大圍168串宵

營業中

休息中

之前食過一次 琴日突然想食 於是收工就去左 去到差唔多夜晚10點半 員工話要排到等 等左5分鐘就帶我地上去 上到去 我哋唔夠5分鐘就落單 男員工問 使唔使叫啲嘢飲 啲嘢食要即刻燒最快三四個字我地話吾洗之後一直等。。。。等。。。等。。。等咗差唔多四五個字 佢再上黎 話個爐壞左 啱啱整返好 要再等多三四個字 真心勁嬲 點解吾一早壞左我地就吾等啦 我地有叫到烏冬 咁我哋就同佢講話俾咗我哋先啦 於是隔咗10分鐘先有烏冬食 一開始見到28蚊 仲要稻庭烏冬 心諗咁抵 點知嚟到原來得半個 真心勁伏 最後我哋等咗差唔多九個字先有第一串串燒 仲要係每隔幾分鐘先攞一串出嚟 好似敷衍你咁 本身叫咗好多嘢不過真係等唔切 仲耐過食兩個鐘頭嘅放題 最後叫佢取消埋剩返嘅嘢‼️‼️‼️一定不會再去‼️‼️‼️

放假嘅我，連減肥計劃都吾理，一於食盡D個假期！係阿媽屋企食飽飯，諗住周圍行吓散下步，行到大圍油站附近，聞到好香燒烤味，我憑住D甘香嘅氣味，終於比我搵到168燒烤店，因為吾係大街，門口亦吾顯眼，搵到都有D難到！款式都好多，價錢方面亦好平民化，我由於未試過幫襯，所以我只係要求加少少辣，但講到如果其他朋友仔趕時間，就要諗清諗楚先，因為製作需時，即叫即燒！我見店內都多人等位，所以我只好叫外賣！我叫左秋葵、雞皮、雞腎、雞皸，好香口好入味，不過溫馨提示下：原來少辣都幾辣，一啲都吾食得辣嘅朋友仔要唔辣就算了👍秋刀魚真係抵$38一整原條，好好味，燒到好香口，又吾腥D間真係隱世好好味嘅串燒店，下次一定要堂食再試😎

收工同同事揾串燒食去到大圍呢間168串宵，已經無位要等老闆好好叫我地留電話有位時打比我地，等我地可以唔洗呆企係度等15分鐘後老闆打電話黎話有位原來樓上仲有鋪位仔可以坐因為好多人，坐低時老闆都叫我地最好一次過叫定，因為叫第二轉再等既話時間會較長我地2個人一口氣都叫左幾多野食下個芝士燒生蠔好好食，仲有蜆，金菇，茄子，等燒菠蘿是甜甜的但雞翼就本人覺得麻麻地呢間串燒都係不間不錯的串燒鋪，下次到大圍想食串燒都可以再到此再食

168串燒🍢🍡 (大圍)放工諗唔到食咩好 又唔係太肚餓決定走去食串燒過下癮舖頭仔細細間都可以坐到幾枱👍日本霜降一口牛🇯🇵🐮 ($48/ 串）呢個本身覺得有d 貴話哂一串都成$48, 可以食好多嘢但係食落又唔錯喎, 又香又淋又有肉味, 中上水平！海鹽燒極品牛脷芯🐮👅 ($28/ 串)牛舌就梗係必叫㗎啦！正常牛舌！不過佢砌得好厚我覺得好滿意！燒蟶子 🐚($58/ 2隻)見到佢2隻做緊特價就叫黎食啦！平時街市買都要$10 隻又要洗又要燒！倒不如係度食！好鮮甜！調味剛剛好！瀛風金菇肥牛卷 🐮($22/ 串)金菇肥牛卷都係我最中意食嘅串燒之一！呢度燒完之後都仲好多汁！唔會乾爭爭！好味道呀！燒原條蒜香茄子🍆 ( $32/ 條)茄子唔洗講啦下話！最近要夠蒜頭！一如以往嘅咁好食！最後當然唔少得叫埋啤酒啦！🍺🍻$30枝Asahi 價錢都合理👍

非常高質既一間串燒店，同朋友夜晚食野吹水飲啤酒既好地方。特別推介燒茄子、豬頸肉、牛脷芯、娃娃菜、雞軟骨。茄子同娃娃菜唔會燒得太乾，調味粉落得岩岩好，唔會太鹹。值得一提既係呢度越夜越旺，如果太晏過黎，未必有位。

