大喜家日本料理 (已結業)

想對自己好一點，除了放假會打扮一下外，當然要吃好一點。之前同朋友食放題睇到大喜家個午餐相當吸引～想食好耐，為了去尖沙咀拿東西，就順便食埋～自助沙律吧～非常吸引既沙律吧，有生菜、車厘茄、粟米粒、西蘭花、薯仔、紅椒黃椒切絲，因為菜都有好幾種選擇、沙律醬都有幾種，全部都好新鮮❤️️真係忍唔住食多少少～主菜～鰻魚飯定食$88 （不加一）鰻魚無骨而且很燒得外脆內軟，勁真抵食，有兩件鰻魚～😍醬汁很夠，但又不會太咸～有煎蛋切成條狀，伴飯一流～～而且我個人比較喜歡這個煎蛋條配搭，不會像一般店家用滑蛋有點太膩～這個飯一點都不膩～我一個人都剛剛好吃完～～定食跟著茶碗蒸蛋～都算幾滑，而且用料十足（有蟹柳和冬菇，熱辣辣好好味～附上小碗味增湯，都幾好飲～另外套餐加埋刺身每份加$28～擺得好靚咁上枱～三文魚當然也很新鮮，值得一提劍魚腩新鮮之餘，味道都好好～勁鮮甜～值得推薦！！可能我算幾早到～12點就食午餐，餐廳沒有很忙，所以上菜很有效率～服務唔錯，都會再我一直加茶～～食完一次已經諗緊下次想再試埋其他～😍認真值得推薦既午餐地點～～

某天晚上和好友路過佐敦, 當大家正在頭痛到什麼地方開餐之際, 路過見到大喜家日本料理有個「2人同行1人半價」的優惠, 便即時入內試試。位於佐敦的大喜家放題，交通相當方便, 就在佐敦地鐵站出口對面。店子佔十樓全層，餐廳面積敞大，裝潢簡單企理，地方整潔而檯也擺得不算密，設有散座及卡位。當晚我們是平日7時半到達, 可以任飲任食兩小時。由餐廳店員帶領我們就座, 當然第一時間要看看枱上的一大曡落單紙,個人只會專攻刺身和數款心水食物, 其他的就由好友發板。當然第一時間點選飲品, 飲品方面點了烏龍茶。隨即而來的就是一盤刺身併盤, 底部用碎冰砌成的, 而且款式也不少，有三文魚、帶子、北寄貝、象拔蚌、油甘魚、赤貝等等，當中的帶子新鮮和夠大隻, 肉質厚身, 鮮甜無比; 三文魚刺身肥美而切得厚身, 口感柔軟細膩, 非常鮮味; 其他刺身的水準都唔錯。緊接的便是燒物項目, 點了鹽燒雞中翼, 每隻都炸得外層香脆, 但內裡的雞肉還是嫩滑和肉汁豐富，用了鹽燒的方法去調味, 就令其味道上多了層次起來。再來燒日本有機番薯仔, 外表討好的日本番薯仔, 一串有2粒嘅日本番薯仔, 每粒也非常飽滿, 番薯軟綿粉甜, 值得一試。還

今晚同朋友兩個黎撐台腳，環境出乎意料地舒適。一般放題餐廳都比較狹窄及擠逼，而大喜家地方寬敞、燈光明亮，每台食客都有充足既私人空間，值得一讚。大喜家中央位置設有自助沙律吧、醬料吧及清酒任飲。醬汁除一黎沙律醬、日式醬油等，更有意大利黑醋汁，種類都幾齊。食物種類都算豐富，由刺生、炸物、壽司及湯品等都有供應，睇到人眼花撩亂。魚生唔錯，全部都幾新鮮，尤其帶子特別鮮甜，忍唔住再叫多一碟。呢度既甜蝦都幾有特色，係原隻甜蝦上既。壽司頗精緻，呢款黑松露帶子壽司既松露香味非常濃郁，配合帶子的甜美，值得一試。另外，多款於平常日式料理餐廳有售既壽司都可以係度搵到，好似海膽、芥末八爪魚等都有，味道亦不錯。小食選擇雖然唔算特別多，但勝在樣樣都保持水準！

