大喜屋日本料理 (已結業)

個幾月前已經約定朋友今日去食大喜屋LUNCH, 基本上食之前的一兩日大家都已經O係FB嗌話好想快D食!! HAHA!!12點鐘拎位已經多過一半FULL. 因為太肚餓的關係,朋友們未到已經嗌左4件壽司.但係…...過左20分鐘....我朋友唻晒…落左第一輪單……..我果D壽司都未到...第一樣野擺入口GE反而係大盤刺身內的三文魚……刺身,仍然OK. 但其實我地都只食會食三文魚、甜蝦、柱貝、北寄貝同埋甜旦.三文魚好厚切,夠肥美,好好食.甜蝦依法大隻,頭有膏! 反而係柱貝好失色,第一輪之後已經冇再叫喇…壽司都幾好,細細舊飯,唔會太飽,不過帆立貝壽司,,應該改名做乾帶子壽司,,其實吉壽都有呢個問題. 而卷物都還可以啦…..沙律好好味!菜好新鮮,配埋芝麻醬就冇得頂!令人煩躁的事就發生喇….. 我地叫的熟食真係等左好耐,,,,, 問題係..你睇住身邊的檯不斷有食物上,但係自己果檯就呆等, 我就未試過食放題食到咁冇癮!!!!!!! 同呀經理講,佢話OKOK,會跟下, 我就話:「你唔好疊單呀..」經理就好似”噠”左著咁立即反駁..哈哈..因為情況的確係咁.我都有有果句講果句….所以經理的反應實在過激!

這間"大喜屋"我同事話好好食,於是相約友人來試下,入到去俾間好似貨倉既地方我哋座,再看看出面D位都唔好得我幾多還有蟹粥好好味,但就咸了少少(冇影到相)

第一次同親戚去食 , 真係環境好 , 食味夠新鮮!刺身叫左好多轉 , 阿妹都叫左好多次甜蝦 , 因為我對蝦有偏見 , so我唔知好唔好食!但係三文魚就真係好好味!!蟹粥真係好好味 , 我都係第一次食(:壽司都有好多款比你選擇 , 好正!!!燒 & 炸物都唔差!因為訂左位就唔洗排隊 , 服務都唔差!~值得一試

近排開始尋找有邊一間放題好食睇左好多食評 發覺大喜屋好似唔錯於是係12/06 打去大喜屋BOOK位 BOOK 15號晚 20:45今晚 20:30 就到達 上到去 第一個感覺已經好差原因唔係環境太細 環境細 其實睇左食評 已經預左感覺差既係 中環呢間大喜屋 根本係冇地方比客人等候我覺得 你係BOOKING果陣 應該同大家講 不要太早到達同埋應該改一改入座方式 例如 可以叫外客人 到達地下大堂時打電話上去登記 再作安排入坐......... 我諗緊 如果係等候入坐果陣有火警...點樣走呢.....入坐亦都出現好大問題 我於20:30 問該店一名職員 可否入場她回答 等一等 要20:45 OK 實質我地都係BOOK 20:45到了20:45 有一位客人問該職員 "我係咪入得去"職員回答: 我地會根據你地BOOKING既次序安排入坐........我好天真 相信佢呢番說話...... 因為呢間放題 當你BOOK完位 到左當日佢會打返比你確認BOONING 而且會比一個BOOKING 號碼你我唔知佢個BOOKING號碼 會唔會分埋唔同人數咁去計但我地係3個人 而有幾班又係3個人 個BOO

訂左位,吾洗等位,但系我覺得地址比較難搵~放題就食過好多間喇今次去食完大喜屋之後覺得其他都麻麻E間野出野食又快,環境又舒服,價錢都算合理仲有個焗蠔都好正但太心急食左冇影相E間野大家都可以試下吾錯選擇

價錢貴過大吉/吉壽，我expect d野食都會好味d，點知食完其實都係差唔多，有少少失望！食左兩round刺身，食左三文魚、油甘魚、帶子、甜蝦、螺片。d帶子一粒粒細得可憐，味道較淡，唔食都得。甜蝦比較可取，唔會好細隻，又夠新鮮。食左個海膽手卷，好少海膽，同埋個紫菜係"淋"既，唔建議食！燒物方面就食左蝦、雞翼、雞軟骨、羊架、牛舌、牛柳粒。蝦比較細隻，味道一般。雞翼一串有兩隻，d皮燒到脆脆地，幾好食。雞軟骨用鹽燒，幾好味，一串有六七粒左右，不過叫第二次時燒到乾憎憎。羊架好大舊，值得讚係拎到黎都好熱辣辣，如果凍左就唔好食。環境比較擠迫，去廁所都唔知點行，所以只係飲一罐汽水，以免要去廁所。服務幾好，d waiter會主動收碟，同埋遞order紙都好快有人收，唔會因為坐得入而無人理。唔知係唔係俾第二張檯既人整蠱，無啦啦黎左碟沙律，個waiter仲要show返張紙係寫住我地檯，但明明唔係我地叫。奉勸大家寫order紙時check清楚你個檯號有冇寫o岩先俾waiter，以免浪費食物！

