壽司店, 只係舊垃圾飯大大舊)刺身, 唔新鮮。燒三文魚頭, 腥腥地。芝士焗青口, 青口焗完出水, 分隔開D芝士。仲有佢用果隻芝士唔好味。埋單2個人都二百幾三百, 依個價錢響其他壽司店食會值好多。

聽講佢d 壽司勁大件抵食, 所以貪得意同男友去食幫襯。去到, 門口貼勁多「店例」好似校規咁, 好大牌。點左幾件壽司, 燒三文魚頭, 芝士焗青口仲有個冷麵。壽司客觀講, 難食。壽司飯一d 都唔痴, 一夾就散, 口感好削好差,上面d 料又唔新鮮。三文魚頭, 自問好中意食魚受得魚腥, 都覺得太腥。青口,分開3層, 芝士還芝士, 中間隔層水, 下面就係好un 既青口。個麵唔知, 因為冇乜興趣。真係除左「大」之外, 真係好難食, 品質似垃圾...不知所謂。埋單二百幾三百...唔覺得真係有幾抵。諗起依個數響其他壽司店度食, 都係差唔多價錢...哎。我同男友異口同聲都話以後唔會再來。

返工碰巧家姐和姐夫都未食飯, 所以試下黎.預左這裏的食物不是港式壽司, 更遑論正宗壽司, 所以感覺都唔算太差.點了個鹽燒雞軟骨小食牛油炒金菇什錦壽司A壽司拼盤依稀記得有三文魚, 蟹子, 立魚, 黃金魷魚, 和加州卷.比較難吃的有立魚, 其他都是一味夠大, 味道合格而矣.牛油炒金菇味道和一般店子差不多, 但份量卻是四倍之多, 好抵!鹽燒雞軟骨小食一模樣, 大件抵食.隔離檯要了一份沙律, 看見是用一個筲箕上檯, 真誇張!味道一般, 但每人吃得飽飽的都是四十多塊, OK啦!

星期日跟友人往這裡吃午飯，慶祝她的生日。我們點了1. 日式餃子拉麵(豬骨湯底) (包凍/熱飲一杯) - 餃子皮較'un', 拉麵尚算ok; 凍菊花蜜太甜2. 白玉豚壽司- 從前未食過的壽司，魚油多，食落有口感，非常好味3. 三文魚壽司4. 鮮帶子壽司- 厚厚的、大大的帶子，賣相吸引，食落味道都唔錯可能此店已開了一段時間，因此，很快便可入座。食得飽飽的，但只是$83，實在太抵了。用咁o既價錢食日本野, 雖然味道不是十分十分好，但是已滿足了。

星期六晚九時左右. 都仲要等差不多15分鐘才有位.聽了姐姐意見, 唔好一次叫咁多. 如果唔係實食唔晒.先點了三文魚壽司, 北寄貝壽司, 軟殼蟹手卷+芝士+牛油果. 仲有一個壽司唔記得. 真係好大件. 是平常壽司的三倍. 手卷是兩倍. 不過味道就真係好一般. 好似唔太新鮮. d飯太大粒. 雖然好平. 兩個人都係$100左右已經飽飽. 但都冇下次了.

呢間店新開嘅時候都已經食過一次, 無錯嘢食係大碟, 價錢係抵, 但上一次已經覺得啲service唔算好, 點知今次再去情況更為嚴重。星期日,瞓醒都唔早囉, 去到見無好似之前咁排隊法咪入去攞位囉,點知一入去個男侍應問我有幾位, 我話3位, 之後佢問我到齊未, 我話未啦, 佢就同我講要到齊一半或以上先可以入去, 天寒地凍, 要我企喺條街度食風, 等到人齊或所謂一半以上先比我入去, 真係幾唔甘心架, 咩待客之道呀! 之後我就問咁我可唔可以攞住張2人檯先,點知突然有個女侍應粗聲粗氣插把嘴埋嚟話, 我哋呢度不設轉檯、不設加櫈架,嘩...真係唔該晒囉, 佢咁好嘅服務態度囉。佢以咁嘅型式做嘢, 我覺得等同啲客幫襯完就趕客走無咩分別。無非都係驚返唔切檯啫, 無付出邊有收獲, 無可能一方面著數晒嘅,以後我直頭唔會再考慮去呢間嘢, 自問嚟醫肚啫, 並唔係嚟受氣!最後, 好贊成之前有位食家講呢間嘢嘅玻璃門貼晒啲規舉囉, 奉勸有興趣去食嘅朋友, 去之前真係要做吓功課, book位又要錢、唔齊又要等... 呢樣又唔得果樣唔可以...如果唔計劃一下先去, 食一次真係唔知要浪費你幾多時間, 但真係唔值得去為咗呢間咁

簡直係不知所謂, 佢地知唔知咩叫壽司架, d 飯完全無落醋, 乾梗, 又大件, 根本同食成碗白飯無分別, 大佬呀, 你地知唔知咩叫壽司架, 係貴精不貴多, 少食多知味架, 最離奇係居然仲有好多人排隊

The size of the sushi is amazingly big, but the quality is just poor and also the taste is not as good. If you love Japanese food, Japanese sushi which place quality as No. 1. No need to try this restaurant.

平時lunch時候去都幾多人架,好多時都要等位!其實我都去過幾次,水準雖然一般,但係勝在夠抵食!今次我order左個吉列豬扒滑蛋飯,好大碗...廿幾蚊有湯,前菜,飯同餐飲,都真係抵呀~~~食物質數方面ok啦1/ 湯~ 麵豉湯比較淡2/ 前菜~ 中華沙律ok3/ 吉列豬扒滑蛋飯~ 只係個滑蛋唔係好夠滑4/ 餐飲~ 蜂蜜綠茶既茶味淡左少少但係對於一個咁廿幾蚊既標準都算唔錯既!侍應生既服務態度可以,但係動作就比較慢左少少!!

果度好鬼多人排隊,D職員好鬼忙,要叫多幾夾次先有反應,果度既賣點係大,我同男朋友初時想叫二人餐\,二人餐\78蚊到,包野飲,大約10-12件壽司到,以為唔飽肚,點知見到隔離果枱,件件壽司好似權頭噤大,仲見到D人食唔哂打包,而我地叫左客三文魚壽司,兩碟飯,半客海膽,碟碟都好大份,噤多野大約150元到,我地兩個食,都食到好飽,而份三文魚壽司最底食,舊飯上面舊魚生好長,兩件三文魚壽司都係16元,好底呀,仲有果度D野食唔算好食,亦唔難食,質素普通,價錢唔算貴,唔過40都落到枱,算係日本菜入面底食果間,所以有下次!