串燒係有愛有恨的食品. 平日宵夜時間來到大圍食串燒. 平時行過, 客人坐滿街上, 香味四處飄我們一行四人坐在二樓. 燒荳卜 – 香脆, 以後食串燒都要叫牛油菇類雜菜 – 香油浸金菇和娃娃菜, 太油了. 原條燒茄子 – 茄子OK, 多肉燒雞軟骨 – OK燒羊肉 – 羊肉大細適中, 好味燒菠蘿 – 切到小小片的, OK酒煮蜆酒味濃, 可口!燒雞腎 – 爽口, 大件, 不是雞腎片, 整串滿滿的燒金菇肥牛 – OK燒墨魚嘴 – 大件, 有咬口燒腩肉片 – 邊邊燒焦了. 可以不食燒韮菜 – 韮菜長長的, 但未過火候, 可以燒耐少少肥牛肉烏冬 – 烏冬是稻庭, OK燒雞中翼 – 外脆內嫩, 必食!燒多春魚 – 好味!整體OK, 唯獨是座位不多. 起菜快的. 但待應會話加單要等好耐, 需要一個鐘

夜晚心血來潮想食串燒，而咁岩有次經過見到都幾多人，所以今晚就過左來大圍食佢！入到去只有幾張枱，而且坐滿人，諗住要等位，點知原來樓上仲有一層，非常好彩。我地坐低左就叫左幾樣野食，有原條蒜香茄子🍆、燒牛油雜錦錫紙包、燒翠玉瓜、酒燒蜆、燒豬頸肉、燒墨魚咀同埋海鹽燒安格斯牛柳粒。牛柳粒size係幾大，食落出面果層已經熟晒，入面都好熟，味道一般！翠玉瓜燒得岩岩好，1d都唔乾身，好食!值得推薦！酒燒蜆、燒豬頸肉、燒墨魚咀都燒得好好，好入味！茄子同雜錦包就差小小，真係好多油，如果油份量可以減d就出色啦！值得加分既係order完好快就有野食！下次有機會再來試下其他串燒食物😋

住附近 經常夜晚系度食燒夜，平時d侍應服務都好好 點知今日 7點左右到店 系門口冇人理 行入店 一名未見過的後生男侍應竟然問: 有咩幫到你？我以經心諗 下 有咩幫到我？於是我問：系咪未開門？佢答5系 男朋友想食煙 問可5可以坐出面 佢話5得 店內冇人 但指定我地坐門口一個會阻住出入的位 首先 因為男朋友坐個位系得系門口 所以男朋友移了過來坐 驚阻住門口 佢話5得 一定要坐門口 然後 因為我有個大袋 所以拎左多張椅擺袋 佢見到 指定要我張椅擺落樓梯下 （態度5洗問是極差）我都照擺 但因為坐正獲口位又阻住個門口 店內所有枱都是空的冇人 所以我地換了入面個位坐 佢再話5得 呢度陣間要坐3個人 好 於是我忍5住問 其實系咪間鋪冇人 都一定要我地得系門口坐？出面你又話5得 我擺個袋換個位你又5俾 佢話 不嬲都系感 我話我地成日系度食未試過感 好嬲 於是走 佢仲好寸感話 5緊要啊隨便你 度度都系感！ 呢間寸燒的質素是不錯 平時員工服務都好好 系今日呢個男的 老闆請佢反泥真系倒米趕客的 佢完全5系打開門做生意的 跟本系5想做 實在太惡劣！

是日夜晚七點來，剛好開門了，試一試。鋪面比較細，有樓上坐，不過冇上去。價錢平民化，評分也可以。點了很多東西，包括了雞肉串，雞軟骨，一口牛，牛舌，茄子，蜆， 秋葵，凡立貝，豬頸肉，雞翼，翠玉瓜，貴妃蚌等。當中最好食系牛舌和豬頸肉。牛舌系厚牛舌，爽口，有牛肉味。比一口牛更有味。豬頸肉系非常爽口，味道也不錯。其他食物中規中距，不過有部分口味不太喜愛。比如雞肉串有雞皮，蒜香茄子落太少蒜，蜆雖然都爽廿但冇咩味，雞翼感覺醃左有味但太淋，貴妃蚌口感硬了一點。整體來說，偏重落 孜然粉，連翠玉瓜都落，有點太多。但味道質感大多正常。上菜速度算快。

