大利清湯腩 (已結業)

筲箕灣狂吃之You can't stop me 1/5這家餐廳給我的印象︰(1)你進店，老闆娘還一臉得罪她的樣子(2)你要的東西沒有，老闆娘的態度好不耐煩台灣餐廳給我的印象︰(1)你進店，老闆娘熱烈歡迎您(2)你要的東西沒有，老闆娘諸般抱歉雖說是六人進店叫三碗分享，但當時已傍晚5時許，店內只得小貓一隻半隻，還有我們六人來都說「柯哩吉帝」／「埋齋」了吧。兩個腩河、一個筋腩河、一份籮白這些清湯腩店，嚐嚐其牛腩就足見其成與敗吧，瘦的地方其實還算挺瘦，但卻沒有令我「腩痴滿牙，腩攝牙縫」，倒也算是新奇，這麽瘦的腩肉都吃不太痴牙。肥的部分都挺爽脆，牛味更濃。河粉其實算多，亦完整，絕不像$15雲吞河那樣－短小濕碎。惟以腩論腩，光是葵芳的潮桂園已經輕易擊敗這兒了。可惜辣椒油不夠香，只是很普通的辣椒油。籮白算軟淋沒渣，但喝一口籮白底下的湯汁，微甜卻略帶酸，酸酸的感覺怪異。剛好$100，100週內不會再來。

小伙子轉眼已完成中學的學業，這天我放假，他想我陪他去買衣衫鞋履，因為他將要赴謝師宴。在太古城中心和附近商場選購一番後，到了中午十二時，還是趁機會先吃午餐，以避開下午一時的人潮，我們來到這條橫街，想吃牛腩，遂入了這間大利清湯腩，選了一個窄窄的二人檯。除牛腩粉外，喜見還有牛腩飯兩款，父子倆都是飯桶，清湯牛腩飯和咖喱牛腩飯，每人一款試試，兒子的清湯腩用方形碗盛著，一塊塊整齊排列，心想這麼大碗牛腩，真抵！殊不知牛腩只是放面的，在底的都是蘿蔔，牛腩帶點肥，烚得很入味，都是加點蔥蒜同烚之味，清甜可口，牛腩很腍，軟滑有油膏香，蘿蔔則一般。而我的咖喱牛腩不是清湯腩般一片片，可能是用咖喱汁炆的原故，放得較凌亂，中間有一、兩件薯仔，咖喱味道不算辣，小伙子很喜歡，牛腩亦夠肥美腍滑，另上的清湯是牛肉湯，清甜好味。兩款牛腩都有水準，送飯一流，父子倆都吃得開心。

想不到鰂魚涌也會有間隱世的街坊牛腩店呢！ 是茶餐廳的格局，沒有特別喜歡，而且衛生情況也沒有特別理想，但清湯腩的水準確是很不錯，點的是清湯腩飯，清湯腩跟飯是分開上的，牛腩分量不少，墊底的是大件不規則的蘿蔔。牛腩是依偎着一小件肥肉的，為健康着想，姑且只吃牛腩吧。毫不鞋口，肉質豐腴，而且滿有肉香。嘗一口蘿蔔，沒甚麼苦澀味道，而且沒有一絲絲白色的幼筋，當然比不上名人坊的出品，但其實也算不錯。牛腩和蘿蔔於此區中能有此水準，已是驚喜以外。消費: $40

不知不覺間, 巴士總站旁的食肆換下換下, 越換越有份量, 由從前從未係呢條街食過野, 到現在間唔中都會想起去搵食...其中一間吸引我去的,是大利清湯腩...餐廳外環境頗雜亂, 餐廳內是茶餐廳的那種只要有空位便會塞滿東西的環境...凍豆漿 -- 豆味不濃, 但甜度極高, 口感順...腩汁蘿蔔 -- 蘿蔔入味, 但有渣...清湯牛腩湯米粉 -- 清湯牛腩肥廋適中, 入口很軟腍, 清湯入味, 牛味香濃, 米粉滑一點會更好...清湯牛腩撈幼麵 -- 清湯牛腩配撈麵略淡, 可能配白飯會更好, 麵身有咬口, 梘水味不重...價錢略貴, 因環境不佳及食物份量略少... 吃了也不飽...

師傅都有好一陣子冇寫呢個環頭嘅食店, 皆因都寫到冇咩好寫, 一條友來來去去都係嗰幾間冇咩質素但價錢貴貴嘅茶記, 師傅去只為了解決生理需要, 而絕非欣賞! 於是上星期就一條友搵野食, 由於唔太肚餓又唔知想食咩, 行到呢頭附近見冇咩選擇, 就揀左呢間食店作馮為當日嘅午餐!仍記得年幾前試過呢間食店嘅清湯牛腩麵, 感覺就普普通通; 是次再黎當然唔會再揀牛腩麵啦, 於是坐底慢慢睇, 睇左好耐都係冇咩感動位, 有少少失落之際, 忽然比師傅瞄到有雙丸, 覺得好難得, 於是就即刻落單柯打左一碗雙丸米黎醫肚!點解師傅覺得咁難得, 皆因而家好多食店都已經將雙丸呢一項變為雙拼, 本應係單拼嘅份量同價錢就實收雙拼價, 師傅當然不滿意呢個風氣, 所以亦冇食過雙丸好耐了! 等左一陣雙丸米就放左喺師傅面前, 講真賣相真的一般, 唔多吸引, 一眼望埋去三粒牛丸兩粒魚蛋, 米粉仲屬於粗線條的, 師傅真係唔太鍾意! 點都好, 放左落黎就試下佢, 於是第一時間就下個湯底, 湯底都幾清甜, 味道不錯; 再試下牛丸, 牛丸咬落去都幾爽口, 冇渣, 可惜係唔香, 少少牛肉味都食唔出, 師傅都有懷疑過呢幾粒係唔係牛丸; 至於魚蛋就

