大和牛石燒專門店 (已結業)

日本A5和牛肉眼蓋200g（單點$298），嚴選日本宮崎牛和牛，油花紋路分佈均匀，色澤粉嫩，肉質鮮嫩，油脂入口即化，油香味濃。炸雞翼（跟餐$18），口感酥脆，肉質嫩滑，配以番茄醬、芥末醬食用，味道更加豐富。半自助餐（跟餐$0），包括有日本珍珠飯、是日餐湯、野菜沙律、4種醬汁、清水；珍珠米飯口感煙韌；是日餐湯，內有大量洋蔥、蘿蔔、豆腐、菇菌，味道清甜；野菜沙律，口感爽脆，配上胡麻沙拉汁、柚子汁、沙律醬食用，味道更佳；醬汁包括有粉紅玫瑰鹽、味噌汁、原粒黑椒、燒肉汁。可口可樂Plus （跟餐$0），飲落好清爽。

今日睇完show，係九龍灣覓食，行到德寶商場見到呢間日式石燒，路過已經聞到香噴噴，試下先～原來除咗石燒肉之外，仲有burger同小食，正啊～外面有任食嘅沙律菜、白飯同麵豉湯，另外仲有醬汁區，有燒肉汁、芝麻醬等等～叫左一個澳洲M6和牛小排（$318/300g 套餐另加$15)配炸魚塊（+$3)熱辣辣嘅石燒上面放住和牛小排，要幾成熟可以自己決定，燒到最後都仲係好熱，慢慢食都唔驚啲肉會凍左～塊和牛小排好正！肉質勁juicy，入口好重油脂嘅香口，絕對配得起個價錢～套餐跟嘅炸魚塊，入面係好嫩口嘅魚肉，好實淨唔係散哂個種，有口感～另一個套餐我哋叫咗軟殼蟹阿波尾雞蛋堡（套餐$85)自家製嘅漢堡包，大大個即叫即整，有誠意～味道好正，軟殼蟹香脆，配埋半熟狀態嘅雞蛋蕃茄等配料，絕對比得上知名漢堡包店～套餐配埋薯條，美式焗薯條係連埋少少薯皮，焗完之後食落更香口～加配左Sapporo生啤（500ml $36)，正～好有誠意嘅日式石燒店，好抵食，會再幫襯～

鍾意食石燒牛嘅我，「大和牛石燒專門店」絕對係我首選之一😌.美國安格斯牛隔肌 200g🥩牛隔肌厚身，有少少筋位🤏🏻所以食落有咬勁😆肉味突出，燒到粉嫩食就最好味😋仲可以加黑胡椒、岩鹽🧂燒肉汁、柚子醋作調味🖤.三重芝士軟殼蟹阿波尾雞蛋堡🍔size好巨型😍漢堡包煎過下，軟殼蟹大隻香脆🦀而且鮮味仲保留到👍🏻芝士半溶鹹香🧀加上阿波尾雞蛋🍳生菜同蕃茄🥬🍅食落好滿足🤤.炸雞塊🦮略為失色，凍咗少少🥺不過調味同肉質唔差😉另外可以點蕃茄醬同芥末醬🥫.可口可樂Plus🥤食嚿燒肉飲一啖，超爽🤪.自助吧🍴沙律係生菜加紫椰菜💁🏻‍♀️另外可以加沙律醬或芝麻醬🥗湯品入面有菇🍄蔬菜同豆腐🥕勁足料☺️珍珠米煙韌🍚另外有提供飲用水

最近去得寶搵朋友，就決定食呢間石燒牛扒專門店😝 自己之前食過，覺得幾好食，所以就決定再同朋友試試。今次揀咗中價位嘅安格斯牛小排同和牛板腱，仲嗌左一份嘅牛油果和牛漢堡🍔 自助區有麵豉湯、白飯、沙律同各款醬料任添🙆🏻‍♀️牛油果和牛漢堡 (套餐) $68套餐包埋一份小食同飲品，仲有沙律refill, 一個人都好夠食🤤 牛油果份量多，夠晒新鮮creamy🥑 和牛漢堡扒都幾厚，內裡keep到粉嫩色。中間仲有生菜、洋蔥絲同厚切蕃茄，材料夠多，幾豐富😝 另外套餐包咗牛油粟米，牛油粟米一大碗，加埋牛油，又甜又鹹香😙安格斯牛小排 (套餐+$15) $162/200g其實我好欣賞佢哋嘅石燒板非常夠熱，食耐咗都仲好夠熱。牛小排為胸腔左右兩側，食落柔軟，切開時有滲肉汁，唔會好硬或者太乾☺️ 加埋少少岩鹽調味，更加可以帶出肉味🤤 另外仲叫咗炸魚柳做小食，幾脆口美國SRF和牛板腱 $198/200g呢款叫得和牛的確係唔同啲🤭，和牛板腱嘅牛味更濃，油脂感會重啲，質感都係好軟嫩🥩Sapporo Beer +$23