成日叫小菜悶悶地試下新野我地叫左啲海鮮試下，如果可以offer tissue同水則更好，樣樣都收錢🙈我嗰串Ok，蕃茄juicy牛肉質唔UN，但朋友嗰串話有筋，佢就唔啱食其實我地叫左中辣都唔太夠辣海鮮全部都鮮味，大隻但唔平，過下口癮，食海鮮真係唔會食得飽😂雞軟骨同雞皮都惹味，不過食完真係好頸喝鋪頭唔多枱，空間小，適合宵夜時段，叫少少野食飲下啤酒吹下水 ，我地食晚餐真係叫晒成個menu都唔飽，大概$300一位

我有個朋友住大圍既 佢就話附近有間串燒好好食我就跟佢去食一次啦  還店佢揸車車我過去一入到去間野地方有d細 仲好多人 好彩都岩岩有位唔洗等我地就叫左好多唔同種類既串燒雞豬牛etc整體上都算好食 當中既雞軟骨特別值得一試但係坐既環境真係逼左小小

響大圍呢個都頗多食肆既地方，如果想食串燒，我同朋友都只有揀黎168串燒！點解？雖然佢地舖仔細細，但相信有黎開既朋友都知佢地唔止服務好👍🏼，食物質素都唔差😋。今次我地叫左: 腩肉🐷，肥牛🐮，雞腎🐔，牛油粟米🌽，茄子🍆，墨魚咀🐙，芝士脆肉瓜🥒，雞翼🐥，豬頸肉🐷，蒜蓉雜菜🥗，啤酒🍻基本上我地每次叫黎叫去都係呢d，因為真係好好食😬。特別推介雞翼/雞腎/豬頸肉/粟米/茄子/芝士脆肉瓜！

正所謂...【為何深夜總是餓】，相信宵夜控既朋友們絕對有共嗚的。好多時並唔係肚餓而去食野，實情係【為食】落去食個宵夜，放埋小寶貝就岩晒喇，「燒雞軟骨」(少辣)外脆內軟，咸香美味，雞肉很 Juicy 而且嫩滑，唔會燒到乾憎憎咁，真係好滋味，送啤油/汽水都好夾，最後我仲 ENCORE多一份食。「酒燒蜆」(少辣)，睇得出店主很細心，會用錫紙做碗盛載住所有既蜆然後再去燒，確保食物既溫度能夠恆溫，加上燒酒既份量恰到好處，與高湯一起燒滾，仲有少少香蔥添，個湯底既清香亦不會酒味流失，最後我連個湯底都飲埋，實在忍唔到口。真心無伏，值得推介，這種用心經營製作的小店，香港越來越少見到，大家要珍惜呀。

好物梗係要開心Share，今晚同個 Frd 夜晚o係大圍食宵夜吹水，識食梗係食串燒啦。我哋二話不說，一坐底即叫【海鹽燒鯖魚】、【燒雞翼】、【燒墨魚丸】，由於每一樣食材都係即叫即燒，所以需時都要一大約15-20 分鐘左右，不過值得的。晶凝透薄的海鹽平均的灑滿鯖魚的魚身，鯖魚的火喉控制得很平均，可能個人喜好的關係，特別喜歡燒得較焦脆的部分，份外香口。【燒牛油雜錦錫紙包】係我覺得最抵食既其中一款食品，錫紙內放滿娃娃菜、金菇菜、雞脾菇，沾滿了香葱蒜蓉和牛油，入晒味。特別推介:【酒燒蜆】足料連殼蜆肉，師傅仔好細心地用錫紙作湯碗載著，既可保持熱度，同時亦使其更加入味，酒既份量拿揑得剛剛好，不會掩蓋了蜆肉本身的鮮味。哈哈...最後我連湯都飲埋，真在太正斗喇。【燒原條牛油粟米】係必食既，新鮮粟米大大粒爽口甜味，牛油既份量一啲都唔吝嗇，【燒菠蘿】新鮮菠蘿夠晒鮮甜，菠蘿控和粟米控更加唔可以錯過喔。

我食都未食！想攞個位！企正正係門口5分鐘，入面啲員工望左我幾眼就一直雞啄唔斷當我透明！直到我先生黎大聲叫入去先問我地做咩？我即答：下！！？做咩？我企左5分鐘你地完全當我透明！佢先話：我以為你等外賣咋！入面無位 坐樓上啦！我回左一句：仲以為你地唔係做生意既添！就走左去