第三次黎la, 估唔到鰂魚涌都有大利!午市客人多到爆, 好左兩口子外賣番屋企食, 天氣熱到死既時候, 等5分鐘都好辛苦...叫左個咖哩牛腩飯 ($38+1)浮面既紅油似乎好多, 不過個汁真係令人垂涎三尺, 好惹味!咖哩夠香, 少少辣又唔會過咸牛腩取位普通 (冇特別order)半肥瘦...不過係肥肉+瘦肉...不過炆得好稔好入味仲有兩塊薯仔, 極品!湯都係加左味精..."大大盒飯, 夠食兩餐lu, hahaha~為左個汁, I will be back!

$26。清湯牛腩河。牛腩肉嫩，啖啖絲絲肉，不會太肥，吃起又不會痴牙，幾好！河粉不算很滑，但湯底十分味美，好像在喝瘦肉湯一般份量ok，還不錯還有不少蔥花，正

某次經過這裡，看到有蘇絲黃的相貼在門口，已經有點想試。這次襯天氣涼涼地，就在這裡食午餐~金錢肚牛腩雙拼湯河$28 - 清湯鹹淡適中，金錢肚林中帶爽，牛腩就最正，林而且入味！咖喱牛腩撈河粉$38 - 咖喱汁很香很好味，不過牛腩和薯仔不太入味，牛腩也不夠林。比較起來，清湯腩應該是最好食的了，看著店名來落order就對了！

成日經過都想食呢間, 門口睇落幾企理, 仲有阿蘇張相, 今日lunch終於試下.因為我地十二點一個字左右, 所以唔洗等位(食完走時已經要等位)叫咗以下食物清湯腩飯 - 飯同腩分開上, 一個飯碗裝滿5,6舊腩. 係好足料, 不過發覺原來見到咁多肉都幾得人驚.咖哩腩飯 - 賣相好OK, 食嗰個人都話OK筋腩河 - 河粉質地幾彈口, 不過好多油, 連條菜都冇. 啲筋有啲唔係好林料又真係好多, 不過食得太多肉太滯, 如果唔鍾意啖啖肉嘅人, 就唔好試.另外啲味精都幾勁, 食完好口渴

師傅最近喺呢個環頭都好似搵唔到食咁, 理由是冇咩特別好味嘅食物, 加上本區嘅午膳價錢指數偏高, 而價錢高質素卻未必高, 所以每次開餐都要以睇住條數為先; 是日又為午餐諗爆頭, 無意間醒起呢間食店最近新開張, 見未黎過就入去食返餐!其實師傅都唔係好知呢間食店同灣仔嗰幾間有冇唔同, 如果相同其實都有少少搏, 皆因灣仔嘅感覺不是甚好! 入到食店, 地方唔算大, 一坐底當然睇下有咩食啦, 嘩! 咖哩牛腩飯都賣成三十八蚊, 似乎貴左d喎, 咁嘅價錢食咖哩, 師傅倒不如去搵咖哩大王啦; 於是就放棄飯類, 轉戰麵食, 最後師傅柯打左清湯牛腩麵一碗就算喇!等左一陣, 清湯牛腩麵就登場, 師傅二話不說, 第一時間就試下個湯底, 第一啖入口湯底十分之清, 但唔係清淡, 而係清甜, 味道不錯, 師傅一口氣都飲左五六匙, 飲完清湯後, 師傅立即食慾大增, 於是就即刻試下個麵底; 麵底係普通生麵, 一放入口麵身非常爽口彈牙, 而且一d都唔硬身, 咬口真的不錯, 可惜仍然有鹼水味, 雖然份量唔多, 但如果冇埋就更加好; 而牛腩就有幾件, 感覺似碎腩多d, 牛腩係屬於半肥瘦, 牛腩都算幾鬆, 但瘦的部份始終比較鞋口

呢間麵店新開張，把亞蘇幅相大大張貼在門口玻璃左右兩旁作為招徠。亞仔話佢以前喺灣仔返學時，間中都會和同學去大利清湯腩食午飯，不過啲價錢就一年比一年貴，好似啲清湯牛腩飯咁，由初初食嗰時嘅三十幾加到而家接近四十元。公司同事一家人喺母親節當晚就曾去過鰂魚涌呢間新店，回來後說無論食物質素以至服務態度都大有問題。我同老公唔識死，今晚決定嚟幫襯。金錢肚牛腩雙併幼麵 ($28) -- 金錢肚幾爽，牛腩反而有些少韌，其實食牛腩唔可以食全瘦，太瘦就會有嚡口感覺，幼麵還可以，沒有鹼水味牛筋伊麵 ($28) -- 牛筋反而有驚喜，夠入味，腍得嚟又滑嘟嘟，入口即溶，我就覺得好食過牛腩喇，反而老公話稍嫌過腍，至於伊麵都算唔錯，煙煙韌韌咁腩汁蘿蔔 ($10) -- 蘿蔔好腍又無渣，不過唔夠華姐的清甜，腩汁味道亦唔夠濃，一般喇清湯牛腩飯 ($38) (外賣另加$1) -- 外帶給兒子的飯，牛腩份量頗多，我數過有 7 大舊，不過肉質亦嫌唔夠滑，幾嚡口吓，味道就普普通通，同出面一般麵店出品分別唔大，牛腩炆得唔算好入味，反而個湯算幾清甜整體來說，食物質素一般，反而服務不錯，店面一位亞叔見我拍照，仲走過嚟問我影得靚唔靚，臨走