大圍小館

營業中

休息中

有次經過大圍附近，見到未夠11:00 ，大圍小館外面已經排滿晒人，原來餐廳開11點，但你一定要10:30前來排隊，否則我唔到醜就有排等啦。好彩有神隊友，一早嚟排隊，所以今日有得食！裏面坐得好舒服，座位安排好闊落，唔知仲以為去咗酒店食中餐。服務簡直係滿分，侍應全部都好專業態度好好。食物嘅質素更加唔使講，我哋叫咗小菜亦都叫咗點心，兩個人食都飽一飽，竟然加埋$500都唔使，老公非常滿意冰花蛋求，即係我哋細個成日食嘅莎翁，聽侍應講呢一道菜非常之下工夫，因為要將個麵團預先雪入雪櫃，將佢個溫度下降，先可以做出柔軟又有口感的酥皮。呢微信細個食得多，而家已經好少機會食，估唔到咁傳統嘅食物佢哋可以做得咁好！砂礓豬手非常惹味，砂礓味條配得剛剛好，配合香蔥及麻油，非常香口，無論係配酒、配茶定係送飯呢一個餸都一定要叫！蝦餃同燒賣比起出邊一般酒樓，份量都非常多，裏面嘅蝦肉係完整一大舊，好爽口好彈牙半份叉燒份量非常多，我哋兩個人完全食曬。笑得好香口，肉質好眩惑，配上蜜汁非常惹味。幫我哋離開時，門口有已經排滿晒等位的人，雖然要等位，但真係值得一試！

黎呢度主要想試失傳嘅灌湯餃，但味道真係做唔返，而且以當咁飲食標準係偏咸，做得合格嘅有芋角、欖仁馬拉糕、椰汁馬荳糕，其他好多都係新派野，咩黑松露、xo醬等等，所以為食失傳懷舊點❤係有D失望

經常行過大圍小館都見到坐滿哂人，今晚預早訂左位同家人入去試下！叫左招牌叉燒，半肥半瘦入口即溶，店員介紹佢地個秘制醬加入左陳皮，口感即時與別不同薑米蒜香籠仔蒸蟹飯賣相好靚，原隻蟹蒸左出黎既蟹汁滲哂落d薑飯度，仲有荷葉香味，超正！無花果肉排肉排其實係排骨黎，冇乜肉，如果走骨仲爽，新鮮無花果襯落去令肉類有果香，個汁幾好總結：餐廳有限時間食飯，8點前要交枱，食中餐黎講未必足夠時間同成班朋友/家人聚埋傾計，但可能太好生意要翻枱都明白，唯有再搵下場食物好高質，會再次光觀的！翻兜指數：4/5

行過見到經常性都有人排隊，又大大隻字寫住米芝連食府，一個月前膽粗粗入去試下book 位食晚飯，點知要book 一個月後，唔緊要，覺得咁出名點都要食一次，就等一個月餐廳環境唔大，而且每一枱都唔會排得好埋，所以餐廳都係得10張枱左右，唔怪之得咁多人排隊。佢比較出名係叉燒同豬仔脾，招牌菜當然要order 黎試下叉燒係好食既，肉質嫩滑，點埋d 煎米食仲卜卜脆添，只係佢不停強調個陳皮醬就無乜陳皮味，佢唔講既話都幾難知佢係陳皮醬。另外個豬仔脾無乜特別，個汁係好惹味可惜入唔到落d 肉度。反而我同屋企人覺得個沙薑雞就非常出色，雞肉非常彈牙嫩滑，又夠哂入味，值得一試。仲有叫左西蘭花腐乳蝦球，完全無腐乳咪，當佢清炒係好食既，椒鹽鮮魷都有水準