近來開始熱喇，胃口麻麻，個人特別想食d凍凍地既ya，妹妹有見及此，今日請左姐姐我去食下日本菜，是夜一齊去左佐敦搵食去。沿路跟佢行，去到先知個衰妹原來今晚卜左枱係食放題，二話不說兩個人好快手決定到食乜，眼見點餐紙種類不少，亦準備好同脂肪say hello!我們被安排的位置對正風口位，十分的凍。蟹籽沙律青瓜絲蠻多的，蟹籽爽脆，配沙律醬簡單但不不平凡。 每次放題唔少得，貪佢清爽得黎又有咬口，加上芝麻更是香口，好滋味。胡麻菠菜蟹柳加上胡麻醬在脆身菠菜上，毫不清淡，惹味又健康。推!刺身去放題，刺身必然是回本項目，點了好多三文魚，切得亦幾大塊，亦算肥美。帶子不會切到好薄身，蝦沒有雪味，鮮味不失，但竟未除殼。鮑片軟得來有點嚼頭，雖然不特別，但就好喜歡那種淡淡然的清甜。馬刀貝夠爽口，每次放題都好喜歡點上，特別的口感。有些刺身的切工不是一刀斷，但賣相光澤都ok!壽司花之戀細細舊，唔會太多飯，不會食濟，三文加賣好正無得輸既沙律醬相當美味，忍不住吃不少。鹽燒左口魚裙邊亦是小妹的必叫項目，欣賞熱溶了的脂質，散落左每顆飯粒，而且飯團亦是不太大，吃得份外滿足。燒牛舌質地軟糯，牛味挺大。韓式炒蜆蜆肉飽滿，不太入味，

差不多逢星期三晩也會出外食飯,因為好久沒有食放題,今晩一於挑戰一下自己個胃,上網看見大喜家的放題好像不錯,就來試試。可能因星期三關係不需排隊,去到餐廰坐位幾闊落,出面有沙律吧、清洒、雪糕、飲品等,其中有些種類也不少,大家可以自由去拿。Order紙整齊排放,太約共有12張,目了然十分清楚,食物種類也不少,包括刺身、壽司、卷物、手卷、軍艦、火炙、一品料理、炸物、鐵板、天婦羅、燒物等。首先試試刺身,刺身尚算新鮮而且種類多，例帶子、赤貝和三文魚，賣相平實，但味道口感也不錯,我認帶子、三文魚和象拔蚌刺身較好味。帶子鮮甜嫩滑，而且肉三文魚無鯹味而且厚切,而象拔蚌吃起來彈牙鮮甜。炙燒壽司也出色,放題不食太多壽司，但也要一試,叫了炙燒三文魚、蟹柳等。整體上各款壽司也是不錯的，特別喜歡炙燒三文魚和蟹柳，壽司飯細細件不會易飽肚。天婦羅我很喜歡，推介松葉蟹棒天婦羅、溫室南瓜天婦羅,天婦羅炸粉不會太厚，也不易出油，火喉時間控制得宜,但鹽燒牛舌、日本有機番薯仔、雞中翼等一眾燒物的味不太惹味在調味方面下下心思會更好,但試試也無妨。

莊士倫敦廣場上一向是我的覓食熱點，週六下班累得要命，需要吃點好的來補償一下，日式料理會是不錯的選擇。位於莊士倫敦廣場10樓的大喜家，佔了整層的店面非常寬闊，桌椅數不少，但未知是否附近競爭太大，週六下午人流不算多。以前吃過大喜家的晚市放題，原來午市只提供午市定食，不過有刺身、壽司、飯麵烏冬、咖哩等套餐款式也不少。午市定食還附贈無限任添的自助沙律吧，吃正餐前可以先吃點沙律，健康又清新。芝士年糕 $18另外加點的小食，芝士年糕外脆內軟，糯糯的年糕包著半融芝士又甜又香，兩件有點不夠啦！劍魚腩刺身 +$28點了午市定食可以另加$28追加各式刺身。粉白的劍魚腩盛在玻璃酒杯中上桌感覺高級不少，肉質略爽口的劍魚腩肥美，吃得滿口都是魚脂的甘香味。極上大喜家丼 $148說了要好好補償工作一週的辛勞，於是點了最豐富的極上大喜家丼，定食除了丼飯，還有麵鼓湯、中華沙律和蒸蛋。麵鼓湯、中華沙律較為一般，蒸蛋非常滑溜，裡面還有蟹柳與冬菇，味道不會單調。丼飯上鋪著滿滿的刺身海產不留一絲空隙，有蛋黃、黑松露、海膽、吞拿魚他他、甜蛋和大量三文魚子，灑上蔥花、紫菜，賣相豐富又漂亮。最愛三文魚子的咸脆口感，入口濕潤非常下飯；

興奮，因為終於找到一間值得香港人關注的日本料理餐廳。家人和我也很愛日本料理，雖然試過幾次大喜家的晚市放題，但午市定食卻一試難忘。午市定食還附設午市沙律吧無限任添，吸引到打工仔一族追捧，午飯沒有好的茶餐廳選擇不要緊，還可以選擇價格差不多的日本料理，價錢品質都完全能附合大眾口味。三十八蚊起的定食很吸引，例如有牛肉野菜鍋配白飯、星饅魚丼、什錦天婦羅定食等等。應該看到食品名稱都能流口水了吧？我本身愛好是饅魚，所以我選了饅魚飯，家人們則選了咖哩海鮮定食和刺身定食，它的刺身很新鮮、和外面其他餐廳比較，大喜家的刺身真係無得彈，還有饅魚也很鮮味加上特製饅魚汗鮮味更濃，一試真的難忘，真想每星期也來訪一次，但因著我也是打工仔所以不能成真！！

