大叔拉麵

營業中

休息中

11點一開舖就嚟食，兩個人叫咗兩碗拉麵，一個炸豆腐，一罐可樂。兩個拉麵食到牛， 蠔，豬腩肉。呢度冇得揀拉麵嘅軟硬度，我覺得口感都OK。啲蠔都幾大隻，而且份量唔少，都有好似四五粒。湯底我比較鍾意辣湯底，惹味濃郁啲。最欣賞佢個炸豆腐，雖然等咗好耐，食完個面都未到，但係豆腐炸得好好食，加埋佢啲汁朔埋一齊味道足夠。如果再嚟食一定會encore。走嘅時候有得抽扭蛋拎優惠券，下次來可以有優惠，希望唔好唔見咗張優惠券🤪🤪

呢間拉麵店面細細，內有乾坤‼️除左主打全自家熬製𝟺𝟶+小時湯底，有特別既牛骨湯底之外💁🏻‍♀️內部周圍既日式裝飾令人彷如置身係日式居酒屋入面，風味十足🇯🇵💓咁啱起左拉麵癮，去會一會呢位大叔先😆😆✨晚市經常需要排隊，店外設有少量座位可以坐住等，唔怕企到攰👭👬👫好貼心✨🐖灸燒西班牙黑豚肉和牛骨湯拉麵 $𝟿𝟾首先梗係要試下少見既牛骨湯底🐮一入口個下真係有牛係口入面跑既感覺😂😂牛味好香醇濃郁，幾特別，唔會有油膩感👍🏻灸燒黑豚肉大約有3塊，油脂層厚重，有灸燒過既香味，略嫌肉味唔太出🫣 佢地既溏心蛋係一咬爆漿個種，同行朋友大讚🤪🦪廣島蠔赤地獄湯拉麵 $𝟷𝟸𝟾赤地獄湯底係櫻花蝦辣醬加雞白湯配製而成，但我地都食唔到有蝦味，反而佢個辣度好有驚喜😍個種辣係一入口就衝出黎，會燃燒喉嚨既辣🔥加埋雞白湯既清香，幾過癮❤️‍🔥配料有3粒廣島蠔同埋慢煮雞胸片，雞胸好柔軟、好嫩滑，一啲都唔會鞋👍🏻👍🏻同行朋友成碗連湯清左😂‼️𝙿.𝚂. 食開超硬麵既我就希望可以有得揀麵既軟硬度🥹～～ 整體都值得一試🫶🏻☺️

今日係第二次嚟食lunch, 上次試左限量鹿兒島和牛拉麵🍜，今日試廣島蠔加溫泉蛋，蛋好食😋有啲流心，我喜歡呢個口感；雖然蠔size 細，但好鮮甜，地獄湯唔太辣，但咸左少少。面質好好，但湯底唔係好夠熱。下次會再試同事話好好味嘅白雞湯麵🍜佢話平時都唔飲拉麵湯，呢間係飲哂，我都要試試。但有一樣野要投訴一下，打電話訂位時無話有限時，今日食食下伙計話就夠鐘，我問乜有限時咩？佢話60分鐘，但當時係未夠鐘，而且無人等緊位，但係計吹左我地3次，感覺唔係咁好。

是日思鄉病發作，突然好想食碗熱騰騰嘅日式拉麵，於是便到訪大叔拉麵店主之推介💯💯💯特盛濃厚雞白湯拉麵 $98有溏心蛋、木耳絲、紫菜、雞、叉燒，湯濃郁，拉麵彈牙對於上班族而言，午餐價錢稍微略貴，勝在拉麵質素高，味道可口，一解思鄉之愁☺️

之前成日喺荔枝角D2 place出沒 習慣喺商場入邊搵食 留意到有間拉麵店用插畫<Chubby Ojisan 江大叔>做主題好鬼馬❣️特盛濃厚雞白湯拉麵 $98+ 超特盛(店長推薦) +$30🥢溏心蛋一隻🥢紫菜3片🥢木耳絲🥢麵條添加(130克)全日都無食過嘢超肚餓所以加左超特盛 加$30就有額外四樣嘢真係超抵食 拉麵賣相同幅圖都有啲落差不過好彩湯底無出意外 飲落都真係幾濃 面頭鋪滿炸雞絲 索滿湯浸淋咗之後都唔錯店主推薦用心熬製嘅雞白湯用鮮雞做原材料 熬製期間逼晒啲雞油出嚟 食落相當濃厚但一啲都唔漏 即使係冇加新湯嘅情況下 再浸埋追加拉麵味道依然無變 相當掛湯❣️廣島蠔赤地獄湯拉麵(期間限定) $128+ 鹿兒島和牛(1片) $40朋友嗌咗呢個 因為太肚餓影唔切塊和牛 一淥落個湯度即熟食得油脂分布平均 入口溶化 拉麵湯底無想像中咁辣 微微刺激味蕾同濃濃嘅雞白湯相比 地獄湯更有特色