想食日式放題, 就有好多選擇, 夠竟選擇好評如潮既大喜屋, 還是揀後起之秀既松家呢 ???5月中既時候, 已聽到同事對後者食後既美評, 所以相約其他同事大夥兒一起去試佢既午市定食, 由於未有開食評account , 所以未有評論, 但好肯定後者的服務同環境比前者更勝一籌6 月, 終於有機會, 揀左今日端午節來大喜屋作試點, 寫寫食評,今日12:00 p.m. 到達後就即時落單, 第一round, 3人行每款各叫一片, 試試味道如何樣樣都好食, 唯獨帶子好腥, 三文魚係魚腩位,希靈魚則不愧係大喜屋既推介跟住就叫燒羊鞍, 芝士年糕, 天婦羅, 牛肉烏冬, 燒牛舌, 廣島蠔等, 但極力推介燒羊鞍和焗廣島蠔在這個午市不太多人的公眾假期, 師傅真係好有心機去燒每一樣的食物(其他繁忙時間就唔知), 至於焗廣島蠔雖然蠔好細粒, 但同埋其他配料一起焗則覺十分惹味,至於壽司或卷物就好細件囉美中不足處就係未能打退我嗜甜的心魔, 冇提供雪糕作為用餐的完美句號, 每人只得一粒雪米糍作終結咋

LUNCH做緊PROMO買一送一去到發現原來lucnh本身都要成$200一客好貴哦~夜晚食buffet先係$200一位所以都係食dinner會抵好多點了一客壽司+烏冬 & 魚生飯魚生飯超正,全部都大大件又新鮮我平時唔鐘意食海膽都發覺超好味對海膽改觀原來新鮮海膽係咁好味不過lunch太貴,應該冇乜機會再黎~

滿懷期待去食 係我食咁多次放題最好食三個鐘, 首先嗌sashimi 三文魚係腩位 我覺得幾好 但男朋友就覺得佢切得唔好甜蝦 好大隻 比起其他放題 連埋個蝦頭 可以吮埋佢個頭 good個柱貝就麻麻 冇咩味「章」紅魚幾好 唔係度度放題都有sushi我覺得縵魚卷好好味 而火灸海縵好細條 不過都唔係好差仲有牛油果軟殼蟹卷 如果熱d會更好芥辣八爪魚 好辣 辣到我標曬眼水串燒冬菇一般 雞脾菇就好正 我同男朋友一人一啖 叫左3,4串牛舌 好多黑椒 如果厚d會更好 蝦 麻麻 食甜蝦好過焗蠔 我係咁嗌 男朋友反問我係唔係真係咁好味 我覺得佢上面d洋蔥mix埋沙拉醬好好味 而唔係志在食佢粒蠔頭尾可能嗌過 15隻倒drink 有熱茶 朋友有節制地嗌左佢最愛既啤酒x1 coke zero x1 lemon soda x1我飲左fanta grape x2仲有炒什菜 朋友話好好味 我冇食 但聞到好大陣麻油味本身想嗌蟹粥 但怕一個人食唔曬最後就食西瓜 我地寫左「淨西瓜」0係紙上 一分係三塊 我地好似叫左4轉 我食左2塊 其餘就由男朋友鯨吞了 有三,四塊白白地 其餘都起曬沙 好甜!最後有雪米chi 一人一粒上菜好快

是日7:30入座,,食2 hours 由於book左台,,,所以座位較闊首先我們先點了刺身,,和食,,黑椒牛柳,雞翼,,泰式鳳抓,,蟹粥,,羊安等刺身再encore 3轉海膽手卷得好小海膽但今次無燒鰻魚同帆立背總括食物都幾好食但紫菜較林,,汽水唔凍,,上菜較慢,,最鐘意食芝麻雞翼最特別介紹就係由於當日屋企人生日,,所以特別送每人一舊壽司,,但壽司較鮮味,,同特別好食