呢間餐廳長期都排滿人 一定要BOOK台先可以品嚐到!門口掛住好多大紅燈籠 滿滿既中國風擺設 MENU設計得好靚好用心!勾魂叉上菜後塗上秘制陳皮醬汁 再用火槍燒一燒 香氣撲鼻!燶燶地邊既厚切叉燒 顏色紅潤誘人 肥瘦均勻 入口即溶 非常多汁! 底層鋪左脆脆米 寓意”愈食愈有米” 好意頭!無花果肉排用上新鮮無花果 天然既果甜味滲入肉排 肉質軟嫩 好開胃!腐乳蝦球西蘭花蝦球好大粒好爽口 腐乳味調教得岩岩好吾會好咸!薑米蒜香籠仔蒸蟹飯賣相一流! 蟹肉超鮮甜!! 炒飯加左薑再吸收埋荷葉及蟹汁精華 正!蒜香無骨魚好大條既九肚魚 啖啖肉 炸得好香脆籠仔甜梅菜蒸菜心我都係第一次食蒸菜心 索哂D梅菜味又幾特別 椰汁馬豆糕飯後甜品 已經吾係好多地方有呢樣野食 軟硬甜度岩岩好 馬豆浸得夠林!

好難先約到既米芝連中菜，如果想walk-in係冇可能食到🥹☑️哈密瓜海竹瑤柱瘦肉響螺湯 $228一煲老火湯可以分到5碗湯出黎，佢地會連煲湯既材料比埋你，可以睇到係勁真材實料。哈密瓜就食得多，放落去煲湯都係第一次見🍈湯係好香甜，飲完都完全唔會覺得頸渴👍🏻☑️勾魂叉燒 $188叉燒應該真係可以話係每枱必叫，店員會係你面前查上用15年陳皮整成既自家叉燒醬，再用火槍燒到脆卜卜，底層仲有一層脆米。咬落去口感豐富，外面個層好脆，入面既肉好厚實得黎又唔會鞋😆☑️蒜香無骨魚 $138用蒜香醃製左既九肚魚拎去炸，食落表皮香脆，魚肉超級無敵滑，因為啲骨都炸脆左，所以可以連埋啲骨一齊食，唔洗怕要𦧲骨🐟☑️沙薑鮮雞 $248用本地農場雞整成既沙薑雞，肉質較冰鮮雞有口感，嫩滑得黎又更有咬口，我個人好怕雞有冰鮮味，哩到既雞就完全唔會，索哂啲沙薑味，仲有少少內臟跟埋🐤☑️孜然豬仔髀 $168雖然係用孜然做調味，但係唔會辣🌶淨係食到好香既孜然味，豬仔髀啖啖肉，肉質嫩滑，岩哂啲食肉獸🍖☑️啫啫唐生菜煲 $138如果你鍾意食蝦醬，甘你一定會鍾意食哩個🥬落左好多好香既蝦醬炒既生菜，再用砂煲裝住留住啲熱力，係米飯殺手🍚☑️砂煲蝦頭膏炒飯

讚1 服務好，侍應好識介紹嘢食，同埋有好得意既口罩，免蛋糕費更係令勁多人慶祝生日，但侍應仍然無黑面2 部份嘢食好味道，泥鯭粥有水準，拆肉粥底夠綿滑彈1 可能叫唔中招牌菜，焗魚嘴好淡身，而且好乾，炒菜份量係細碟既

自從入圍咗米芝蓮之後經常full booking,差唔多提早一個月打電話預約，餐廳分兩個時段18:00同20:00。- 哈密瓜海竹瑤柱瘦肉響螺湯呢個湯真係不得不讚超級足料，個湯連埋啲料一齊上，可以睇到有幾足料，味道非常鮮甜，吸收晒所有湯料嘅鮮味，就好似自己喺屋企煲嘅一樣冇味精嘅味道，非常推介呢個湯👍🏻- 勾魂叉燒 呢度嘅叉燒最特別嘅地方係用左陳皮醬，上菜嘅時候職員會先查一層陳皮醬，然後即燒，燒完滲啲陳皮醬既味入去，酸酸甜甜，唔會油膩，且肉質鮮嫩，軟滑多汁，配埋個炸米食有脆脆地嘅口感，果然好特別，第二度真係食唔到呢個味道👍🏻- 孜然豬仔脾呢個豬仔脾估唔到咁juicy，孜然味唔會蓋過肉嘅味道，保留到本身嘅肉香之餘又帶出孜然嘅香氣，而且仲好貼心用錫紙包住左個骨位，直接用手拎起食更有風味👍🏻- 蒜香無骨九肚魚超級抵讚，炸到外脆內嫩，連啲骨都可以食埋，而且個調味超入味，蒜香味超濃郁，香氣可口👍🏻- 本地農場沙薑雞用左本地雞，肉質鮮嫩彈牙，爽滑緊實，對雞肉質地好有要求嘅我都覺得佢個口感好好，而且沙薑味中仲淡淡帶有蔥油味！- 者者生菜煲用砂鍋整嘅蝦醬生菜煲係特別香，而且保留到山菜嘅翠綠爽口。- 蝦頭