今次已經係我第二次幫襯，上次食完覺得很滿足，性價比高！ 是值得推介嘅小店！石板燒的肉不論是豬、牛、雞的肉質都很不錯吃，特別是雞扒！！！直頭平！靚！正！今次試埋豚肉，也很不錯呢🤤🤤🤤絕對會有第三次🤤👍🏻

今次黎左九龍灣嘅大和牛食lunch。環境乾淨衛生，有自助吧可以攞飯、沙律等。日本A5和牛肉眼蓋100g ($158)總共有七片和牛，脂肪比例好靚，睇佢嘅紋就知道。食落牛味香，口感正，美國焗薯條及汽水（+$15）香脆粗薯條，可以去自助吧攞茄汁或沙律醬點。美國安格斯牛柳200g （$182）大大舊嘅牛柳，超級厚！牛味比肉眼蓋更出，亦做到大大啖肉個種滿足感！三重芝士和豚豬柳阿波尾雞蛋堡($52) 配小食及汽水芝士控一定中意嘅三重芝士，仲有雞蛋係入面，多重口感，重點係價錢極抵食！

喺九龍灣商場呢個舊商場都有間好正嘅石燒牛餐廳。呢間餐廳係半自助形式，我地可以自己出去攞餐具、醬汁、沙律或者白飯架！🥩美國安格斯牛柳200g （$182）呢舊牛柳大大舊，份量真係好多！自己切每一啖嘅份量，放係石上燒到你喜歡嘅熟度，點埋燒汁食，一流！🥩日本A5和牛肉眼蓋100g ($158)A5和牛肉眼蓋一共有七小片，望望佢啲雪花紋就知佢啲脂肪分佈幾靚😍入口唔洗咬幾下就吞得，好值得一試！🍟美國焗薯條及汽水（+$15）連皮嘅粗薯條，都幾香脆。🍔三重芝士和豚豬柳阿波尾雞蛋套餐($52)呢個價錢仲配埋小食同汽水真係平到痴線！芝士多到流出黎，芝士控一定中意！豚豬柳我就覺得有啲啲膩，下次有機會試下其他肉。

今日試吓德寶花園其中一間小店，係食和牛漢堡嘅「雙層芝士和牛漢堡」漢堡包種類好多，我比較喜歡食肉，所以揀咗雙重芝士漢堡，有兩層和牛喎，漢堡扒超級厚，有一隻叉咁厚嘅厚度！我開到個口最大都食唔到，要用刀叉食，好抵！略鹹咗少少但都可以接受。配菜有幾款選擇，揀咗炸雞，都有好多粒「石燒A5和牛」朋友就點左石燒嘅A5和牛，其實佢有唔同嘅級別揀，但係我哋想食好啲，所以就揀咗最貴嘅A5和牛。和牛數目有成十塊，都好多，切到薄薄地一塊，厚度啱啱好，而且舊石非常之舊熱，我燒晒十塊都support到，呢一個燒肉嘅體驗都幾好玩！我哋仲單點左一碟薯條，薯條炸得幾好食，大大份，好抵！總結：無論漢堡包定燒和牛嘅選擇都好多，配菜亦都唔一定係要揀薯條，有好多選擇，係一間份量好大同埋選擇好多嘅餐廳。

珍寶啡菇和牛漢堡本來想試埋豬柳蛋漢堡，但剔錯咗，叫左兩個啡菇和牛漢堡，不過啡菇味道香濃，所以唔洗一人一半分開食都係好事，而和牛大大舊，其實計番價值，套餐都唔洗$100，其實都十分抵食。另外，套餐可以加多其他配菜，順便試下雞翼同炸魚，除左炸得香脆之外，都有落一些調味粉，令味道多一份層次日本A5和牛肉眼蓋這間出名石板燒，當然都唔可以錯過，一叫就叫最貴的A5和牛試試，其實我一直以為係成塊牛扒，原來係已經切好更加方便，而食石板牛的基本配套，白飯、湯、沙律、醬等等都應有盡有，而且忍唔住加多杯啤酒。不過回到主角A5和牛，可以睇到脂肪比例好靚，放上石板煎仲靚，唔需要太耐就可以食，放入口就即時感受到和牛的入口即溶，牛香的味道充滿口，相當滿足。

大和牛石燒專門店 (牛頭角)港鐵九龍灣站 B 出口比較近牛頭角道3號得寶商場地下1 2 3號舖和朋友閒聊，發現了九龍灣得寶商場有平民價錢的和牛漢堡，看到價錢被嚇呆了，平民價錢，質素很高。麵豉湯配料有白蘿蔔、洋蔥，湯底鮮甜不太鹹。沙律菜新鮮爽脆，加了果醋醬汁，很開胃。炸魚柳面層的炸粉超級香脆，魚柳預先醃製，加了香草，味道不錯。炸雞翼又香又脆，解凍處理得好，沒有雪味，雞翼 鹹香為主，雞肉夠滑。珍寶啡菇和牛漢堡頂層的麵包很鬆軟，第二層是珍寶啡菇，菇味濃厚，鮮味十足，啡菇的比例很好，和牛肉的 size 差不多。第三層是芝士，芝士中心被牛肉的熱度溶化了，好match。第四層是超大塊和牛，肉汁豐富，差不多一寸厚。第五層是新鮮蕃茄，好Fresh。第六層是沙律菜，增加口感層次，推薦！日本A5和牛眼蓋大和牛石燒專門店的鎮店菜式，將和牛放在 預熱的石板上烹調，和牛的脂肪比例較高， 不會黐著石板，和牛眼蓋肉質和脂肪的分佈 十分好，香氣撲鼻，建議烹調至七成熟，趁熱吃。餐廳提供黑椒和海鹽，加少少進入另一層次，必食！