本人於2011年4月22日復活節假期一行4人於大喜屋食日本料理放題，由於已訂枱，所以不用等位。那天，我們4人去到，一坐低就點食物，不用等很久食物已到，賣相不錯！首先我們先點了刺身，都幾新鮮，今次本人有影相予各位觀賞，有興趣不妨試試，放題任食3小時，真係好難得！另外有蟹粥，味道尚算可以，如果怕太飽的話，可以點菜紙上填寫自己想吃的份量 (圖為1/2碗份量)，真的會給你想要的份量，這個很好好好好！

四月十三日 (星期三)之前收到大喜屋半價的SMS,所以帶未吃過這店的老公仔來一試順道約了Nick和主席一試看看MENU,有個名為一週年慶祝的特價午餐(當然我的半價SMS不再適用)款式任君選擇真的很吸引,就決定點這個,九十多元有兩個MAIN COURSE,加上飯,湯,前菜和飲品/甜品我點了天婦羅烏冬和什錦刺身老公仔則了揚物盛合和西京燒銀雪魚先來的SALAD用了麻醬,湯呈奶白色,有粉絲等配料,質素與吉壽的差不多什錦刺身包括三文魚,吞拿魚,甜蝦,章紅魚當中的吞拿魚比較腥而三文魚尚算美味,但不及我之前來吃的單點三文魚飯般肥美其他的水準都是一般烏冬先來,彈牙十足不過吃完了烏冬,天婦羅還沒來呢終於來到炸蝦口感一流,外脆而蝦肉鮮嫩!其他的則一般,沒什特出揚物盛合的四款揚物包括芝麻雞翼,吉列蝦,吉列炸蠔和墨魚餅整體都炸得很乾身其中以雞翼和蠔做得較好,味頗鮮墨魚餅和蝦則味道不夠突出只得一小塊,但尚自燒得很香口而且肉質鮮嫩,配上香汁,很惹味但相比起之前在碗屋吃的還有一段距離最後送上甜品-雪米滋幸運的我,兩隻都是芝麻味!Um…以食物質素和份量而論,似乎有點將貨就價既然如此,就再不是"特價"了早知用半價SMS

平素只看不回，但實在不得不為這間店子開設一個帳戶，好好分享一下所見所聞。過往經驗，在香港，光顧日式放題店，第一次落單後，上菜速度蠻快的，只是到了第二次落單以後就不斷拖、張單不翼而飛，例外的只佔少數。也許，這是所謂的「行規」吧﹗不過，這間坐落中環中心地帶、收費比一般放題貴的店子，其質素之「高」，絕對是有過之而無不及。我們一行二十多人。當然，二十多人，要聚在一起是有難度的，坐得擠一點尚可理解，可也不要死塞人進來呀﹗原本我們坐的枱子，勉強算是有一條路走出去上個廁所。但坐不了十分鐘，那些侍應竟然硬生生在這條通道多放一張枱，安排一對情侶入坐。此舉不只把我們背牆而坐的一邊人完全堵死，還把旁邊另一個約十人的團體人監生塞住，我們都要把整張枱移走才能出來。連上廁所的基本權利也給剥奪，簡直匪夷所思﹗退一萬步說，如果貴餐館發生火警，堵在裡頭的人根本連起碼的逃生位置也沒有。請問這是起碼的待客還是宰客之道？回到食物，平心而論，食物質素是不錯的。可這間打正招牌的「日式放題」，竟然,是食雞翼、天婦羅飽的﹗我真的不知道，原來貴價日式放題是不會看數字的。就當我們點得太多，二十個人點三十五塊三文魚，每人才是卑微的一點七五

朋友介紹我話呢間放題很有水準，所以就去試下啦！位置：就真係迫嫁啦！同埋要早d訂位，如果唔係就要坐到出邊就唔方便...三文魚：好新鮮，好好味甜蝦：正，有膏嫁鰻魚：好味，不過食3-4舊就好啦，唔係太漏羊架：幾好味，夠蘇串燒鹽雞翼：幾好味芝麻雞翼：我覺得唔好味其實大部份呢間d野都幾好味，所以值得去食

Just a quick review on this Japanese all-you-can-eat in Central - been here way BEFORE the annual Openrice election began and i did not realize that one of the place i had been to was competing for the price of best Japanese restaurant in town.In Central there are the major three big heads serving all-you-can-eat dinner deals, and sadly they share similarities in their names and thus it is often a fuss telling one from another. But i vaguely remember that I had been to the other two, namely 大吉