影片
以上資料只供參考, 請與餐廳確認詳情
食評 (20)
有種相逢恨晚既感覺。第一次食大同好似係中學要考DSE Study leave既時候，個時我個位識食既同學即刻話：「如果對大同唔熟，食常餐都知佢夠勁！」我當時一試就愛上左，之前去影低左啲相，今日同大家Share下。大家從張圖應該都見到佢個常餐有勁多野，有一個兩餸麵（我叫既係沙嗲牛肉同司華力腸），有一份蒜蓉烘多，加多份一份火腿奄列，最後仲有一杯大大杯既凍飲。麵都係普通既公仔麵，無偷工減料，另外仲有啲少少甜既粟米送係側邊，食食下麵會食到粟米，口感唔錯。而沙嗲牛麵當中既沙嗲味濃郁得黎而又無「死醎」既情況出現，依然保有牛肉既鮮味。而最正既都係司華力腸。廚師𠝹司華力腸既方式同我一開始黎既時候唔同左。佢地之前會𠝹得比教少刀，你依佢既痕切開一塊塊食既時候就會啖啖肉，但咁樣做好易令人覺得膩，當飽左既時候食埋佢又唔係，唔食又唔係，Share又唔係。佢依家貼心左，𠝹得幾條痕，自己食切個司華力腸個時就可以一片片咁食，唔會有種膩既感覺，而且又方便同其他人Share。蒜蓉烘多同火腿奄列又係落足料，有時去其他茶餐廳食啲多士搽得個少少牛油或蒜蓉真係不知所謂。大同既烘多又香又脆，其他茶記係依一點真係無得同佢比。而火腿奄列入面啲料都好充足，我自己會切開佢一半，將佢浸一浸湯食，啲料係會多到跌出黎，所以真係好中意大同。可惜真係有啲貴，一個常餐都差唔多40蚊對於學生黎講有偏貴，但如果唔介意既話，去一試真係物超所值。
繼續閱讀
當在下自己一個的時候，走去午飯，會有特別想吃的，如西餐或芋某菜式，有時候也許會不想太花金錢，所以會到一些小店或茶記食飯。就像今天亦不想太花金錢而走去了茶餐廳吃飯算了。雖然大同茶餐廳不是第一次的到來，卻可以花費不多，而且還有一樣東西都想吃的，因此點來。例湯。也許在下甚少喝了，不過偶爾喝一下也無妨。這例湯不是有甚麼的豬骨煲出來的味道，而是有著味精的精華，雖然未至很多，但始終在下也不希望喝到味精湯吧。豉椒肉片河。喜歡豉椒，是因為有著甜椒，豆豉和椒絲做出來的惹味，把這些和肉片河粉一起兜亂來炒，使整碟河粉吃起來更惹味的，肉片的軟腍，河粉的柔糯，雖不是炒得有鑊氣，但至少滿足今天的食食慾。熱奶茶。雖然近期不把糖加進奶茶去，但是卻可以更能喝到順滑的茶，茶的醇厚度也較突出，茶香也可以微微的散發出來。茶餐廳或者猶如快餐店般一樣，上菜快，吃完可以埋單即走，都會有種快閃感覺。
繼續閱讀
早餐都未食就要到葵芳交收，交收完10:00 a.m, 仲黎得切食個早餐。見附近有間大同茶餐廳，便前來試試。早餐款式甚多，最後選擇了雪菜肉絲米線配煎蛋火腿多士。麵線軟硬適中，雪菜肉絲也非常好吃，且份量多，每一囗米線都夾雜着雪菜既香味。至於煎蛋同火腿都係普通茶記貨式，但多士卻令我一吃愛上，厚厚既多士烘得金黃鬆趣，還有一陣陣牛油既香味，的確正啊侍應既服務也很好，有禮貌且出餐快，難怪咁多人幫襯食早餐。下次食早餐又有好去處
繼續閱讀
下午茶餐公司三文治連熱飲 $30麵包烘過但不脆 --- 只是邊稍脆但包肉腍；內餡有一片煎蛋、一片沒有煎過的平價午餐肉、再一片烘麵包、生菜絲、生蕃茄片、芝士片 及火腿片。味道沒有什麼特別, 只是一口嚐到蕃茄的酸加生菜的爽、午餐肉的罐頭凍肉味及芝士的奶味, 各有各味盡在口中。還以為這種價錢的公司三文治是會夾雞肉作餡, 因為夾雞肉才是真正公司三文治的模樣!
繼續閱讀
星期一休假,因為PH我還是要上班….雖然好累不過好想見婆婆,就特地去陪婆婆食午餐…快要90的婆婆行動力弱了,吃飯都是就近她家的茶記….一個星期媽都會陪她吃2次....午飯時間人流多,我先去搵位,老闆一見到我就知我陪婆婆吃飯,盡量為我婆婆安排一些空間大一點容易讓她出入的位置,很感激她吃的不多,一般都是和媽分吃一個餐,是日是白汁火腿雞絲飯$31,有湯有飲品,我吃了一口,味道一般...因為調味不太足夠吧!我點了常餐,厚多士加上火腿奄列,再加碗沙嗲牛肉雞排麵(轉雞排加了$2),凍好立克(凍飲加$2)份量大得很, 厚身蒜蓉多士做得好吃! 火腿奄列正常厚度不過當中的蛋也是軟滑的,不俗!雞排也很大件,煎過浸湯都香口的,不錯! 沙嗲牛肉沒有一味死咸,不過一定有落梳打粉…吃完不會太口渴…….我分了半件雞排給媽,也讓她咬了一口多士,但最後,我也吃不完那個麵…凍好立克沒什麼好評,不過夠大杯!食物也許不是什麼好吃到定要潮拜的茶記,但見到他們對待婆婆的耐心,我還是十分欣賞,要知道,吾家婆婆,也不是容易服侍的…..3個人吃得飽,70有找,可以同婆婆見面傾計,是開心的(雖然大家都唔明大家講咩)PS.上年和爸爸媽媽吃過這店的羊腩煲,做的很不錯,再冷一點,T2,我們來吃吧!
繼續閱讀