冰花蛋球聽講呢個傅統點心，已經唔係到到有得賣，而呢到都係限量發售。懷舊煎糯米雞外面煎到脆口, 但口感軟糯，而且材料豐富！頁問包呢個奶黃包成日係ig見到，佢比起一般酒樓既奶黃香滑，而且熱辣辣，流曬心，好滿足。黑椒牛仔骨牛仔骨味濃，好霖而且超入味，令一食完一塊想食另一塊。赤肉燒賣燒賣好大粒，食落啖啖肉。佢既肉好爽口，而且味道鮮味。剩係燒賣已經想再回頭。蝦餃蝦餃真係皮薄餡靚，有好多隻蝦，而且蝦肉爽口，調味又足，好好味！

今日同朋友嚟大圍食呢間米芝蓮中菜6點半餐廳已經坐滿食客，好彩有準備．一早Book定枱。菜式夠特別，有別於一般中菜兩款前菜都特別好食✨勾魂叉呢碟非一般嘅叉燒，係必點菜式店員淋上醬汁，開火槍燒一燒，沾上底層嘅脆米一齊食，好有口感。<愈食愈有米>✨無花果肉排加入新鮮無花果烹調，肉排外層夠脆口，炸粉唔厚，味道酸酸甜甜好開胃。✨腐乳蝦球西蘭花無諗過腐乳配蝦可以咁夾，而且唔會太鹹✨薑米蒜香籠仔蒸蟹飯原隻蟹超鮮甜，蟹肉飽滿，下面嘅炒飯炒得好靚，每粒米飯散開，加入蒜香同薑，成個飯好香✨蒜香無骨魚呢串魚真係要趁熱食，魚肉超嫩滑，骨唔多，炸完都無油膩感✨籠仔甜梅菜蒸菜心菜心食得多，加入甜梅菜蒸，原來可以咁夾✨椰汁馬豆糕滑嘟嘟．椰汁味好香再加多碗超足料嘅滋潤糖水有紅棗．蓮子．雪耳．龍眼肉，為今個晚餐劃上完美嘅句號。朋友都大讚高質又好味

今日約左朋友試呢間米芝蓮茶樓,去到過左lunch time,所以好好彩等左一陣就有位。入到去坐得舒服,夠濶落乾淨衛生,隔板夠高!椒鹽鮮淮山 $58呢個出面未見過,清淡得黎又有d邪惡,但因為係淮山,感覺上冇咁熱氣。奶黃千層糕 中點如果鐘意奶皇一定要試呢個,每層中間都夾滿厚厚奶皇,好足料。煎韭菜粿 小點煎得又香又唔油,睇相見到漲卜卜,就知足料!懷舊咸薄罉 中點睇相都見好多料，煎得香得黎又脆又唔油!鮮筍蝦餃 頂點-4粒 小點-2粒呢到好好有2粒4粒簡,啱晒2個人黎嘆茶,就可以蝦餃燒賣都試到。但我同朋友都好鐘意食蝦餃同燒賣,頂點4粒抵d就叫4粒。蝦餃既蝦好爽而皮夠薄。赤肉燒賣 頂點-4粒 小點-2粒燒賣上面有原粒冬菇,入面既豬肉好咬口。幾百蚊試到米芝蓮,下次一定要帶屋企人黎試下!