個logo好得意係D2 place 入面既拉麵小店特盛濃厚雞白湯拉麵一睇平平無奇但入面已經有齊慢煮博多地雞肉同炙燒西班牙黑豚肉份量唔細雞白湯好濃郁 係超濃縮既精華黑豚肉好正 爽口彈牙特登厚切增加囗感上面有對天婦羅脆脆但個人覺得同雞白湯麻麻夾同檯友人叫左超特盛即係係一個麵之上加 30蚊有多四樣配料估唔到每樣都極大份

星期日睇完戲晚上8:00，行行下，見到有拉麵食，價錢好似幾合理，出面見到入面無咩人，於是決定試下。掃安心時，店員提醒，坐bar 枱唔駛搭枱，坐卡位多人嘅時候就要搭枱。好清晰好好明白。入到去見到大概有4個bar位同3張長卡枱無人坐。所以我地揀咗卡位坐。跟住店員話坐卡位就要平排坐，冇得打對面坐。我話當你好多人嘅時候我會轉返平排坐。店員示意唔得，堅持要我哋平排坐。其實時間都是晚上8:00，又咁多吉位，地點又唔旺，點解要咁樣處理？我地最後去左同層另一間食，食完經過再望一望入面，仲有2張長枱是沒有人的。可能而家生意唔難做？無諗過公司政策咁唔彈性。希望公司見到可以改善下。

一個人路過想食個lunch,見到呢間就是但入去,點咗個雞白湯特盛,未試過咁淡口,火炙豚肉又唔夠油香,但醬油蛋係唔錯嘅,食完只係十二點45分左右,店員已經兩次走嚟收我啲嘢,到12點50分走埋嚟同我講話：唔好意思出面好多人等位,叫我埋單,我當時望返張單,落單時間係12點15分,講真我坐低45分鐘都冇,明白而家唔係食緊咩高級料理,但係你畀人坐低飲多啖水多五分鐘都得啩,再講喺出面入座嘅時候又冇同你講限時要幾耐,不知所謂！！！冇下次！

大叔的愛就好多人睇過大叔拉麵你又食過未呢日去 D2 place 睇完戲醫肚就去咗食《大叔拉麵》全店裝潢都充滿日式風格彷彿置身係日本嘅感覺 忍唔住係咁影相打卡 📸我老公就叫咗 特盛濃厚雞白湯拉麵 🐔因為係 店長推薦 點都穩陣結果超出預期 除咗份量夠大之外湯底十分濃厚 雞肉又夠軟身多汁拉麵亦都好煙韌好嚼口點知佢隻大食怪仲追加多碗 🤣🤣🤣鹿兒島和牛紫菜牛骨湯拉麵🐮和牛好入味 同牛骨湯底好夾我自己就叫咗 廣島蠔赤地獄湯拉麵🦪因為我最中意食辣 個湯底都好辣但係辣得黎係好香口回味而唔係麻到無知覺嗰種一個字 讚！ 小食方面就叫咗明太子雞翼雞翼入面包住滿滿嘅明太子多重口感 好豐富日式薯仔沙律 用嚟做開胃前菜同最後銷胃菜 都好合適大板燒餃子 呢個好推薦皮薄餡靚 咬落去肉汁爆多無論伴麵定就咁食都一流💯最正係仲有埋 波子汽水而家好多日式餐廳都唔一定有滿滿童年回憶殺 特盛地湧上心頭 一句講曬 中意食日式拉麵絕對唔可以錯喎質素唔會輸比連鎖式大店平時去日本旅行都係中意搵間好日式嘅細店仔嘆下日本道地味道宜家香港終於都搵得到喇🥳

下午茶時間，我和友人要去茘枝角，突然想食拉麵，就嚟呢間試咗佢地一個拉麵同小食。入到去一坐低已經被周圍嘅牆上裝飾吸引咗店員介紹咗佢哋嘅餐牌特色拉麵。非常友善😊佢哋嘅麵質都幾彈牙，粗幼適中。播流心蛋做得非常好。估唔到連個小食鯖魚真係喜出望外，個汁雖然係簡單但係帶到啲魚嘅鮮味。本身條魚已經好食，加埋個醬汁簡直加分。