日式放題成行成市，要殺出一條血路真的不容易，大喜家走的路線是平靚正，訂價是眾多放題店中比較便宜的，平日非繁忙時間更有半價優惠，而且地點超方便，鄰近地鉄站，約三五知己「一帶一路」（即是一個帶一個，一路食一路傾計的意思），是一個不錯的選擇。大喜家提供的食物款式頗多，點餐紙共有12張之多，包括刺身、壽司、卷物、手卷、軍艦、火炙、一品料理、炸物、鐵板、天婦羅、烏冬及燒物等。首先試的當然是刺身。刺身非常新鮮、品種多，大約有十款可以挑選、其中包括了高級品種剌身如帶子、赤貝和象拔蚌，是回本之選。首輪當然樣樣都試，上枱時感覺賣相較一般，但最重要還是好食與否。綜合我和友人的意見，推介帶子、甜蝦、油甘魚和象拔蚌刺身。帶子切得比較薄但鮮甜無比，而且肉質滑溜；甜蝦大隻、有蝦味；油甘魚入口魚味豐富，並且無鯹味；還有象拔蚌，吃起來爽口彈牙有點嚼勁，口感一流。至於其他刺身款式就比較普通，所以第二輪只專攻幾款刺身。第二樣試的就是炙燒壽司。友人叮囑食放題不好食太多壽司，因為飯會容易令人飽肚，所以不敢order所有款，只叫了炙燒三文魚、鰻魚和蟹柳。整體上各款壽司也是不錯的，特別是炙燒三文魚和鰻魚，魚油和香味與壽司飯非常配

第一次食，見餐單都幾正常，點知中伏。刺身尚可，不過蝦要自己剝殻。芥末八爪魚潛艦得幾粒八爪魚，兼無配菜，如茜芹嗰啲。清酒煮蜆同白烚無分別。豬頸肉，雜菜多過肉，而已咬唔入。芝士薯蓉=迷你薯蓉球。地獄豆腐堅係地獄食品，白烚豆腐加少少辣肉碎。再無下次。

佐敦莊士這兒多了不少食店，來吃個日式午膳吧。吉列豬扒定食 滑蛋吉列豬扒放在小型煎板上，令豬扒不會很快涼掉，定食配有一碗飯及蒸蛋。吉列豬扒配有滑蛋，外皮不算厚，滑蛋包圍着，除了夠滑之外，令人意想不到的是豬扒竟然是甜甜的。你甜甜的吉列豬扒、滑蛋及醬汁佐飯，味道不錯。蒸蛋還算夠滑，但是水多了一點，味道淡淡的，還可以一試。壽司定食 鰻魚、帶子、三文魚、海膽、生蝦均有，擺設精美。這兒的壽司不太大件， 不算十分之肥美，但是一口一件又可以完整吃到整件壽司。鰻魚壽司的味道不錯，而且沒有太多骨，長長一條鰻魚，滿足。帶子壽司不肥美，外觀看起來上來比較薄一點，但是味道還不錯。 芝麻雞翼，不算是非常之熱氣的炸雞翼，外皮鬆脆，皮薄餡靚，雞翼內還有一點肉汁，非常好吃。 外邊還有自助沙律，可供食客自己選擇。

我同我一位好姐妹口味極為不同，我食生嘢佢唔食，所以我要食埋佢嗰份先掋番，哈叫好嘢食，食物又未到可以點，打下機又得，出去拎下沙律又得，小食又有三文魚骨，汽水也可以隨便拎，最後我只係試左薯仔沙律，薯仔唔夠淋，小小失望先黎一定係刺身啦甜蝦：有殼，真係扣曬分，但甜度夠，又新鮮，係上品三文魚：肥瘦適中，魚味重帶子：鮮甜，爽滑質地，絕對回到本呀油甘魚：小小腥，但爽身肉質貝類刺身可試小小，味道唔突出友人喜好的肉肉，牛柳粒，肉味略淡，唔算鞋，喊度適中金菇肥生卷也很不錯呀，牛肉肥肥夠，帶點甘香，金菇吸了牛肉汁，鮮味更特出，加上爽爽口感，送飯一流雞翼冇食，友人話，okay呀，肉滑多汁，不過皮唔夠脆炸蝦，新鮮即炸，蝦大大隻，肉爽唔悔，蝦味十足，但淺嚐，因為炸物會好易膩叫左清酒煮硯但冇黎，變左半殼帆立貝，唔係咁like，冇乜味，身肉太淋海膽呀，海膽呀，好靚嘅海膽呀，(食神家燕姐mode)，其實放題有海膽我真係覺得好掋，但手卷我也不能吃得太多，因為有飯丫麻，都食左4件，哈花之戀，欣賞佢冇用cheap沙律醬，因為Lee 點好重要，唔靚嘅醬會影響味道的，而家lee個，味道balance，三文魚新鮮，而且蟹子又脆脆感

