大壽司．和食 (已結業)

去過呢間野2次,2次都係一肚氣走!!d店員真係好不知所謂!!叫佢落單,加荼就十世都唔應我未食完就鬼咁快衝過黎收野,仲要執埋台...拎過d新既杯碟過黎企係度逼你走!!真係吹到脹晒,去過咁多間餐廳食野,都未試過有咁差既待遇,真係大排檔d服飾都好過佢!!!!排左成個埧先入到去,食左半個鐘唔夠,就比人吹你走,d咁既餐廳,你話去邊度搵?間野見咁多人排隊,本住你唔食,有千千萬萬人黎食既態度,遲早執講返d食物,大件就真係大件,但味道真係中下d行刺身唔係凍既..仲興興地壽司仲攪笑,成舊飯熱既,點食==其他小食方面,味道都係一般,唔係特別好食總結一句:以後都唔會再去!!

同朋友一起食。見次次咁多人等，以為好好食，點知就咁上當!佢鋪位細，諗住打電話叫外賣唔駛企係o個度等啦!2.00 打去，唔比2.20去拿!叫你2.15 再打過去!好啦!快快趣即刻落單即刻落街去拿~從打電話到去到鋪頭前後唔夠8 分鐘已經打電話催你!荒死你走數咁!收$ 同聽電話個個女仔全程黑口黑面，眼超超咁，家下爭你幾多$ 呀!?問多句都唔肯答咁!叫左個叉燒拉麵同o加o厘吉豬，個拉麵好似食公仔麵咁，個so call地獄湯得個咸字!o加o厘吉豬就無乜特別!如果以呢個價咁o既味道，仲有好多算選擇，唔駛特登去呢間，仲要受d 咁o既服務態度!!

我覺得每次見大壽司前面有好多人排隊, 都係因為佢抵食好大舊飯, 同西灣河實在唔多日本菜館 但入去除左食舊飯, 仲食左一肚氣d店員係你叫佢三四次都唔會走埋黎, 就算係佢地得閒到吹水都好, 第一次叫佢跟單, 佢話"係咁慢ga la", 跟著個5分鐘, 佢都無去跟過, 只係同其他店員吹水, 真係激死你再叫個高級少少既店員去跟, 就用一種帶有怨氣既態度講番"係咁慢ga la" ,成間店由高級到低級既店員都係咁, 呆曬本著你唔黎食, 仲有千千萬萬個客黎既態度去招待d客平, 又有何用

依間野諗住自己有好多人排隊就以為好勁.但係我個一行約十人等左成粒鐘至有位,仲要問佢要等多幾多張枱既時候佢好冇禮貌咁話好快有。同埋d壽司得個大字,一d都唔好食。最後,坐多陣d服務員都好似想趕你走咁,好差!

食物真的很大件,但係就不可以話係好好食。最大問題係服務態度,成日黑口黑面,又要等勁耐位。如果想食得開心d,不如俾貴少少去第二間!!

相中既店員可能有精神病這間店6點鍾營業,但早大半個鍾頭前已有人排隊,在30多度既天氣下都排到身水身汗,到入滿座時,她大聲呼喝未能入座的官人,我即時以為自己返左大陸,點會有呢d事發生在香港~~後來有人錯過了號碼,她就當住所有人客面前在廳面鬧客人,雖然佢唔係鬧我,但我都唔想香港有d咁差既服務態度囉,好影響形象架,即使未讀過書既人,都識最基本既禮貌!

我昨日同女朋友打算去大壽司．和食試下,晚上9點,見好多人係門口等緊,我拿票後,就開始等,見到有人打電話訂位(果度可以電話定位,不過每位最低消費一百元,可以唔洗等,有位就入得),之後有位,就立即俾左d定位人士,原來有錢,就有優先權

朋友話想試下"大壽司"所以琴日o係太古睇完戲就去到食...一去到，門口已經企左大約10零個人...入去拎飛等位...等左大約9個字左右....覺得去枱去得好慢...等咁耐，真係辛苦!!環境方面，d位坐得唔係咁舒服，日式野食，但d裝修一d都唔日式。d坐位太逼。味道方面，我地只係嗌左三文魚刺身、劍魚腩刺身，雜錦天婦羅、軟殼蟹卷物...d刺身一d都唔新鮮，d天婦羅出面o個d面粉好厚，好硬，好難食lo!!!!! 重有d卷物...唉...失敗!!!服務+態度都唔好，d人好似唔係好願意去做野咁！食到就黎完都唔會加一次茶！明明見到就黎冇哂都係咁話！地方唔見得乾淨!!中下然而！整體上...勸大家唔好去哂錢！留返d錢去試其他餐廳啦~~~