今日難得平日放假，梗係帶埋仔仔去孝敬下爸媽同佢地去本區最出名既米芝蓮茶樓飲茶。10:30 開門，去到門口已經人山人海，好彩準時等開門先有位。有學生証仲免茶錢!入到去，防疫做得好好，屏風夠晒高👍值得一讚!甜梅菜义燒腸（特點）呢個夠晒特別，爸爸最鍾意梅菜，呢到又最出名义燒，一定要試。腸粉皮好滑，連我唔like 梅菜都覺得又match wo。懷舊煎糯米雞（特點）呢個煎得外脆內軟,好好味,又係出面少見既!冰花蛋球(沙翁)(小點)懷舊小食出面已經好少地方有,仲同我塊面一樣咁大,上次食過已經好好食,今次叫黎俾阿仔試,唔油又脆又夠多糖,阿仔食到lam lam脷!金銀蛋莧菜餃(小點)食左咁多煎炸野,呢個中和一下,健康d!蒸瑤柱蘿蔔糕(小點)料多到,每啖都係臘腸同食到粗條蘿蔔絲。頁問包(大點)呢個見係新品又叫黎試下,即係流沙奶黃包,睇相都見凍左都係流架!鮮筍蝦餃 赤肉燒賣 (頂點4粒)去到茶樓點可以唔叫蝦餃燒賣,呢到既蝦餃,啖啖蝦,而且蝦肉爽口。燒賣入面既豬肉一d都唔粉,我地忍唔住讚時,阿姐話係新鮮豬肉,唔怪得啦。米芝蓮名不虛傳,期待下次試下晚餐小菜,睇menu好吸引!

今日比朋友叫咗去大圍飲茶，來到門口好多人排隊，朋友話晏啲仲多人，仲話得到米芝蓮推介，走高質中菜廳路線。坐低朋友即介紹必食：第一叉；冰花蛋球（沙翁）；懷舊煎糯米雞；頂湯灌湯餃。佢話呢幾樣出邊酒樓都食唔到😋冰花蛋球$31一上台賣相好靚好大件，店員主動幫剪開4件，入口感覺外脆內鬆軟，比外面的沙翁好食得多，一點都唔油膩，而且特別香口，果然係必叫之選👍🏻👍🏻懷舊煎糯米雞$43第一次食煎嘅糯米雞，成個外皮都煎到脆卜卜，餡料好豐富，糯米軟綿，頂湯灌湯餃$58超超級大隻，餡料十足，湯汁好多又鮮甜，味道十分濃郁，食一隻已經相當飽腹🤪第一叉$158（半份）半肥瘦厚切叉燒有五大嚿，超級Juicy好鬼淋，而且又夠肥美，食到好滿足😄赤肉燒賣、鮮筍蝦餃餐廳最好嘅地方就係可以叫兩粒，真係貴精不貴多。赤肉燒賣大粒圓潤，蝦餃爽甜，外皮晶瑩！餐廳茶位比較貴，不過用上名貴茶葉，$15也是合理！不妨坐多一陣嘆多兩杯茶😗😗

食咗蜜汁叉燒，嗰啲叉燒係厚切嘅！但非常好食尤其是半幾件是半肥瘦!撈埋蜜汁一流~平時吾食飯既我都要叫一碗黎送飯～好似掛住食冇影相～海蜇非常好趙口味道調配幾好.少辣⋯蝦餃同埋魚翅餃皮吾厚，岩岩好~不過下次叫蝦蛟就夠了～睇嚟好忙，因為漏咗單都冇人同我地講/佢話以為有同事同我地講….職員態度都友善，只係有啲失望食唔到 灌湯餃～椰汁馬豆糕鴨腳扎芋頭酥一啲都唔肥膩！炸物非常出色！鮮炸魷魚🦑好味.個皮又薄又脆～冇油益味！此次walk in 等咗兩個鐘～（午市）晚市冇walk in 要一早book 定！佢嗰度有個app可以download但係要佢部機攞咗飛先！個app嗰度攞吾到飛嫁！你可以一路行街一路睇住仲有幾張枱～

If you like traditional canton cuisine, definitely you should try 𝐓𝐚𝐢 𝐖𝐚𝐢 𝐃𝐢𝐧𝐢𝐧𝐠. A hidden gem in Taiwai, which just being classified in the list of #Michelinguide - New Bib Gourmand Selection 2020. Just at walking distance from MTR station and you can find it easily as people always queue up for a seat or take away. #Dimsum is one of my favor to order here, especially for breakfast or lunch time gathering with friends and family. They offer classic 𝕊𝕙𝕣𝕚𝕞𝕡 𝕕𝕦𝕞𝕡𝕝𝕚𝕟𝕘(𝕙𝕒𝕣 𝕘𝕠𝕨), 𝕊𝕦𝕚 𝕞𝕒𝕚, 𝕊𝕥𝕖𝕒𝕞𝕖𝕕 𝔼𝕘