影片
更多
2011-09-27
157 瀏覽
師傅都有好一陣子冇寫呢個環頭嘅食店, 皆因都寫到冇咩好寫, 一條友來來去去都係嗰幾間冇咩質素但價錢貴貴嘅茶記, 師傅去只為了解決生理需要, 而絕非欣賞! 於是上星期就一條友搵野食, 由於唔太肚餓又唔知想食咩, 行到呢頭附近見冇咩選擇, 就揀左呢間食店作馮為當日嘅午餐!仍記得年幾前試過呢間食店嘅清湯牛腩麵, 感覺就普普通通; 是次再黎當然唔會再揀牛腩麵啦, 於是坐底慢慢睇, 睇左好耐都係冇咩感動位, 有少少失落之際, 忽然比師傅瞄到有雙丸, 覺得好難得, 於是就即刻落單柯打左一碗雙丸米黎醫肚!點解師傅覺得咁難得, 皆因而家好多食店都已經將雙丸呢一項變為雙拼, 本應係單拼嘅份量同價錢就實收雙拼價, 師傅當然不滿意呢個風氣, 所以亦冇食過雙丸好耐了! 等左一陣雙丸米就放左喺師傅面前, 講真賣相真的一般, 唔多吸引, 一眼望埋去三粒牛丸兩粒魚蛋, 米粉仲屬於粗線條的, 師傅真係唔太鍾意! 點都好, 放左落黎就試下佢, 於是第一時間就下個湯底, 湯底都幾清甜, 味道不錯; 再試下牛丸, 牛丸咬落去都幾爽口, 冇渣, 可惜係唔香, 少少牛肉味都食唔出, 師傅都有懷疑過呢幾粒係唔係牛丸; 至於魚蛋就
仍記得年幾前試過呢間食店嘅清湯牛腩麵, 感覺就普普通通; 是次再黎當然唔會再揀牛腩麵啦, 於是坐底慢慢睇, 睇左好耐都係冇咩感動位, 有少少失落之際, 忽然比師傅瞄到有雙丸, 覺得好難得, 於是就即刻落單柯打左一碗雙丸米黎醫肚!
點解師傅覺得咁難得, 皆因而家好多食店都已經將雙丸呢一項變為雙拼, 本應係單拼嘅份量同價錢就實收雙拼價, 師傅當然不滿意呢個風氣, 所以亦冇食過雙丸好耐了! 等左一陣雙丸米就放左喺師傅面前, 講真賣相真的一般, 唔多吸引, 一眼望埋去三粒牛丸兩粒魚蛋, 米粉仲屬於粗線條的, 師傅真係唔太鍾意!
點都好, 放左落黎就試下佢, 於是第一時間就下個湯底, 湯底都幾清甜, 味道不錯; 再試下牛丸, 牛丸咬落去都幾爽口, 冇渣, 可惜係唔香, 少少牛肉味都食唔出, 師傅都有懷疑過呢幾粒係唔係牛丸; 至於魚蛋就夠爽口彈牙, 入口亦唔覺有碎骨, 師傅相對欣賞魚蛋多過牛丸! 最後係米粉, 米粉入口感覺比較硬, 未知係煮得唔夠時間定係米粉
粗線條的關係, 一般!
總括黎講呢碗雙丸米嘅質素普通, 唯一令師傅興奮就因為佢係雙丸米; 環境清潔, 價錢接受到, 廿二蚊一碗粉, 冇飲品; 不過服務態度就麻麻, 最差嗰位一定係收銀, 全程冇笑容冇多謝, 看來嗰位可能係食店裡最大嘅一位, 不過師傅就覺得佢擺款囉, 家下廿幾蚊唔係錢咩?
今時今日咁嘅服務態度係唔得架喇, 就算師傅去食十蚊碗的都會講句多謝啦, 如果你呢間食店唔係開喺呢區, 而係喺旺角區, 師傅敢寫包單一定做唔長! 呢間食店令師傅唯一欣慰就係有雙丸呢一項選擇, 雙丸河單拼價確實令人感動, 再遇雙丸亦令師傅不自覺地哼出一句歌詞, 來表達當下嘅感覺, "再度重遇你, 可喜也可悲......"! 所以笑臉係比唔到, 再黎機會亦不大!
張貼