I've been coming here for a couple of times as it is very spacious and reasonably priced. Sashimi:The sashimi was great. The shrimp meat was fresh and flavorful, though I feel a bit of trouble to take way the skin and heads which may actually be the reason for its freshness. Other must try includes Salmon, Ark Clam, Hokkaido Scallop, Conch, Matsubugai, Geoduck, Hokkigni, Yellow Tail.  All are smooth and rich.Rolls: Soft-shell crab with AvocadoWith avocado and flying fish roe as its topping, this

曾幾何時係呢頭返過一排工，重臨舊地有點人面全非，唯一不變的係呢頭食店一樣多，搵食冇難度。被安排坐窗口位，由於餐廳位於較高樓層，所以坐窗口位都冇乜被前面建築物遮擋視線。餐桌與餐桌間唔會太逼，值得一讚。經理提我地頭單張刺身order 紙係會比較快，其他就要等一等。果然刺身真係好快到，三文魚一定係必食，尚算肥美，切得厚身，果然冇失望。帶子好鮮甜，不過應該一粒分開左三刀，如果厚身d口感仲正！呢度既刺身新鮮同質素高，象拔蚌、赤貝、深海劍魚腩、油甘魚、仲有日本直送馬刀貝質素真係好高，另一必食既係甜蝦，呢度既甜蝦係有殼的，要自己剝，睇落好似好大隻，但剝完就就好細，不過真係好鮮甜，可以話係我食過咁多間三百蚊樓下放題中最好食既甜蝦。三文魚籽蟹肉青瓜盛，三文魚籽大大粒，少咸，係口腔入面爆開既感覺好爽，芥末八爪魚唔夠芥末，不過紙菜就算擺左一陣都仲keep 到脆！欣賞呢度既海膽手卷，飯既份量相當少，冇咁易飽肚。燒蝦一般，蝦肉會沾殼，肉質唔夠爽。燒雞翼同番薯仔都好食，雞翼皮脆，油份燒走成9成，但肉質一D都唔"鞋"; 番薯仔好甜。牛柳粒好"淋"好入味，食得出牛肉質素高，不過醬汁稍為多左D。韓式炒蜆，D蜆夠大隻，冇

假期前一晚嚟食唔洗等位，埋單$240/人但食物$100都唔值刺身完全唔新鮮，炸物係凍炒蜆無味，天婦羅油到喊唯一期待既蕃薯仔串燒一早就無侍應態度散漫不知所謂，浪費金錢

這放題餐廳與佐敦MTR只是一街之隔，非常就腳。星期二去人客不多，可以話三兩知己風花說月的好選擇。刺身方面有： 三文魚、八爪魚、深海劍魚腩、油甘魚、赤背、北寄貝刺身、北海道帶子、醋鯖魚、象拔蚌、日本直送馬刀貝、鮑魚片、原隻甜蝦。一定要回頭的必定是馬刀貝，原隻甜蝦同北海道帶子，非常新鮮爽甜。 沖繩苦瓜炒蛋，苦瓜味道不會太苦，而且微微甘香，好好味。 胡麻菠菜，健康之選。 鮮味海葡萄沙律，一定要點。味道十分特徵，清淡的海水，不會太鹹，口感十分有趣。 本人認為枝豆的好朋友一定係清酒，兩者簡直是絕配。這裡的清酒仲可以自己任添任飲的。正北海道海膽蟹肉蒸蛋蛋皮海鰻軍艦，卡樂B脆脆蝦卷，有創意而且味道都算配搭。鹽燒牛舌、日本有機番薯仔、雞中翼、燒粟米、燒海蝦，燒物的味道中規中矩，若調味可以更濃更惹味就更完美。　櫻花蝦炸豆腐、吉列廣島蠔、日式芝士年糕、一口芝士，整體芝士味都好香滑，尤其日式芝士年糕非常好味。這裏的天婦羅做得非常出色，海蝦天婦羅，必食推介有松葉蟹棒天婦羅、冬菇天婦羅、青椒天婦羅、溫室南瓜天婦羅、天婦羅不會太油，而且炸粉份量適中，炸得非常好。南瓜同蟹棒更是必食推介。金菇牛肉卷同羊扒都做