石燒牛一向受香港人歡迎，不僅可以食到高質素肉類，價錢亦比較合理。.得寶花園嘅「大和牛」開業一段時間，依然頗受歡迎。.今次揀咗澳洲M6和牛小扒 （$228/200g）。.牛小扒早已放喺石板再上碟，可控制肉類生熟度。.澳洲和牛肥瘦有緻，但比起日本和牛肉味更濃郁，亦冇咁肥膩；和牛同燒肉汁嘅甜味好夾。.自助吧有任食沙律🥗，沙律有生菜及椰菜絲，大大減低咗油膩感。.另外我亦用$15加購咗套餐，美國焗薯條比較粗身，表面香脆乾身，裏頭薯味濃郁，套餐包一飲品，我就揀咗新包裝嘅可樂。

屋企附近呢間石燒牛店，唔止牛肉好食，連漢堡包都好出色，而且選擇仲好多。+$15可以有飲品🥤同小食🍟，🍔軟殼蟹阿波尾雞蛋三重芝士漢堡 套餐價 $85軟殼蟹size好驚人，而且香脆又多汁。雞蛋有脆邊效果。仲有大量鹹香濃郁嘅芝士🧀，同軟殼蟹嘅味道又幾夾。🥩日本A5和牛肉眼蓋 $158/100g大理石紋好靚。油香豐富而且入口即溶。鐵板熱度夠，慢慢燒都唔使換板。套餐可以任食沙律、白飯、湯。沙律🥗菜翠綠新鮮好驚喜！

和牛石燒專門店 最高級由A5和牛到日本雞腿扒都有得食最便宜一款只賣$68,已經包餐湯,白飯,沙律任食,一口價食到飽!更可升級套餐 $15,包飲品和小食一款 (炸雞,牛油粟米,雞翼等小吃)牛肉種類選擇 有A5和牛,美國安格斯,澳洲M6和牛,牛肋條,豚肉,雞腿肉每份由200克起計,最大可選300克,放滿整石燒板今日選擇了澳洲M6和牛小排,店家選用火山石板,特別保溫300克牛扒食到最後都係好夠熱既!煎牛扒時只需少許的鹽便能夠引出澳洲和牛的香濃肉味肉質鮮嫩油花分布漂亮  牛肉汁多且香氣十足 牛味肉濃香個人食法係先將要食既牛肉一條條咁煎,咁就唔會一次過煎到太老食一份,煎一份,未開始食既就放係旁邊碟服務態度好好,會介紹你牛肉有咩特點同優點,唔知食乜好可以問店員整體上食物水準環境都相當出色消費$300大和牛石燒專門店牛頭角牛頭角道3號得寶商場地下123號舖

今日又去食牛鐘意呢度價錢實惠得黎質素穩定有得自己燒掌握生熟度又多選擇叫左個雙重芝士和牛漢堡同澳洲M6和牛小排和牛漢堡超巨型！和牛扒好厚一口根本無可能食得到！和牛扒煎得香口入口唔會太實，鬆化肉汁爆出，成手都係好滋味好正！M6和牛小排有兩大件上枱前大概有3成我地將佢切開再慢慢燒返底面好嫩唔太韌牛味同油脂比例剛好食得太多和牛油脂感重嘅都希望平衡返下食完牛唔夠飽仲可以出去有任食沙律白飯同麵豉湯肉同白飯真係絕配！

今日放左工與好友相約鬆一鬆 一齊食和牛大餐🥰仲有圖可以睇到咩部位介紹🤭坐低就開始慢慢選擇食物~~🍔漢堡款式選擇豐富😋 最後與朋友選擇了大滿足系列的雙層芝士🧀和牛🐂漢堡跟餐$88和牛漢堡每一塊都非常厚身 肉汁飽滿漢堡包厚到我地一口都咬唔曬😊適合開心share$3仲可以轉炸雞塊🐥炸得外脆內嫩 另外 我哋還點工石板燒和牛$298 眼前的日本A5和牛片 雪花非常均勻漂亮脂肪同肉的比例剛剛好與朋友一邊傾計 一邊燒 有得玩又有得食當然唔少得追加我大愛的薯條$18驚喜是我最鍾意的厚切薯條 薯仔控的我超滿足餐廳內還有一個自助沙律吧正所謂白飯任裝！連沙律、麵豉湯都可以！滿足更多人嘅需求👍當然少不了自助調味料區~~基本上所有燒肉的調味料都有臨近中秋的日子食到實在太應景開心！最後我同朋友都非常滿足🥳值得再食過