家住上水，但在過去半年仍光顧了大壽司兩次。誠然覺得以每人大概50 - 70 蚊的價錢可以怒劈刺身同壽司，其實真係過癮非常，大大塊的充斥著嘴巴，比起坊間連鎖式的蚊型刺身，我覺得呢度反而來得率真。擺\明車馬sell 大舊抵食並非正宗雕花式和食，就以過癮度而言，我比五粒星。(雖然無呢個option)話雖如些，味道如何呢？街坊土炮粗枝大葉，壽司是中下的，可謂完全不講究，故此我都是點刺身，本人首推甜蝦，和牛油果卷物，牛油果是整個包在卷物裡，認真hardcore。與其自稱日食，我反而覺得是以日式食材造出港式和食。如果大壽司是這樣差劣，人龍應早己消失，但反之每逢開飯時間，卻把行人路jam爆了，可見它是有市場的。比起同類sell 大件抵食，如大盛，田中等，我反而覺得這小店是算企理，亦不會精神轟炸地催你快快食完滾蛋，付出價錢是和素質成正比。如果想吃正宗的，講究的，請到別家，但與其到那些更騙人的日食用膳，如大久保，這間可算是真材實料了。

成日聽朋友講好抵咁就星期5去左食,同媽咪2個同人搭人地台... 好怪lo.. d 位好唔舒服..一出一入都要身邊d人讓同企起身... 好唔好意思..叫左5樣野...好大件係真既... 不過d態度咁差食都食得唔開心..好似趕你走咁, 點野叫佢\都唔想黎咁..比起其他壽司店, 真係大!! 冇咩所謂既, 係o個到食係算抵既如果4個人去就岩岩好一張台...

從未食過咁難食的壽司,完全唔新鮮.

細妹推介話呢間的壽司大件搭抵食而且經常都大排長龍搵日要去試下終於琴日走左去試了一次早半個鐘搵左表弟去等位去到就有位唔駛等果然件件壽司都好大件我地分開兩round第一round叫壽司第兩round叫小食但係俾我地見到廚房就咁將order鋪係個壽司面有點不衛生份量真係無可挑剔但味道就一般還有這間有點好串的條文如寫明不做坊間花巧日本菜如想即時有位每位最低消費一百蚊有生意就唔做外賣外賣最低消費二百蚊令人感覺不可一世生意唔憂做咁每人八十蚊又非想像中平因為佢地己經唔收加一及小費了推介清酒炒蜆(好大鍋)

港式壽司店。和朋友三人六點三去到，等了一個鐘才有位。最抵食是它的一磅三文魚，九十幾蚊，質素okay。不過壽司握得不好，飯很容易散。最suprise是它的原隻鰻魚壽司，真的很大件。燒雞翼就太咸了！Dishes:1)一磅三文魚-$982)雙拼刺身(帶子+劍魚腩)-$553)壽司3客(甜蝦、鰻魚和三文魚子)-約$804)餃子雞翼3隻-$285)牛油金菇-$35

話說早前朋友生日，聽聞這餐廳的壽司超級大件，於是一行１０人打算去試試。我們７點１５分左右到達，結果等到接近１０點，當所有客人都進了去以後，才招待我們入內。他們沒有於我們登記時告之若人數太多需要等其他所有客人都入內以後才可以進去。期間我們向那裡的服務員作出多次詢問，他們也只是叫我們再等等，有座位的話會通知我們。我們跟他們理論，他們惡聲惡氣的回答。但是，礙於朋友生日，最終還是將就將就進去。結果，我們點了第一次菜，坐下才不過五分鐘，服務員便說這是final order，一會兒不可以再落單。跟他們提出不滿，服務員也只是給我們臉色看，一張張醜陋的嘴臉。這種服務態度，絕對是０分！好了，說食物。我們對食物的要求不太高，所以基本上還可以接受。唯一不滿意的是他們所做的壽司，一夾就散，實在不妥。最終，我們吃了１小時，便因為他們打烊而被請走。

係朋友介紹黎食既諗住睇下有幾大件有幾抵食就點左個B餐黎到個陣真係嚇親，舊壽司成隻湯匙咁大望落都無乜野一入口就唔掂啦！！好難食…d飯好似隔夜幾日咁，1夾就散上面既刺生更加唔好提好難食，完全唔新鮮大係大啦…不過完全唔好食甚至有反胃既感覺打包之後羅到番去最後都係食唔落，扔左大件又點？唔係貴又點？入口好似食緊d唔知乜咁不如唔好食早知俾多小小錢出番去其他壽司鋪食好過