我第一次拉面食半碗己經唔想食，要走！第一：裝修未完，勁大陣天拿水味送面，入左去五分鐘己勁頭痛，成晚陣味揮之不去第二：碗面唔好食，追加左和牛同雞肉片，和牛還可以，雞肉片係減肥餐果隻無味白雞肉第三：溫水的拉面，唔係熱辣辣既拉面，衰過donki拉面自己沖第四：食左碗拉面閒閒地18x, 雖然唔介意洗錢，但呢個價錢去食碗比donki拉面差既面，太不值了！！！永久黑名單！想試下化學藥水味溝拉面可以上去感受下！新裝修趕做生意唔怪你！但野食可以整好食d！

Hands down best place for ramen in Hong Kong. It is conveniently located in D2. The decoration is like an izakaya with lots of old school japanese toys. I absolutely loved their seafood based shrimp ramen. It was so flavourful I could basically drink all the soup and ask for seconds. Ramen are always cooked to perfection: not soggy and not overly raw. The chef did mention that all their soup based are made with fresh ingredients and boiled over and over to extract the flavour, hence the soup was

餐牌最貴係限定嘅鹿兒島和牛拉麵$158當日假期嚟 中午已賣晒坐吧台位 張凳有少少高 坐得唔舒服用qr code 落單無得俾你揀口味即係濃淡軟硬等等枱面亦無芝麻芽菜等等配料扣分揀咗特盛和牛骨湯拉麵$108飲湯覺得有啲酸酸地牛骨湯亦係第一次配拉麵唔通係酸嘅？同埋特盛濃厚雞白湯拉麵$98個湯都係有啲酸酸地兩碗麵包括咗：叉燒一塊 幾好味 偏肥 炙燒過雞肉兩塊 唔係話難食 起碼唔乾唔鞋口但覺得真係唔match 寧願要多塊叉燒溏心蛋一隻同埋木耳同炸京蔥絲嘅分別好彩個限定賣晒😅收加一

之前聽人講呢間拉麵店算係比較新開成日都排長龍所以呢日同屋企人嚟試吓首先環境嚟講係讚嘅因為裝飾都好有心思 大叔主題夠特別 吸引到客人眼光 有唔少Figures/圖畫/公仔放牆邊 整體感覺都好有日本地道嘅拉麵店feel不過可惜食物不似預期炙燒西班牙黑豚肉雞白湯拉麵 ＄88首先豚肉對我來講實在太油膩啦呢一點印象分大大扣減雖然讚嘅係灸燒呢部份做得唔錯 好香口但10分可惜豚肉對我嚟講實在太肥啦3塊灸燒豚肉 其中一塊仲要超薄超肥 我諗得¼係肉 其餘兩塊就冇呢塊咁過分 （以下呢塊先叫正常）可能本身我口味係唔鍾意肥豬肉所以唔好意思呢款豚肉我真係唔太識欣賞另外湯底食落嗰刻係幾有濃郁 但雞白湯味精感覺重返到屋企嘅時候就開始要狂飲水好耐未試過食完拉麵之後口乾成咁🥲🥲🥲所以呢part需要扣分但值得加分係員工嘅態度我有將豚肉呢方面向員工反映員工都即時同廚師溝通最後都不停同我哋講唔好意思&換過兩塊冇咁肥嘅炙燒豚肉俾我 表示每個批次嘅豚肉來貨都有唔同 質素有少少參差 所以先有肥瘦差別廣島蠔赤地獄湯拉麵 ＄128相對起呢款拉麵就正常好多😃朋友表示呢隻湯底辣得過癮好香口☺️☺️雞肉薄而不鞋 頗大片 廣島蠔正常size 蠔味

颳風雨天獨自吃拉麵有種"孤獨的美食家"的感覺雞肉雞白湯拉麵湯底也是主要用雞肉　加點豬骨去煮喝起來會比較鮮甜和順　雞味也足夠麵條也偏細　有點小硬雞肉應該偏雞胸肉部位　比較乾柴點不過溏心蛋真的很贊　甜甜的蛋白味　蛋香濃郁京蔥和筍也爽口餐廳環境很舒服　昏暗的燈光坐在吧檯上　能看到廚房的情況是我最喜歡的位置